ᔨᕆᒤᐊᐅᑉ ᐊᒡᓚᖏᑦ 34:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑕᓂᐅᑉ ᔨᕆᒤᐊ ᐅᖃᐅᑎᕚ, ᔨᑎᑬᐊ ᐊᖓᔪᖅᑳᕐᔪᐊᖅ ᐊᖏᖃᑎᒌᒍᑎᓕᐅᕐᓯᒪᓕᕐᑎᓪᓗᒍ ᔨᕉᓴᓕᒥᐅᓄᑦ ᑎᒍᔭᐅᓯᒪᔪᑦ ᕿᓚᕈᑦᔮᕐᑕᐅᖁᓪᓗᒋᑦ,

ᔨᕆᒤᐊᐅᑉ ᐊᒡᓚᖏᑦ 34:8 Iomraidhean Croise

ᐊᑕᓃᑦ ᐂᑉᐸᖏᑦ 11:17

ᔨᕼᐅᐃᐊᑕ ᐊᖏᖃᑎᓕᐅᕈᑎᒥᒃ ᐋᖅᑮᕗᖅ ᐊᑕᓂᕐᒧᑦ ᐊᖓᔪᖅᑳᕐᔪᐊᕐᒧᓪᓗ ᐃᓄᖕᓄᓪᓗ ᐊᑕᓂᖕᒧᑦ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᕐᒧᑦ ᐊᑕᓂᕐᒧᓪᓗ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᑉ ᐃᓄᖁᑎᖏᑕᓗ ᐊᖏᓯᒪᖃᑎᒌᒍᑎᒋᓂᐊᕐᑕᖓᓐᓂᒃ.

ᑯᕉᓂᑲ ᐂᑉᐸᖏᑦ 23:16

ᔨᕼᐅᐃᐊᑕᓗ ᐊᖏᖃᑎᒌᒍᑎᓕᐅᕐᐳᖅ ᐃᒻᒥᓄᑦ ᐃᓄᓕᒫᓄᓪᓗ ᐊᖓᔪᖅᑳᕐᔪᐊᒧᓪᓗ ᐊᑕᓂᕐᒧᑦ ᐃᓄᖁᑎᒋᔭᐅᔪᒪᓪᓗᑎᒃ.

ᑯᕉᓂᑲ ᐂᑉᐸᖏᑦ 29:10

“ᐆᒻᒪᑎᒃᑯᑦ ᐊᖏᖃᑎᒌᒍᑎᓕᐅᕐᕕᒋᔪᒪᕙᕋ ᐊᑕᓂᖅ, ᐃᓴᕆᐊᓕᒥᐅᑦ ᒎᑎᖓᑦ, ᑖᑦᓱᒪ ᓂᓐᖓᐅᒪᓂᕐᔪᐊᖓ ᐅᕙᑦᑎᓐᓂᒃ ᐊᓔᖁᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 9:38

ᑕᒪᒃᑯᐊ ᖃᓄᐃᓕᐅᕐᓂᐅᓚᐅᕐᑐᑦ ᐱᑦᔪᑎᒋᓪᓗᒋᑦ ᐊᖏᖃᑎᒌᖕᓂᖃᕐᑎᑦᓯᓚᐅᕐᐳᒍᑦ ᓴᖑᑎᑕᐅᓂᐊᖏᑦᑐᒥᒃ ᑎᑎᕋᕐᓗᒋᓪᓗ; ᐊᖓᔪᖅᑳᕗᑦ, ᓕᕔᑎᓪᓗ, ᑐᓂᕐᕈᓯᕐᑎᑦᓯᔨᖁᑎᕗᓪᓗ ᑖᒃᑯᐊ ᓇᕿᑦᔪᓯᕐᓯᓚᐅᕐᐳᑦ ᓇᓗᓁᒃᑯᑕᐅᓂᐊᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 58:6

ᐃᒫᖓᕐᓕ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓚᐅᓐᖏᓚᖔ? ᐊᔪᕐᑐᓕᓂᕐᒧᑦ ᕿᓚᒃᓱᕐᓯᒪᔪᑦ ᕿᓚᕈᑦᔮᕐᑕᐅᖁᓪᓗᒋᑦ, ᐅᖁᒤᑦᑐᑦ ᐊᒃᔭᕐᑕᖏᑦ ᐲᕐᑕᐅᖁᓪᓗᒋᑦ, ᓵᓚᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ, ᓇᖕᒪᐅᑎᒋᔭᐅᔪᓕᒫᓂᒡᓗ ᓯᖁᒥᓪᓗᒋᑦ ᐲᕐᑎᑦᓯᖁᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᔨᕆᒤᐊᐅᑉ ᐊᒡᓚᖏᑦ 34:17

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᓈᓚᓚᐅᓐᖏᓚᓯ ᐄᑉᕉᒥᐅᑕᐅᖃᑎᑦᓯᓐᓂᒃ ᐃᓱᒪᕐᓱᓕᕐᑎᑦᓯᔪᒪᖏᓐᓇᑦᓯ, ᒫᓐᓇ ᐅᖃᐅᑎᓕᕐᐸᑦᓯ ᐃᓱᒪᕐᓱᕐᑎᓐᓂᐊᓕᕐᐸᑦᓯ ᐊᑕᓂᖅ ᐅᖃᕐᐳᖅ, ᐅᓇᑕᕐᑐᓂ ᑐᖁᑕᐅᖁᓪᓗᓯ ᐋᓐᓂᐊᓇᕐᑐᓄᓪᓗ, ᑳᖕᓇᕐᑐᕐᔪᐊᒧᓪᓗ, ᐃᓅᖃᑎᒌᒡᔪᐊᓄᓪᓗ ᑕᑯᑦᔪᑎᒃᓴᓐᖑᕐᓂᐊᕐᐳᓯ ᓯᕘᕋᓇᕐᑐᒥᒃ.

ᒨᓯᓯ ᐱᖓᔪᖏᑦ 25:10

ᐊᕐᕌᒍᑦ 50ᖓᑦ ᓴᓂᕐᕙᒋᐊᖃᕐᐸᓯ ᓄᓇᒥᓗ ᑕᒫᓂ ᓱᓇᑐᐃᓐᓁᑦ ᑭᒃᑯᑐᐃᓐᓁᓪᓗ ᕿᓚᕐᕈᑦᔮᕐᑕᐅᕕᖓ ᓇᓪᓕᐅᑎᕗᖅ. ᐃᓕᑦᓯᓐᓄᑦ ᖁᕕᐊᓇᕐᑐᕐᔪᐊᖑᔭᕆᐊᖃᕐᐳᖅ; ᓄᓁᑦ ᐱᖁᑎᓪᓘᓐᓃᑦ ᐅᑎᕐᑎᑕᐅᔭᕆᐊᖃᓕᕐᐳᑦ ᓂᐅᕕᐊᖑᓚᐅᕐᓯᒪᔪᕕᓃᑦ ᐃᓄᑐᖃᖏᓐᓄᑦ ᑭᖑᕚᖏᓐᓄᓪᓘᓐᓃᑦ, ᐃᓄᐃᓪᓗ ᓯᐊᓛᖑᓂᕐᒧᑦ ᓂᐅᕕᐊᖑᓯᒪᔪᑦ ᑭᖑᕚᖑᖃᑎᒥᓄᑦ ᐅᑎᕐᑎᑕᐅᔭᕆᐊᖃᕐᓗᑎᒃ.

ᒨᓯᓯ ᑕᓪᓕᒪᖏᑦ 15:12

“ᐄᑉᕉᒥᒃ ᖃᑕᓐᖑᑎᖕᓂᒃ ᐊᖑᒻᒥᒃ ᐊᕐᓇᒥᒡᓘᓐᓃᑦ, ᓯᐊᓛᕐᑖᕆᓗᒍ ᓂᐅᕕᕈᕕᑦ, ᑖᑦᓱᒪ ᐱᔨᑦᓯᕐᑕᒃᓴᕆᕚᑎᑦ ᐊᕐᕌᒍᓂᒃ ᐱᖓᓲᔪᕐᑐᓂᒃ, ᐊᕐᕌᒍᓪᓕ 7ᖓᓐᓂ, ᑕᕝᕙ ᕿᓚᕈᑦᔮᕐᑕᒃᓴᕆᕙᑦ ᐃᓕᖕᓂᑦ.