15 ᔨᕆᒤᐊᓕ ᑎᒍᔭᐅᓯᒪᕕᖕᒥᓃᑎᓪᓗᒍ ᓱᓕ ᐊᑕᓂᕐᒧᑦ ᐅᖃᕐᕕᐅᓚᐅᕐᐳᖅ.
ᔨᕆᒤᐊᓗ ᐊᑲᐅᒋᖏᒻᒪᕆᓕᕐᐹᑦ ᐋᓐᓂᕐᓯᕐᑕᐅᑎᓪᓗᒍᓗ ᑎᒍᔭᐅᓯᒪᕕᖕᒧᐊᕐᑕᐅᑎᑉᐹᑦ ᔫᓇᑕᓂᐅᑉ ᑎᑎᕋᕐᑎᐅᑉ ᐃᒡᓗᕈᓯᖓᓄᑦ, ᑖᓐᓇ ᐃᒡᓗᕈᓯᖅ ᑎᒍᔭᐅᓯᒪᕕᓐᖑᕐᑎᓯᒪᒐᒥᑦᔪᒃ.
ᐊᖓᔪᖅᑳᕐᔪᐊᖅ ᔨᑎᑬᐊ ᐱᖁᔨᕗᖅ, ᔨᕆᒤᐊ ᐅᓇᑕᕐᑏᑦ ᖃᐅᔨᓴᕐᑎᖏᑕ ᐃᓂᒋᔭᖓᓂ ᐃᓂᖃᖃᑕᐅᖁᓪᓗᒍ, ᓂᕆᑎᑕᐅᖃᑦᑕᖁᓪᓗᓂᐅᒡᓗ ᓯᓚᒥ ᓂᐅᕕᐊᒃᓴᕆᔭᐅᖃᑦᑕᕐᑐᓂᒃ ᓂᐊᖂᔭᓂᒃ ᓄᖑᕈᑎᖏᓐᓂᖏᓐᓂ, ᑕᕝᕙ ᔨᕆᒤᐊ ᐅᓇᑕᕐᑏᑦ ᖃᐅᔨᓴᕐᑎᖏᑕ ᓇᔪᕐᑕᖓᓐᓂ ᐃᓂᖃᓕᓚᐅᕐᐳᖅ.
ᐊᒧᕚᓪᓗ ᐃᒥᕐᑕᕐᕕᒃᓴᒥᑦ, ᐊᒃᓗᓈᓄᑦ ᐊᒧᐊᕈᑎᖃᕐᓗᑎᒃ. ᔨᕆᒤᐊᓗ ᖃᐅᔨᓴᕐᑏᑦ ᓇᔪᕐᑕᖏᓐᓂ ᐃᓂᖃᓕᓚᐅᕐᐳᖅ.
ᔨᕆᒤᐊᓗ ᖃᐅᔨᓴᕐᑏᑦ ᓇᔪᒐᖓᓂ ᐃᓂᕾᓐᓇᓚᐅᕐᐳᖅ ᔨᕉᓴᓕᐅᑉ ᐅᓇᑕᕐᑐᒃᓴᓄᑦ ᐱᔭᐅᕕᖓ ᑎᑭᓪᓗᒍ.
ᔨᕆᒤᐊ ᑎᒍᔭᐅᓯᒪᕕᒋᔭᖓᓂᑦ ᐊᓂᑎᓪᓗᒍ, ᒋᑕᓔᐊᒧᑦ ᐊᕼᐂᑲᒥᐅᑉ ᐃᕐᓂᖓᓄᑦ ᑲᒪᒋᔭᐅᑎᑉᐹᑦ ᓴᕙᓂᐅᑉ ᐃᕐᖑᑕᖓᓄᑦ, ᑖᑦᓱᒧᖓᓗ ᐊᖏᕐᕋᕐᑎᑕᐅᕗᖅ ᐃᓅᖃᑎᒥᓃᖁᓪᓗᒍ.
ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᕙᖕᓂᓐᓄᑦ ᐊᒃᓱᕈᕐᓇᕐᑐᒦᑉᐳᖓ ᐊᕐᓵᕐᑑᔭᓄᓪᓗ ᕿᓚᒃᓱᕐᑕᐅᓯᒪᓪᓗᖓ ᐱᕋᔭᒃᑎᑐᑦ. ᒎᑎᐅᓪᓕ ᐅᖃᐅᓯᖓ ᕿᓚᒃᓱᕐᑕᐅᓯᒪᓐᖏᓚᖅ.
