ᔨᕆᒤᐊᐅᑉ ᐊᒡᓚᖏᑦ 34:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᖃᓄᐃᖏᑦᓯᐊᕐᓗᑎᑦ ᑐᖁᔪᒫᕐᐳᑎᑦ. ᓯᕗᓕᓯ ᐃᑯᐊᓚᑦᓯᕙᓚᐅᕐᒪᑕ ᐃᓯᕐᓗᐊᕐᓂᑎᑦᓯᓪᓗᑎᒃ ᐃᓅᔪᓐᓃᕐᑐᖃᕌᖓᑦ ᐊᖓᔪᖅᑳᕐᔪᐊᖏᓐᓂᒃ, ᐅᐱᒍᓲᑎᖃᕐᓂᕐᒥᖕᓂᒃ ᓇᓗᓁᕐᓯᑦᔪᑎᒋᓗᒍ, ᑍᒪᒃᑕᐅᖅ ᐃᓕᖕᓂᒃ ᐅᐱᒍᓲᑎᖃᕐᓂᕐᒧᑦ ᐅᒡᒍᐊᕈᑎᖃᕐᓂᕐᒧᓪᓗ ᐃᑯᐊᓚᑦᓯᑦᔪᑕᐅᔪᒫᕆᕗᑎᑦ ᑎᐱᑦᓯᐊᕆᒃᑐᓂᒃ; ᐅᖃᕐᓗᑎᒃ, “ᐊᖓᔪᖅᑳᕆᔭᕗᑦ ᑐᖁᕗᖅ!”’ ᐅᕙᖓ ᑕᒪᑐᒥᖓ ᐅᖃᕐᐳᖓ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 34:5 Iomraidhean Croise

ᐊᑕᓃᑦ ᐂᑉᐸᖏᑦ 22:20

ᑍᒤᒻᒪᑦ ᑕᑯᒋᑦ, ᓯᕗᓕᕐᑎᑦ ᑲᑎᓕᕈᕕᒋᑦ, ᐃᓗᕕᕐᑕᐅᔪᒫᓕᕐᐳᑎᑦ ᓮᒪᓇᕐᑐᒥᒃ, ᑕᑯᔪᒫᓐᖏᓚᑎᑦ ᐱᐅᖏᑦᑐᓂᒃ ᓄᓇᒧᑦ ᑕᒪᑐᒧᖓ ᐅᖃᐅᓯᕆᔭᓐᓂᒃ.’” ᑕᒪᒃᑯᐊ ᐅᖃᐅᓰᑦ ᑎᓕᔭᐅᓯᒪᔪᑦ ᐅᖃᐅᓯᕆᕔᑦ ᐊᖓᔪᖅᑳᕐᔪᐊᕐᒧᑦ.

ᑯᕉᓂᑲ ᐂᑉᐸᖏᑦ 16:14

ᐃᓗᕕᕐᑕᐅᕗᕐᓗ ᓇᖕᒥᓂᖅ ᐃᓗᕕᕐᕕᒃᓴᓕᐊᕕᓂᕐᒥᓄᑦ ᑍᕕᑎᐅᑉ ᐃᒡᓗᒐᓴᖏᓐᓂ. ᐃᓕᕚᓪᓗ ᐃᓗᕕᖃᕐᕕᖕᒧᑦ ᑎᐱᑦᓯᐊᕆᒃᓴᐅᑎᓄᑦ ᐊᑦᔨᒌᖏᑦᑐᓄᑦ ᑕᑕᑦᑐᒧᑦ ᐃᓚᓯᒪᔪᓂᒃ ᐅᕐᓱᕐᑎᕈᑎᓂᒃ; ᐃᑯᐊᓚᕕᒡᔪᐊᕐᑎᑦᓯᓪᓗᑎᒡᓗ ᑖᓐᓇ ᐅᐱᒋᓪᓗᒍ.

ᑯᕉᓂᑲ ᐂᑉᐸᖏᑦ 34:28

ᑕᑯᒋᑦ, ᓯᕗᓕᕕᑦ ᐃᓂᖏᓐᓄᐊᕈᒫᕐᐳᑎᑦ, ᐃᓗᕕᕐᑕᐅᔪᒫᕐᐳᑎᓪᓗ ᐃᓱᒫᓗᓇᖏᑦᑐᒦᓪᓗᑎᑦ, ᓇᖕᒥᓂᕐᓗ ᑕᒪᓐᓇ ᐋᓐᓂᐊᓇᕐᑐᖅ ᑕᑯᔪᒫᓐᖏᓚᑦ ᑎᑭᑎᑦᓱᒫᕐᑕᕋ ᑕᒫᓂ ᓄᓇᖃᕐᑐᓄᑦ.’” ᑖᒃᑯᐊᓗ ᐅᑎᓚᐅᕐᐳᑦ ᐅᖃᐅᓯᖃᕐᓗᑎᒃ ᐅᖃᐅᓯᕐᓂᒃ ᑖᒃᑯᓂᖓ ᐊᖓᔪᖅᑳᕐᔪᐊᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 22:18

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ ᔨᕼᐅᐃᐊᑭᒻ ᐱᑦᔪᑎᒋᓪᓗᒍ ᔫᑕᒧᑦ ᐊᖓᔪᖅᑳᕐᔪᐊᖑᔪᖅ ᔫᓮᐊᐅᑉ ᐃᕐᓂᖓ, “ᑐᖁᒃᐸᑦ ᕿᒃᓵᒍᑕᐅᔪᒫᓐᖏᓚᖅ ᖃᑕᓐᖑᑎᖏᓐᓄᑦ ᓇᔭᖏᓐᓄᓪᓗ ᐅᒡᒍᐊᕐᓇᕋᔭᕋᓗᐊᕐᐳᖅ, ᕿᐊᑦᔪᑕᐅᓐᖏᓚᕐᓕ, ᐊᖓᔪᖅᑳᕐᔪᐊᖃᕐᑐᓄᑦ ᐅᒡᒍᐊᕐᓇᕋᓗᐊᕐᐳᖅ, ᐊᖓᔪᖅᑳᕐᔪᐊᖑᓂᖓ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 34:4

ᑍᒤᒃᑲᓗᐊᕐᑎᓪᓗᒍ ᐊᑕᓂᐅᑉ ᐅᖃᐅᓯᖓᓂᒃ ᑐᓴᓕᕆᑦ, ᔨᑎᑬᐊ ᔫᑕᒧᑦ ᐊᖓᔪᖅᑳᕐᔪᐊᖑᔪᑎᑦ, ᐃᒫᒃ ᐊᑕᓂᖅ ᐅᖃᕐᐳᖅ ᐃᕝᕕᑦ ᐱᑦᔪᑎᒋᓗᑎᑦ: ‘ᐅᓇᑕᕐᑐᓂ ᑐᖁᑕᐅᓂᐊᓐᖏᓚᑎᑦ,

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:20

ᐊᑕᓂᐅᑉ ᐅᕐᓱᕐᑎᕐᓯᒪᔭᖓ ᐃᓅᓯᖃᕐᕕᒋᔭᕗᑦ, ᑎᒍᕚᑦ ᐃᑎᕐᓴᓕᐊᕆᓯᒪᔭᒥᖕᓂ, ᐅᖃᐅᓯᕆᓚᐅᕐᑕᕗᑦ, “ᑖᑦᓱᒪ ᑕᕐᕋᖓᓂ ᐃᓅᔪᒫᕐᐳᒍᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ.”

ᐃᓯᑭᐊᓕᐅᑉ ᐊᒡᓚᖏᑦ 17:16

“ᐅᕙᖓ ᐆᒪᓪᓗᖓ ᒎᑎᐅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᑖᓐᓇ ᐊᖏᖃᑎᒌᒍᑎᓕᐊᒥᓂᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓯᖁᒥᑦᓯᓚᐅᕐᒪᑦ ᐊᖓᔪᖅᑳᕐᔪᐊᖑᑎᑦᓯᔨᒥᓂᒃ, ᑖᓐᓇ ᐹᐱᓘᓂᒥ ᑐᖁᔪᒫᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 2:46

ᑕᕝᕙ ᐊᖓᔪᖅᑳᕐᔪᐊᖅ ᓂᐱᑯᓁᓴ ᑖᓂᐊᓕᐅᑉ ᓵᖓᓄᑦ ᐹᒻᒪᒃᐳᖅ, ᐅᐱᒋᔭᐅᖁᓪᓗᒍ ᐱᖁᔨᓪᓗᓂᓗ ᑐᓂᕐᕈᓯᕐᕕᐅᖁᓪᓗᒍ ᐃᓯᕐᓗᐊᕐᓂᑎᑦᓯᑦᔪᑎᒥᒃ ᑎᐱᑦᓯᐊᕆᒃᑐᒥᒃ.

ᓴᒧᐃᓕ ᓯᕗᓪᓖᑦ 31:12

ᓯᕘᕋᖏᓐᓂᕐᐹᑦ ᐊᖑᑏᑦ ᐅᓐᓄᐊᓕᒫᖅ ᐱᓱᓚᐅᕐᐳᑦ ᐱᑦ-ᓵᓂᒧᑦ, ᓴᐅᓕᐅᓪᓗ ᐃᕐᓂᖏᑕᓗ ᑎᒥᖏᑦ ᑎᒍᓚᐅᕐᐰᑦ, ᐅᑎᕐᑎᓪᓗᒋᓪᓗ ᔭᐲᓯᒧᑦ, ᑕᕝᕙᓂᓗ ᑎᒥᖏᑦ ᐃᑯᐊᓪᓚᓚᐅᕐᐰᑦ.