ᔨᕆᒤᐊᐅᑉ ᐊᒡᓚᖏᑦ 37:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᐃᒡᓗᒥᓄᑦ ᕾᑎᑕᐅᖁᕚ, ᑕᕝᕙᓃᓕᕐᑎᓪᓗᒍᓗ ᖃᐅᔨᔭᐅᑦᑍᓕᓪᓗᓂ ᐊᐱᕐᓱᕐᐹ, ᐊᑕᓂᕐᒥᑦ ᑐᓴᒐᒃᓴᕐᑕᖃᕐᒪᖔᑦ. ᔨᕆᒤᐊᐅᓪᓗ ᐅᖃᐅᑎᕚ, “ᑐᓴᒐᒃᓴᖃᕐᐳᖅ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐱᔭᐅᓂᐊᕐᐳᑎᑦ.”

ᔨᕆᒤᐊᐅᑉ ᐊᒡᓚᖏᑦ 37:17 Iomraidhean Croise

ᐊᑕᓃᑦ ᓯᕗᓪᓖᑦ 22:15

ᐊᖓᔪᖅᑳᕐᔪᐊᒧᑦ ᑎᑭᒻᒪᑦ, ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᒤᑬᐊ, ᐅᓇᑕᕆᐊᕐᑐᒃᓴᐅᕕᑖ ᕌᒪᑦ-ᒋᓖᑦᒧᑦ, ᐅᕝᕙᓘᓐᓃᑦ ᐅᓇᑕᕆᐊᕆᐊᖃᓐᖏᓚᒍᑦ?” ᑭᐅᕗᖅ, “ᐅᓇᑕᕆᐊᓕᕆᑦ ᓵᓚᖃᕆᐊᕐᑐᕐᓗᑎᑦ; ᐊᑕᓂᐅᑉ ᑐᓂᔪᒫᕐᐹ ᐊᖓᔪᖅᑳᕐᔪᐊᕐᒧᑦ.”

ᐊᑕᓃᑦ ᓯᕗᓪᓖᑦ 22:16

ᐊᖓᔪᖅᑳᕐᔪᐊᕐᓕ ᐅᖃᕐᐳᖅ ᑖᑦᓱᒧᖓ, “ᖃᑦᓯᐊᕐᑎᕐᓗᖓ ᐊᖏᕐᑎᑕᒃᓴᕆᕙᒌᑦ ᐅᕙᓐᓄᑦ ᓱᓕᔪᒥᒃ ᐅᖃᖁᓗᑎᑦ ᐊᑕᓂᐅᑉ ᐊᑎᖓᓂ?”

ᐊᑕᓃᑦ ᐂᑉᐸᖏᑦ 25:7

ᔨᑎᑬᐊ ᑕᑯᓐᓇᕐᑎᓪᓗᒍ ᐃᕐᓂᖏᑦ ᑐᖁᕋᕐᑕᐅᕗᑦ, ᓂᐱᑯᓁᓴᐅᓪᓗ ᔨᑎᑬᐊᐅᑉ ᐃᔨᖏᒃ ᖄᕐᑕᐅᑎᑉᐰᒃ, ᐊᕐᓵᕐᑑᔭᓄᓪᓗ ᐊᑦᑐᖏᕐᓱᕐᓗᒍ, ᐹᐱᓘᓂᒧᑦ ᐊᐅᓪᓚᕈᑎᕚ.

ᔨᕆᒤᐊᐅᑉ ᐊᒡᓚᖏᑦ 15:11

ᐊᑕᓃᖅ ᑍᒤᓕᕐᓕ, ᐱᐅᔪᒥᒃ ᐱᓇᓱᐊᓚᐅᖏᒃᑯᒪ ᐃᓕᖕᓄᑦ, ᑐᒃᓯᐊᓚᐅᖏᒃᑯᒪᓗ ᐃᓕᖕᓄᑦ ᐊᑭᕋᕐᑐᕐᑐᑦ ᐱᑦᔪᑎᒋᓗᒋᑦ ᑲᑉᐱᐊᓇᕐᑐᖃᓕᕐᑎᓪᓗᒍ ᐅᖁᒤᑦᑐᖃᓕᕐᑎᓪᓗᒍᓗ.

ᔨᕆᒤᐊᐅᑉ ᐊᒡᓚᖏᑦ 21:7

ᑕᒪᓐᓇᓗ ᐊᓂᒍᕐᒪᑦ, ᐊᑕᓂᖅ ᐅᖃᕐᐳᖅ, ᔨᑎᑬᐊ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᖓᔪᖅᑳᖁᑎᖏᓪᓗ, ᐃᓄᐃᓪᓗ ᑐᖁᕋᕐᓇᕐᑐᒧᑦ ᐱᔭᐅᓂᐊᓐᖏᓚᑦ ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ ᐹᐱᓘᓂᒥᐅᓪᓘᓐᓃᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᑖᒃᑯᐊ ᐊᒥᐊᒃᑰᔪᑦ ᑐᖁᑕᐅᑎᓐᓂᐊᕐᐰᑦ ᓇᒡᓕᒋᖏᓪᓗᒋᑦ ᐃᓚᑦᓱᒋᖏᓪᓗᒋᓪᓘᓐᓃᑦ.’

ᔨᕆᒤᐊᐅᑉ ᐊᒡᓚᖏᑦ 24:8

“ᐊᑕᓂᕐᓕ ᐅᖃᕐᐳᖅ: ᐃᕕᒐᕐᒦᑦᑐᓪᓕ ᐱᒋᓖᑦ ᐱᐅᔪᓐᓃᕐᓯᒪᔪᑦ ᐱᐅᓐᖏᓗᐊᒧᑦ ᓂᕆᔭᒃᓴᐅᔪᓐᓃᕐᑐᑦ, ᐊᑦᔨᖃᕐᐳᑦ ᔫᑕᐅᑉ ᐊᖓᔪᖅᑳᕐᔪᐊᖓᓂᒃ ᔨᑎᑬᐊᒥᒃ, ᐊᖓᔪᖅᑳᖁᑎᖏᓐᓂᒃ ᐊᒥᐊᒃᑰᔪᓂᒡᓗ ᓄᓇᒥ ᔨᕉᓴᓕᒦᖏᓐᓇᕐᑐᓂᒃ, ᐄᑦᔨᑉᑎᒦᖏᓐᓇᕐᑐᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 25:35

ᐰᕐᓯᔨᐅᔪᑦ ᕿᒫᕕᒃᓴᖃᕐᓂᐊᓐᖏᓚᑦ, ᓯᕗᓕᕐᑎᐅᔪᓪᓗ ᐃᓄᖕᓄᑦ ᐊᓐᓇᒡᕕᓴᖃᕐᓂᐊᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 37:3

ᐊᖓᔪᖅᑳᕐᔪᐊᕐᓗ ᔨᑎᑬᐊ ᑎᓕᓯᓚᐅᕐᐳᖅ ᔨᕼᐅᑲᐅᓕᒥᒃ ᓯᓕᒤᐊᐅᑉ ᐃᕐᓂᖓᓂᒃ, ᑐᓂᕐᕈᓯᕐᑎᑦᓯᔨᒥᒡᓗ ᔨᐸᓁᐊᒥᒃ ᒫᓯᐊᐅᑉ ᐃᕐᓂᖓᓂᒃ ᔨᕆᒤᐊᒧᑦ ᒎᑎᐅᑉ ᐅᖃᕐᑎᖓᓄᑦ ᐃᒫᒃ ᐅᖃᐅᑎᔭᐅᖁᓪᓗᒍ, “ᐊᑕᓂᕐᒧᑦ ᒎᑎᑦᑎᓐᓄᑦ ᑐᒃᓯᐅᑎᑎᒍᑦ.”

ᔨᕆᒤᐊᐅᑉ ᐊᒡᓚᖏᑦ 38:5

ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᐅᖃᐅᑎᕔᑦ, “ᐃᓱᒪᕐᓲᑎᒋᕙᓯ, ᐱᓂᐊᕐᓂᕆᔪᒪᔭᑦᓯᓐᓂᒃ ᐊᑭᕋᕐᑐᕈᓐᓇᓐᖏᓚᖓ.”

ᔨᕆᒤᐊᐅᑉ ᐊᒡᓚᖏᑦ 52:8

ᑲᐅᓪᑎᐊᒥᐅᓪᓕ ᐅᓇᑕᕐᑐᒃᓴᖁᑎᖏᑕ ᔨᑎᑬᐊᒃᑯᑦ ᒪᓕᒃᑲᒥᑦᔪᒃ, ᐊᖑᕚᑦ ᔨᕆᑰᑉ ᓇᑎᕐᓇᕐᔪᐊᖓᓂ, ᔨᑎᑬᐊᐅᓪᓗ ᐅᓇᑕᕐᑎᖁᑎᖏᑦ ᑕᕝᕙᓂ ᐊᕕᒃᑐᕐᓗᑎᒃ ᓇᒧᑐᐃᓐᓇᖅ ᕿᒫᕗᑦ, ᕿᒤᓪᓗᑎᒃ ᐊᖓᔪᖅᑳᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 7:26

ᐊᓯᕈᕐᑕᐅᓇᕐᑐᑦ ᑭᖑᓕᕇᒃᑕᕐᓗᑎᒃ ᓇᓪᓕᐅᑎᖃᑦᑕᕈᒫᕐᐳᑦ, ᑐᓴᐅᒪᑐᐃᓐᓇᕐᓂᒃᑯᑦ ᑐᓴᕐᑎᑦᓯᓃᑦ ᑭᖑᓕᕇᒃᑕᕈᒫᕐᐳᑦ; ᒎᑎᐅᓪᓗ ᐱᔪᒫᕐᑐᒃᓴᓂᒃ ᐅᖃᕐᑎᖏᑕ ᑕᑯᑎᑕᐅᓂᖏᓐᓂᒃ ᕿᓂᖃᑦᑕᕈᒫᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐊᓯᐅᔨᔪᒫᕐᐳᑦ, ᐃᓄᑐᖃᐅᔪᓪᓗ ᐅᖃᐅᑦᔨᒋᐊᕈᑎᒃᓴᖃᕈᓐᓁᕐᓗᑎᒃ.

ᒨᓯᓯ ᓯᑕᒪᖏᑦ 23:17

ᑕᕝᕙ ᐅᑎᕐᕕᒋᕚ ᑕᕝᕙᓃᓚᐅᕐᐳᖅ, ᑐᓂᕐᕈᑎᒥ ᓴᓂᐊᓂ ᓇᖏᕐᑐᖅ, ᒧᐊᐱᒥᐅᑦ ᐊᖓᔪᖅᑳᖁᑎᖏᑦ ᐃᓚᒋᓪᓗᒋᑦ. ᐰᓚᑭᐅᑉ ᐊᐱᕆᕚ, “ᖃᓄᖅ ᐊᑕᓂᖅ ᐅᖃᕐᐸ?”

ᒫᑯᓯᐅᑉ ᐊᒡᓚᖏᑦ 6:20

ᐃᕉᑕᓯᐅᑉ ᔪᐊᓇᓯ ᐃᓕᕋᒋᓚᐅᕐᒪᒍ, ᖃᐅᔨᒪᒐᒥᐅᒃ ᓇᓛᒎᕐᒪᑦ ᐃᑦᔪᕐᓁᑑᓪᓗᓂ, ᑍᒤᒻᒪᑦ ᓴᐳᑎᓯᒪᓚᐅᕐᐹ. ᑐᓵᓕᕌᖓᒥᐅᒃ ᖁᐊᕐᓵᕐᑎᑕᐅᒻᒪᕆᒃᐸᒃᑲᓗᐊᕐᓗᓂ ᐅᖃᓪᓚᓕᕌᖓᑦ; ᓈᓚᒋᐊᖓ ᖁᕕᐊᒋᓪᓗᓂᐅᒃ.