ᔨᕆᒤᐊᐅᑉ ᐊᒡᓚᖏᑦ 35:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᐃᓚᒌᑦ ᕆᑳᐰᑎᒃᑯᑦ ᕾᖁᓗᒋᑦ ᐊᑕᓂᐅᑉ ᐃᒡᓗᖓᓄᑦ, ᑲᑎᖃᑎᒋᒃᑭᑦ ᐃᒥᕐᑎᓪᓗᒋᓪᓗ ᕔᓂᒥᒃ.”

ᔨᕆᒤᐊᐅᑉ ᐊᒡᓚᖏᑦ 35:2 Iomraidhean Croise

ᐊᑕᓃᑦ ᓯᕗᓪᓖᑦ 6:10

ᐅᐃᒍᖓ ᐳᕐᑐᓂᖃᕐᐳᖅ ᐱᖓᓱᓂᒃ ᓇᑎᓕᒃ ᐃᑎᒐᖕᓂᒃ 7ᓂᒃ ᕿᑎᖅᑲᒥᒡᓗ ᐳᕐᑐᓂᖃᕐᐳᖅ, ᓴᓇᔭᐅᓯᒪᕗᖅ ᐊᒃᑐᐊᓪᓗᓂ ᑐᒃᓯᐊᕐᕕᒡᔪᐊᑉ ᐊᑭᓐᓇᖓᓄᑦ ᑖᓐᓇᑦᑕᐅᖅ ᕿᕋᑦᑕᖅᑯᑎᖃᕐᓗᓂ ᕿᔪᐊᓗᖕᓂᒃ ᓰᑕᕆᓂᒃ.

ᐊᑕᓃᑦ ᓯᕗᓪᓖᑦ 6:8

ᐃᑎᕐᑕᕐᕕᒃ ᐊᓪᓕᕐᐹᖓᓃᑦᑐᖅ ᐅᐃᒍᖓ ᐅᓪᓗᓪᓗᐊᑉ ᓇᓛᓃᑦᑐᖅ, ᒪᔪᕋᐅᑎᖃᕐᓗᓂ ᓇᑏᑦ ᑐᖓᓕᐊᓄᑦ ᐱᖓᔪᐊᓄᓪᓗ ᑐᕌᖓᔪᒥᒃ.

ᑯᕉᓂᑲ ᓯᕗᓪᓖᑦ 2:55

ᐱᖁᔭᓂᒃ ᐃᓕᓯᒪᔪᓪᓗ ᓄᓇᖃᕐᑐᑦ ᔧᐹᔾᒥ ᐅᑯᐊ: ᑎᕋᕼᐂᑏᑦ, ᓯᒥ-ᐊᑍᑏᑦ, ᓱᑲᑍᑏᓪᓗ. ᑖᒃᑯᐊ ᑭᓁᑎᒥᐅᑦ ᕼᐊᒪᑕᒥᑦ ᐱᓯᒪᔪᑦ, ᐊᑖᑕᒋᔭᐅᔪᑦ ᕆᑳᐱᐅᑉ ᐃᒡᓗᒥᐅᖃᑎᖏᓐᓄᑦ.

ᑯᕉᓂᑲ ᓯᕗᓪᓖᑦ 23:28

ᐱᔭᒃᓴᖃᕐᑐᒃᓴᐅᕗᑦ ᐃᑲᔪᕐᓗᑎᑦ ᐂᕉᓂᐅᑉ ᐃᕐᓂᖏᓐᓂᒃ ᐱᔨᑦᓯᕐᓗᑎᒃ ᐊᑕᓂᐅᑉ ᐃᒡᓗᖓᓂ, ᐱᕕᑐᓂᖓᓂ ᑲᑎᒪᕕᖓᓂᓗ, ᓴᓗᒻᒪᕐᓮᔨᐅᓗᑎᒡᓗ ᐃᑦᔪᕐᓁᑦᑐᓕᒫᓂᒃ, ᐱᓇᓱᐊᕐᑎᐅᓗᑎᒡᓗ ᖃᓄᑐᐃᓐᓇᖅ ᐱᔨᑦᓯᕐᓗᑎᒃ ᒎᑎᐅᑉ ᐃᒡᓗᖓᓂ;

ᑯᕉᓂᑲ ᓯᕗᓪᓖᑦ 28:12

ᐆᒃᑑᑎᒃᓮᓪᓗ ᐃᓱᒪᒋᓯᒪᔭᓕᒫᓂ ᑐᓂᕔᑦ ᐊᑕᓂᐅᑉ ᐃᒡᓗᖓᑕ ᐱᕕᑐᓂᒃᓴᖏᑦ, ᑲᑎᒪᕕᒃᓴᓕᒫᖏᓪᓗ, ᑮᓇᐅᔭᒃᑯᕕᒃᓴᓕᒫᖏᓪᓗ ᒎᑎᐅᑉ ᐃᒡᓗᖓᓂ, ᑐᓂᕐᕈᑎᒃᓮᓪᓗ ᐃᑦᔪᕐᓁᑎᑕᐅᓯᒪᔪᑦ ᐃᓂᒃᓴᖏᑦ;

ᑯᕉᓂᑲ ᓯᕗᓪᓖᑦ 9:26

ᓯᑕᒪᓂᒃ ᐊᖓᔪᖅᑳᖃᕐᐳᑦ ᐃᑎᕐᑕᕐᕕᖕᓂ ᐊᑐᓂᑦ; ᓕᕔᑎᓂᒃ, ᐊᑕᓂᐅᑉ ᐃᒡᓗᖓᓂ ᑲᒪᔨᐅᑎᑕᐅᔪᓂᒃ ᐱᖁᑎᓂᒃ ᑮᓇᐅᔭᒃᑯᕕᖕᓂᒡᓗ ᒎᑎᐅᑉ ᐃᒡᓗᖓᓂ.

ᑯᕉᓂᑲ ᓯᕗᓪᓖᑦ 9:33

ᐊᑖᑕᒃᑯᖏᑕ ᐃᓚᖏᓐᓂ ᐊᖓᔪᖅᑲᐅᔪᑦ ᓕᕔᑎᓂ ᑲᒪᔨᐅᓚᐅᕐᐳᑦ ᐃᓐᖏᕐᑎᓄᑦ, ᐊᖏᕐᕋᖃᕐᓗᑎᒃ ᑐᒃᓯᐊᕐᕕᒡᔪᐊᑉ ᐃᒡᓗᕈᓯᖏᓐᓂ, ᐊᓯᖏᓐᓂᒃ ᐱᓇᓱᐊᒐᒃᓴᖃᕐᑎᑕᐅᓇᑎᒃ, ᑍᒪᓐᖓᑦ ᐱᓇᓱᐊᕆᐊᖃᕐᓗᑎᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ.

ᑯᕉᓂᑲ ᐂᑉᐸᖏᑦ 3:9

ᑭᑭᐊᑦ ᐊᑐᕐᑕᐅᔪᑦ ᑕᕝᕗᖓ ᒎᓘᕗᑦ ᐅᖁᒤᓐᓂᖃᕐᓗᑎᒃ 1ᐸᐅᑦ ᐅᖓᑎᑦᑎᐊᖓᓂ; ᐃᒡᓗᐊᕈᓰᓪᓗ ᖁᑦᑎᖕᓂᕐᓮᑦ ᖄᐹᓕᕐᐰᑦ ᒎᓗᓂᒃ.

ᑯᕉᓂᑲ ᐂᑉᐸᖏᑦ 31:11

ᕼᐃᓯᑬᐊᐅᓪᓗ ᑎᓕᕔᑦ ᓯᕐᓗᐊᓕᐅᖁᓪᓗᒋᑦ ᐊᑕᓂᐅᑉ ᐃᒡᓗᖓᓂ; ᑕᕝᕙ ᐊᑐᐃᓐᓇᕈᐃᓕᓚᐅᕐᐳᑦ.

ᐄᓱᕋᐅᑉ ᐊᒡᓚᖏᑦ 8:29

ᑲᒪᒋᑦᓯᐊᕐᓂᐊᕐᐸᓯ ᐱᓯᒪᑦᓯᐊᕐᓗᓯᐅᒡᓗ ᑐᒃᓯᐊᕐᕕᒡᔪᐊᒧᑦ ᑎᑭᓚᐅᖏᓐᓂᑦᓯᓐᓂ; ᑍᑲᓂ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᑦ ᓕᕔᑎᓪᓗ ᓵᖏᓐᓂ ᐅᖁᒤᓐᓂᕐᓯᐅᓛᕐᐸᓯ ᐂᑦᑑᑎᒋᓗᒋᓪᓗ ᑖᒃᑯᓄᖓ, ᐃᓴᕆᐊᓕᒥᐅᓪᓗ ᐃᓄᖏᑕ ᓯᕗᓕᕐᑎᖏᓐᓄᑦ ᔨᕉᓴᓕᒦᑦᑐᓄᑦ.”

ᓂᕼᐃᒤᐊᐅᑉ ᐊᒡᓚᖏᑦ 13:5

ᑖᓐᓇᓗ ᑐᐱᐊ ᐃᓂᒃᓴᖃᓕᕐᑎᓚᐅᕐᐹ ᓱᓇᑐᐃᓐᓇᖃᐅᑎᒥ ᐊᖏᔪᒥᒃ, ᐱᕈᕐᑐᕕᓃᑦ ᑐᓂᕐᕈᑎᐅᓯᒪᔪᑦ ᐃᓂᒃᓴᕆᖃᑦᑕᓚᐅᕐᑕᖓᓂ, ᑎᐱᑦᓯᐊᕆᒃᓴᐅᑏᓪᓗ, ᐴᒍᑍᓪᓗ, ᓂᐊᖂᔭᒃᓮᓪᓗ ᑕᓪᓕᒪᐅᔪᐃᕈᑕᐅᓯᒪᔪᑦ, ᕔᓃᑦ, ᐅᕐᓱᒃᓮᓪᓗ, ᐱᖁᔭᑎᒍᑦ ᑐᓂᔭᐅᖁᔭᐅᓯᒪᔪᑦ ᓕᕔᑎᒃᑯᓐᓄᑦ, ᐃᓐᖏᕐᑎᓄᓪᓗ, ᐃᑎᕐᑕᕐᕕᐅᓪᓗ ᑲᒪᔨᖏᓐᓄᑦ, ᑐᓂᕐᕈᑎᒃᓴᐅᓪᓗᑎᒡᓗ ᑐᓂᕐᕈᓯᕐᑎᑦᓯᔨᓄᑦ.

ᔨᕆᒤᐊᐅᑉ ᐊᒡᓚᖏᑦ 35:3

ᑕᕝᕙ ᔭ-ᐊᔭᓁᐊᒧᐊᓚᐅᕐᐳᖓ ᔨᕆᒤᐊᐅᑦᑕᐅᖅ ᐃᕐᓂᖓᓄᑦ, ᕼᐊᐸᔭᓁᐊᒥᒃ ᐊᑖᑕᖃᕐᑐᒧᑦ, ᖃᑕᓐᖑᑎᖏᓪᓗ ᑕᒪᕐᒥᒃ ᐃᕐᓂᖏᓪᓗ ᑖᒃᑯᐊ ᕆᑳᐰᑎᒃᑯᑦ ᐃᓚᒌᓕᒫᑦ.

ᔨᕆᒤᐊᐅᑉ ᐊᒡᓚᖏᑦ 35:4

ᐊᑕᓂᐅᑉ ᐃᒡᓗᖓᓄᐊᕐᑎᓚᐅᕐᐸᒃᑲ, ᑲᑎᖃᑎᒋᓪᓗᒋᓪᓗ ᒎᑎᐅᑉ ᐅᖃᕐᑎᖓᑕ ᕼᐊᓇᓐᓂᐅᑉ ᐃᓕᓐᓂᐊᕐᑎᖏᑕ ᐃᒡᑕᓔᐊᐅᑉ ᐃᕐᓂᖓᑕ ᐃᒡᓗᕈᓯᕆᖃᑦᑕᓚᐅᕐᑕᖓᓂ ᐊᖓᔪᖅᑳᕐᔪᐊᑦ ᐃᒡᓗᕈᓯᕆᖃᑦᑕᕐᑕᖏᑕ ᓴᓂᐊᓃᑦᑐᒥ, ᒫ-ᐊᓯᐊᑉ ᓴᓗᒻᒥᐅᑉ ᐃᕐᓂᖓᑕ ᐃᑎᕐᑕᕐᕕᓕᕆᔨᐅᑉ ᐃᒡᓗᕈᓯᖓᑕ ᖁᓕᓪᑎᐊᖓᓂ.

ᔨᕆᒤᐊᐅᑉ ᐊᒡᓚᖏᑦ 35:8

ᑕᒪᒃᑯᐊᓕᒫᑦ ᓈᓔᓐᓇᓚᐅᕐᐸᕗᑦ ᓯᕗᓕᑦᑕ ᔨᕼᐅᓇᑕᐅᑉ ᕆᑳᐱᐅᑉ ᐃᕐᓂᖓᑕ ᒪᓕᒐᒃᓴᓕᐊᕆᓚᐅᕐᑕᖏᑦ ᐅᕙᑦᑎᓐᓄᑦ, ᐅᕙᒍᓪᓗ ᓄᓕᐊᕗᓪᓗ ᐃᕐᓂᕗᓪᓗ ᐸᓂᕗᓪᓗ ᐃᒥᓚᐅᕐᓯᒪᓐᖏᓚᑦ ᕔᓂᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 40:16

ᐃᒡᓗᕈᓰᓪᓗ ᐃᒐᓛᖃᐅᕐᐳᑦ ᑕᑭᔪᑯᑖᓂᒃ, ᒪᑐᑦᑕᐅᑎᓕᖕᓂᒃ ᓯᓚᒧᐊᖓᔪᓂᒃ, ᐃᒡᓗᕈᓰᓪᓗ ᐊᑯᓐᓂᖏᑎᒍᑦ ᐊᑭᓐᓇᖏᑦ ᐃᑎᕐᓴᓕᐅᕈᑎᓯᒪᔪᓂᒃ ᓇᐹᕐᑐᓐᖑᐊᓂᒃ ᐹᒥᓂᒃ ᑕᕐᓯᕐᓱᕐᓯᒪᓪᓗᑎᒃ.