ᔨᕆᒤᐊᐅᑉ ᐊᒡᓚᖏᑦ 37:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑭᓯᐊᓂᓕ ᐱᓐᔭᒥᓂᒥᒃ ᐊᑎᖃᕐᑐᒃᑯᑦ ᐃᑎᕐᑕᕐᕕᒃᑯᑦ ᐊᓂᔭᕐᑐᓕᕐᑎᓪᓗᒍ, ᐅᓇᑕᕐᑏᑦ ᖃᐅᔨᓴᕐᑎᐅᔪᑦ ᐊᖓᔪᖅᑳᖓᑦᑕ ᐂᕅᐊᐅᑉ ᓯᓕᒤᐊᐅᑉ ᐃᕐᓂᖓᑕ, ᕼᐊᓇᓁᐊᐅᑉ ᑭᖑᕚᖓᑕ ᔨᕆᒤᐊ ᑎᒍᕚ, ᐅᖃᐅᑎᓪᓗᒍᓗ, “ᑲᐅᓪᑎᐊᒥᐅᓄᑦ ᕿᒫᓇᓱᐊᕐᐳᑎᑦ!”

ᔨᕆᒤᐊᐅᑉ ᐊᒡᓚᖏᑦ 37:13 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 18:18

ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 20:10

ᐅᖃᐅᓯᐅᓂᓐᓂᒃ ᑐᓴᖃᑦᑕᕐᐳᖓ, ᐅᕙᓐᓂᒃ ᐊᕙᑎᓕᒫᓐᓂᑦ ᑲᑉᐱᐊᓵᕆᔪᓂᒃ, ᐅᖃᐅᓯᐅᖁᔨᔪᑦ ᐅᖃᐅᓯᖃᕈᒪᔪᓪᓗ, ᐃᓚᓐᓇᕆᔭᓕᒫᒃᑲ ᐅᑕᖅᑭᕗᑦ ᑕᒻᒪᕐᓂᐊᕐᒪᖔᕐᒪ, ᐅᖃᕐᓗᑎᒃ, “ᐃᒻᒪᖄ ᓯᓔᕐᕆᔭᐅᓂᐊᕐᐳᖅ, ᐋᖅᑭᒋᐊᕐᓂᐊᕐᐸᕗᑦ ᑕᕝᕙ.”

ᔨᕆᒤᐊᐅᑉ ᐊᒡᓚᖏᑦ 20:2

ᑕᕝᕙ ᐸᓱᕼᐅᕆᐅᑉ ᔨᕆᒤᐊ ᐋᓐᓂᕐᓯᕐᑕᐅᑎᑉᐹ, ᐊᑦᓱᖏᕐᑕᐅᑎᓪᓗᒍᓗ ᐊᕐᓵᕐᑑᔭᓄᑦ, ᐃᑎᕐᑕᕐᕕᐅᑉ ᐱᓐᔭᒥᓂᒥᒃ ᑍᔭᐅᔫᑉ ᓴᓂᐊᓄᐊᕐᑕᐅᑎᑉᐹ ᖁᕝᕙᓯᖕᓂᕐᓴᒧᑦ ᐊᑕᓂᐅᑉ ᐃᒡᓗᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 21:9

ᐃᒡᓗᒐᓴᒡᔪᐊᓃᑦᑐᑦ ᑐᖁᓂᐊᕐᐳᑦ ᐅᓇᑕᕐᑐᓂ, ᑳᖕᓇᕐᑐᕐᔪᐊᒃᑯᑦ ᐋᓐᓂᐊᓇᕐᑐᒃᑯᓪᓗ; ᓇᓪᓕᐊᓪᓕ ᑲᐅᓪᑎᐊᒥᐅᓄᑦ ᑐᓂᑦᔪᑎᒋᔭᕐᑐᕈᓂ ᐃᓗᒪᓗᓂᓯ ᐊᔪᓕᕐᑎᑦᓯᓯᒪᔪᓄᑦ, ᐃᓅᔪᓐᓇᕐᓂᐊᕐᐳᖅ, ᑐᓂᑦᔪᑎᒋᓂᓂ ᐊᓐᓇᒍᑎᒋᓂᐊᕐᒪᒍ ᐅᓇᑕᕐᓂᕐᒥᑦ.

ᔨᕆᒤᐊᐅᑉ ᐊᒡᓚᖏᑦ 27:6

ᓄᓇᖁᑎᓕᒫᓯᓗ ᑐᓂᑦᔪᑎᒋᔪᒪᓕᕐᐸᒃᑲ ᐱᔨᒋᔭᓐᓄᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐆᒪᔪᑦ ᐊᒡᓛᑦ ᑖᑦᓱᒥᖓ ᐊᖓᔪᖅᑳᖃᕐᑎᑦᓱᒪᕙᒃᑲ.

ᔨᕆᒤᐊᐅᑉ ᐊᒡᓚᖏᑦ 28:14

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᐃᓅᖃᑎᒌᒡᔪᐊᑦ ᐊᓄᓯᒪᐅᑎᓕᐅᕈᒪᕙᒃᑲ ᓴᕕᕋᔭᖕᒥᒃ ᐱᔨᑦᓯᖁᓪᓗᒋᑦ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᑖᑦᓱᒧᖓ ᐊᐅᓚᑕᐅᖁᓪᓗᒋᑦ ᐆᒪᔪᓪᓗᑦᑕᐅᖅ ᐊᒡᓛᑦ ᑖᑦᓱᒧᖓ ᐊᐅᓚᑕᐅᑎᑦᓱᒫᕐᐸᒃᑲ.”

ᔨᕆᒤᐊᐅᑉ ᐊᒡᓚᖏᑦ 36:12

ᐊᖓᔪᖅᑳᑦ ᑲᑎᒪᕕᖓᓐᓄᐊᕐᐳᖅ ᑎᑎᕋᕐᑎᖓᓐᓄᑦ. ᐊᖓᔪᖅᑳᖑᔪᓪᓗ ᑲᑎᒪᕕᖕᒥᓃᑉᐳᑦ ᐅᑯᐊᖑᓪᓗᑎᒃ; ᐃᓔᓴᒪ ᐃᖅᑲᕐᑐᐃᕕᐅᑉ ᑎᑎᕋᕐᑎᖓ, ᑎᓔᐊ ᓯᒤᐊᐅᑉ ᐃᕐᓂᖓ, ᐃᐅᓪᓇᓴᓐ ᐂᒃᐹᕆᐅᑉ ᐃᕐᓂᖓ, ᔭᒪᕅᐊ ᓴᕙᓂᐅᑉ ᐃᕐᓂᖓ, ᔨᑎᑬᐊ ᕼᐊᓇᓁᐊᐅᑉ ᐃᕐᓂᖓ ᐊᓯᖏᓪᓗ ᐊᖓᔪᖅᑳᖑᔪᑦ ᑕᕝᕙᓃᓚᐅᕆᕗᑦ.

ᔨᕆᒤᐊᐅᑉ ᐊᒡᓚᖏᑦ 38:1

ᓯᕚᑍᐊ ᒫᑖᓂᐅᑉ ᐃᕐᓂᖓ, ᒋᑕᓔᐊᓗ ᐸᓱᕼᐅᕆᐅᑉ ᐃᕐᓂᖓ, ᔪᑲᐅᓪ ᓯᓕᒤᐊᐅᑉ ᐃᕐᓂᖓ, ᐸᓱᕼᐅᕆᓗ ᒪᓪᑬᔭᐅᑉ ᐃᕐᖑᑕᖓ, ᑐᓴᕋᒥ ᔨᕆᒤᐊᐅᑉ ᐅᖃᐅᓯᕆᔭᖏᓐᓂᒃ ᐃᓄᖕᓄᑦ,

ᔨᕆᒤᐊᐅᑉ ᐊᒡᓚᖏᑦ 38:4

ᐊᖓᔪᖅᑳᖑᔪᑦ ᐊᖓᔪᖅᑳᕐᔪᐊᕐᒧᑦ ᐅᖃᕐᐳᑦ, “ᐃᓄᒃ ᑖᓐᓇ ᑐᖁᑕᐅᔪᒃᓴᐅᕗᖅ, ᐅᓇᑕᕐᑐᒃᓴᓂᒃ ᓴᐱᕐᓵᕆᖕᒪᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᓂᒃ, ᐃᓄᖕᓂᒡᓗ, ᐅᖃᐅᓯᕆᖃᑦᑕᕐᑕᒥᓄᑦ ᐃᓄᖕᓂᒃ ᐱᔪᓐᓇᕐᓯᑎᑦᓯᓇᓱᐊᖏᒻᒪᑦ ᓴᐱᓕᕐᑎᑦᓯᓇᓱᖔᕐᒪᓪᓕ.”

ᔨᕆᒤᐊᐅᑉ ᐊᒡᓚᖏᑦ 38:7

ᐃᐱᑦ-ᒥᓕᒃᓕ ᐃᑎᐅᐱᐊᒥᐅᑕᖅ ᐃᒡᔪᐃᕐᑕᐅᓯᒪᔪᖅ ᐊᖓᔪᖅᑳᖑᖃᑕᐅᔪᖅ ᐊᖓᔪᖅᑳᕐᔪᐊᑉ ᐃᒡᓗᖓᓂ, ᑐᓴᕋᒥ ᔨᕆᒤᐊᐅᑉ ᐃᒥᕐᑕᕐᕕᖕᒧᑦ ᐴᕐᑕᐅᓂᖓᓂᒃ, ᐊᖓᔪᖅᑳᕐᔪᐊᖅ ᐃᒃᓯᕚᕐᒪᑦ ᐃᑎᕐᑕᕐᕕᖕᒥ ᐱᓐᔭᒥᓂᒥᒃ ᑍᔭᐅᔪᒥ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:18

ᐊᑭᕋᑦᑎᓐᓄᑦ ᓇᒧᓐᖓᕐᓂᕗᑦ ᖃᐅᔨᒪᔭᐅᓇᓱᐊᖏᓐᓇᓕᓚᐅᕐᐳᑦ, ᐊᖅᑯᑎᑎᒍᑦ ᐱᓱᑲᑕᒍᓐᓁᓪᓕᓚᐅᕐᐳᒍᑦ ᐊᒡᓛᑦ, ᐅᓪᓗᐃᑦ ᓈᓴᕐᑕᐅᓯᒪᓚᐅᕐᐳᑦ ᐃᓱᓕᕝᕕᒃᓴᕗᑦ, ᐃᓱᓕᕝᕕᒃᓴᕗᑦ ᓇᓪᓕᐅᑎᖕᒪᑦ.

ᐂᒨᓯᐅᑉ ᐊᒡᓚᖏᑦ 7:10

ᐊᒪᔧᐊ ᐱᑎᓕᒥ ᑐᓂᕐᕈᓯᕐᑎᑦᓯᔨ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑎᑦᓯᓪᓗᓂ ᔨᕈᐳᐊᒻᒧᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐃᒫᒃ, “ᐂᒨᓯ ᐃᓱᒪᓕᐅᓕᕐᒪᑦ ᐊᑭᕋᕐᑐᕈᒪᓪᓗᓂ ᐃᓕᖕᓄᑦ ᐃᓴᕆᐊᓕᒥᐅᑎᒍᑦ, ᐅᖃᐅᓯᖏᓪᓗ ᐊᓯᕈᐃᓂᐊᕐᐳᑦ ᓄᓇᖁᑎᑦᑎᓐᓂᒃ.

ᓴᑲᕅᐊᐅᑉ ᐊᒡᓚᖏᑦ 14:10

ᓄᓇᓕᒫᖅ, ᒋᐸᒥᑦ ᕆᒪᓐ ᑎᑭᓪᓗᒍ, ᔨᕉᓴᓕᒥᑦ ᓯᕿᓂᐅᑉ ᓇᓛᓂᑦᑐᒧᑦ, ᑕᒪᓐᓇ ᓄᓇ ᒪᓂᕋᐅᓕᕈᒫᕐᐳᖅ. ᔨᕉᓴᓕᓕ ᐳᕐᑐᓯᒃᑲᓐᓂᕈᒫᕐᐳᖅ, ᐃᓂᒥᓃᓪᓗᓂ ᓱᓕ, ᐱᓐᔭᒥᓂᐅᑉ ᑭᖑᕚᖏᑕ ᐃᑎᕐᑕᕐᕕᖓᓂᑦ, ᐃᑎᕐᑕᕐᕕᒃ ᓯᕗᓪᓕᕐᐹᒥᒃ ᑍᔭᐅᔪᖅ ᑎᑭᓪᓗᒍ, ᖃᐅᔨᓴᕐᕕᖕᒥᑦ ᓇᐸᔪᒥᑦ ᕼᐊᓇᓂᐅᓪᒥᑦ ᐱᒋᐊᕐᓗᒍ ᐊᖓᔪᖅᑳᕐᔪᐊᑉ ᕔᓂᒃᓴᓕᐅᕐᕕᖓ ᑎᑭᓪᓗᒍ.

ᓘᑲᓯᐅᑉ ᐊᒡᓚᖏᑦ 23:2

ᔩᓱᓯᒥᒃ ᐃᖅᑲᕐᑐᒐᒃᓴᖑᕐᑎᑎᓯᒪᔪᑦ ᐅᖃᕐᐳᑦ, “ᐅᓇ ᖃᐅᔨᓚᐅᕐᐸᕗᑦ ᐃᓅᖃᑎᑦᑎᓐᓂᒃ ᑕᒻᒪᕐᓮᔪᖅ, ᐃᓂᕐᑎᓚᐅᕐᐹᑎᒍᑦ ᓰᓴᕆᒧᑦ ᑖᒃᓰᔭᖃᑦᑕᖁᓇᑕ, ᐃᒻᒥᓂᒃ ᒥᓮᐊᓯᐅᓂᕋᕐᓗᓂ ᐊᖓᔪᖅᑳᕐᔪᐊᖑᓂᕋᓗᓂᓗ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:13

ᑖᒃᑯᐊ ᒫᓐᓇ ᐃᓕᖕᓄᑦ ᓇᓗᓁᕐᓯᒻᒪᕆᒍᓐᓇᓐᖏᓚᑦ ᐸᓯᒃᓯᕈᑎᒋᔭᒥᖕᓂᒃ ᐅᕙᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 6:11

ᐊᖑᑎᑦ ᖃᐅᔨᔭᐅᑦᑍᓕᓪᓗᑎᒃ, ᐊᑭᓖᕗᑦ ᐊᖑᑎᓂᒃ ᓴᒡᓗᖁᔨᓪᓗᑎᒃ ᐃᒫᒃ ᐅᖃᖁᓪᓗᒋᑦ, “ᐅᓇ ᑐᓴᓚᐅᕐᑕᕗᑦ ᐅᖃᕐᓂᕐᓘᑎᖃᕐᑎᓪᓗᒍ ᒨᓯᓯᒥᒃ ᒎᑎᒥᒡᓗ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:8

ᐅᐱᒋᔭᐅᓕᕌᖓᑦᑕ ᓇᕐᕈᒋᔭᐅᓕᕌᖓᑦᑕᓗ, ᐊᔪᕐᓂᕋᕐᑕᐅᔭᕌᖓᑦᑕ ᐊᔪᖏᓐᓂᕋᕐᑕᐅᔭᕌᖓᑦᑕᓗ. ᓴᒡᓗᑐᓂᕋᕐᑕᐅᕙᒃᑐᒍᑦ, ᓱᓕᔪᒥᒃ ᐅᖃᓪᓚᖃᑦᑕᕋᓗᐊᕐᑐᒍᑦ;