ᔨᕆᒤᐊᐅᑉ ᐊᒡᓚᖏᑦ 36:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᑎᑎᕋᕐᕕᒃᓴᒥᒃ ᐃᒧᓯᒪᔪᒥᒃ ᐱᓗᑎᑦ ᑎᑎᕋᓕᕆᑦ ᐅᖃᐅᓯᕆᖃᑦᑕᓚᐅᕐᑕᓕᒫᓐᓂᒃ ᐃᓴᕆᐊᓕᒥᐅᑦ ᐱᑦᔪᑎᒋᓪᓗᒋᑦ, ᔫᑕᒥᐅᓪᓗ ᐊᓯᖏᓪᓗ ᐃᓅᖃᑎᒌᒡᔪᐊᑦ, ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ ᐅᖃᖃᑦᑕᓚᐅᕐᑕᒃᑲ ᐱᒋᐊᕐᕕᒋᓗᒋᑦ ᐅᓪᓗᒥᒧᑦ ᑎᑭᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 36:2 Iomraidhean Croise

ᐄᓱᕋᐅᑉ ᐊᒡᓚᖏᑦ 6:2

ᐊᒃᐸᑖᓇᐅᑉ ᐃᒡᓗᒐᓴᖏᓐᓂ ᓄᓇᓖᑦ ᐊᕕᒃᑐᕐᓯᒪᓂᖏᓐᓂ ᒥᑎᐊᒦᑦᑐᒥ ᑎᑎᕋᕐᓯᒪᔪᑦ ᓇᓂᔭᐅᓚᐅᕐᐳᑦ ᐃᒤᓕᔪᑦ:

ᔫᐱᐅᑉ ᐊᒡᓚᖏᑦ 31:35

ᐊᑕᐅᓯᑐᐊᑦᓯᐊᒧᓪᓕ ᓈᓚᒃᑕᐅᔪᓐᓇᕐᐳᖓ! ᐅᓇ ᑕᕝᕙ ᓇᓗᓁᕐᓯᑦᔪᑎᒐ! ᐊᔪᒐᖃᖏᑦᑑᖅ ᑭᐅᓚᐅᓐᖓ! ᐊᑭᕋᕐᑐᕐᑎᓐᓄᑦ ᐸᓯᔭᒃᓴᐅᓂᒃᑲ ᑎᑎᕋᕐᑕᐅᓚᐅᕐᓕᑦ ᑕᑯᓂᐊᕋᒃᑭᑦ!

ᐃᓐᖏᕈᑎᑦ 40:7

ᐅᖃᓚᐅᕐᐳᖓᓕ, ᑕᑯᒋᑦ ᕾᕗᖓ; ᐊᒡᓚᖕᓂ ᐃᒧᓯᒪᔪᓂ ᑎᑎᕋᐅᓯᐅᓯᒪᕗᖓ.

ᒨᓯᓯ ᐂᑉᐸᖏᑦ 17:14

ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᒪᓐᓇ ᓵᓚᖃᕐᓂᕆᔭᓯ ᑎᑎᕋᓚᐅᕈᒃ, ᐃᖅᑲᐅᒪᔭᐅᔪᓐᓇᖁᓪᓗᒍ. ᔮᓱᐊᓗ ᐅᖃᐅᑎᓂᐊᕐᐸᑦ ᐊᒪᓕᒃᒥᐅᑦ ᓄᖑᑦᓯᐊᕐᑕᐅᖁᒐᒃᑭᑦ ᐊᒥᐊᒃᑯᖃᖏᑦᓯᐊᓕᕐᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 8:1

ᐊᑕᓂᕐᓗ ᐅᕙᓐᓄᑦ ᐅᖃᕐᐳᖅ, “ᐊᖏᔪᒥᒃ ᐅᔭᕋᖕᒥᒃ ᑎᑎᕋᕐᕕᒃᓴᕐᑖᕐᓗᑎᑦ ᑎᑎᕋᕐᕕᒋᒍᒃ ᐊᖏᔫᑎᐅᓗᒋᑦ ᐃᒫᒃ, ‘ᑮᓇᐅᔭᕐᑖᑲᐅᕐᑐᕐᓂᖅ, ᐊᓯᐅᔨᑲᐅᕐᑐᕐᓂᕐᓗ.’ ‘ᒥᕼᐊ-ᓴᕼᐊᓚ-ᕼᐊᔅ-ᐸᔾ.’

ᔨᕆᒤᐊᐅᑉ ᐊᒡᓚᖏᑦ 1:10

ᐅᓪᓗᒥ ᐱᔪᓐᓇᕐᓯᑎᑉᐸᒋᑦ ᐱᔪᓐᓇᕐᓂᖃᓕᖁᓪᓗᑎᑦ ᐃᓅᖃᑎᒌᒡᔪᐊᓄᑦ ᐊᖓᔪᖅᑲᐅᕕᖕᓄᓪᓗ, ᐊᒫᖏᑎᒍᑦ ᓄᓱᒃᓯᖁᓪᓗᑎᑦ ᐅᕐᕈᑎᑦᓯᖁᓪᓗᑎᓪᓗ, ᐊᓯᕈᐃᖁᓪᓗᑎᑦ ᐃᒋᑦᓯᖁᓪᓗᑎᓪᓗ, ᐋᖅᑭᒃᓱᐃᖁᓪᓗᑎᑦ ᐱᕈᕐᑎᑦᓯᖁᓪᓗᑎᓪᓗ.”

ᔨᕆᒤᐊᐅᑉ ᐊᒡᓚᖏᑦ 1:5

“ᓄᑕᕋᒃᓴᓐᖑᓚᐅᕐᑎᓐᓇᒃ ᓱᓕ ᓂᕈᐊᓚᐅᕐᐸᒋᑦ; ᐃᓅᓕᖅᑳᕐᑎᓐᓇᒡᓗ ᐃᑦᔪᕐᓁᑎᓚᐅᕐᐸᒋᑦ; ᑎᓕᓚᐅᕐᐸᒋᑦ ᐱᔪᖃᓛᕐᑐᒥᒃ ᐅᖃᕐᑎᒋᔪᒪᓪᓗᑎᑦ ᐃᓅᖃᑎᒌᒡᔪᐊᓄᑦ.”

ᔨᕆᒤᐊᐅᑉ ᐊᒡᓚᖏᑦ 1:9

ᐊᑕᓂᕐᓗ ᐃᓴᒃᓗᓂ, ᖃᓂᕋ ᐊᒃᑐᕐᐹ, ᐅᖃᕐᓗᓂᓗ, “ᑕᑯᒋᑦ ᐅᖃᐅᓯᒃᑲ ᖃᓂᕐᓄᑦ ᐃᓕᕙᒃᑲ.

ᔨᕆᒤᐊᐅᑉ ᐊᒡᓚᖏᑦ 2:4

ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ ᐃᓕᑦᓯ ᔧᑯᒧᑦ ᑭᖑᕚᕆᔭᐅᔪᓯ, ᐃᓴᕆᐊᓕᒥᐅᓄᓪᓗ ᑭᖑᕚᕆᔭᐅᔪᓯ.

ᔨᕆᒤᐊᐅᑉ ᐊᒡᓚᖏᑦ 25:3

“ᐊᕐᕌᒍᓂᒃ 23ᓂᒃ, ᔫᓮᐊᐅᑉ ᐋᒪᓐ ᐃᕐᓂᖓᑕ ᐊᖓᔪᖅᑳᕐᔪᐊᖑᓂᖓᑕ 13ᒋᓕᕐᑕᖓᓐᓂᑦ ᐱᒋᐊᕐᓗᒍ ᐅᓪᓗᒥᒧᑦ ᑎᑭᓪᓗᒍ ᐊᑕᓂᐅᑉ ᐅᖃᕐᑕᖏᓐᓂᒃ ᐅᕙᓐᓄᑦ ᐅᖃᕐᕕᒋᖃᑦᑕᕐᓯᒪᕙᑦᓯ ᐅᓄᕐᑐᐃᓱᕐᓗᖓ, ᓈᓚᓚᐅᕐᓯᒪᓐᖏᓚᓯᓕ.

ᔨᕆᒤᐊᐅᑉ ᐊᒡᓚᖏᑦ 30:2

“ᐃᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᐃᓕᖕᓄᑦ ᐅᖃᐅᓯᕆᔭᓕᒫᒃᑲ ᐊᒡᓚᖕᓄᑦ ᑎᑎᕋᒃᑭᑦ;

ᔨᕆᒤᐊᐅᑉ ᐊᒡᓚᖏᑦ 36:14

ᑖᒃᑯᐊᓗ ᐊᖓᔪᖅᑳᖑᔪᑦ ᑎᓕᓯᕗᑦ ᔨᕼᐅᑍᒥᒃ ᓂᑕᓁᐊᐅᑉ ᐃᕐᓂᖓᓂᒃ, ᓯᓕᒤᐊᐅᑉ ᐃᕐᖑᑕᖓᓂᒃ, ᑯᓯᐅᑉ ᐃᓗᓕᖓᓂᒃ, ᑕᕝᕙ ᐸᕉᒃ ᓂᕅᐊᐅᑉ ᐃᕐᓂᖓ ᐅᖃᓕᒫᖅᑲᐅᔭᒥᓂᒃ ᐃᓄᖕᓄᑦ ᓇᒃᓴᖁᓪᓗᒍ, ᐸᕉᒃᓗ ᑖᒃᑯᓄᓐᖓᕐᐳᖅ ᐅᖃᓕᒫᖅᑲᐅᔭᓂ ᓇᒃᓴᕐᓗᓂᒋᑦ.

ᔨᕆᒤᐊᐅᑉ ᐊᒡᓚᖏᑦ 36:18

ᐸᕉᒃ ᑭᐅᕗᖅ, ᐅᖃᕐᓗᓂ, “ᐅᖃᕐᐸᓪᓕᐊᑎᓪᓗᒍ ᑎᑎᕋᕐᕕᒃᓴᒧᑦ ᐃᒧᓲᒧᑦ ᒥᓱᒃᑕᐅᒻᒧᑦ ᑎᑎᕋᓚᐅᕐᐸᒃᑲ.”

ᔨᕆᒤᐊᐅᑉ ᐊᒡᓚᖏᑦ 36:23

ᔨᕼᐅᑍᓪᓗ ᐅᖃᓕᒫᕇᕐᐸᓪᓕᐊᔭᖏᑦ ᐊᖓᔪᖅᑳᕐᔪᐊᑉ ᓴᕕᖕᒧᑦ ᓇᑲᓪᓗᒋᑦ ᐃᑯᒪᒧᑦ ᐃᒋᑉᐸᓪᓕᐊᖕᒪᒋᑦ ᐅᖃᓕᒫᕇᕐᑎᓪᓗᒍ ᐃᑯᒪᒧᐊᕐᑍᓐᓇᕆᓚᐅᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 36:29

ᔨᕼᐅᐃᐊᑭᒻᓗ ᔫᑕᐅᑉ ᐊᖓᔪᖅᑳᕐᔪᐊᖓ ᐅᖃᐅᑎᓗᒍ, ᐃᒫᒃ ᐊᑕᓂᖅ ᐅᖃᕐᐳᖅ, ᐊᒡᓔᑦ ᐃᒧᑦᑕᕐᑐᑦ ᐃᑯᐊᓪᓚᓕᕋᕕᒋᑦ ᐅᖃᓚᐅᕋᕕᑦ, ‘ᖃᓄᐃᒻᒪᑦ ᑎᑎᕋᐅᓯᖃᕐᐱᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓄᓇᕗᑦ ᐊᓯᕈᕐᑕᐅᔪᒫᕐᓂᕋᕐᓗᒍ ᐃᓄᐃᕈᑦᔭᐅᓗᓂ ᐆᒪᔪᖃᕈᓐᓃᕈᒫᕐᓂᕋᕐᓗᒍ?’

ᔨᕆᒤᐊᐅᑉ ᐊᒡᓚᖏᑦ 36:6

ᑐᒃᓯᐊᕐᕕᒃᔪᐊᕐᒧᐊᕐᓗᑎᑦ ᓂᕆᑦᑍᓕᕕᒃ ᓇᓪᓕᐅᓯᒪᓕᕐᐸᑦ ᐃᓄᐃᑦ ᐅᖃᓕᒫᕐᕕᒋᓛᕐᐸᑎᑦ ᐅᖃᓪᓚᒃᐸᓪᓕᐊᑎᓪᓗᖓ ᑎᑎᕋᖅᑲᐅᔭᕐᓂᒃ ᐃᒧᑦᑕᕐᑐᒃᑯᑦ. ᐅᖃᓕᒫᕐᕕᒋᓛᕐᐸᑎᑦ ᔫᑕᒥᐅᓕᒫᑦ ᑎᑭᓯᒪᔪᑦ ᓄᓇᓕᖁᑎᒥᖕᓂᑦ.

ᔨᕆᒤᐊᐅᑉ ᐊᒡᓚᖏᑦ 45:1

ᐃᒫᒃ ᔨᕆᒤᐊᐅᑉ ᒎᑎᐅᑉ ᐅᖃᕐᑎᖓᑕ ᐸᕉᒃ ᓂᕅᐊᐅᑉ ᐃᕐᓂᖓ ᐅᖃᐅᑎᓚᐅᕐᐹ, ᔨᕼᐅᐃᐊᑭᒻ ᔫᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᓯᒪᓕᕐᑎᓪᓗᒍ ᐊᕐᕌᒍᓂᒃ ᓯᑕᒪᓂᒃ, ᐸᕉᒃ ᑎᑎᕋᓚᐅᕐᓯᒪᓕᕐᑎᓪᓗᒍ ᔨᕆᒤᐊᐅᑉ ᐅᖃᕐᐸᓪᓕᐊᔭᖏᓐᓂᒃ ᐊᒡᓚᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 51:60

ᔨᕆᒤᐊᐅᑉ ᑎᑎᕋᓚᐅᕐᑕᖏᓐᓂᑦ ᐊᒡᓚᑎᒍᑦ ᐃᒧᑦᑕᕐᑐᑎᒍᑦ, ᐹᐱᓘᓂᒥᐅᓄᑦ ᑎᑭᐅᑎᔪᒫᕐᑐᓂᒃ ᐹᐱᓘᓂᒥᐅᓪᓗ ᐊᑐᕈᒫᕐᑕᖏᓐᓂᒃ ᐅᖃᐅᓯᖃᕐᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 2:9

ᑕᑯᓴᕋᒪ, ᑕᑯᒋᑦ ᐊᒡᒐᓂᒃ ᑕᑯᓕᕐᐳᖓ ᐅᕙᓐᓄᑦ ᑐᓂᒻᒥᔪᓂᒃ, ᑎᒍᒥᐊᕐᓗᑎᒃ ᐊᒡᓚᖕᓂᒃ ᐃᒧᓯᒪᔪᓂᒃ;

ᕼᐆᓯᐊᑉ ᐊᒡᓚᖏᑦ 8:12

ᑎᑎᕋᕐᕕᒋᓚᐅᕋᓗᐊᕐᐸᒃᑲ ᐱᐅᔪᓂᒃ ᐱᖁᔭᓐᓂᒃ 10,000ᓂᒃ, ᐱᐅᒋᔭᐅᓚᐅᓐᖏᓚᓪᓕ ᑲᒪᓂᐊᕈᑕᐅᓪᓗᑎᒡᓗ.

ᒨᓯᓯ ᑕᓪᓕᒪᖏᑦ 31:24

ᒨᓯᓯ ᑎᑎᕋᓚᐅᕐᐳᖅ ᒎᑎᐅᑉ ᐱᖁᔭᖏᓐᓂᒃ ᐊᒡᓚᖕᓄᑦ ᑲᑎᑦᓱᒋᑦ ᐃᓱᓕᑦᓯᐊᕐᓱᒋᑦ.

ᐄᑉᕈᐃᓄᑦ 10:7

ᑕᕝᕙ ᐅᖃᕐᐳᖓ, ‘ᒎᑏᒃ ᑕᑯᒋᑦ, ᕾᓚᐅᕐᐳᖓ ᐱᓂᐊᕐᑕᐅᖁᔭᕐᓂᒃ ᐱᓇᓱᐊᕆᐊᕐᑐᕐᓗᖓ,’ ᐊᒡᓚᖕᓂ ᑍᒫᒃ ᑎᑎᕋᕈᑕᐅᓯᒪᒐᒪ.”