ᔨᕆᒤᐊᐅᑉ ᐊᒡᓚᖏᑦ 34:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᔨᑎᑬᐊ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐊᖓᔪᖅᑳᖁᑎᖏᓪᓗ ᐊᑭᕋᖏᓐᓄᑦ ᐱᔭᐅᑎᓐᓂᐊᕐᐸᒃᑲ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᓇᑕᕐᑐᒃᓴᖁᑎᖏᓐᓄᑦ, ᒫᓐᓇ ᐃᓕᑦᓯᓐᓂᒃ ᐱᓇᓱᐊᕈᓐᓃᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 34:21 Iomraidhean Croise

ᐊᑕᓃᑦ ᐂᑉᐸᖏᑦ 25:6

ᔨᑎᑬᐊ ᐋᑕᐅᕗᖅ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓄᑦ ᓂᐱᑯᓁᓴᒧᑦ, ᑖᓐᓇ ᐃᒡᓗᒐᓴᖕᓃᑉᐳᖅ ᕆᑉᓚᒥᒃ ᐊᑎᖃᕐᑐᓂ, ᑕᕝᕙᓂ ᓂᐱᑯᓁᓴᐅᑉ ᐃᖅᑲᕐᑐᕐᐹ ᓱᒋᐊᕋᒃᓴᕈᕐᑎᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 22:25

ᐃᓕᖕᓂᒃ ᑐᖁᑦᓯᔪᒪᔪᓄᑦ ᐱᔭᐅᑎᑦᓱᒫᕐᐸᒋᑦ, ᑲᑉᐱᐊᒋᔭᕐᓄᑦ, ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᓄᖏᓐᓄᓪᓗ ᑲᐅᓪᑎᐊᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 32:3

ᔨᑎᑬᐊᐅᑉ ᔨᕆᒤᐊ ᑎᒍᔭᐅᓯᒪᑎᓕᓚᐅᕐᒪᒍ ᐅᖃᐅᑎᓪᓗᓂᐅᒃ, “ᓱᖕᒪᑦ ᓇᓚᐅᑦᑍᓇᓱᐊᖃᑦᑕᕐᐲᑦ? ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᐅᖃᕐᐳᖅ, ᐃᒡᓗᒐᓴᒡᔪᐊᖁᑎᓯ ᐱᔭᐅᑎᓐᓂᐊᕐᐸᒃᑲ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑎᒍᔪᒫᕐᐹᓪᓗ.

ᔨᕆᒤᐊᐅᑉ ᐊᒡᓚᖏᑦ 32:4

ᔨᑎᑬᐊ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐊᓐᓇᒍᓐᓇᕐᓂᐊᓐᖏᓚᖅ ᑲᐅᓪᑎᐊᒥᐅᑦ ᐊᒡᒐᖏᓐᓂᑦ. ᐊᖓᔪᖅᑳᕐᔪᐊᖓᑦᑕᓗ ᑎᒍᔪᒫᕐᐹ, ᐅᖃᖃᑎᒋᔪᓐᓇᕐᓯᔪᒫᕐᐹᓗ ᑮᓇᕐᒥᑦ ᑮᓇᕐᒧᑦ ᓇᖕᒥᓂᖅ ᑕᐅᑐᒡᓗᓂᐅᒃ ᐃᔨᒥᑦ ᐃᔨᒧᑦ.

ᔨᕆᒤᐊᐅᑉ ᐊᒡᓚᖏᑦ 39:6

ᑕᕝᕙᓃᓪᓗᑎᒃ ᓱᓕ ᕆᑉᓚᒥ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᑎᑬᐊᐅᑉ ᐃᕐᓂᖏᑦ ᑐᖁᑕᐅᑎᑉᐰᑦ ᔨᑎᑬᐊ ᑕᑯᓐᓇᕐᑎᓪᓗᒍ ᔫᑕᒥᐅᓪᓗ ᐊᖓᔪᖅᑳᖁᑎᖏᑦ.

ᔨᕆᒤᐊᐅᑉ ᐊᒡᓚᖏᑦ 44:30

ᐃᒫᒃ ᐊᑕᓂᖅ ᐅᖃᕐᐳᖅ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᕼᐅᐳᕋ, ᐱᔭᐅᑎᑦᓱᒫᕋᒃᑯ ᐊᑭᕋᖏᓐᓄᑦ ᑖᑦᓱᒥᖓ ᑐᖁᑦᓯᔪᒪᔪᓄᑦ, ᔨᑎᑬᐊᑐᑦᑕᐅᖅ ᔫᑕᒥᐅᑦ ᐊᖓᔪᖅᑳᕐᔪᐊᕆᓚᐅᕐᑕᖓᑐᑦ ᐱᔭᐅᓚᐅᕐᑐᑐᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑐᖁᑦᓯᔪᒪᓚᐅᕐᑐᒧᑦ ᑖᑦᓱᒥᖓ.”

ᔨᕆᒤᐊᐅᑉ ᐊᒡᓚᖏᑦ 52:10

ᓄᓇᒥ ᕇᑉᓚᒥ ᔨᑎᑬᐊᐅᑉ ᐃᕐᓂᖏᑦ ᑐᖁᕋᕐᑕᐅᑎᑉᐰᑦ, ᔨᑎᑬᐊ ᑕᑯᓐᓇᕐᑎᓪᓗᒍ. ᔫᑕᒥᐅᑦ ᐊᖓᔪᖅᑳᖁᑎᖏᑦ ᑕᒪᕐᒥᒃ ᑐᖁᑕᐅᑎᒃᑭᕔᑦ.

ᔨᕆᒤᐊᐅᑉ ᐊᒡᓚᖏᑦ 52:8

ᑲᐅᓪᑎᐊᒥᐅᓪᓕ ᐅᓇᑕᕐᑐᒃᓴᖁᑎᖏᑕ ᔨᑎᑬᐊᒃᑯᑦ ᒪᓕᒃᑲᒥᑦᔪᒃ, ᐊᖑᕚᑦ ᔨᕆᑰᑉ ᓇᑎᕐᓇᕐᔪᐊᖓᓂ, ᔨᑎᑬᐊᐅᓪᓗ ᐅᓇᑕᕐᑎᖁᑎᖏᑦ ᑕᕝᕙᓂ ᐊᕕᒃᑐᕐᓗᑎᒃ ᓇᒧᑐᐃᓐᓇᖅ ᕿᒫᕗᑦ, ᕿᒤᓪᓗᑎᒃ ᐊᖓᔪᖅᑳᒥᖕᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:20

ᐊᑕᓂᐅᑉ ᐅᕐᓱᕐᑎᕐᓯᒪᔭᖓ ᐃᓅᓯᖃᕐᕕᒋᔭᕗᑦ, ᑎᒍᕚᑦ ᐃᑎᕐᓴᓕᐊᕆᓯᒪᔭᒥᖕᓂ, ᐅᖃᐅᓯᕆᓚᐅᕐᑕᕗᑦ, “ᑖᑦᓱᒪ ᑕᕐᕋᖓᓂ ᐃᓅᔪᒫᕐᐳᒍᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ.”

ᐃᓯᑭᐊᓕᐅᑉ ᐊᒡᓚᖏᑦ 17:12

“ᐊᑭᕋᕐᑐᕐᑎᐅᔪᑦ ᑭᖑᕚᖑᖃᑎᒌᑦ ᑐᑭᓯᖕᒪᖔᑕ ᑕᒪᒃᑯᐊ ᑐᑭᖏᓐᓂᒃ ᐊᐱᕆᓚᐅᒃᑭᑦ, ᐅᖃᐅᑎᒃᑭᑦ ᑕᑯᒋᑦ, ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑦ ᔨᕉᓴᓕᒧᐊᓚᐅᕐᐳᖅ, ᔨᕉᓴᓕᐅᓪᓗ ᐊᖓᔪᖅᑳᕐᔪᐊᖓᓐᓂᒃ ᐊᖓᔪᖅᑳᖁᑎᖏᓐᓂᒡᓗ ᑎᒍᓯᓪᓗᓂ ᐹᐱᓘᓂᒧᑦ ᐅᑎᐅᑎᓚᐅᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 17:16

“ᐅᕙᖓ ᐆᒪᓪᓗᖓ ᒎᑎᐅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᑖᓐᓇ ᐊᖏᖃᑎᒌᒍᑎᓕᐊᒥᓂᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓯᖁᒥᑦᓯᓚᐅᕐᒪᑦ ᐊᖓᔪᖅᑳᕐᔪᐊᖑᑎᑦᓯᔨᒥᓂᒃ, ᑖᓐᓇ ᐹᐱᓘᓂᒥ ᑐᖁᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 17:20

ᓄᓗᐊᓐᓄᑦ ᐃᓯᕕᑦᓯᕕᒋᓗᒍ ᓄᓗᐊᕐᑎᑦᓱᒫᕐᐸᕋ, ᐹᐱᓘᓂᒧᐊᕈᑎᔪᒫᕐᐸᕋᓗ ᑍᑲᓂ ᐃᖅᑲᕐᑐᕈᒫᕐᐸᕋ ᐊᖏᖃᑎᒌᒍᑎᒥᓂᒃ ᐅᕙᓐᓄᑦ ᓯᖁᒥᑦᑎᓯᒪᓂᖓᓄᑦ.