ᔨᕆᒤᐊᐅᑉ ᐊᒡᓚᖏᑦ 36:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᒻᒪᖄ ᔫᑕᒥᐅᑦ ᑖᕙᓐᖓᓂᑦ ᑲᑉᐱᐊᓇᕐᑐᓂᒃ ᑎᑭᑦᑐᖃᕈᒫᕐᓂᖓᓂᒃ ᐅᖃᖃᑦᑕᕐᓂᕆᓕᓚᐅᕐᑕᕋ ᑐᓴᓕᕈᓂᑦᔪᒃ ᓵᒋᐊᕈᓐᓇᕐᓯᒐᔭᕐᐳᑦ ᐱᐅᖏᑦᑐᓕᓯᒪᓂᕐᒥᖕᓂᑦ, ᑕᕝᕙ ᐱᐅᖏᑦᑐᓕᓯᒪᓂᖏᑦ ᐊᔪᕐᑐᓕᓂᖏᓪᓗ ᐃᓱᒪᒋᔪᓐᓁᕋᔭᕐᐸᒃᑲ.”

ᔨᕆᒤᐊᐅᑉ ᐊᒡᓚᖏᑦ 36:3 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 1:9

ᐅᕙᓐᓄᓪᓕ ᐅᑎᕈᑦᓯ ᐱᖁᔭᒃᑲᓗ ᒪᓕᒡᓗᒋᑦ ᐊᑐᓕᕈᑦᓯᒋᒃ, ᐅᖓᓯᒃᑐᐊᓗᖕᒧᑦ ᐊᐅᓪᓚᕈᑦᔭᐅᓯᒪᓕᕋᓗᐊᕈᑦᓯ, ᑕᕝᕙ ᓇᑭᑐᐃᓐᓇᖅ ᑲᑎᕐᓱᕈᒫᕐᐸᑦᓯ, ᐱᑎᓪᓗᓯᓗ ᑕᕝᕗᖓ ᓂᕈᐊᕐᓯᒪᔭᓐᓄᑦ, ᑕᕝᕙᓂ ᐊᑎᕋ ᑕᕝᕙᓃᖁᓪᓗᒍ.’

ᐃᓐᖏᕈᑎᑦ 139:24

ᑕᑯᓗᑎᓪᓗ ᖃᓄᑐᐃᓐᓇᖅ ᐱᐅᖏᑦᑐᒥᒃ ᐃᓅᓯᓐᓃᑦᑐᖃᕐᒪᖔᑦ, ᑕᓯᐅᕐᓗᖓᓗ ᐃᓅᓯᕐᒧᑦ ᐃᓱᖃᖏᑦᑐᒧᑦ!

ᐂᓮᐊᓯᐅᑉ ᐊᒡᓚᖏᑦ 6:10

ᐅᖃᐅᑎᒋᕚᖓᓗ, “ᐃᓄᐃᑦ ᐅᑯᐊ ᐆᒻᒪᑎᖏᑦ ᑐᑭᓯᔪᓐᓁᓪᓕᑎᒃᑭᑦ, ᓯᐅᑎᖏᓪᓗ ᑐᓵᔪᓐᓃᕐᑎᓪᓗᒋᑦ, ᐃᔨᖏᑦ ᑕᐅᑐᖁᓇᒋᑦ; ᑕᑯᑐᐃᓐᓇᕆᐊᖃᕐᒪᑕ ᐃᔨᒥᖕᓄᑦ, ᓯᐅᑎᒥᖕᓄᓪᓗ ᑐᓴᑐᐃᓐᓇᕆᐊᖃᕐᒪᑕ, ᐆᒻᒪᑎᒥᖕᓄᓪᓗ ᑐᑭᓯᑐᐃᓐᓇᕆᐊᖃᕐᒪᑕ, ᓵᒋᐊᕐᓗᑎᒡᓗ, ᐋᖅᑭᒃᑕᐅᑐᐃᓐᓇᕆᐊᖃᕐᒪᑕ.”

ᔨᕆᒤᐊᐅᑉ ᐊᒡᓚᖏᑦ 18:11

ᑍᒤᒻᒪᑦ, ᔫᑕᐅᑉ ᔨᕉᓴᓕᐅᓪᓗ ᐃᓄᖏᑦ ᐅᖃᐅᑎᒃᑭᑦ, ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ, ‘ᑕᑯᒋᑦ, ᑲᑉᐱᐊᓇᕐᑐᒥᒃ ᑎᑭᑦᑐᒃᓴᒥᒃ ᐃᓕᑦᓯᓐᓄᑦ ᐋᖅᑭᒃᓱᐃᓕᕐᐳᖓ, ᖃᓄᐃᓕᒋᐊᕈᑎᒃᓴᓂᒡᓗ ᐅᐸᓗᖕᒊᔭᕐᓗᖓ, ᐱᐅᖏᑦᑐᓕᓂᑦᓯᓐᓂᑦ ᓵᒋᐊᓕᕆᑦᓯ ᐊᖅᑯᑎᑦᓯᓐᓂᑦ ᐱᓂᐊᕐᓂᓯᓗ ᐋᖅᑭᒋᐊᓕᕐᓯᐅᒃ.’

ᔨᕆᒤᐊᐅᑉ ᐊᒡᓚᖏᑦ 18:8

ᑭᖑᓂᖓᒍᓪᓗ ᐃᓅᖃᑎᒌᒡᔪᐊᑦ ᖃᕿᐊᓕᕐᐸᑕ ᐱᐅᖏᑦᑐᓕᓂᕐᒥᖕᓂᑦ, ᐊᓯᕈᕐᑕᐅᑦᔪᑎᒃᓴᕋᓗᐊᖏᓐᓂᒃ ᑲᔪᓯᕕᐅᑎᓐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 23:14

ᔨᕉᓴᓕᒥᐅᓂᓗ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᓂᒃ ᐱᐅᖏᓐᓂᕐᓴᓂᒃ ᑕᑯᓯᒪᕗᖓ, ᐊᓯᓐᓂᐊᖃᑦᑕᕐᒪᑕ ᐃᓅᓯᖃᓕᕐᓗᑎᒡᓗ ᓱᓕᖏᑦᑐᒥᒃ; ᐱᐅᖏᑦᑐᓕᔪᓂᒃ ᐃᑲᔪᕐᑐᐃᑐᐃᓐᓇᖃᑦᑕᓕᕐᐳᑦ, ᐱᐅᖏᑦᑐᓕᓂᕐᒥᖕᓂᑦ ᓵᒋᐊᕐᑐᖃᕈᓐᓇᕈᓐᓃᕐᐳᖅ; ᓱᑑᒪᒥᐅᓄᑦ ᐊᑦᔨᒋᔭᐅᑎᓕᕐᐸᒃᑲ, ᐃᓄᖏᓪᓗ ᒍᒨᕋᒥᐅᑎᑐᑦ ᑍᒤᓕᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 24:7

ᐆᒻᒪᑎᑖᕐᑎᑦᓱᒫᕐᐸᒃᑲ ᐅᕙᓐᓂᒃ ᖃᐅᔨᖁᓪᓗᒋᑦ ᐊᑕᓂᐅᓂᓐᓂᒃ; ᐃᓄᖁᑎᒋᔪᒫᕐᐸᒃᑲ ᒎᑎᒋᔭᐅᓗᖓᓗ ᑖᒃᑯᓄᖓ, ᐅᕙᓐᓄᑦ ᐅᑎᕈᒫᕐᒪᑕ ᐃᓘᓐᓈᒍᑦ ᐆᒻᒪᑎᒥᒍᑦ ᑐᓂᓯᒪᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 26:3

ᐃᒻᒪᖄ ᑐᓴᕈᓐᓇᕋᔭᕐᒪᑕ, ᓵᒋᐊᕐᓗᑎᒡᓗ ᐱᐅᖏᑦᑐᓕᓂᕐᒥᖕᓂᑦ. ᑍᒤᑉᐸᑕᓗ ᐃᓱᒪᒋᓚᐅᕐᑕᕋ ᓴᖑᑎᒃᑲᔭᕐᐸᕋ, ᐊᓯᕈᕐᑕᐅᑎᑦᓱᓐᓃᕐᓗᒋᓪᓗ ᐊᓯᕈᐃᓂᐊᕐᓂᕆᓚᐅᕐᑕᓐᓄᑦ ᐱᐅᖏᓐᓂᖏᑦ ᐱᑦᔪᑎᒋᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 35:15

ᐅᓄᕐᑐᐃᕐᓱᕐᓗᖓ ᐅᖃᕐᑎᒃᑲ ᑎᓕᕙᓚᐅᕐᐸᒃᑲ ᐃᓕᑦᓯᓐᓄᑦ, ᐅᖃᕐᐸᓚᐅᕐᐳᓪᓗ, ‘ᓵᒋᐊᕐᑐᒃᓴᐅᕗᓯ ᐱᐅᖏᑦᑐᓕᓂᑦᓯᓐᓂᑦ ᐊᑲᐅᔪᒥᒡᓗ ᐃᓕᖅᑯᓯᖃᓕᕐᓗᓯ; ᒎᑎᓐᖑᐊᓂᒃ ᒪᓕᓕᕐᑍᓕᒋᑦᓯ ᐱᓂᐊᕐᕕᒋᓇᒋᓪᓘᓐᓃᑦ, ᑕᕝᕙ ᐃᓅᓂᐊᕐᐳᓯ ᓯᕗᓕᑦᓯᓐᓄᑦ ᐃᓕᑦᓯᓐᓄᓪᓗ ᓄᓇᒋᔭᐅᖁᓚᐅᕐᑕᓐᓂ.’ ᑭᓯᐊᓂᓕ ᑐᓴᕈᓐᓇᓚᐅᓐᖏᓚᑦᓯᓐᖓ ᓈᓚᒍᒪᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 36:7

ᐃᒻᒪᖄ ᐊᑕᓂᕐᒧᑦ ᕿᓄᔪᓐᓇᕐᓯᒐᔭᕐᒪᑕ, ᐊᑐᓂᓪᓗ ᓵᒋᐊᕐᓗᑎᒃ ᐱᐅᖏᑦᑐᓕᓂᕐᒥᖕᓂᑦ, ᐊᑕᓂᐅᑉ ᓂᓐᖓᕕᒃᔪᐊᕐᓂᕐᒥᓄᑦ ᓱᒋᐊᕐᓯᔪᒪᓂᖓ ᐊᖏᔪᐊᓘᖕᒪᑦ ᑖᒃᑯᓄᖓ.”

ᐃᓯᑭᐊᓕᐅᑉ ᐊᒡᓚᖏᑦ 12:3

“ᑍᒤᒻᒪᑦ ᐃᓅᑉ ᐃᕐᓂᖓ, ᓇᒃᓴᕐᓂᐊᕐᑕᕐᓂᒃ ᐴᖅᑬᓕᕆᑦ ᐅᓪᓘᓂᖓᓂ ᐊᐅᓪᓚᓕᕆᑦ ᐊᐅᓪᓚᕈᑦᔭᐅᓕᕐᑐᑐᑦ, ᐃᓄᐃᑦ ᑕᑯᓐᓇᕐᑎᓪᓗᒋᑦ; ᐊᐅᓪᓚᓕᕈᕕᑦ ᓄᓇᑦᓯ ᐊᓯᐊᓄᑦ ᐊᐅᓪᓚᕈᑦᔭᐅᓕᕐᑐᑎᑐᑦ ᓄᓇᑦᓯᓐᓂᑦ ᐱᓂᐊᕐᐳᑎᑦ ᑕᑯᓐᓈᕐᑎᓪᓗᒋᑦ. ᐃᒻᒪᖄ ᑐᑭᓯᓂᐊᕐᐳᑦ, ᐊᑭᕋᕐᑐᕐᑎᐅᒐᓗᐊᕐᓗᑎᒃ ᑭᖑᕚᖑᖃᑎᒌᑦ.

ᐃᓯᑭᐊᓕᐅᑉ ᐊᒡᓚᖏᑦ 18:23

ᖁᕕᐊᒋᔭᖃᕋᓱᒋᕕᖓ ᐊᔪᕐᑐᓕᔪᑦ ᑐᖁᑕᐅᖃᑦᑕᕐᓂᖏᓐᓂᒃ? ᐊᑕᓂᖅ ᒎᑎ ᐅᖃᕐᐳᖅ, ᑍᒤᓐᖏᓚᖅ, ᐊᔪᕐᑐᓕᓂᕐᒥᓂᒡᓕ ᕿᒤᖔᕐᓗᓂ ᐃᓅᖁᕙᕋ.

ᔨᐸᓁᐊᐅᑉ ᐊᒡᓚᖏᑦ 2:3

ᐊᑕᓂᕐᒥᒃ ᕿᓂᓕᕆᑦᓯ, ᐃᓘᓐᓇᓯ ᐱᐅᔪᕆᖏᑦᑐᓯ ᓄᓇᒥ, ᐱᖁᔭᖏᓐᓂᒡᓗ ᓈᓚᒃᑐᓯ; ᓇᓛᒎᕐᓂᖅ ᕿᓂᕐᓯᐅᒃ, ᒥᑭᒡᓕᑎᕐᓂᕐᓗ ᕿᓂᕐᒥᓗᒍ; ᓴᐳᑎᔭᐅᖁᓪᓗᓯ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ.

ᒫᑎᐅᓯᐅᑉ ᐊᒡᓚᖏᑦ 13:15

ᐃᓱᒪᖏᑦ ᑭᒡᓕᖃᑦᓯᐊᕐᑎᑦᓯᔪᓐᓃᕐᒪᑕ, ᓯᐅᑎᖏᓪᓗ ᑐᓵᑦᓯᐊᕈᓐᓃᕐᓗᑎᒃ. ᓯᑯᓐᖏᖓᓪᓗᑎᒡᓗ, ᓯᑯᓐᖏᖏᒃᑯᑎᒃ ᑕᑯᑐᐃᓐᓇᕆᐊᖃᕋᒥᒃ, ᓯᐅᑎᒥᖕᓄᓪᓗ ᑐᓵᑐᐃᓐᓇᕆᐊᖃᕋᒥᒃ, ᐆᒻᒪᑎᒥᒍᓪᓗ ᑐᑭᓯᑐᐃᓐᓇᕆᐊᖃᕋᒥᒃ, ᐅᕙᓐᓄᓪᓗ ᓵᒋᐊᑐᐃᓐᓇᕆᐊᖃᕋᒥᒃ ᐅᕙᖓᓗ ᐋᖅᑭᒃᑲᔭᕐᐸᒃᑲ.’

ᒫᑯᓯᐅᑉ ᐊᒡᓚᖏᑦ 4:12

ᑍᒪ, ‘ᐃᔨᒥᖕᓄᑦ ᑕᑯᒐᓗᐊᕐᓗᑎᒃ, ᐃᓕᑕᕐᓯᖁᓇᒋᑦ, ᓯᐅᑎᒥᖕᓄᓪᓗ ᑐᓵᒐᓗᐊᕐᓗᑎᒃ, ᑐᑭᓯᖁᓇᒋᑦ; ᑍᒤᓐᖏᒃᑯᑎᒃ ᒎᑎᒧᑦ ᓵᒋᐊᕋᔭᕐᒪᑕ, ᑖᑦᓱᒪ ᐃᓱᒪᒋᔪᓐᓁᕐᕕᒋᒐᔭᕐᒪᒋᑦ ᐊᔪᕐᓂᖏᓐᓂᑦ.’”

ᓘᑲᓯᐅᑉ ᐊᒡᓚᖏᑦ 20:13

ᐱᕈᕐᓯᕕᐅᑉ ᐃᓄᐊ ᐅᖃᕐᐳᖅ, ‘ᖃᓄᕐᓕ ᐱᓂᐊᓕᕐᑐᖓ? ᐃᕐᓂᕋ ᓇᒡᓕᒋᔭᕋ ᑎᓕᔪᒪᓕᕐᐸᕋ; ᑖᓐᓇ ᐱᑦᑎᐊᕐᑕᐅᓂᐊᕐᑐᒃᓴᐅᕗᖅ!’

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 26:20

ᐱᓇᓱᐊᓚᐅᕐᐳᖓᓕ ᑕᒫᓯᑰᓯᒥᑦ ᐱᒋᐊᕐᓗᖓ, ᔨᕉᓴᓕᒻᒥᓗ, ᔫᑎᐊᒦᑦᑐᓕᒫᓂᓗ, ᔫᑎᐅᖏᑦᑐᓂᓗᑦᑕᐅᖅ ᐊᔪᕆᕐᑐᐃᖃᑦᑕᓚᐅᕐᐳᖓ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ ᒎᑎᒧᓪᓗ ᓵᒋᐊᖁᓪᓗᒋᑦ, ᖃᕿᐊᓕᕐᓂᕐᒥᖕᓂᒡᓗ ᓇᓗᓁᕐᓯᖁᓪᓗᒋᑦ ᐱᓂᐊᕐᓂᕐᒥᒃᑎᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 28:27

ᐃᓄᐃᑦ ᐅᑯᐊ ᐃᓱᒪᖏᑦ ᓯᑎᔪᐊᓘᓕᕐᒪᑕ, ᓯᐅᑎᖏᓪᓗ ᑐᓵᑦᓯᐊᖏᑦᑐᐊᓘᓕᕐᓗᑎᒃ, ᐃᔨᖏᓪᓗ ᓯᑯᓐᖏᖓᓪᓗᑎᒃ; ᑍᒤᖏᒃᑯᑎᒃ ᑕᑯᓂᐅᓴᒐᒥᒃ, ᓯᐅᑎᒥᖕᓄᓪᓗ ᑐᓵᓕᕋᔭᕋᒥᒃ, ᐆᒻᒪᑎᒥᒃᑎᒍᓪᓗ ᑐᑭᓯᐊᓕᕐᓗᑎᒃ, ᐅᕙᓐᓄᓪᓗ ᓵᒋᐊᕋᔭᕐᐳᑦ ᐅᕙᖓᓗ ᐋᖅᑭᒃᑲᔭᕋᒃᑭᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 3:19

ᑍᒤᒻᒪᑦ ᖃᕿᐊᓕᕆᑦᓯ, ᒎᑎᒧᓪᓗ ᓵᒋᐊᕐᓗᓯ, ᐱᐅᖏᑐᓕᓂᓯ ᑕᕝᕙ ᐲᔭᕐᓂᐊᕐᐰᑦ, ᓄᑖᒥᒡᓗ ᐱᔪᓐᓇᕐᓂᕐᑖᕐᑎᑕᐅᖃᑦᑕᕐᓂᐊᕐᐳᓯ ᐊᑕᓂᐅᑉ ᓇᔫᑎᓂᖓᓄᑦ,

ᒨᓯᓯ ᑕᓪᓕᒪᖏᑦ 30:2

ᐊᑕᓂᕐᒧᓪᓗ ᒎᑎᑦᓯᓐᓄᑦ ᐅᑎᕈᑦᓯ, ᑭᖑᕚᓯ ᐃᓚᒋᓗᒋᑦ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ ᐱᖁᔭᖏᑦ ᓈᓚᒍᒪᓕᕐᓗᒋᑦ ᐅᓪᓗᒥ ᐃᓕᑦᓯᓐᓄᑦ ᑐᓂᓯᒪᔭᒃᑲ,

ᒨᓯᓯ ᑕᓪᓕᒪᖏᑦ 30:8

ᑕᕝᕙ ᐊᑕᓂᐅᑉ ᓂᐱᖓ ᓈᓚᓕᕋᔭᕆᕙᓯ, ᐱᖁᔭᓕᒫᖏᓪᓗ ᒪᓕᓕᕐᓗᒋᑦ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ.

ᒨᓯᓯ ᑕᓪᓕᒪᖏᑦ 5:29

ᑍᒪᓐᖓᓪᓕ ᑍᒫᒃ ᐃᒃᐱᒋᓕᕐᓂᕈᑎᒃ! ᓯᕘᕋᒋᓗᓂᖓ ᐱᖁᔭᒃᑲᓗ ᓈᓚᒡᓗᒋᑦ, ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕋᔭᕐᐳᑦ ᑭᖑᕚᖏᓪᓗ ᐃᓱᖃᖏᑦᑐᒧᑦ!

ᐲᑦᑐᕉᓯ ᐂᑉᐸᖏᑦ 3:9

ᐊᑕᓂᐅᑉ ᐊᖏᕐᓯᒪᓂᓂ ᑭᖑᕙᕐᑎᓐᖏᓛ ᐃᓚᖏᓐᓄᑦ ᑭᖑᕙᕐᑎᑕᐅᓇᓱᒋᔭᐅᒐᓗᐊᕐᒪᑦ, ᕿᓄᐃᓵᕐᐳᕐᓕ ᐃᓕᑦᓯᓐᓄᑦ, ᓇᓪᓕᐊᓐᓂᒡᓘᓐᓃᑦ ᐊᓯᐅᑐᐃᓐᓇᖁᔨᖏᓐᓇᒥ, ᑕᒤᓐᓂᒡᓕ ᐊᔪᕐᑐᓕᓂᕐᒥᖕᓂᑦ ᓵᒋᐊᕐᕕᒃᓴᖃᕐᑎᑦᑎᕗᖅ.

ᓴᒧᐃᓕ ᓯᕗᓪᓖᑦ 7:3

ᓴᒧᐃᓕᓕ ᐅᖃᕐᐳᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓄᑦ, “ᐊᑕᓂᕐᒧᑦ ᐅᑎᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ, ᑕᕝᕙ ᒎᑎᓐᖑᐊᑦ ᐱᒃᓴᔭᕆᓐᖏᑕᓯ ᐃᒋᑕᒃᓴᕆᕙᓯ ᒎᑎᓐᖑᐊᓪᓗ ᐊᕐᓇᐅᑉ ᐋᔅᑕᕉᑎᐅᑉ ᐊᑦᔨᓐᖑᐊᖏᑦ, ᐆᒻᒪᑎᑦᓯᒍᑦ ᑐᓂᒃᑲᓐᓂᓕᕆᑦᓯ ᐊᑕᖏᕐᑐᒧᑦ ᐊᑕᓂᖅ ᐱᔨᑦᓯᕐᑕᑐᐊᕆᓕᕐᓗᒍ, ᑕᕝᕙ ᐱᐅᓕᓂᐊᕐᐹᓯ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”