ᔨᕆᒤᐊᐅᑉ ᐊᒡᓚᖏᑦ 39:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᔨᕆᒤᐊ ᑎᒍᔭᐅᓯᒪᕕᒋᔭᖓᓂᑦ ᐊᓂᑎᓪᓗᒍ, ᒋᑕᓔᐊᒧᑦ ᐊᕼᐂᑲᒥᐅᑉ ᐃᕐᓂᖓᓄᑦ ᑲᒪᒋᔭᐅᑎᑉᐹᑦ ᓴᕙᓂᐅᑉ ᐃᕐᖑᑕᖓᓄᑦ, ᑖᑦᓱᒧᖓᓗ ᐊᖏᕐᕋᕐᑎᑕᐅᕗᖅ ᐃᓅᖃᑎᒥᓃᖁᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 39:14 Iomraidhean Croise

ᐊᑕᓃᑦ ᐂᑉᐸᖏᑦ 22:12

ᐊᖓᔪᖅᑳᕐᔪᐊᓪᓗ ᐅᖃᐅᑎᔭᐅᖁᕔᑦ ᕼᐃᓪᓚᑬᐊ ᑐᓂᕐᕈᓯᕐᑎᑦᓯᔨ, ᐊᕼᐂᑲᒻ ᓴᕙᓂᐅᑉ ᐃᕐᓂᖓ, ᐊᒃᐳᕆᓗ ᒥᑬᐊᐅᑉ ᐃᕐᓂᖓ, ᓴᕙᓂᓗ ᐊᖓᔪᖅᑳᕐᔪᐊᑉ ᑲᑎᒪᔨᖏᑕ ᑎᑎᕋᕐᑎᖓ; ᐊᓮᐊᓗ ᐊᖓᔪᖅᑳᕐᔪᐊᑉ ᐱᔨᖓ ᐅᖃᕐᓗᓂ:

ᐊᑕᓃᑦ ᐂᑉᐸᖏᑦ 22:14

ᑕᕝᕙ ᕼᐃᓪᑬᐊ ᑐᓂᕐᕈᓯᕐᑎᑦᓯᔨ, ᐊᕼᐂᑲᒻᓗ, ᐊᒃᐳᕆᓗ, ᓴᕙᓂᓗ, ᐊᓮᐊᓗ ᐂᕗᑦ ᑐᑭᓯᒋᐊᕐᕕᖃᕈᒪᓪᓗᑎᒃ ᐊᕐᓇᒥᒃ ᐊᑎᖃᕐᑐᒥᒃ ᕼᐅᓪᑕᒥᒃ, ᒎᑎᒧᑦ ᐅᖃᕐᑎᐅᔪᒥᒃ ᐃᒡᓗᖃᕐᑐᒥᒃ ᔨᕉᓴᓕᐅᑉ ᐃᓚᖓᓂ, ᑖᓐᓇ ᐅᐃᖃᕐᐳᖅ ᓴᓗᒻᒥᒃ ᐊᑎᖃᕐᑐᒥᒃ, ᑎᒡᕙᐅᑉ ᐃᕐᓂᖓᓂᒃ, ᕼᐊᕋᕼᐊᔅᒧᑦ ᐃᕐᖑᑕᕆᔭᐅᔪᒥᒃ ᑐᒃᓯᐊᕐᕕᒡᔪᐊᕐᒥ ᐊᓐᓄᕌᖃᐅᑎᒧᑦ ᑲᒪᔨᐅᔪᒧᑦ ᐅᖃᖃᑎᒋᕚᓪᓗ.

ᑯᕉᓂᑲ ᐂᑉᐸᖏᑦ 34:20

ᐊᖓᔪᖅᑳᕐᔪᐊᕐᓗ ᑎᓕᓯᕗᖅ ᕼᐃᓪᑬᐊᒥᒃ, ᐊᕼᐂᑲᒻ ᓴᕙᓂᐅᑉ ᐃᕐᓂᖓᓂᒃ, ᐊᑉᑖᓐᒥᒃ ᒤᑲᐅᑉ ᐃᕐᓂᖓᓂᒃ, ᓮᕙᓐᓗ ᑎᑎᕋᕐᑎ, ᐊᓮᐊᓗ ᐊᖓᔪᖅᑳᕐᔪᐊᑉ ᐱᔨᖓ, ᐅᖃᕐᓗᓂ,

ᐃᓐᖏᕈᑎᑦ 105:19

ᔫᓯᐱᐅᑉ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᓚᐅᖅᑳᕐᑎᓐᓇᒋᑦ, ᐊᑕᓂᐅᑉ ᐆᒃᑐᕋᓚᐅᕐᐹ ᓱᓕᓂᖓ ᓇᓗᓁᕐᑕᐅᖁᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 26:22

ᑭᖑᕐᖓᒍᑦ ᐊᖓᔪᖅᑳᕐᔪᐊᖅ ᔨᕼᐅᐃᐊᑭᒻ ᐄᑦᔨᑉᑎᒧᑦ ᑎᓕᓯᕗᖅ ᐃᐅᓪᓇᓴᓐᒥᒃ ᐂᒃᐹᕆᐅᑉ ᐃᕐᓂᖓᓂᒃ ᐃᓚᖃᕐᓗᑎᒃ ᐊᖑᑎᓂᒃ.

ᔨᕆᒤᐊᐅᑉ ᐊᒡᓚᖏᑦ 26:24

ᑭᓯᐊᓂᓕ ᐊᕼᐂᑲᒻ ᓴᕙᓂᐅᑉ ᐃᕐᓂᖓᑕ ᔨᕆᒤᐊ ᐃᑲᔪᕐᑐᕐᒪᒍ ᐃᓄᖕᓄᑦ ᑐᖁᑕᐅᓚᐅᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 32:2

ᑍᑦᓱᒪᓂᐅᑎᓪᓗᒍ ᐹᐱᓘᓂᒥᐅᑉ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᖏᑦ ᐅᖓᓗᓯᓯᒪᓚᐅᕐᐳᑦ ᔨᕉᓴᓕᒥᒃ, ᔨᕆᒤᐊᓗ ᑎᒍᔭᐅᓯᒪᓚᐅᕐᐳᖅ ᔫᑕᐅᑉ ᐊᖓᔪᖅᑳᕐᔪᐊᖓᑕ ᐃᒡᓗᖁᑎᖓᓂ.

ᔨᕆᒤᐊᐅᑉ ᐊᒡᓚᖏᑦ 37:21

ᐊᖓᔪᖅᑳᕐᔪᐊᖅ ᔨᑎᑬᐊ ᐱᖁᔨᕗᖅ, ᔨᕆᒤᐊ ᐅᓇᑕᕐᑏᑦ ᖃᐅᔨᓴᕐᑎᖏᑕ ᐃᓂᒋᔭᖓᓂ ᐃᓂᖃᖃᑕᐅᖁᓪᓗᒍ, ᓂᕆᑎᑕᐅᖃᑦᑕᖁᓪᓗᓂᐅᒡᓗ ᓯᓚᒥ ᓂᐅᕕᐊᒃᓴᕆᔭᐅᖃᑦᑕᕐᑐᓂᒃ ᓂᐊᖂᔭᓂᒃ ᓄᖑᕈᑎᖏᓐᓂᖏᓐᓂ, ᑕᕝᕙ ᔨᕆᒤᐊ ᐅᓇᑕᕐᑏᑦ ᖃᐅᔨᓴᕐᑎᖏᑕ ᓇᔪᕐᑕᖓᓐᓂ ᐃᓂᖃᓕᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 38:13

ᐊᒧᕚᓪᓗ ᐃᒥᕐᑕᕐᕕᒃᓴᒥᑦ, ᐊᒃᓗᓈᓄᑦ ᐊᒧᐊᕈᑎᖃᕐᓗᑎᒃ. ᔨᕆᒤᐊᓗ ᖃᐅᔨᓴᕐᑏᑦ ᓇᔪᕐᑕᖏᓐᓂ ᐃᓂᖃᓕᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 38:28

ᔨᕆᒤᐊᓗ ᖃᐅᔨᓴᕐᑏᑦ ᓇᔪᒐᖓᓂ ᐃᓂᕾᓐᓇᓚᐅᕐᐳᖅ ᔨᕉᓴᓕᐅᑉ ᐅᓇᑕᕐᑐᒃᓴᓄᑦ ᐱᔭᐅᕕᖓ ᑎᑭᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 39:13

ᓂᐳᔭᕋᑕᓐ ᐊᖓᔪᖅᑳᖑᓂᕐᐹᖑᔪᖅ ᓂᐳᓴᔭᐸᓐᓗ ᐊᖓᔪᖅᑳᖑᖕᒥᔪᖅ, ᓂᕐᒐᐅᓪᓴᕆᔨᕆᓗ ᐊᖓᔪᖅᑳᒻᒪᕆᐅᖃᑕᐅᖕᒥᔪᖅ ᐊᓯᖏᓪᓗᑦᑕᐅᖅ ᐊᖓᔪᖅᑳᖑᖕᒥᔪᑦ ᐹᐱᓘᓂᒥ.

ᔨᕆᒤᐊᐅᑉ ᐊᒡᓚᖏᑦ 39:15

ᔨᕆᒤᐊᓕ ᑎᒍᔭᐅᓯᒪᕕᖕᒥᓃᑎᓪᓗᒍ ᓱᓕ ᐊᑕᓂᕐᒧᑦ ᐅᖃᕐᕕᐅᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 40:1

ᔨᕆᒤᐊᓕ ᐊᑕᓂᕐᒧᑦ ᐅᖃᕐᕕᐅᓚᐅᕆᕗᖅ ᓂᐳᔭᕋᑕᓐᒧᑦ ᐅᓇᑕᕐᑎᓄᑦ ᐊᖓᔪᖅᑳᖑᓂᕐᐹᕆᔭᐅᔪᒧᑦ ᑎᒍᔭᐅᓯᒪᕕᒋᓚᐅᕐᑕᖓᓂᑦ ᐊᓂᑎᑕᐅᓯᒪᓕᕐᑎᓪᓗᒍ ᕌᒪᒥ, ᔨᕆᒤᐊ ᑕᑯᓚᐅᕐᒪᒍ ᐊᑦᓱᖏᕐᓱᕐᑕᐅᖃᑕᐅᓯᒪᔪᖅ ᑎᒍᔭᐅᓯᒪᔪᓄᑦ ᔨᕉᓴᓕᒥᓐᖔᕈᑦᔭᐅᔪᓂᑦ ᔫᑕᒥᓪᓗ ᐊᐅᓪᓚᕈᑦᔭᐅᓕᕐᑎᓪᓗᒋᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 40:5

ᔨᕆᒤᐊᓕ ᕿᒪᕉᑎᒋᐊᓚᐅᕐᑎᓐᓇᒍ ᓂᐳᓴᑖᓐ ᐅᖃᒃᑲᓐᓂᕐᐳᖅ, “ᒋᑕᓔᐊ ᐊᕼᐂᑲᒻ ᐃᕐᓂᖓ ᓴᕙᓂᐅᑉ ᐃᕐᖑᑕᖓ ᐅᑎᕐᕕᒋᓕᕈᒃ, ᑲᒪᔨᓐᖑᕐᑎᑕᐅᓯᒪᔪᖅ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᔫᑕᒥᐅᑦ ᓄᓇᓕᖏᓐᓄᑦ, ᐃᓅᖃᑎᖕᓃᑦᓱᒪᒍᕕᑦ ᐅᕝᕙᓘᓐᓃᑦ ᐊᓯᐊᓂ ᓇᔪᕈᒪᔭᕐᓂ.” ᑖᑦᓱᒪᓗ ᐊᖓᔪᖅᑳᒻᒪᕆᐅᑉ ᑕᖁᐊᒃᓴᖏᓐᓂᒃ ᑐᓂᓪᓗᒍ ᐱᖁᑎᑖᕐᑎᓪᓗᓂᐅᒡᓗ ᐊᐅᓪᓚᕐᑎᑉᐹ.

ᔨᕆᒤᐊᐅᑉ ᐊᒡᓚᖏᑦ 40:6

ᔨᕆᒤᐊ ᓄᓇᒧᑦ ᒥᔅᐸᒧᐊᕋᒥ ᒋᑕᓔᐊᒃᑯᓐᓃᓕᕐᐳᖅ ᐊᕼᐂᑲᐅᑉ ᐃᕐᓂᖓᓂ ᐃᓅᖃᑎᒥᓃᓪᓗᓂᓗ ᕿᒪᒃᑕᐅᓂᑯᓂ ᓄᓇᒥᖕᓂ.

ᔨᕆᒤᐊᐅᑉ ᐊᒡᓚᖏᑦ 40:7

ᐃᓴᕆᐊᓕᒥᐅᓪᓕ ᐅᓇᑕᕐᑎᖏᑕ ᐊᖓᔪᖅᑳᕆᔭᖏᑦ ᕿᒫᓂᑰᓪᓗᑎᒃ ᓇᓂᑐᐃᓐᓈᓕᕐᓂᑯᐃᑦ ᑐᓴᐅᒪᓕᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᒋᑕᓔᐊ ᐊᕼᐂᑲᐅᑉ ᐃᕐᓂᖓ ᐊᐅᓚᑦᓯᔨᓐᖑᕐᑎᑕᐅᓯᒪᓕᕐᓂᖓᓂᒃ ᓄᓇᓕᓕᒫᓄᑦ ᑲᒪᔨᐅᓕᕐᓂᖓᓂᒡᓗ, ᐊᖑᑏᑦ ᐊᕐᓁᓪᓗ, ᓄᑕᖅᑲᓪᓗ, ᐊᔪᕐᓴᕐᓂᕐᐹᖑᔪᓄᑦ ᐊᐅᓪᓚᕈᑦᔭᐅᖏᓐᓂᑯᓄᑦ ᐹᐱᓘᓂᒧᑦ ᑖᑦᓱᒧᖓ ᑐᓂᔭᐅᓯᒪᓕᕐᓂᖏᑦ.

ᔨᕆᒤᐊᐅᑉ ᐊᒡᓚᖏᑦ 41:1

ᑍᑦᓱᒪᓂᓕ ᐊᕐᕌᒎᑉ ᑕᖅᑭᖏᑕ 7ᖓᓐᓂ, ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ ᐃᓔᓴᒪᐅᑉ ᐃᕐᖑᑕᖓ ᐊᖓᔪᖅᑳᕐᔪᐊᕐᒧᑦ ᐃᓚᒋᔭᐅᔪᖅ ᐊᖓᔪᖅᑳᒻᒪᕆᐅᖃᑕᐅᓪᓗᓂᓗ, ᐊᖑᑎᓂᒃ ᖁᓕᓂᒃ ᐃᓚᖃᕐᓗᓂ ᒥᔅᐸᒧᐊᕐᐳᖅ ᒋᑕᓔᐊᒥᒃ ᐊᕼᐂᑲᐅᑉ ᐃᕐᓂᖓᓂᒃ ᑕᑯᔭᕐᑐᕐᓗᓂ, ᓂᕆᖃᑎᒌᒃᑎᓪᓗᒋᑦ ᓂᕆᕕᖕᒥᖕᓂ ᒥᔅᐸᒥ.