ᔨᕆᒤᐊᐅᑉ ᐊᒡᓚᖏᑦ 39:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᐅᓇᑕᕐᑎᖁᑎᖏᑕᓗ ᑕᑯᒐᒥᑦᔪᒃ ᕿᒫᕗᑦ ᐅᓐᓄᐊᒃᑯᑦ ᐊᖓᔪᖅᑳᕐᔪᐊᑉ ᐱᕈᕐᓰᕕᖁᑎᖓ ᐊᓂᕕᒋᓪᓗᒍ ᐊᕙᓗᕐᔪᐊᒃ ᒪᕐᕉᒃ ᐃᑎᕐᑕᕐᕕᖓᒍᑦ ᐊᕌᐸᐅᑉ ᓄᓇᖓ ᑐᕌᕐᕕᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 39:4 Iomraidhean Croise

ᑯᕉᓂᑲ ᐂᑉᐸᖏᑦ 32:5

ᐊᖓᔪᖅᑳᕐᔪᐊᑉ ᑕᕝᕙ ᓲᓐᖑᓯᑎᑦᓯᒋᐊᕐᓗᓂ ᐊᕙᓗᕐᔪᐊᒥ ᓯᖁᒥᓯᒪᔪᑦ ᓴᓇᒋᐊᕐᑕᐅᑎᑉᐰᑦ, ᓇᐸᔪᕐᔪᐊᒥᒡᓗ ᓇᑉᐰᕕᒋᓪᓗᒋᑦ, ᓯᓚᑖᒍᓪᓗ ᐊᕙᓗᕐᔪᐊᓕᐅᒃᑲᓐᓂᕐᐳᖅ; ᓲᖑᓯᑎᒋᐊᕐᐹᓗ ᒥᓗᒥᒃ ᐊᑎᓕᒃ ᓴᐴᓗᑕᖅ ᑍᕕᑎᐅᑉ ᐃᒡᓗᒐᓴᖏᓐᓃᑦᑐᖅ, ᓴᓇᑎᑦᓯᕗᕐᓗ ᐅᓇᑕᐅᑎᓂᒃ ᖃᓗᒋᐊᓂᒃ ᓴᐴᓗᑕᕐᓂᒡᓗ ᐅᓄᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 22:11

ᐃᒥᕐᑕᕐᕕᒡᔪᐊᓕᐅᕐᐳᓯ ᐊᕙᓗᕐᔪᐊᑉ ᐃᑭᐊᖓᒍᑦ ᐃᒥᕐᑕᕐᕕᑐᖃᕐᒥᑦ ᐃᒻᒥᕐᐸᓪᓕᐊᔪᓐᓇᖁᓪᓗᒍ, ᐃᓱᒪᖃᓚᐅᓐᖏᓚᓯᓕ ᐱᓇᓱᐊᕐᑎᑦᓯᓚᐅᕐᑐᒥᒃ, ᑕᑯᓴᓚᐅᓐᖏᓚᓯᓘᓐᓃᑦ ᐃᓱᒪᓕᐅᕆᓚᐅᕐᑐᒥᒃ ᓯᕗᓂᑐᖃᖓᓂᑦ ᑍᒤᓕᖓᖁᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 22:3

ᐊᖓᔪᖅᑳᓯ ᑲᑎᓐᖓᓪᓗᑎᒃ ᕿᒫᓯᒪᕗᑦ, ᐱᑎᒃᓯᓕᔭᖏᑦᑐᓄᓪᓗ ᑎᒍᔭᐅᓯᒪᓪᓗᑎᒃ, ᐃᓘᓐᓇᑎᒃ ᓇᓂᔭᐅᓪᓗᑎᒃ ᑎᒍᔭᐅᓚᐅᕐᐳᑦ, ᐅᖓᓯᒃᑐᒧᑦ ᕿᒫᓯᒪᒐᓗᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 29:2

ᐃᓱᐃᓪᓕᐅᕐᑎᑦᓴᕆᐊᖃᕐᐸᕋᓕ ᐊᕅᐅᓪ, ᑕᒪᓐᓇ ᓇᓪᓕᐅᑎᒃᐸᑦ ᕿᒃᓵᖕᓂᖃᕈᒫᕐᐳᖅ ᐅᒡᒍᐊᕐᓂᖃᕐᓗᓂᓗ, ᑕᒪᑐᒪᓕ ᑭᖑᓂᖓᒍᑦ ᐂᕆᐅᓪᓚᕆᐅᓕᕈᒫᕐᐳᖅ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 32:4

ᔨᑎᑬᐊ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐊᓐᓇᒍᓐᓇᕐᓂᐊᓐᖏᓚᖅ ᑲᐅᓪᑎᐊᒥᐅᑦ ᐊᒡᒐᖏᓐᓂᑦ. ᐊᖓᔪᖅᑳᕐᔪᐊᖓᑦᑕᓗ ᑎᒍᔪᒫᕐᐹ, ᐅᖃᖃᑎᒋᔪᓐᓇᕐᓯᔪᒫᕐᐹᓗ ᑮᓇᕐᒥᑦ ᑮᓇᕐᒧᑦ ᓇᖕᒥᓂᖅ ᑕᐅᑐᒡᓗᓂᐅᒃ ᐃᔨᒥᑦ ᐃᔨᒧᑦ.

ᔨᕆᒤᐊᐅᑉ ᐊᒡᓚᖏᑦ 32:5

ᔨᑎᑬᐊᓗ ᐹᐱᓘᓂᒧᓐᖓᐅᑎᔪᒫᕐᐹ, ᑍᑲᓃᑦᓱᒫᕐᐳᕐᓗ ᐊᑕᓂᕐᒧᑦ ᐱᓇᓱᐊᕐᕕᐅᓚᐅᖏᓐᓂᕐᒥᓂ, ᐊᑕᓂᖅ ᐅᖃᕐᐳᖅ, ᑲᐅᓪᑎᐊᒥᐅᓂᒃ ᐅᓇᑕᕋᓱᒃᑲᓗᐊᕈᕕᑦ ᓵᓚᖃᕐᓂᐊᓐᖏᓚᑎᑦ.’”

ᐃᓯᑭᐊᓕᐅᑉ ᐊᒡᓚᖏᑦ 12:12

ᑖᒃᑯᓄᖓ ᐊᖓᔪᖅᑳᖑᔪᖅ ᓇᒃᓴᕐᓂᐊᕐᑕᒥᖕᓂᒃ ᐃᕐᓲᑦᔨᔪᒫᕐᐳᖅ ᑖᕐᑎᓪᓗᒍ, ᐊᓂᔪᒫᕐᐳᖅ; ᐊᑭᓐᓇᖅ ᐊᖕᒪᕐᓗᒍ ᑕᕝᕗᓇ ᐊᓂᔪᒫᕐᐳᖅ; ᒪᑐᐊᕐᓗᓂᓗ, ᓄᓇᒥᒃ ᑕᑯᓐᓇᕈᒪᓇᓂ.

ᐃᓯᑭᐊᓕᐅᑉ ᐊᒡᓚᖏᑦ 12:4

ᐅᓪᓘᓂᖓᓂ ᓇᒃᓴᕐᓂᐊᕐᑕᑎᑦ ᐊᓐᓂᓯᔭᒃᓴᕆᕙᑎᑦ ᐃᓄᐃᑦ ᑕᒃᑯᐊᓂ, ᐊᐅᓪᓚᕈᑦᔭᐅᔪᑦ ᓇᒃᓴᕐᐸᒃᑕᖏᑎᑐᑦ; ᐅᓐᓄᓕᕐᐸᑦ ᐊᐅᓪᓚᕐᑐᒃᓴᐅᕗᑎᑦ ᑕᑯᓐᓇᕐᑎᓪᓗᒋᑦ, ᐃᓄᐃᑦ ᐊᐅᓪᓚᕈᑦᔭᐅᓕᕐᑐᑦ ᐊᐅᓪᓚᕈᑦᔭᐅᕙᖕᓂᖏᑎᑐᑦ.

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᒨᓯᓯ ᐱᖓᔪᖏᑦ 26:36

“ᐃᓕᑦᓯᓐᓂᓪᓗ ᐊᒥᐊᒃᑯᑦ ᕿᒫᑎᑕᐅᓯᒪᔪᑦ ᐊᑭᕋᑦᓯᓐᓃᑎᑕᐅᔪᑦ, ᐃᕐᓯᓂᕐᒥᒃ ᐱᑎᑦᓱᒪᕙᒃᑲ ᐊᒡᓛᑦ ᓇᐹᕐᑑᑉ ᐅᖃᐅᔭᖏᓐᓂᒃ ᐊᓄᕆᒧᑦ ᐊᐅᓚᑕᐅᔪᓂᒃ ᕿᒫᖃᑦᑕᓕᕋᔭᕐᐳᑦ. ᑕᒪᒃᑯᓂᖓ ᕿᒫᖃᑦᑕᓕᕋᔭᕐᐳᑦ ᐅᓇᑕᕐᓂᕐᒧᑦ ᐊᑭᕋᒥᖕᓂᑦ ᒪᓕᒃᑕᐅᔪᑐᑦ, ᐹᓪᓚᖃᑦᑕᓕᕐᓗᑎᒡᓗ ᕿᒫᑎᑕᐅᓇᓱᖏᒃᑲᓗᐊᕐᓗᑎᒃ.

ᐂᒨᓯᐅᑉ ᐊᒡᓚᖏᑦ 2:14

ᐅᕿᓚᔫᒐᓗᐊᑦ ᐊᓐᓇᖕᓂᐊᓐᖏᓚᑦ, ᓴᓐᖏᔪᓪᓗ ᓴᓐᖐᓕᓂᐊᕐᐳᑦ, ᐊᔪᖏᑦᑐᕐᔪᐊᓪᓗ ᐅᓇᑕᕐᑏ ᐃᒻᒥᖕᓂᒃ ᓴᐳᑎᔪᓐᓇᕐᓂᐊᓐᖏᓚᑦ.

ᒨᓯᓯ ᑕᓪᓕᒪᖏᑦ 28:25

“ᐊᑕᓂᐅᑉ ᓵᓚᐅᑎᑦᓱᒫᕐᐹᓯ ᐊᑭᕋᑦᓯᓐᓄᑦ; ᐊᑕᐅᓯᕐᒥᓐᖔᕐᓗᓯ ᐅᓇᑕᕆᐊᕈᒫᕐᐸᓯ, ᕿᒫᔪᒫᕐᐳᓯᓕ ᓵᓐᖓᔭᑐᐃᓐᓇᑦᓯᓐᓄᑦ ᕿᒫᓕᕐᓗᓯ, ᓄᓇᕐᔪᐊᕐᒥᐅᓪᓗ ᐊᖓᔪᖅᑲᐅᕕᖃᕐᑐᓕᒫᑦ ᑯᐊᕐᓵᕐᓯᒪᔪᒫᕐᐳᑦ ᖃᓄᐃᓕᕐᓂᑦᓯᓐᓂᒃ ᑕᑯᒍᑎᒃ.