ᔨᕆᒤᐊᐅᑉ ᐊᒡᓚᖏᑦ 36:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᓄᐃᓪᓗ ᑐᓵᑎᓪᓗᒋᑦ, ᐸᕉᒃ ᐅᖃᓕᒫᓚᐅᕐᐳᖅ ᐊᑕᓂᐅᑉ ᐃᒡᓗᖓᓂ ᐊᒡᓚᖕᓂᑦ ᐃᒧᑦᑕᕐᑐᓂᑦ ᔨᕆᒤᐊᐅᑉ ᐅᖃᐅᓯᕆᓚᐅᕐᑕᖏᓐᓂᒃ, ᔭᒪᕅᐊᐅᑉ ᐃᒡᓗᕈᓯᖃᕐᕕᒋᔭᖓᓂᑦ ᓴᕙᓂᐅᑉ ᐃᕐᓂᖓᑕ ᐃᖅᑲᕐᑐᐃᔨᐅᔫᑉ ᑎᑎᕋᕐᑎᖓ, ᐃᒡᓗᕈᓯᖓ ᐃᓂᖃᓚᐅᕐᒪᑦ ᑐᒃᓯᐊᕐᕕᒃᔪᐊᒥ ᐃᑎᕐᑕᕐᕕᖕᒥᒃ ᓄᑖᒥᒃ ᑍᔭᐅᔫᑉ ᖁᓛᓂ.

ᔨᕆᒤᐊᐅᑉ ᐊᒡᓚᖏᑦ 36:10 Iomraidhean Croise

ᓴᒧᐃᓕ ᐂᑉᐸᖏᑦ 20:25

ᓰᕙ ᐃᖅᑲᕐᑐᐃᔨᓄᑦ ᑎᑎᕋᕐᑎᐅᓚᐅᕐᐳᖅ; ᔭᑑᒃᓗ ᐊᐰᐊᑕᓗ ᑐᓂᕐᕈᓯᕐᑎᑦᓯᔨᐅᓚᐅᕐᐴᒃ,

ᓴᒧᐃᓕ ᐂᑉᐸᖏᑦ 8:17

ᔭᑑᒃ ᐊᕼᐃᑑᑉ ᐃᕐᓂᖓ ᐊᕼᐃᒥᓕᒡᓗ ᐊᐰᐊᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᐅᓚᐅᕐᐴᒃ; ᓯᕅᐊ ᑎᑎᕋᕐᑎᐅᑎᓪᓗᒍ;

ᐊᑕᓃᑦ ᓯᕗᓪᓖᑦ 6:36

ᐃᓗᒻᒪᕆᐊ ᑲᑎᒪᕕᐅᑉ ᓴᓇᓯᒪᓗᓂ ᐹᕐᐸᓯᖓᓃᓪᓗᓂ ᐅᔭᕋᖕᓂᒃ ᓴᓇᓯᒪᔪᓂᒃ, ᐊᑭᓐᓇᓕᒫᖏᑦ ᕿᔪᖕᓂᒃ ᓰᑕᕆᓂᒃ ᕿᕋᑦᑕᖅᑯᑎᖃᕐᐳᑦ ᓱᑲᖏᓐᓂᒃ.

ᐊᑕᓃᑦ ᐂᑉᐸᖏᑦ 15:35

ᑭᓯᐊᓂ ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᓐᖏᓔᑦ; ᐃᓄᐃᓪᓗ ᒎᑎᓐᖑᐊᓄᑦ ᑐᓂᕐᕈᓯᖃᑦᑕᓚᐅᕐᐳᑦ ᐴᔫᕐᑎᑦᓯᕙᒡᓗᑎᒡᓗ. ᔫᑕᒥᐅᓪᓕ ᐊᑕᓂᐅᑉ ᐃᒡᓗᖓᑕ ᐅᓐᓄᐊᓪᓗᐊᖓᑕ ᓇᓛᓃᑦᑐᖅ ᐃᑎᕐᑕᕐᕕᒃ ᓴᓇᔭᐅᑎᓚᐅᕐᐹ.

ᐊᑕᓃᑦ ᐂᑉᐸᖏᑦ 18:37

ᑕᕝᕙ ᐃᓔᐊᑭᒻ ᕼᐃᓪᑬᐊᐅᑉ ᐃᕐᓂᖓ, ᐊᖓᔪᖅᑳᕐᔪᐊᑉ ᐃᒡᓗᖓᓂ ᑲᒪᔨᒻᒪᕆᐅᔪᖅ, ᓯᑉᓇᓗ ᐊᖓᔪᖅᑳᕐᔪᐊᑉ ᐃᖅᑲᕐᑐᐃᕕᖓᓂ ᑎᑎᕋᕐᑎᒻᒪᕆᐅᔪᖅ ᔪᐊᓗ ᐊᓴᐸᐅᑉ ᐃᕐᓂᖓ ᕼᐃᓯᑬᐊᒧᐊᕐᐳᑦ, ᐊᓐᓄᕌᒥᖕᓂᒃ ᐊᓕᒃᓯᓯᒪᓪᓗᑎᒃ, ᐅᓂᒃᑳᕐᕕᒋᓪᓗᒍᓗ ᕋᑉᓴᑭᐅᑉ ᐅᖃᐅᓯᕆᔭᖏᓐᓂᒃ.

ᐊᑕᓃᑦ ᐂᑉᐸᖏᑦ 22:3

ᐊᖓᔪᖅᑳᕐᔪᐊᑉ ᔫᓮᐊᐅᑉ ᐊᐅᓚᑦᓯᓂᖏᑕ ᐊᕐᕌᒍᐃᑦ 18ᖓᓐᓂ ᐊᖓᔪᖅᑳᕐᔪᐊᑉ ᑲᑎᒪᔨᖏᑕ ᑎᑎᕋᕐᑎᖓᑦ ᓴᕙᓂ, ᐊᔭᓔᐊᐅᑉ ᐃᕐᓂᖓ, ᒥᓱᓛᓐᒥᐅᑉ ᐃᕐᓂᖓ, ᐊᑕᓂᐅᑉ ᐃᒡᓗᖓᓃᑦᑐᓄᑦ ᑎᓕᕚ ᐅᖃᐅᑎᓪᓗᒍ,

ᔨᕆᒤᐊᐅᑉ ᐊᒡᓚᖏᑦ 26:10

ᔫᑕᒥᐅᓪᓕ ᐊᖓᔪᖅᑳᕆᔭᖏᑦ ᑐᓴᕋᒥᒃ ᑕᒪᒃᑯᓂᖓ ᐊᖓᔪᖅᑳᕐᔪᐊᑉ ᐃᒡᓗᖓᓂᑦ ᐊᓂᕗᑦ ᑐᒃᓯᐊᕐᕕᒃᔪᐊᓕᐊᓕᕐᓗᑎᒃ ᑕᕝᕗᖓᓗ ᑎᑭᓐᓇᒥᒃ ᐃᖏᑉᐳᑦ ᐃᑎᕐᑕᕐᕕᖕᒧᑦ ᓄᑖᒥᒃ ᑍᔭᐅᔪᒧᑦ.

ᔨᕆᒤᐊᐅᑉ ᐊᒡᓚᖏᑦ 26:24

ᑭᓯᐊᓂᓕ ᐊᕼᐂᑲᒻ ᓴᕙᓂᐅᑉ ᐃᕐᓂᖓᑕ ᔨᕆᒤᐊ ᐃᑲᔪᕐᑐᕐᒪᒍ ᐃᓄᖕᓄᑦ ᑐᖁᑕᐅᓚᐅᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 29:3

ᑎᑎᕋᕐᑕᓂᓗ ᑐᓂᕔᑦ ᐃᓖᓴᒧᑦ ᓴᕙᓂᐅᑉ ᐃᕐᓂᖓᓄᑦ ᔨᒪᕅᐊᒧᓪᓗ ᕼᐃᓪᑬᐊᐅᑉ ᐃᕐᓂᖓᓄᑦ, ᑖᑦᓱᒪᓗ ᔨᑎᑬᐊᒧᑦ ᑐᓂᕔᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑖᑦᓱᒪᓗ ᐊᐅᓪᓚᕐᑎᑕᐅᑎᑉᐰᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑖᒃᑯᐊᓗ ᐃᒫᒃ ᐅᖃᐅᓯᖃᕐᐳᑦ:

ᔨᕆᒤᐊᐅᑉ ᐊᒡᓚᖏᑦ 35:4

ᐊᑕᓂᐅᑉ ᐃᒡᓗᖓᓄᐊᕐᑎᓚᐅᕐᐸᒃᑲ, ᑲᑎᖃᑎᒋᓪᓗᒋᓪᓗ ᒎᑎᐅᑉ ᐅᖃᕐᑎᖓᑕ ᕼᐊᓇᓐᓂᐅᑉ ᐃᓕᓐᓂᐊᕐᑎᖏᑕ ᐃᒡᑕᓔᐊᐅᑉ ᐃᕐᓂᖓᑕ ᐃᒡᓗᕈᓯᕆᖃᑦᑕᓚᐅᕐᑕᖓᓂ ᐊᖓᔪᖅᑳᕐᔪᐊᑦ ᐃᒡᓗᕈᓯᕆᖃᑦᑕᕐᑕᖏᑕ ᓴᓂᐊᓃᑦᑐᒥ, ᒫ-ᐊᓯᐊᑉ ᓴᓗᒻᒥᐅᑉ ᐃᕐᓂᖓᑕ ᐃᑎᕐᑕᕐᕕᓕᕆᔨᐅᑉ ᐃᒡᓗᕈᓯᖓᑕ ᖁᓕᓪᑎᐊᖓᓂ.

ᔨᕆᒤᐊᐅᑉ ᐊᒡᓚᖏᑦ 36:11

ᒤᑬᐊᐅᑉ ᔭᒪᕅᐊᐅᑉ ᐃᕐᓂᖓᑕ ᓴᕙᓂᐅᑉ ᐃᕐᖑᑕᖓᑕ, ᐸᕉᒃ ᐊᑕᓂᐅᑉ ᐅᖃᐅᓯᖏᓐᓂᒃ ᐃᒧᑦᑕᕐᑐᒦᑦᑐᓂᒃ ᐅᖃᓕᒫᕐᑎᓪᓗᒍ ᑐᓴᕋᒥᐅᒃ.

ᔨᕆᒤᐊᐅᑉ ᐊᒡᓚᖏᑦ 36:25

ᐃᐅᓪᓇᓴᓂᐅᓪᓕ, ᑎᓔᐊᐅᓪᓗ ᒐᒧᕅᐊᓪᓗ ᐊᖓᔪᖅᑳᕐᔪᐊᖅ ᐅᖃᐅᑎᒐᓗᐊᕐᐹᑦ ᐊᒡᓚᖕᓂᒃ ᐃᒧᑦᑕᕐᑐᓂᒃ ᐃᑯᐊᓪᓔᖁᓇᒍ, ᓈᓚᓚᐅᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 36:6

ᑐᒃᓯᐊᕐᕕᒃᔪᐊᕐᒧᐊᕐᓗᑎᑦ ᓂᕆᑦᑍᓕᕕᒃ ᓇᓪᓕᐅᓯᒪᓕᕐᐸᑦ ᐃᓄᐃᑦ ᐅᖃᓕᒫᕐᕕᒋᓛᕐᐸᑎᑦ ᐅᖃᓪᓚᒃᐸᓪᓕᐊᑎᓪᓗᖓ ᑎᑎᕋᖅᑲᐅᔭᕐᓂᒃ ᐃᒧᑦᑕᕐᑐᒃᑯᑦ. ᐅᖃᓕᒫᕐᕕᒋᓛᕐᐸᑎᑦ ᔫᑕᒥᐅᓕᒫᑦ ᑎᑭᓯᒪᔪᑦ ᓄᓇᓕᖁᑎᒥᖕᓂᑦ.

ᔨᕆᒤᐊᐅᑉ ᐊᒡᓚᖏᑦ 36:8

ᐸᕉᒃ ᓂᕅᐊᐅᑉ ᐃᕐᓂᖓ ᐱᓇᓱᐊᓚᐅᕐᐳᖅ ᔨᕆᒤᐊᐅᑉ ᒎᑎᐅᑉ ᐅᖃᕐᑎᖓᑕ ᐱᓇᓱᐊᕐᑕᐅᖁᔭᓕᒫᖏᓐᓂᒃ, ᑐᒃᓯᐊᕐᕕᒃᔪᐊᕐᒥ ᐅᖃᓕᒫᓚᐅᕐᐳᖅ ᐊᑕᓂᐅᑉ ᐅᖃᐅᓯᖏᓐᓂᒃ ᐊᒡᓚᖕᓂᑦ ᐃᒧᓯᒪᔪᓂᓐᖔᕐᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 43:3

ᐸᕉᑭᐅᑉ ᓂᕅᐊᐅᑉ ᐃᕐᓂᖓᑕ ᐃᓱᒪᑖᕐᑎᓯᒪᖕᒪᑎᑦ ᖁᕕᐊᓇᖏᑦᑐᓂᒃ ᐅᕙᑦᑎᓐᓄᑦ ᐅᖃᓪᓚᒃᐳᑎᑦ, ᑲᐅᓪᑎᐊᒥᐅᓄᑦ ᓵᓚᒋᔭᐅᓗᑕ ᑐᖁᑕᐅᖁᒐᑦᑎᒍᑦ, ᐊᐅᓪᓚᕈᑦᔭᐅᓗᑕᓘᓐᓃᑦ ᐹᐱᓘᓂᒧᑦ.”

ᔨᕆᒤᐊᐅᑉ ᐊᒡᓚᖏᑦ 52:25

ᐃᒡᓗᒐᓴᒡᔪᐊᓂ ᐊᒥᐊᒃᑰᔪᕕᓃᑦ ᐱᖃᓯᐅᑎᓚᐅᕆᕔᑦ, ᐅᓇᑕᕐᑐᒃᓴᓄᑦ ᐊᖓᔪᖅᑳᖑᔪᑦ, ᐊᖓᔪᖅᑳᕐᔪᐊᑉ ᐃᑲᔪᕐᑎᖏᑦ 7, ᑎᑎᕋᕐᑎᐅᔪᓪᓗ ᐊᖓᔪᖅᑳᕐᔪᐊᑉ ᑎᑎᕋᖁᑎᖏᓐᓂᒃ ᑲᒪᔩᑦ ᐃᓄᐃᑦ ᑎᑎᕋᕐᑕᐅᓯᒪᓂᖏᓐᓂᒃ ᐊᐅᓚᑦᓯᔪᑦ, 60ᐅᔪᓪᓗ ᐱᒻᒪᕆᐅᔪᑦ ᐊᖓᔪᖅᑳᕐᔪᐊᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 40:38

ᑐᕐᓲᖑᔭᕐᒥ ᓯᓚᕙᓯᖕᓂᕐᓴᒥ ᐃᒡᓗᕈᓯᒃᑲᓐᓂᕐᒥᒃ ᐊᒃᑐᐊᔪᖃᕐᐳᖅ ᐃᑎᕐᑕᕐᕕᖕᒧᑦ ᐃᓚᒋᓕᐅᓯᒪᔪᒥᒃ ᐅᓐᓄᐊᓪᓗᐊᑉ ᓇᓛᓃᑦᑐᒥ, ᑕᕝᕙᓂ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ ᐃᕐᕈᕐᑐᕐᑕᐅᕕᖃᕐᐳᑦ.