6 ᐊᑕᓂᐅᓪᓗ ᔨᕆᒤᐊ ᐅᖃᕐᑎᓂ ᐅᖃᐅᑎᕚ:
“ᑕᑯᒋᑦ, ᐃᑳᕈᑎᕐᔪᐊᑦ ᐃᒡᓗᒐᓴᒡᔪᐊᓂᑦ ᓵᓚᒃᓴᕈᑕᐅᓂᐊᕐᑐᑦ ᐋᖅᑭᒃᓯᒪᓕᕐᐳᑦ, ᐅᓇᑕᕐᓂᖃᓕᕐᒪᑦ ᑳᖕᓇᕐᑐᕐᔪᐊᖃᓕᕐᐳᖅ ᐋᓐᓂᐊᓇᕐᑐᖃᓕᕐᓗᓂᓗ ᓇᓗᓇᕈᓐᓃᕐᐳᑦ ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᓕᕐᑐᑦ. ᐅᖃᐅᓯᕆᓚᐅᕐᑍᑦ ᓇᓪᓕᐅᑎᕗᖅ, ᑕᑯᒋᓪᓗ, ᑕᒪᓐᓇ ᑕᑯᓕᕐᐹᑦ.
ᔨᑎᑬᐊᐅᑉ ᔨᕆᒤᐊ ᑎᒍᔭᐅᓯᒪᑎᓕᓚᐅᕐᒪᒍ ᐅᖃᐅᑎᓪᓗᓂᐅᒃ, “ᓱᖕᒪᑦ ᓇᓚᐅᑦᑍᓇᓱᐊᖃᑦᑕᕐᐲᑦ? ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᐅᖃᕐᐳᖅ, ᐃᒡᓗᒐᓴᒡᔪᐊᖁᑎᓯ ᐱᔭᐅᑎᓐᓂᐊᕐᐸᒃᑲ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑎᒍᔪᒫᕐᐹᓪᓗ.
ᐰᕉᓪᓕ ᐅᓇᑕᕐᑐᒃᓴᖁᑎᖏᑦ ᐊᐅᓪᓚᓚᐅᕐᐳᑦ ᐄᑦᔨᑉᑎᒥᑦ, ᑲᐅᓪᑎᐊᒥᐅᓪᓗ ᔨᕉᓴᓕᒥᒃ ᐊᕙᑕᖏᕐᓯᓯᒪᓪᓗᑎᒃ ᐊᔪᓕᕐᑎᑦᓯᓯᒪᔪᑦ ᑐᓴᓕᕋᒥᒃ ᐄᑦᔨᑉᑎᒥᐅᓂᒃ ᔨᕉᓴᓕᒥᑦ ᕿᒪᕉᑎᕗᑦ.
“ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐅᕙᓐᓄᑦ ᑐᒃᓯᐊᕐᕕᖃᖁᔨᓚᐅᕐᑐᖅ ᐅᖃᐅᑎᒍᒃ, ‘ᑕᑯᒋᑦ, ᐰᕉᑉ ᐅᓇᑕᕐᑎᖁᑎᖏᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᑎᒃ ᐄᑦᔨᑉᑎᒥᑦ ᐊᐅᓪᓚᕐᑑᒐᓗᐊᑦ, ᓄᓇᒥᖕᓄᑦ ᐄᑦᔨᑉᑎᒧᑦ ᐅᑎᕐᓂᐊᕆᕗᑦ.
