ᔨᕆᒤᐊᐅᑉ ᐊᒡᓚᖏᑦ 39:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑲᐅᓪᑎᐊᒥᐅᓪᓕ ᐅᓇᑕᕐᑐᒃᓴᖁᑎᖏᑕ ᒪᓕᒃᑲᒥᑦᔪᒃ ᔨᑎᑬᐊ ᐊᖑᕚᑦ ᔨᕆᑰᑉ ᓇᑎᕐᓈᖑᓂᖓᓂ, ᑎᒍᒐᒥᑦᔪᒡᓗ ᐋᑉᐹᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᕆᑉᓚᒦᑎᓪᓗᒍ ᕼᐊᒫᑎᐅᑉ ᓄᓇᖓᓂ ᔨᑎᑬᐊᓗ ᑐᖁᑕᒃᓴᐅᖁᕚᑦ.

ᔨᕆᒤᐊᐅᑉ ᐊᒡᓚᖏᑦ 39:5 Iomraidhean Croise

ᓴᒧᐃᓕ ᐂᑉᐸᖏᑦ 8:9

ᐊᖓᔪᖅᑳᕐᔪᐊᕐᓕ ᑐᐃ ᕼᐊᒫᑎᒥᐅᑕᖅ ᑐᓴᕋᒥ ᑍᕕᑎᐅᑉ ᓵᓚᖃᕐᓂᖓᓂᒃ ᕼᐊᑕᑎᔨᕆᐅᑉ ᐅᓇᑕᕐᑐᒃᓴᖁᑎᓕᒫᖏᓐᓂᒃ.

ᐊᑕᓃᑦ ᐂᑉᐸᖏᑦ 17:24

ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓄᓇᖁᑎᒥᓂᑦ ᐹᐱᓘᓂᒥᐅᑦ, ᑰᓴᕼᐊᒥᐅᑦ, ᐊᕙᒥᐅᑦ, ᕼᐊᒫᑎᒥᐅᑦ, ᓯᑉᕼᐊᕋᕔᓐᒥᐅᓪᓗ ᓄᓇᑖᕐᑎᑉᐰᑦ ᓴᒥᐊᕆᐊᒥ ᐃᓴᕆᐊᓕᒥᐅᑦ ᐊᐅᓪᓚᕈᑎᓚᐅᕐᑕᓂ ᑖᒃᑯᓄᖓ ᐃᓇᖏᕐᑕᐅᑎᓪᓗᓂᒋᑦ ᓄᓇᖁᑎᑖᕐᑐᕐᑎᑉᐰᑦ ᓄᓇᒋᓂᐊᓕᕐᓗᒋᑦ.

ᐊᑕᓃᑦ ᐂᑉᐸᖏᑦ 23:33

ᐰᕉᑉ ᓂᑰᑉ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᕐᓵᕐᑑᔭᓄᑦ ᐊᑦᑐᖏᕐᓱᐊᕆᓚᐅᕐᐹ ᓄᓇᓕᖕᓂ ᕆᑉᓚᒥ ᕼᐊᒫᑎᐅᑉ ᓄᓇᓕᒃᑕᖏᑕ ᐃᓚᖓᓂ. ᔨᕉᓴᓕᒥ ᐊᐅᓚᑦᓯᖁᓇᒍ, ᔫᑕᒥᐅᓪᓗ ᐊᑭᓕᕐᑐᒐᒃᓴᓕᐅᕐᐰᑦ 7,500ᓂᒃ ᓯᐅᓪᕕᕆᓂᒃ, 75ᓂᒃ ᐅᖁᒤᓐᓂᖃᕐᑐᓂᒃ ᒎᓗᓂᒃ.

ᐊᑕᓃᑦ ᐂᑉᐸᖏᑦ 25:6

ᔨᑎᑬᐊ ᐋᑕᐅᕗᖅ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓄᑦ ᓂᐱᑯᓁᓴᒧᑦ, ᑖᓐᓇ ᐃᒡᓗᒐᓴᖕᓃᑉᐳᖅ ᕆᑉᓚᒥᒃ ᐊᑎᖃᕐᑐᓂ, ᑕᕝᕙᓂ ᓂᐱᑯᓁᓴᐅᑉ ᐃᖅᑲᕐᑐᕐᐹ ᓱᒋᐊᕋᒃᓴᕈᕐᑎᓪᓗᒍ.

ᑯᕉᓂᑲ ᐂᑉᐸᖏᑦ 33:11

ᑍᒤᒻᒪ ᐊᑕᓂᐅᑉ ᐱᔭᐅᑎᓚᐅᕐᐰᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐅᓇᑕᕐᑎᖏᓐᓄᑦ, ᑖᒃᑯᐊ ᒫᓇᓯᒥᒃ ᑎᒍᓯᕗᑦ ᓴᕕᕋᔭᖕᓄᓪᓗ ᓂᒃᓯᒃᓯᒪᓪᓗᒍ ᐊᕐᓵᕐᑑᔭᓄᑦ ᑲᓐᓄᔭᓄᑦ ᕿᓚᒃᓱᕐᐹᑦ ᐊᐅᓪᓚᐅᑎᓪᓗᒍᓗ ᐹᐱᓘᓂᒧᑦ.

ᐂᓮᐊᓯᐅᑉ ᐊᒡᓚᖏᑦ 22:3

ᐊᖓᔪᖅᑳᓯ ᑲᑎᓐᖓᓪᓗᑎᒃ ᕿᒫᓯᒪᕗᑦ, ᐱᑎᒃᓯᓕᔭᖏᑦᑐᓄᓪᓗ ᑎᒍᔭᐅᓯᒪᓪᓗᑎᒃ, ᐃᓘᓐᓇᑎᒃ ᓇᓂᔭᐅᓪᓗᑎᒃ ᑎᒍᔭᐅᓚᐅᕐᐳᑦ, ᐅᖓᓯᒃᑐᒧᑦ ᕿᒫᓯᒪᒐᓗᐊᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 21:7

ᑕᒪᓐᓇᓗ ᐊᓂᒍᕐᒪᑦ, ᐊᑕᓂᖅ ᐅᖃᕐᐳᖅ, ᔨᑎᑬᐊ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᖓᔪᖅᑳᖁᑎᖏᓪᓗ, ᐃᓄᐃᓪᓗ ᑐᖁᕋᕐᓇᕐᑐᒧᑦ ᐱᔭᐅᓂᐊᓐᖏᓚᑦ ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ ᐹᐱᓘᓂᒥᐅᓪᓘᓐᓃᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᑖᒃᑯᐊ ᐊᒥᐊᒃᑰᔪᑦ ᑐᖁᑕᐅᑎᓐᓂᐊᕐᐰᑦ ᓇᒡᓕᒋᖏᓪᓗᒋᑦ ᐃᓚᑦᓱᒋᖏᓪᓗᒋᓪᓘᓐᓃᑦ.’

ᔨᕆᒤᐊᐅᑉ ᐊᒡᓚᖏᑦ 24:8

“ᐊᑕᓂᕐᓕ ᐅᖃᕐᐳᖅ: ᐃᕕᒐᕐᒦᑦᑐᓪᓕ ᐱᒋᓖᑦ ᐱᐅᔪᓐᓃᕐᓯᒪᔪᑦ ᐱᐅᓐᖏᓗᐊᒧᑦ ᓂᕆᔭᒃᓴᐅᔪᓐᓃᕐᑐᑦ, ᐊᑦᔨᖃᕐᐳᑦ ᔫᑕᐅᑉ ᐊᖓᔪᖅᑳᕐᔪᐊᖓᓂᒃ ᔨᑎᑬᐊᒥᒃ, ᐊᖓᔪᖅᑳᖁᑎᖏᓐᓂᒃ ᐊᒥᐊᒃᑰᔪᓂᒡᓗ ᓄᓇᒥ ᔨᕉᓴᓕᒦᖏᓐᓇᕐᑐᓂᒃ, ᐄᑦᔨᑉᑎᒦᖏᓐᓇᕐᑐᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 38:18

ᐃᓕᖕᓂᒃ ᑐᓂᑦᔪᑎᒋᓂᐊᖏᒃᑯᕕᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᓇᑕᕐᑎᖁᑎᖏᓐᓄᑦ ᑖᒃᑯᐊ ᐃᒡᓗᒐᓴᒡᔪᐊᑦ ᐱᔭᐅᓂᐊᕐᐳᑦ ᑲᐅᓪᑎᐊᒥᐅᓄᑦ ᐃᑯᐊᓪᓚᒃᑎᑕᐅᓗᑎᒡᓗ ᐊᓐᓇᒡᕕᒃᓴᖃᕐᓂᐊᓐᖏᓚᑎᓪᓗ.”

ᔨᕆᒤᐊᐅᑉ ᐊᒡᓚᖏᑦ 38:23

“ᐊᕐᓁᑦ ᕿᑐᕐᖓᖏᓪᓗ ᐱᔭᐅᔪᒫᕐᐳᑦᑕᐅᖅ ᑲᐅᓪᑎᐊᒥᐅᓄᑦ, ᐃᕝᕕᓪᓗ ᐊᓐᓇᒡᕕᒃᓴᖃᕐᓂᐊᓐᖏᓚᑎᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑎᒍᔭᐅᔪᒫᕐᐳᑎᑦ, ᐃᒡᓗᒐᓴᒡᔪᐊᖁᑎᑎᓪᓗ ᐃᑯᐊᓪᓚᒃᑎᑕᐅᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 4:12

ᐊᓄᕆᑦᑕᐅᖅ ᑕᒪᑐᒪᓐᖓᑦ ᓴᓐᖏᓂᕐᓴᐅᔪᖅ ᐊᑕᓂᕐᒥᑦ ᐱᔪᒫᕐᒪᑦ! ᐃᖅᑲᕐᑐᐃᓂᖓ ᑐᑭᓯᑦᔪᑕᐅᔪᒃᓴᐅᕗᖅ ᐃᓄᖁᑎᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 44:30

ᐃᒫᒃ ᐊᑕᓂᖅ ᐅᖃᕐᐳᖅ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᕼᐅᐳᕋ, ᐱᔭᐅᑎᑦᓱᒫᕋᒃᑯ ᐊᑭᕋᖏᓐᓄᑦ ᑖᑦᓱᒥᖓ ᑐᖁᑦᓯᔪᒪᔪᓄᑦ, ᔨᑎᑬᐊᑐᑦᑕᐅᖅ ᔫᑕᒥᐅᑦ ᐊᖓᔪᖅᑳᕐᔪᐊᕆᓚᐅᕐᑕᖓᑐᑦ ᐱᔭᐅᓚᐅᕐᑐᑐᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑐᖁᑦᓯᔪᒪᓚᐅᕐᑐᒧᑦ ᑖᑦᓱᒥᖓ.”

ᔨᕆᒤᐊᐅᑉ ᐊᒡᓚᖏᑦ 49:23

“ᑕᒫᓯᑰᓯᒥᐅᑦ ᐱᓪᓗᒋᑦ ᕼᐊᒫᑎᒥᐅᑦ ᐋᕐᐹᑦᒥᐅᓪᓗ ᑲᒪᓂᐊᕐᐳᑦ, ᑐᓴᕈᒥᓇᖏᑦᑐᒥᒃ ᑐᓴᕐᑎᑕᐅᓯᒪᒐᒥᒃ, ᕿᑲᕈᓐᓇᕈᓐᓃᕐᐳᑦ ᐃᒪᕐᕕᐅᑉ ᒪᓕᖏᑎᑐᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:3

ᐅᖁᒤᑦᑐᒦᑎᑕᐅᓪᓗᑎᒃ ᐊᒃᓱᕈᕐᓇᕐᑐᒦᑎᑕᐅᕗᑦ, ᔫᑕᒥᐅᓪᓗ ᓄᓇᒋᓐᖏᑕᒥᖕᓄᑦ ᐊᐅᓪᓚᕈᑦᔭᐅᕗᑦ, ᐃᓅᖃᑎᒌᒡᔪᐊᓂᑦ ᓄᓇᖃᖃᑕᐅᓕᕐᐳᑦ, ᒥᕐᖑᐃᕐᓯᕕᒃᓴᒥᒡᓗ ᓇᒡᕚᕈᓐᓇᕋᑎᒃ, ᐊᑭᕋᕐᑐᕐᑎᖏᑕ ᓵᓚᒋᖕᒪᔪᒃ ᓇᒧᓐᖓᕐᕕᒃᓴᖃᕈᓐᓁᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:20

ᐊᑕᓂᐅᑉ ᐅᕐᓱᕐᑎᕐᓯᒪᔭᖓ ᐃᓅᓯᖃᕐᕕᒋᔭᕗᑦ, ᑎᒍᕚᑦ ᐃᑎᕐᓴᓕᐊᕆᓯᒪᔭᒥᖕᓂ, ᐅᖃᐅᓯᕆᓚᐅᕐᑕᕗᑦ, “ᑖᑦᓱᒪ ᑕᕐᕋᖓᓂ ᐃᓅᔪᒫᕐᐳᒍᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ.”

ᐃᓯᑭᐊᓕᐅᑉ ᐊᒡᓚᖏᑦ 23:24

ᐅᓇᑕᕆᐊᕈᒫᕐᐹᑎᑦ ᐅᓐᓄᐊᓪᓗᐊᑉ ᓇᓛᓂᑦ ᐅᓇᑕᕐᑎᖁᑎᒐᓴᒡᔪᐊᒥᖕᓂᒃ ᐃᓚᖃᕐᓗᑎᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ ᑲᓕᒐᓂᒡᓗ ᐃᓄᒐᓴᒡᔪᐊᓂᒡᓗ; ᑖᒃᑯᐊ ᐃᓕᖕᓂᒃ ᐊᑭᕋᕐᑐᓕᕈᒫᕐᐳᑦ ᐊᕙᑎᓕᒫᕐᓂᑦ ᐊᒡᕖᕋᐅᑎᖃᕐᓗᑎᒃ, ᓴᐴᓗᑕᖃᕐᓗᑎᒃ, ᓯᑎᔪᓂᒡᓗ ᓇᓴᕐᓯᒪᓗᑎᒃ, ᑖᒃᑯᐊ ᐃᖅᑲᕐᑐᐃᑎᑦᓱᒫᕐᐸᒃᑲ, ᐃᖅᑲᕐᑐᕐᑕᐅᔪᒫᕐᐳᑎᑦ ᐃᖅᑲᕐᑐᐃᑦᔪᓯᕐᒥᒍᑦ.

ᕼᐊᐸᑲᐅᑉ ᐊᒡᓚᖏᑦ 1:7

ᑲᑉᐱᐊᓇᕐᐳᑦ ᖁᐊᕐᓵᖓᓇᕐᓗᑎᒡᓗ, ᐋᖅᑭᒃᓱᐃᓂᖏᑦ ᐅᐱᒋᔭᐅᔪᒪᓂᖏᓪᓗ ᓇᖕᒥᓂᕐᒥᓂᑦ ᑭᓯᐊᓂ ᐱᓯᒪᕗᑦ.

ᒨᓯᓯ ᓯᑕᒪᖏᑦ 13:21

ᐂᓚᐅᕐᐳᑦ ᐃᔨᕋᕐᑐᕐᓗᑎᒃ ᓄᓇ ᕿᒥᕐᕈᔭᕐᑐᕐᓗᒍ ᐃᓄᖃᖏᑦᑐᒥᑦ ᔨᓐᒥᒃ ᐊᑎᓕᖕᒥᑦ ᐱᒋᐊᕐᓗᑎᒃ ᕅᕼᐊᐱ ᑎᑭᓪᓗᒍ, ᕼᐊᒫᑎ ᐃᑎᕐᑕᕐᕕᐅᑉ ᖃᓂᑕᖓᓂ.

ᔮᓱᐊᑉ ᐊᒡᓚᖏᑦ 13:5

ᒋᐸᐅᓕᐅᑉ ᑭᖑᕚᖓᑕ ᓄᓇᖓ, ᓕᐸᓇᓂᒥᐅᓕᒫᓪᓗ ᓯᕿᓂᐅᑉ ᓄᐃᕕᖓᓄᑦ, ᐰᓕ-ᒑᑦᒥᑦ ᐱᒋᐊᕐᓗᒍ, ᖃᖅᑲᐅᑉ ᕼᐊᕐᒪᓂᐅᑉ ᓯᕿᓂᖓᓂᑦ, ᕼᐊᒫᑎᒧᑦ ᐃᑎᕆᐊᕐᕕᖓ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 4:13

ᐊᑕᓂᐅᑉ ᓵᖓᓂ ᐊᖑᑏᑦ 40,000ᓮᑦ ᐅᓇᑕᕐᓂᕐᒧᑦ ᐊᑐᐃᓐᓇᐅᓚᐅᕐᐳᑦ ᐃᑳᕐᓗᑎᒡᓗ ᓇᑎᕐᓇᒧᑦ ᔨᕆᑰᑉ ᖃᓂᒋᔮᓄᑦ.

ᔮᓱᐊᑉ ᐊᒡᓚᖏᑦ 5:10

ᐃᓴᕆᐊᓕᒥᐅᑦ ᑕᖕᒫᕐᓯᒪᓪᓗᑎᒃ ᒋᐅᓪᒐᐅᓪᒥ ᓇᑎᕐᓇᒦᑦᑐᒥ ᔨᕆᑰᑉ ᓴᓂᐊᓂ, ᓇᓪᓕᐅᓐᓂᕐᓯᐅᓚᐅᕐᐳᑦ ᖄᖏᕐᑕᐅᕕᐅᑉ ᓇᓪᓕᐅᓂᖓᓂᒃ ᑕᖅᑭᐅᑉ ᐅᓪᓗᖓᑕ 14ᖓᓂ ᐅᓐᓄᒃᑎᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 3:3

ᑖᒃᑯᐊ ᓄᓇᕾᓐᓇᓚᐅᕐᑐᑦ ᐱᓕᔅᑍᓂᒥ ᑕᓪᓕᒤᑦ ᐃᒡᓗᒐᓮᑦ ᑬᓇᓂᒥᐅᓪᓗ ᐃᓘᓐᓇᑎᒃ, ᓮᑐᓂᒥᐅᑦ, ᕼᐃᕔᑎᓪᓗ ᓄᓇᖃᕐᑐᑦ ᓕᐸᓇᓂᐅᑉ ᖃᖅᑲᖏᓐᓂ, ᖃᖅᑲᒥᑦ ᐰᓕ-ᕼᐊᕐᒪᓐᒥᑦ ᕼᐊᒫᑎ ᑎᑭᓪᓗᒍ.