ᔨᕆᒤᐊᐅᑉ ᐊᒡᓚᖏᑦ 35:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᑕᓂᐅᑉ ᐃᒡᓗᖓᓄᐊᕐᑎᓚᐅᕐᐸᒃᑲ, ᑲᑎᖃᑎᒋᓪᓗᒋᓪᓗ ᒎᑎᐅᑉ ᐅᖃᕐᑎᖓᑕ ᕼᐊᓇᓐᓂᐅᑉ ᐃᓕᓐᓂᐊᕐᑎᖏᑕ ᐃᒡᑕᓔᐊᐅᑉ ᐃᕐᓂᖓᑕ ᐃᒡᓗᕈᓯᕆᖃᑦᑕᓚᐅᕐᑕᖓᓂ ᐊᖓᔪᖅᑳᕐᔪᐊᑦ ᐃᒡᓗᕈᓯᕆᖃᑦᑕᕐᑕᖏᑕ ᓴᓂᐊᓃᑦᑐᒥ, ᒫ-ᐊᓯᐊᑉ ᓴᓗᒻᒥᐅᑉ ᐃᕐᓂᖓᑕ ᐃᑎᕐᑕᕐᕕᓕᕆᔨᐅᑉ ᐃᒡᓗᕈᓯᖓᑕ ᖁᓕᓪᑎᐊᖓᓂ.

ᔨᕆᒤᐊᐅᑉ ᐊᒡᓚᖏᑦ 35:4 Iomraidhean Croise

ᐊᑕᓃᑦ ᓯᕗᓪᓖᑦ 12:22

ᒎᑎᐅᓪᓕ ᐅᖃᕐᑎᖓ ᓯᒤᐊ, ᒎᑎᒧᑦ ᐅᖃᐅᑎᔭᐅᕗᖅ,

ᐊᑕᓃᑦ ᓯᕗᓪᓖᑦ 13:1

ᑕᑯᒋᓪᓗ, ᒎᑎᐅᑉ ᐃᓄᖁᑎᖓ ᑎᑭᓚᐅᕐᐳᖅ ᐱᑎᓕᒧᑦ ᔫᑕᒥᑦ ᐊᑕᓂᐅᑉ ᐅᖃᐅᓯᖓᓂᒃ ᐅᖃᕆᐊᕐᑐᕐᓗᓂ. ᔨᕈᐳᐊᒻ ᓇᖏᓕᕐᑎᓪᓗᒍ ᑐᓂᕐᕈᓯᕐᕕᐅᑉ ᓵᖓᓂ ᐃᑯᐊᓚᑎᑦᓯᓗᓂ ᐃᓯᕐᓗᐊᕐᓂᑎᑦᓯᓂᐊᓕᕐᑎᓪᓗᒍ.

ᐊᑕᓃᑦ ᓯᕗᓪᓖᑦ 13:26

ᑖᑦᓱᒪ ᐃᑑᑉ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᑐᖃᖓᑕ ᑕᒪᓐᓇ ᑐᓴᕋᒥᐅᒃ, ᐅᖃᕐᐳᖅ, “ᑍᓐᓇᐅᕗᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᔫᑕᒥᑦ ᐱᓯᒪᔪᖅ, ᓈᓚᓚᐅᖏᑦᑐᖅ ᐊᑕᓂᐅᑉ ᐅᖃᐅᓯᕆᓚᐅᕐᑕᖓᓂᒃ; ᑍᒤᒻᒪᑦ ᐊᑕᓂᖅ ᑎᓕᓯᓚᐅᕐᐳᖅ ᓛᔭᒥᒃ ᐅᒋᐊᕐᑕᐅᖁᓪᓗᓂᐅᒃ, ᑕᒪᓐᓇ ᐊᑕᓂᐅᑉ ᐅᖃᐅᓯᕆᓚᐅᕐᑕᓂ ᑲᔪᓯᑎᑕᖓ.”

ᐊᑕᓃᑦ ᓯᕗᓪᓖᑦ 17:18

ᑕᕝᕙ ᐊᕐᓇᖅ ᐃᓔᑦᔭᒧᑦ ᐅᖃᕐᐳᖅ, “ᒎᑎᐅᑉ ᐃᓄᖁᑎᖓ, ᓱᓇᒥᒃ ᐅᕙᓐᓄᑦ ᓈᒻᒪᒃᓴᖏᑦᔪᑎᖃᕐᐱᑦ? ᐊᔪᕐᑐᓕᓂᓐᓃᒃ ᐃᖅᑬᑎᑦᓯᔭᕐᑐᕐᐲᑦ, ᐃᕐᓂᕋᓗ ᑐᖁᑎᓪᓗᒍ?”

ᐊᑕᓃᑦ ᓯᕗᓪᓖᑦ 17:24

ᐊᕐᓇᕐᓗ ᐃᓔᑦᔭᒧᑦ ᐅᖃᕐᐳᖅ, “ᒫᓐᓇ ᖃᐅᔨᕗᖓ ᒎᑎᐅᑉ ᐃᓄᖁᑎᒋᖕᒪᑎᑦ, ᐊᑕᓂᐅᓪᓗ ᐅᖃᐅᓯᖓ ᖃᓂᒃᑰᕐᑐᖅ ᓱᓕᖕᒪᑦ.”

ᐊᑕᓃᑦ ᓯᕗᓪᓖᑦ 20:28

ᒎᑎᐅᑉ ᐃᓄᖁᑎᖓ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓄᐊᕋᒥ ᐅᖃᐅᑎᕚ, “ᐊᑕᓂᖅ ᐃᒫᖅ ᐅᖃᕐᐳᖅ, ‘ᓯᕆᐊᒥᐅᑦ ᐃᒫᒃ ᐅᖃᓚᐅᕐᒪᑕ, “ᐊᑕᓂᖅ ᒎᑎᐅᕗᑦ ᖃᖅᑲᒥᐅᓄᑦ ᓇᕐᓴᒥᐅᓄᓪᓕ ᒎᑎᐅᓐᖏᓚᖅ,” ᑍᒤᒻᒪᑦ ᑖᒃᑯᐊ ᐅᓄᕐᑐᕐᔪᐊᑦ ᐃᓕᖕᓄᑦ ᑐᓂᓂᐊᕐᐸᒃᑲ, ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ.’”

ᐊᑕᓃᑦ ᐂᑉᐸᖏᑦ 1:9

ᐊᖓᔪᖅᑳᕐᔪᐊᖅ ᑕᕝᕙ ᑎᓕᓯᕗᖅ ᐅᓇᑕᕐᑎᖁᑎᒥ ᐊᖓᔪᖅᑳᖓᓐᓂᒃ 50ᓂᒃ ᐅᓇᑕᕐᑐᒃᓴᓂᒃ ᐃᓚᖃᕐᑎᓪᓗᒍ, ᐅᓇᑕᕐᑐᒃᓴᑦ ᐊᖓᔪᖅᑳᖓᑦ ᐃᓔᑦᔭᒧᑦ ᑎᑭᓐᓇᒥᒃ, ᐃᒃᓯᕚᕐᑎᓪᓗᒍ ᐱᖑᐊᕐᔫᑉ ᖄᖓᓂ ᐅᖃᐅᑎᕚ, “ᒎᑎᐅᑉ ᐃᓄᖁᑎᖓ, ᐊᖓᔪᖅᑳᕐᔪᐊᑉ ᕾᖁᖕᒪᑎᑦ.”

ᐊᑕᓃᑦ ᐂᑉᐸᖏᑦ 12:9

ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨ ᐃᒃᓯᕕᖕᒥᑦ ᐱᕗᖅ ᒪᑐᖓᒍᑦ ᐊᖕᒪᕐᓗᓂᐅᒃ ᑐᓂᕐᕈᓯᕐᕕᐅᑉ ᓴᓂᐊᓄᑦ ᐃᓕᕚ, ᑐᒃᓯᐊᕐᕕᒡᔪᐊᕐᒧᑦ ᐃᑎᕐᐸᓪᓕᐊᕕᐅᑉ ᑕᓕᕐᐱᐊᓄᑦ. ᑐᓂᕐᕈᓯᕐᑎᑦᓯᔨᓄᑦ ᑲᒪᔨᐅᔪᖅ ᐃᑎᕐᕕᖓᓂ ᐃᓕᓯᖃᑦᑕᕐᓂᐊᕐᑎᓪᓗᒍ ᐃᒃᓯᕐᕕᖕᒧᑦ ᑮᓇᐅᔭᓂᒃ ᑐᒃᓯᐊᕐᕕᒡᔪᐊᕐᒧᑦ ᑐᓂᔭᐅᔪᓂᒃ.

ᐊᑕᓃᑦ ᐂᑉᐸᖏᑦ 25:18

ᓂᐳᓴᕌᑖᓐᓗ ᐅᓇᑕᕐᑎᓄᑦ ᐊᖓᔪᖅᑳᖅ, ᑎᒍᓯᓚᐅᕆᕗᖅ ᓯᕅᐊᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᒥᒃ, ᑐᖓᓕᖓᓂᒡᓗ ᔨᐸᓁᐊᒥᒃ, ᐊᓯᖏᓐᓂᒡᓗ ᑐᒃᓯᐊᕐᕕᒡᔪᐊᕐᒥ ᐊᖓᔪᖅᑳᖑᖃᑕᐅᔪᓂᒃ ᐱᖓᓱᓂᒃ.

ᐊᑕᓃᑦ ᐂᑉᐸᖏᑦ 5:14

ᑕᕝᕙ ᑰᓕᐊᕐᐳᖅ ᔪᐊᕐᑕᓂᒧᑦ 7ᐃᕐᑐᕐᓗᓂᓗ ᐊᖅᑲᕐᐳᖅ, ᒎᑎᐅᑉ ᐃᓄᖁᑎᖓᑕ ᐅᖃᐅᓯᖏᑦ ᒪᓕᒡᓗᒋᑦ; ᐅᕕᓂᖓᓗ ᐋᖅᑭᒃᐳᖅ ᓴᓗᒪᑦᓯᐊᕐᓗᓂ ᐃᓅᓱᒃᑐᑯᓗᒃᑎᑐᑦ ᐅᕕᓂᖓ ᑍᒤᓕᕐᓗᓂ.

ᐊᑕᓃᑦ ᐂᑉᐸᖏᑦ 5:20

ᒋᕼᐋᓯ, ᐃᓔᓴᐅᑉ ᐃᑲᔪᕐᑎᖓ ᒎᑎᐅᑉ ᐃᓄᖁᑎᖓᑕ ᐃᓱᒪᓕᕋᒥ, “ᐊᖓᔪᖅᑳᕅᓐᓇ ᐱᔭᕐᓂᓈᕐᓯᑎᑦᓯᓗᐊᕐᑐᖅ ᓁᒪᓐᒥᒃ ᓯᕆᐊᒥᐅᒥᒃ, ᑐᓂᑦᔪᑎᒋᓇᓱᒃᑕᖏᓐᓂᒃ ᐃᓚᓐᖎᖏᑦᓯᐊᕐᑐᖅ, ᐊᑕᓂᖅ ᐆᒪᔪᖅ ᐱᑦᔪᑎᒋᓪᓗᒍ ᒪᓕᐊᓪᓚᒡᓗᒍ ᐃᓚᖏᓐᓂᒃ ᐱᑖᕆᐊᕐᑐᓚᐅᕐᓚᖓ.”

ᐊᑕᓃᑦ ᐂᑉᐸᖏᑦ 6:10

ᑍᒤᒻᒪᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᑐᓴᕐᑎᑦᓯᔨᒥᓂᒃ ᑎᓕᓯᕗᖅ ᑍᒃᑯᐊ ᐅᓇᑕᕐᑎᖁᑎᖏᑦ ᓯᕆᐊᒥᐅᑦ ᑕᖕᒫᕐᓯᒪᕕᖓᑕ ᖃᓂᒋᔭᖓᓃᑦᑐᑦ ᐅᑦᔨᕐᓱᑦᓯᐊᖁᓪᓗᒋᑦ ᑎᕐᓕᓈᕐᑕᐅᖁᓇᒋᑦ, ᑕᒪᓐᓇᓗ ᓯᕆᐊᒥᐅᑦ ᖃᐅᔨᔭᐅᑦᑍᓕᓂᕆᖃᑦᑕᕐᑕᖓᑦ ᖃᐅᔨᔭᐅᖃᑦᑕᓚᐅᕐᐳᖅ ᐊᑕᐅᓯᐊᑐᐃᓐᓇᕋᓂ ᒪᕐᕈᐃᕐᓱᑐᐃᓐᓇᕋᓂᓗ.

ᐊᑕᓃᑦ ᐂᑉᐸᖏᑦ 7:17

ᐊᖓᔪᖅᑳᕐᔪᐊᖅ ᑎᓕᓯᓯᒪᓚᐅᕐᐳᖅ ᐃᑎᕐᑕᕐᕕᖕᒥ ᑲᒪᔨᐅᓂᐊᕐᑐᒥᒃ ᐊᒡᒐᖏᑎᒍᑦ ᐊᒃᑐᐊᓚᐅᕐᑕᖓ, ᑖᓐᓇᓕ ᐃᑎᕐᑕᕐᕕᒃᑯᑦ ᐊᓂᓇᓱᐊᕐᑐᓄᑦ ᑐᓪᓕᕋᕐᑕᐅᓪᓗᓂ ᑐᖁᕗᖅ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᖃᐅᓯᕆᓚᐅᕐᑕᖓ ᓇᓚᐅᓪᓗᒍ, ᐊᖓᔪᖅᑳᕐᔪᐊᕐᒧᑦ ᑕᑯᔭᕐᑐᕐᑕᐅᓯᒪᓪᓗᓂ ᐅᖃᐅᓯᕆᓚᐅᕐᑕᖏᑦ.

ᐊᑕᓃᑦ ᐂᑉᐸᖏᑦ 7:2

ᐅᓇᑕᕐᑏᑦ ᐊᖓᔪᖅᑳᖓ ᐊᖓᔪᖅᑳᔪᐊᑉ ᐊᒃᑐᐊᔭᖓ ᑕᓕᕐᒥᓄᑦ ᒎᑎᐅᑉ ᐃᓄᖁᑎᖓᓄᑦ ᐅᖃᕐᐳᖅ, “ᑕᑯᒋᑦ, ᐊᑕᓂᐅᑉ ᕿᓚᒃ ᐅᒃᑯᐃᕐᓗᒍ ᑯᕕᑎᑦᓯᒐᔭᕋᓗᐊᕐᐹ ᓂᕿᒃᓴᓂᒃ, ᑕᒪᓐᓇ ᐅᖃᐅᓯᕆᔧᑦ ᐊᑑᑎᓕᕈᓐᓇᕋᔭᕐᐹ?” ᐃᓔᓴᐅᑉ ᑭᐅᕚ, ᓇᖕᒥᓂᖅ ᐃᔨᖕᓄᑦ ᑕᒪᓐᓇ ᑕᑯᓛᕐᐸᑦ ᑭᓯᐊᓂᓕ ᐅᖁᒻᒥᕐᓯᕕᒋᔪᒫᓐᖏᓚᑦ.

ᑯᕉᓂᑲ ᓯᕗᓪᓖᑦ 9:27

ᐊᖏᕐᕋᖃᓚᐅᕐᐳᓪᓗ ᒎᑎᐅᑉ ᐃᒡᓗᖓᑕ ᐊᕙᑖᓂ; ᑲᒪᔨᐅᒐᒥᒃ ᖃᐅᔨᓴᕐᑎᐅᓪᓗᑎᒡᓗ, ᐊᖓᔪᖅᑳᖑᓚᐅᕐᐳᓪᓗ ᒪᑐᐃᕐᑕᐅᔭᕆᐊᖃᕐᓂᖓᓄᑦ ᐅᓪᓛᑕᒫᑦ.

ᑯᕉᓂᑲ ᐂᑉᐸᖏᑦ 8:14

ᐊᑖᑕᖓᑕ ᑍᕕᑎᐅᑉ ᐊᑐᕐᑕᐅᖃᕐᑕᖁᓚᐅᕐᑕᖏᑦ ᒪᓕᒡᓗᒋᑦ, ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᕕᒃᑐᕐᓗᒋᑦ ᐱᓂᐊᒐᒃᓴᖏᓐᓄᑦ, ᓕᕔᑏᓪᓗ ᐱᓂᐊᒐᒃᓴᖏᓐᓄᑦ ᓂᕐᑐᐃᔨᐅᖁᓪᓗᒋᑦ ᐱᔨᑦᓯᕐᓗᑎᒃ ᑐᓂᕐᕈᓯᕐᑎᑦᓯᔨᓂᒃ ᐅᓪᓗᑕᒫᑦ ᐱᔭᒃᓴᖏᑦ ᒪᓕᒡᓗᒋᑦ, ᐃᑎᕐᑕᕐᕕᖕᒥᐅᑍᓪᓗ ᐊᕕᒃᑐᕐᓯᒪᓂᖏᑦ ᐃᑎᕐᑕᕐᕕᖕᓂ ᒪᓕᒡᓗᒋᑦ; ᑍᕕᑎᐅᑉ ᒎᑎᐅᑉ ᐃᓄᖁᑎᖓᑕ ᐱᖁᔨᑦᔪᑎᒋᓚᐅᕐᑕᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 84:10

ᐅᓪᓗᒥᒃ ᐊᑕᐅᓯᕐᒥᒃ ᑐᒃᓯᐊᕐᕕᒡᔪᐊᑉ ᑐᕐᓲᖓᓃᓪᓗᓂ ᐱᐅᓂᕐᓴᐅᕗᖅ ᐅᓪᓗᓂᒃ 1,000ᓂᒃ ᓇᓂᑐᐃᓐᓈᕋᔭᕐᓂᕐᒥᑦ. ᒎᑎᒪ ᐃᒡᓗᖓᑕ ᐃᑎᕐᑕᕐᕕᖓᓂ ᑲᒪᔨᐅᖔᕈᒪᒐᔭᕐᐳᖓ; ᐱᐅᖏᑦᑐᑦ ᐊᖏᕐᕋᖏᓐᓂ ᐊᑯᓂ ᐃᓂᖃᕋᔭᕐᓂᕐᒥᑦ.

ᔨᕆᒤᐊᐅᑉ ᐊᒡᓚᖏᑦ 21:1

ᔨᕆᒤᐊ ᐊᑕᓂᕐᒧᑦ ᐅᖃᕐᕕᐅᓚᐅᕐᐳᖅ ᐅᑯᓂᖓ, ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᑎᓕᔭᖏᓐᓄᑦ ᑎᑭᑕᐅᒐᒥ ᐸᓱᕼᐅᕆᒧᑦ ᒪᓪᑬᔭᐅᑉ ᐃᕐᓂᖓᓄᑦ ᑐᓂᕐᕈᓯᕐᑎᑦᓯᔨᒧᓪᓗ ᔨᐸᓁᐊᒧᑦ ᒫᓯᐊᐅᑉ ᐃᕐᓂᖓᓄᑦ, ᐅᖃᕐᓗᑎᒡᓗ:

ᔨᕆᒤᐊᐅᑉ ᐊᒡᓚᖏᑦ 26:10

ᔫᑕᒥᐅᓪᓕ ᐊᖓᔪᖅᑳᕆᔭᖏᑦ ᑐᓴᕋᒥᒃ ᑕᒪᒃᑯᓂᖓ ᐊᖓᔪᖅᑳᕐᔪᐊᑉ ᐃᒡᓗᖓᓂᑦ ᐊᓂᕗᑦ ᑐᒃᓯᐊᕐᕕᒃᔪᐊᓕᐊᓕᕐᓗᑎᒃ ᑕᕝᕗᖓᓗ ᑎᑭᓐᓇᒥᒃ ᐃᖏᑉᐳᑦ ᐃᑎᕐᑕᕐᕕᖕᒧᑦ ᓄᑖᒥᒃ ᑍᔭᐅᔪᒧᑦ.

ᔨᕆᒤᐊᐅᑉ ᐊᒡᓚᖏᑦ 35:3

ᑕᕝᕙ ᔭ-ᐊᔭᓁᐊᒧᐊᓚᐅᕐᐳᖓ ᔨᕆᒤᐊᐅᑦᑕᐅᖅ ᐃᕐᓂᖓᓄᑦ, ᕼᐊᐸᔭᓁᐊᒥᒃ ᐊᑖᑕᖃᕐᑐᒧᑦ, ᖃᑕᓐᖑᑎᖏᓪᓗ ᑕᒪᕐᒥᒃ ᐃᕐᓂᖏᓪᓗ ᑖᒃᑯᐊ ᕆᑳᐰᑎᒃᑯᑦ ᐃᓚᒌᓕᒫᑦ.

ᔨᕆᒤᐊᐅᑉ ᐊᒡᓚᖏᑦ 52:24

ᐅᓇᑕᕐᑐᒃᓮᑦ ᐊᖓᔪᖅᑳᒻᒪᕆᖓᑦ ᐊᐅᓪᓚᕈᑦᔨᓚᐅᕆᕗᖅ ᑎᒍᔭᒥᓂᒃ ᑐᓂᕐᕈᓯᕐᑎᑦᓯᔨᒥᒃ ᓯᕅᐊᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᒥᒃ, ᔨᐸᓁᐊᒥᒡᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦᑕ ᑐᖓᓕᖓᓂᒃ, ᐱᖓᓱᓪᓗ ᐃᑎᕐᑕᕐᕕᖕᒥ ᑲᒪᔨᐅᔪᑦ.

ᐃᓯᑭᐊᓕᐅᑉ ᐊᒡᓚᖏᑦ 40:38

ᑐᕐᓲᖑᔭᕐᒥ ᓯᓚᕙᓯᖕᓂᕐᓴᒥ ᐃᒡᓗᕈᓯᒃᑲᓐᓂᕐᒥᒃ ᐊᒃᑐᐊᔪᖃᕐᐳᖅ ᐃᑎᕐᑕᕐᕕᖕᒧᑦ ᐃᓚᒋᓕᐅᓯᒪᔪᒥᒃ ᐅᓐᓄᐊᓪᓗᐊᑉ ᓇᓛᓃᑦᑐᒥ, ᑕᕝᕙᓂ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ ᐃᕐᕈᕐᑐᕐᑕᐅᕕᖃᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 43:8

ᐊᖓᔪᖅᑳᕐᔪᐊᑦ ᐅᒃᑯᐊᓕᐅᕐᓯᒪᓚᐅᕐᐳᑦ ᑐᒃᓯᐊᕐᕕᒡᔪᐊᖁᑎᒪ ᐅᒃᑯᐊᖃᕐᕕᖓᑕ ᓴᓂᐊᒍᑦ ᑐᖕᒥᕌᖃᕐᓗᑎᒡᓗ ᑐᖕᒥᕌᒪ ᑭᒡᓕᖓᒍᑦ, ᐃᒡᓘᑉ ᐊᑭᓐᓇᖓᓂᒃ ᐊᑯᓐᓂᖃᑐᐃᓐᓇᕐᓗᑕ. ᐊᑎᕋᓗ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᓚᐅᕐᐹᑦ ᐱᓂᐊᕐᓂᕐᒥᖕᓄᑦ, ᑍᒤᒻᒪᑦ ᓂᓐᖓᖕᓂᒃᑯᑦ ᓄᖑᓚᐅᕐᐸᒃᑲ.

ᒨᓯᓯ ᑕᓪᓕᒪᖏᑦ 33:1

ᐅᑯᐊ ᑕᕝᕙ ᒨᓯᓯᐅᑉ ᒎᑎᐅᑉ ᐃᓄᖁᑎᖓᑕ ᓮᒻᒪᕐᑎᑦᓯᑦᔪᑎᒋᓚᐅᕐᑕᖏᑦ, ᐃᓴᕆᐊᓕᒥᐅᓄᑦ ᑐᖁᓚᐅᖅᑳᕋᓂ.

ᑎᒧᑎᒧᑦ ᓯᕗᓪᓖᑦ 6:11

ᐃᕝᕕᓪᓕ ᒎᑎᐅᑉ ᐃᓄᖁᑎᖓ, ᑕᒪᒃᑯᐊ ᐱᓇᓱᐊᕐᓂᐊᕐᓇᒋᑦ; ᐱᓇᓱᐊᓕᕆᓪᓕ ᐃᓗᐊᕐᑐᓕᓂᕐᒥᒃ, ᒎᑎᒧᑦ ᐅᒃᐱᕐᓂᕐᒥᒃ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᕿᓄᐃᓵᕐᓂᕐᒥᒃ, ᐃᓕᕋᑦᑖᖏᓐᓂᕐᒥᒃ.

ᑎᒧᑎᒧᑦ ᐂᑉᐸᖏᑦ 3:17

ᒎᑎᐅᑉ ᐃᓄᖁᑎᖓ ᓈᒻᒪᒃᓯᑦᓯᐊᖁᓪᓗᒍ, ᐱᓇᓱᐊᕈᓐᓇᕐᓯᖁᓪᓗᒍᓗ ᐱᐅᔪᓂᒃ ᐱᓇᓱᐊᕐᓂᓕᒫᓂᒃ.

ᔮᓱᐊᑉ ᐊᒡᓚᖏᑦ 14:6

ᐅᓪᓗᐃᑦ ᐃᓚᖓᓂ ᔫᑕᐅᑉ ᐃᓄᖏᑕ ᐃᓚᖏᑦ ᐂᕗᑦ ᔮᓱᐊᒧᑦ ᒋᐅᓪᒐᐅᓪᒧᑦ; ᑬᓚᐱᐅᓪᓗ ᔨᐳᓂᐊᐅᑉ ᐃᕐᓂᖓᑕ ᑭᓂᔧᑦᒥᒃ ᑍᔭᐅᔫᑉ, ᔮᓱᐊ ᐅᖃᐅᑎᕚ, “ᖃᐅᔨᒪᕗᑎᑦ ᐊᑕᓂᐅᑉ ᐅᖃᐅᓯᕆᓚᐅᕐᑕᖓᓂᒃ ᒨᓯᓯᒧᑦ ᒎᑎᐅᑉ ᐃᓄᖁᑎᖓᓄᑦ ᑲᑎᓯ-ᐸᕐᓂᐊᒥ ᐃᓕᖕᓂᒃ ᐅᕙᓐᓂᒡᓗ ᐱᑦᔪᑎᖃᕐᓗᓂ.

ᓴᒧᐃᓕ ᓯᕗᓪᓖᑦ 2:27

ᒎᑎᐅᓪᓗ ᐅᖃᕐᑎᖓ ᐃᓔᒧᐊᕐᐳᖅ ᐅᖃᕐᓗᓂᓗ: “ᐊᑕᓂᖅ ᐃᒫᒃ ᐅᖃᕐᐳᖅ, ‘ᐅᕙᓐᓂᒃ ᖃᐅᔨᔭᑎᓚᐅᕐᐳᖓ ᓯᕗᓕᑦᓯᓐᓄᑦ ᐂᕉᓂᒧᑦ ᐄᑦᔨᑉᑎᒦᑎᓪᓗᒋᑦ ᐰᕉᒧᑦ ᐊᐅᓚᑕᐅᑎᓪᓗᒋᑦ.