ᔨᕆᒤᐊᐅᑉ ᐊᒡᓚᖏᑦ 38:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᔨᕆᒤᐊᐅᑉ ᔨᑎᑬᐊ ᐅᖃᐅᑎᓕᕐᐹ, “ᐃᒫᒃ ᐊᑕᓂᖅ ᐊᔪᖓᖃᖏᑦᑐᖅ ᐅᖃᕐᐳᖅ, ᐃᓴᕆᐊᓕᒥᐅᑦ ᒎᑎᖓᑦ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᓇᑕᕐᑎᖁᑎᖏᓐᓄᑦ ᑐᓂᑦᔪᑎᒋᒍᕕᑦ ᐃᓅᑎᑕᐅᒐᔭᕐᐳᑎᑦ, ᐃᒡᓗᒐᓴᒡᔪᐊᓪᓗ ᐃᑭᑕᐅᒐᔭᓐᖏᓚᑦ, ᕿᑐᕐᖓᕇᓯᒍᓪᓗ ᑐᖁᑕᐅᓂᐊᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 38:17 Iomraidhean Croise

ᒨᓯᓯ ᓯᕗᓪᓖᑦ 12:13

ᐅᖃᐅᑎᖃᑦᑕᕐᓂᐊᕐᐸᑎᑦ ᐅᕙᓐᓄᑦ ᓇᔭᒋᔭᐅᓂᕋᕐᓗᑎᑦ, ᖃᓄᐃᓕᔭᐅᖁᓇᖓ, ᐃᕝᕕᓪᓗ ᐱᑦᔪᑎᒋᓗᑎᑦ ᐃᓅᑎᑕᐅᖁᓪᓗᖓ.”

ᐊᑕᓃᑦ ᐂᑉᐸᖏᑦ 24:12

ᐊᖓᔪᖅᑳᕐᔪᐊᖅ ᔨᕼᐅᐃᐊᑭᓐ ᐃᒻᒥᖕᓂᒃ ᑐᓂᑦᔪᑎᒋᓚᐅᕐᐳᖅ ᓴᐱᓕᕋᒥᒃ ᐹᐱᓘᓂᒥᐅᓄᑦ, ᐊᓈᓇᖓᓗ ᐃᕐᓂᖏᓪᓗ ᐅᓇᑕᕐᑎᖁᑎᖏᑕᓗ ᐊᖓᔪᖅᑳᖏᑦ ᐃᒡᓗᖓᓂᓗ ᐊᖓᔪᖅᑳᑦ. ᓂᐱᑯᓁᓴᐅᓪᓗ ᐊᖓᔪᖅᑳᕐᔪᐊᖑᓂᖓᑕ 8ᖓᓐᓂ ᔨᕼᐅᐃᐊᑭᓐ ᑎᒍᓚᐅᕐᐹ ᑎᒍᔭᐅᓯᒪᕕᖕᒥᓃᑎᓕᕐᓗᓂᐅᒡᓗ.

ᐊᑕᓃᑦ ᐂᑉᐸᖏᑦ 25:27

ᐊᕐᕌᒍᒥ ᐊᐅᓪᓚᕈᑦᔭᐅᓯᒪᓂᖏᑕ 37ᒋᓕᕐᑕᖓᓐᓂ ᔨᕼᐅᐃᐊᑭᓐ ᔫᑕᐅᑉ ᐊᖓᔪᖅᑳᕐᔪᐊᖓ, ᑕᖅᑮᑦ 12ᖓᑦᑕ ᐅᓪᓗᖏᑕ 27ᖓᓐᓂ, ᐃᕗᓪᒥᕈᑖᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ, ᐊᖓᔪᖅᑳᕐᔪᐊᓐᖑᕋᒥ ᔨᕼᐅᐃᐊᑭᓐ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐱᑦᓯᐊᕐᕕᒋᓚᐅᕐᐹ ᑎᒍᔭᐅᓯᒪᕕᖕᒥᓪᓗ ᐊᓂᑎᓪᓗᓂᐅᒃ.

ᑯᕉᓂᑲ ᓯᕗᓪᓖᑦ 17:24

ᐊᑏᓪᓗ ᑲᔪᓯᔪᒥᒃ ᐊᖏᔪᕈᕐᑎᑕᐅᖁᓪᓗᒍ ᐃᓱᖃᖏᑦᑐᒧᑦ, ᐅᖃᕐᓗᑎᒃ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᐃᓴᕆᐊᓕᒥᐅᑦ ᒎᑎᖓᑦ, ᑖᓐᓇ ᐃᓴᕆᐊᓕᒥᐅᑦ ᒎᑎᒋᕚᑦ.’ ᐱᔩᓪᓗ ᑍᕕᑎ ᐃᓚᒋᔭᖏᓪᓗ ᑲᔪᓯᑎᑕᐅᓕᑦ ᓵᖕᓂ.

ᐄᓱᕋᐅᑉ ᐊᒡᓚᖏᑦ 9:4

ᑕᕝᕙᓂ ᐃᒃᓯᕔᓐᓇᓚᐅᕐᐳᖓ ᕿᒃᓵᒡᓗᖓ ᐅᓐᓄᒃᑯᑦ ᑐᓂᕐᕈᓯᕐᕕᐅᕙᒃᑐᖅ ᑎᑭᓪᓗᒍ, ᐃᓄᐃᓪᓗ ᑲᑎᑉᐸᓪᓕᐊᓕᓚᐅᕐᐳᑦ ᐊᕙᑎᓐᓄᑦ ᓯᕘᕋᔪᑦ ᐃᓴᕆᐊᓕᒥᐅᑦ ᒎᑎᖓᓂᒃ, ᐅᑎᕐᓯᒪᔪᑦ ᐊᔪᕐᑐᓕᓂᖏᑕ ᐅᖃᐅᓯᐅᓯᒪᓂᖏᑦ ᐱᓪᓗᒋᑦ.

ᔫᐱᐅᑉ ᐊᒡᓚᖏᑦ 23:13

ᑖᓐᓇ ᐊᓯᑦᔨᕈᓐᓇᓐᖏᓚᖅ ᑭᐊᓕ ᓴᖑᑎᑦᓱᓐᓇᕐᐸᐅ? ᐱᓇᓱᐊᕈᒪᔭᒥᓂᒃ, ᐱᓇᓱᐊᕐᐸᒃᐳᖅ.

ᐃᓐᖏᕈᑎᑦ 80:14

ᒎᑏ ᐊᔪᒐᖃᖏᑦᑐᑎᑦ, ᕿᕕᐊᓚᐅᕆᑦ ᐅᕙᑦᑎᓐᓄᑦ; ᕿᓚᖕᒥᑦ ᑕᑯᓴᕐᓗᑎᑦ ᑕᑯᓚᐅᕐᑎᒍᑦ, ᓇᐹᕐᑐᖅ ᑖᓐᓇ ᕔᓂᒃᓴᓕᒃ ᐅᐸᓚᐅᕈᒃ.

ᐃᓐᖏᕈᑎᑦ 80:7

ᐋᖅᑭᓚᐅᕐᒥᑎᒍᑦ, ᒎᑏ ᖁᑦᓯᒃᑐᒦᑦᑐᑎᑦ; ᑮᓁᑦ ᖃᐅᒪᑎᓚᐅᕈᒃ ᐅᕙᑦᑎᓐᓄᑦ, ᑕᕝᕙ ᐱᐅᓕᔭᐅᓂᐊᕐᐳᒍᑦ!

ᔨᕆᒤᐊᐅᑉ ᐊᒡᓚᖏᑦ 27:12

ᑍᒫᑦᓮᓐᓇᖅ ᔨᑎᑬᐊ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐅᖃᐅᑎᓚᐅᕆᕙᕋ, ᐅᖃᕐᓗᖓᓗ, “ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐊᐅᓚᑕᐅᔪᒃᓴᐅᕗᑎᑦ ᐱᔨᑦᓯᕐᓗᒍᓗ ᑕᕝᕙ ᐃᓅᓂᐊᕐᐳᑎᑦ.

ᔨᕆᒤᐊᐅᑉ ᐊᒡᓚᖏᑦ 27:17

ᓈᓚᒃᑍᓕᓯᒋᒃ ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᐱᔨᑦᓯᕈᑦᓯᐅᒃ ᑕᕝᕙ ᐃᓅᓂᐊᕐᐳᓯ ᓱᖕᒪᑦ ᑖᒃᑯᐊ ᐃᒡᓗᒐᓴᒡᔪᐊᑦ ᓄᓇᓕᕕᓂᑐᐃᓐᓇᐅᓕᖁᕕᓯᐅᒃ?

ᔨᕆᒤᐊᐅᑉ ᐊᒡᓚᖏᑦ 27:8

“ᐃᓅᖃᑎᒌᒡᔪᐊᖑᔪᓪᓕ ᐊᐅᓚᑕᐅᓕᕈᒪᓂᐊᖏᑉᐸᑕ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑖᒃᑯᐊ ᓱᒋᐊᕐᑕᐅᑎᑦᓱᒫᕐᐸᒃᑲ ᐅᓇᑕᕐᓂᕐᒧᑦ, ᑳᖕᓇᕐᑐᕐᔪᐊᒧᑦ ᐋᓐᓂᐊᓇᕐᑐᓄᓪᓗ ᐊᓯᕈᕐᑕᐅᖏᓐᓂᓕᒫᖏᓐᓂ ᓂᐱᑯᓁᓴᐅᑉ ᐱᔪᓐᓇᕐᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 38:2

ᐅᖃᕐᑎᓪᓗᒍ, ᐃᒫᒃ ᐊᑕᓂᖅ ᐅᖃᕐᐳᖅ, “ᐃᒡᓗᒐᓴᒡᔪᐊᓃᖏᓐᓇᕈᒪᔪᑦ ᐅᓇᑕᕐᑎᓄᑦ ᑐᖁᑕᐅᓂᐊᕐᐳᑦ, ᑳᖕᓇᕐᑐᕐᔪᐊᒧᓪᓘᓐᓃᑦ, ᐋᓐᓂᐊᓇᕐᑐᓄᓪᓘᓐᓃᑦ, ᑲᐅᓪᑎᐊᒥᐅᓄᓪᓕ ᑐᓂᑦᔪᑎᒋᔪᖅ ᑖᓐᓇ ᐃᓅᓂᐊᕐᐳᖅ, ᐊᓐᓇᒃᑎᑕᐅᓗᓂ ᐃᓅᓂᐊᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 39:3

ᔨᕉᓴᓕᐅᑉ ᐱᔭᐅᑦᔪᑖᓂ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᖓᔪᖅᑳᖁᑎᖏᑦ ᐃᓂᑖᕐᑐᓚᐅᕐᐳᑦ ᐃᑎᕐᑕᕐᕕᐅᑉ ᕿᑎᖓᓃᑦᑐᒥᒃ ᑍᔭᐅᔪᒥ ᐅᑯᐊ; ᓂᕐᒐᐅᓪ-ᓴᕆᔨᕆ, ᓴᒪᒐᕆ-ᓂᐳ, ᓴᕐᓯᑭᒻ ᕌᑉᓴᕆᔅ, ᓂᕐᒐᐅᓪᓴᕆᔨᕆ ᕌᑉᒪᒡ, ᑖᒃᑯᐊᓗ ᐊᓯᖏᑦ ᐊᖓᔪᖅᑳᖁᑎᒋᔭᐅᖕᒥᔪᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 40:9

ᒋᑕᓔᐊᐅᑉ ᐊᕼᐂᑲᐅᑉ ᐃᕐᓂᖓᑕ ᓴᕙᓂᐅᑉ ᐃᕐᖑᑕᖓᑕ ᐊᖏᕐᕕᒋᕔᑦ ᓯᕘᕋᖏᓪᓗᑎᒃ ᐹᐱᓘᓂᒥᐅᓄᑦ ᐃᓄᖁᑎᒋᔭᐅᖁᓪᓗᒋᑦ, ᐅᖃᕐᓗᓂ, “ᓯᕘᕋᖏᓪᓗᓯ ᑲᐅᓪᑎᐊᒥᐅᓄᑦ ᐃᓄᖁᑎᒋᔭᐅᓕᕆᑦᓯ ᓄᓇᑖᕐᑐᕐᓗᓯᓗ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐊᐅᓚᑦᓯᔨᒋᓗᒍ, ᑕᕝᕙ ᖃᓄᐃᑕᐅᓂᐊᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 44:7

“ᑍᒤᒻᒪᑦ ᐃᒫᒃ ᐊᑕᓂᖅ ᒎᑎ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᓱᒪᓚᐅᕆᑦᓯ ᖃᓄᐃᒻᒪᑦ ᐃᓕᑦᓯᓐᓂᒃ ᐱᐅᖏᑦᑐᓕᐅᕐᑎᒻᒪᖔᑦᓯ, ᐊᖑᑎᑦ ᐊᕐᓁᓪᓗ ᓱᕈᓰᓪᓗ ᓄᑕᕋᑯᓗᐃᓪᓗ ᐊᓯᕈᕐᑕᐅᖁᒐᑦᓯᐅᒃ ᐊᒥᐊᒃᑯᖃᕈᒪᔪᓐᓃᕐᐱᓰ?

ᐃᓯᑭᐊᓕᐅᑉ ᐊᒡᓚᖏᑦ 8:4

ᑕᑯᒋᓪᓗ, ᑕᑯᕗᖓ ᐃᓴᕆᐊᓕᒥᐅᑦ ᒎᑎᖓᑦᑕ ᐱᓐᓇᕐᓇᕐᓂᕐᔪᐊᖓᓂᒃ ᑕᕝᕙᓃᑦᑐᒥᒃ, ᑕᑯᓚᐅᕐᑕᒪ ᐊᑦᔨᖓᓂᒃ ᓇᑎᕐᓇᒥ.

ᐂᒨᓯᐅᑉ ᐊᒡᓚᖏᑦ 5:27

ᑍᒤᒻᒪᑦ ᐊᐅᓪᓚᕈᑎᔪᒫᓕᕐᐸᑦᓯ ᑕᒫᓯᑰᓯᐅᑉ ᐅᖓᑖᓄᑦ,” ᐊᑕᓂᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᒎᑎᖓᓐᓂᒃ ᐊᑎᖃᕐᑐᖅ.