ᔨᕆᒤᐊᐅᑉ ᐊᒡᓚᖏᑦ 36:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᔨᕆᒤᐊᐅᓪᓗ ᐸᕉᒃ ᐅᖃᐅᑎᕚ, “ᐊᓂᔪᓐᓇᕐᑎᑕᐅᖏᓐᓂᓐᓄᑦ ᐊᑕᓂᐅᑉ ᐃᒡᓗᖓᓄᑦ ᐃᑎᕈᓐᓇᖏᓐᓇᒪ.

ᔨᕆᒤᐊᐅᑉ ᐊᒡᓚᖏᑦ 36:5 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 6:10

ᑕᒪᑐᒪ ᑭᖑᓂᖓᒍᑦ ᐳᓛᕆᐊᓚᐅᕐᐳᖓ ᓯᒤᐊᒧᑦ ᑎᓔᐊᐅᑉ ᐃᕐᓂᖓᓄᑦ, ᒥᕼᐃᑕᐱᐅᓕᐅᑉ ᐃᕐᖑᑕᖓᓄᑦ, ᑖᓐᓇ ᐃᒡᓗᒥᓂᒃ ᕿᒤᔪᓐᓇᓚᐅᖏᒻᒪᑦ ᑐᓴᕐᑎᑦᓯᔨᒋᕙᒃᓗᒍᓗ; ᑖᑦᓱᒪ ᐅᖃᐅᑎᕙᖓ, “ᑲᑎᔭᕐᑐᓚᐅᕐᓗᒃ ᐊᑕᐅᑦᓯᒃᑯᑦ ᒎᑎᐅᑉ ᐃᒡᓗᖓᓂ, ᑕᕝᕙᓂᓗ ᑐᒃᓯᐊᕐᕕᒡᔪᐊᑉ ᐅᒃᑯᐊᖏᑦ ᐊᑦᓱᖏᕐᓗᒋᑦ, ᐃᓕᖕᓂᒃ ᑐᖁᑦᓯᔭᕐᑐᕈᒪᓪᓗᑎᒃ ᕾᓂᐊᕐᐳᑦ; ᐃᓛᒃ, ᐅᓐᓄᐊᖅ ᕾᓂᐊᕐᐳᑦ ᑐᖁᑦᓯᔭᕐᑐᕐᓗᑎᒃ ᐃᓕᖕᓂᒃ.”

ᐃᓐᖏᕈᑎᑦ 88:8

ᐃᓚᓐᓇᕆᔭᒃᑲ ᐅᕙᓐᓂᑦ ᐅᖓᓯᒃᓯᑎᓚᐅᕐᐸᑎᑦ; ᓇᕐᕈᓇᕐᑐᓐᖑᕐᑎᓚᐅᕐᐸᕐᒪ ᑖᒃᑯᓄᖓ; ᒪᑐᑦᔪᑎᔭᐅᓯᒪᕗᖓ ᐊᓂᔪᓐᓁᓪᓕᖁᓪᓗᖓ ᑕᕝᕙᓐᖓᑦ.

ᔨᕆᒤᐊᐅᑉ ᐊᒡᓚᖏᑦ 20:2

ᑕᕝᕙ ᐸᓱᕼᐅᕆᐅᑉ ᔨᕆᒤᐊ ᐋᓐᓂᕐᓯᕐᑕᐅᑎᑉᐹ, ᐊᑦᓱᖏᕐᑕᐅᑎᓪᓗᒍᓗ ᐊᕐᓵᕐᑑᔭᓄᑦ, ᐃᑎᕐᑕᕐᕕᐅᑉ ᐱᓐᔭᒥᓂᒥᒃ ᑍᔭᐅᔫᑉ ᓴᓂᐊᓄᐊᕐᑕᐅᑎᑉᐹ ᖁᕝᕙᓯᖕᓂᕐᓴᒧᑦ ᐊᑕᓂᐅᑉ ᐃᒡᓗᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 32:12

ᑐᓂᓪᓗᒋᓪᓗ ᑖᒃᑯᐊ ᐸᕉᑭᒧ ᓂᕅᔭᐅᑉ ᐃᕐᓂᖓᓄᑦ, ᓂᕅᐊᓗ ᐊᑖᑕᖃᕆᕗᖅ ᒪᕼᐊᓮᐊᒥᒃ. ᐊᖓᒐ ᕼᐊᓇᒥᐅᓪ ᑕᑯᓐᓇᕐᑎᓪᓗᒍ ᐊᑎᓕᐅᖃᑕᐅᔪᓪᓗ ᑕᑯᓐᓇᕐᑎᓪᓗᒋᑦ, ᔫᑎᓪᓗ ᐊᖓᔪᖅᑳᕐᔪᐊᑉ ᐃᒡᓗᖓᓂᑦ ᖃᐅᔨᓴᕐᑎᐅᔪᑦ ᐃᒃᓯᕚᖃᑕᐅᔪᑦ ᑕᑯᓐᓇᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 32:2

ᑍᑦᓱᒪᓂᐅᑎᓪᓗᒍ ᐹᐱᓘᓂᒥᐅᑉ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᖏᑦ ᐅᖓᓗᓯᓯᒪᓚᐅᕐᐳᑦ ᔨᕉᓴᓕᒥᒃ, ᔨᕆᒤᐊᓗ ᑎᒍᔭᐅᓯᒪᓚᐅᕐᐳᖅ ᔫᑕᐅᑉ ᐊᖓᔪᖅᑳᕐᔪᐊᖓᑕ ᐃᒡᓗᖁᑎᖓᓂ.

ᔨᕆᒤᐊᐅᑉ ᐊᒡᓚᖏᑦ 33:1

ᔨᕆᒤᐊᓕ ᓱᓕ ᑎᒍᔭᐅᓯᒪᑎᓪᓗᒍ ᐊᖓᔪᖅᑳᕐᔪᐊᑉ ᐃᒡᓗᖁᑎᖓᓂ, ᐊᑕᓂᕐᒧᑦ ᐅᖃᕐᕕᐅᒃᑲᓐᓂᕐᐳᖅ ᐂᑉᐸᖓᓂᒃ:

ᔨᕆᒤᐊᐅᑉ ᐊᒡᓚᖏᑦ 37:15

ᔨᕆᒤᐊᓗ ᐊᑲᐅᒋᖏᒻᒪᕆᓕᕐᐹᑦ ᐋᓐᓂᕐᓯᕐᑕᐅᑎᓪᓗᒍᓗ ᑎᒍᔭᐅᓯᒪᕕᖕᒧᐊᕐᑕᐅᑎᑉᐹᑦ ᔫᓇᑕᓂᐅᑉ ᑎᑎᕋᕐᑎᐅᑉ ᐃᒡᓗᕈᓯᖓᓄᑦ, ᑖᓐᓇ ᐃᒡᓗᕈᓯᖅ ᑎᒍᔭᐅᓯᒪᕕᓐᖑᕐᑎᓯᒪᒐᒥᑦᔪᒃ.

ᔨᕆᒤᐊᐅᑉ ᐊᒡᓚᖏᑦ 38:28

ᔨᕆᒤᐊᓗ ᖃᐅᔨᓴᕐᑏᑦ ᓇᔪᒐᖓᓂ ᐃᓂᕾᓐᓇᓚᐅᕐᐳᖅ ᔨᕉᓴᓕᐅᑉ ᐅᓇᑕᕐᑐᒃᓴᓄᑦ ᐱᔭᐅᕕᖓ ᑎᑭᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 38:6

ᑕᕝᕙ ᔨᕆᒤᐊ ᑎᒍᕚᑦ, ᒪᓪᑬᔭᐅᓪᓗ ᐊᖓᔪᖅᑳᕐᔪᐊᑉ ᐃᕐᓂᖓᑕ ᐃᒥᕐᑕᕐᕕᒃᓴᖁᑎᖓᓄᑦ ᐴᕆᐊᕐᑐᕐᓗᒍ, ᐊᒃᓗᓈᓄᓪᓗ ᓂᖏᑦᑎᑦᔪᑎᖃᕐᓗᑎᒃ ᔨᕆᒤᐊ ᓂᖏᑎᑉᐹᑦ ᐃᒥᕐᑕᕐᕕᒃᓴᒧᑦ ᐃᒪᖃᖏᑦᑐᒧᑦ ᒪᕐᕅᓐᓇᕐᒧᑦ ᑭᕕᓕᕐᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 40:4

ᒫᓐᓇᓕ ᑕᑯᒋᑦ, ᐅᓪᓗᒥ ᕿᓚᕈᑦᔮᕈᒪᕙᒋᑦ ᐊᒡᒐᐅᑎᒃᑯᑦ ᐊᕐᓵᕐᑑᔭᓄᑦ ᐊᑦᓱᖏᐅᑎᒋᔭᕐᓂᑦ, ᐹᐱᓘᓂᒧᑦ ᐃᓚᐅᔪᒪᒍᕕᑦ ᒪᓕᒍᓐᓇᕐᐳᑎᑦ, ᑲᒪᒋᑦᓯᐊᕐᓂᐊᕐᐸᒋᑦ, ᒪᓕᒍᒪᖏᒃᑯᕕᓪᓕ ᒪᓕᒃᑍᓕᒋᑦ ᑕᑯᒋᑦ ᓄᓇᒋᔪᒪᔭᕐᓂ ᓄᓇᖃᕈᓐᓇᓕᕐᐳᑎᑦ ᐃᓱᒪᕐᓱᕐᓗᑎᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:23

᙭ᔅᑑᓯᐅᑉ ᐱᔨᒋᕔᑦ? ᐃᓱᒤᕈᑎᓯᒪᔪᑎᑐᑦ ᐅᖃᕋᓗᐊᕐᐳᖓ ᐅᕙᖓᓕ ᐊᖏᓂᕐᓴᒥᒃ ᐱᔨᑦᓯᕐᓯᒪᕗᖓ ᙭ᔅᑑᓯᒥᒃ, ᐱᓇᓱᐊᕐᓂᕐᒥᒃ ᐊᒃᓱᕈᕐᓂᕐᓴᐅᓯᒪᕗᖓ, ᐅᓄᕐᑐᐃᕐᓱᕐᓂᕐᓴᐅᕗᖓ ᑎᒍᔭᐅᓯᒪᕕᖕᒦᓪᓗᖓ, ᐅᓄᕐᓂᕐᓴᓂᒡᓗ ᑏᒐᕐᑐᕐᑕᐅᖃᑦᑕᕐᓯᒪᕗᖓ, ᐅᓄᕐᑐᐃᕐᓱᕐᓗᖓᓗ ᑐᖁᒦᖃᑦᑕᕐᓯᒪᕗᖓ.

ᐃᐱᓯᒥᐅᓄᑦ 3:1

ᑕᒪᓐᓇ ᐱᓪᓗᒍ, ᐅᕙᖓ ᐸᐅᓗᓯ, ᙭ᔅᑑᓯ ᔩᓱᓯᐅᑉ ᑎᒍᔭᐅᓯᒪᕕᖕᒦᑎᑕᖓ ᐃᓕᑦᓯ ᔫᑎᐅᖏᑦᑐᓯ ᐱᑦᔪᑎᒋᓪᓗᓯ,

ᐃᐱᓯᒥᐅᓄᑦ 6:20

ᑕᒪᑐᒧᖓ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᑎᓕᔭᐅᓯᒪᒐᒪ ᐅᖃᕐᑎᐅᖁᓪᓗᖓ, ᒫᓐᓇ ᑎᒍᔭᐅᓯᒪᕕᖕᒦᒐᓗᐊᕐᑐᖓ; ᓯᕘᕋᓇᖓ ᐅᖃᕈᓐᓇᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓲᕐᓗ ᐅᖃᓪᓚᒃᑐᒃᓴᐅᒐᒪ.

ᑎᒧᑎᒧᑦ ᐂᑉᐸᖏᑦ 2:9

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᕙᖕᓂᓐᓄᑦ ᐊᒃᓱᕈᕐᓇᕐᑐᒦᑉᐳᖓ ᐊᕐᓵᕐᑑᔭᓄᓪᓗ ᕿᓚᒃᓱᕐᑕᐅᓯᒪᓪᓗᖓ ᐱᕋᔭᒃᑎᑐᑦ. ᒎᑎᐅᓪᓕ ᐅᖃᐅᓯᖓ ᕿᓚᒃᓱᕐᑕᐅᓯᒪᓐᖏᓚᖅ.

ᐄᑉᕈᐃᓄᑦ 11:36

ᐃᓚᖏᓪᓕ ᒥᑕᐅᑎᒋᔭᐅᓚᐅᕐᐳᑦ ᑏᒐᕐᑐᕐᑕᐅᓪᓗᑎᒡᓗ, ᐃᓚᖏᓪᓗ ᐊᕐᓵᕐᑑᔭᓄᑦ ᐊᑦᓱᖏᐅᓯᕐᑕᐅᓚᐅᕐᐳᑦ ᑎᒍᔭᐅᓯᒪᕕᖕᒧᐊᕐᑕᐅᓪᓗᑎᒡᓗ.