ᔨᕆᒤᐊᐅᑉ ᐊᒡᓚᖏᑦ 34:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑍᒃᑯᐊ ᐃᓕᑦᓯᓐᓂᒃ ᑐᖁᑦᓯᔪᒪᔪᓄᑦ ᐱᔭᐅᑎᓐᓂᐊᕐᐸᑦᓯ, ᑎᒥᕕᓃᓪᓗ ᓂᕿᒋᔭᐅᓕᕈᒫᕐᐳᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 34:20 Iomraidhean Croise

ᐊᑕᓃᑦ ᓯᕗᓪᓖᑦ 14:11

ᔨᕈᐳᐊᒻ ᐃᓚᖏᑦ ᐃᒡᓗᒐᓴᖕᓂ ᑐᖁᔪᑦ ᕿᒻᒥᓄᑦ ᓂᕆᔭᐅᔪᒫᕐᐳᑦ; ᓄᓇᓕᖕᓂᐅᖏᑦᑐᕐᓗ ᑐᖁᔪᑦ ᑎᖕᒥᐊᓂᑦ ᓂᕆᔭᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ.’

ᐊᑕᓃᑦ ᓯᕗᓪᓖᑦ 16:4

ᓇᓪᓕᐊᑦ ᐹᓴᒥᒃ ᐃᓚᖃᕐᑐᑦ ᑐᖁᒃᐸᑕ ᐃᒡᓗᒐᓴᖕᓂ ᕿᒻᒥᓂᑦ ᓂᕆᔭᐅᔪᒫᕐᐳᑦ; ᓇᓪᓕᐊᓪᓗ ᐃᓚᒋᔭᖓ ᓄᓇᑐᐃᓐᓇᕐᒥ ᑐᖁᔪᑦ ᑎᖕᒥᐊᓂᑦ ᓂᕆᔭᐅᔪᒫᕐᐳᖅ.”

ᐃᓐᖏᕈᑎᑦ 79:2

ᐱᔨᕕᑦ ᑎᒥᖏᑦ ᕿᒤᓐᓇᕐᐰᑦ ᑎᖕᒥᐊᓄᑦ ᓂᕿᒃᓴᐅᖁᓪᓗᒋᑦ, ᐃᑦᔪᕐᓁᑦᑐᖁᑎᕕᓪᓗ ᑎᒥᖏᑦ ᐆᒪᔪᓄᑦ ᓄᔪᐊᕐᑐᓄᑦ ᓂᕿᒃᓴᕈᕐᑎᑉᐰᑦ.

ᔨᕆᒤᐊᐅᑉ ᐊᒡᓚᖏᑦ 11:21

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, “ᐊᖑᑎᓄᑦ ᓄᓇᒥ ᐊᓇᑑᑎᒦᑦᑐᓄᑦ, ᑐᖁᑦᓯᔪᒪᔪᓄᑦ ᐃᓕᖕᓂᒃ ᐅᖃᕐᓗᑎᒡᓗ, ‘ᐊᑕᓂᐅᑉ ᐊᑎᖓᓂ ᐅᖃᖁᔭᖏᓐᓂᒃ ᐅᖃᕐᑍᓕᒋᑦ, ᐅᖃᑐᐊᕈᕕᑦ ᑐᖁᓐᓂᐊᕐᐸᑦᑎᒋᑦ.’”

ᔨᕆᒤᐊᐅᑉ ᐊᒡᓚᖏᑦ 12:9

ᐃᓄᖁᑎᒋᔪᒪᓪᓗᒋᑦ ᓂᕈᐊᓚᐅᕐᑕᒃᑲ ᑎᖕᒥᐊᑎᑐᑦ ᐅᑭᓕᕆᐊᑐᑦ ᑍᒤᓕᕐᐳᑦ ᑎᖕᒥᐊᖑᖃᑎᖏᓐᓄᑦ ᓂᕆᔭᐅᓇᓱᐊᕐᑐᑎᑐᑦ, ᐆᒪᔪᑦ ᐃᕐᓯᓇᕐᑐᑦ ᕾᖁᓕᒃᑭᑦ ᑖᒃᑯᓂᖓ ᓂᕆᖃᑕᐅᓂᐊᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 16:4

ᑐᖁᕋᕈᒫᕐᐳᑦ ᖃᓂᒪᓇᕐᑐᓄᑦ, ᕿᒃᓵᒍᑕᐅᔪᒫᓐᖏᓚᑦ ᐃᓗᕕᕐᑕᐅᖏᓪᓗᑎᒡᓘᓐᓃᑦ; ᓄᓇᒥᓕ ᐊᓇᕐᑎᑐᑦ ᑕᒫᓃᕐᕆᑐᐃᓐᓇᕈᒫᕐᐳᑦ ᑎᒥᕕᓂᖏᑦ. ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᑳᖕᓇᕐᑐᕐᔪᐊᒧᓪᓗ, ᑎᒥᕕᓃᓪᓗ ᓂᖃᐅᓕᕈᒫᕐᐳᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.”

ᔨᕆᒤᐊᐅᑉ ᐊᒡᓚᖏᑦ 19:7

ᔫᑕᒥᐅᓄᑦ ᔨᕉᓴᓕᒥᐅᓄᓪᓗ ᓯᕗᓂᒃᓴᓕᐊᕆᓯᒪᔭᒃᑲ ᐊᑐᕈᓐᓃᕐᑎᓐᓂᐊᕐᐸᒃᑲ, ᑐᖁᕋᕐᑕᐅᑎᓪᓗᒋᓪᓗ ᐅᓇᑕᕐᑐᓂ ᐊᑭᕋᖏᓐᓄᑦ, ᑖᒃᑯᓂᖓ ᑐᖁᕅᔪᒪᔪᓂᒃ, ᑎᒥᕕᓂᖏᓪᓗ ᓂᕆᔭᒃᓴᐅᖁᓪᓗᒋᑦ ᑎᖕᒥᐊᓄᑦ ᐆᒪᔪᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 21:7

ᑕᒪᓐᓇᓗ ᐊᓂᒍᕐᒪᑦ, ᐊᑕᓂᖅ ᐅᖃᕐᐳᖅ, ᔨᑎᑬᐊ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᖓᔪᖅᑳᖁᑎᖏᓪᓗ, ᐃᓄᐃᓪᓗ ᑐᖁᕋᕐᓇᕐᑐᒧᑦ ᐱᔭᐅᓂᐊᓐᖏᓚᑦ ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ ᐹᐱᓘᓂᒥᐅᓪᓘᓐᓃᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᑖᒃᑯᐊ ᐊᒥᐊᒃᑰᔪᑦ ᑐᖁᑕᐅᑎᓐᓂᐊᕐᐰᑦ ᓇᒡᓕᒋᖏᓪᓗᒋᑦ ᐃᓚᑦᓱᒋᖏᓪᓗᒋᓪᓘᓐᓃᑦ.’

ᔨᕆᒤᐊᐅᑉ ᐊᒡᓚᖏᑦ 22:25

ᐃᓕᖕᓂᒃ ᑐᖁᑦᓯᔪᒪᔪᓄᑦ ᐱᔭᐅᑎᑦᓱᒫᕐᐸᒋᑦ, ᑲᑉᐱᐊᒋᔭᕐᓄᑦ, ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᓄᖏᓐᓄᓪᓗ ᑲᐅᓪᑎᐊᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 38:16

ᐊᖓᔪᖅᑳᕐᔪᐊᓪᓕ ᔨᑎᑬᐊ ᔨᕆᒤᐊᒧᑦ ᐊᖏᒻᒪᕆᒃᐳᖅ ᐃᓄᖕᓄᑦ ᖃᐅᔨᔭᐅᓇᓂ: “ᐊᑕᓂᐅᑉ ᐆᒪᔫᑉ ᐅᕙᑦᑎᓐᓂᒃ ᐊᓂᕐᓂᖃᕐᑎᑦᓯᔫᑉ ᐊᑎᖓᓂ ᑐᖁᓐᓂᐊᓐᖏᓚᒋᑦ ᐱᔭᐅᑎᓐᓂᐊᓐᖏᓚᒋᓪᓗ ᐃᓕᖕᓂᒃ ᑐᖁᑦᓯᔪᒪᔪᓄᑦ.”

ᔨᕆᒤᐊᐅᑉ ᐊᒡᓚᖏᑦ 39:6

ᑕᕝᕙᓃᓪᓗᑎᒃ ᓱᓕ ᕆᑉᓚᒥ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᑎᑬᐊᐅᑉ ᐃᕐᓂᖏᑦ ᑐᖁᑕᐅᑎᑉᐰᑦ ᔨᑎᑬᐊ ᑕᑯᓐᓇᕐᑎᓪᓗᒍ ᔫᑕᒥᐅᓪᓗ ᐊᖓᔪᖅᑳᖁᑎᖏᑦ.

ᔨᕆᒤᐊᐅᑉ ᐊᒡᓚᖏᑦ 4:30

ᓱᓇᒥᒃ ᐱᓇᓱᐊᓕᕐᐲᑦ? ᐃᓕᑦᓯ ᐃᓅᕕᒃᓴᖃᕈᓐᓃᕐᑐᓯ! ᓱᖕᒪᑦ ᐊᐅᐸᕐᑐᓂᒃ ᐱᐅᔪᓂᒃ ᐊᓐᓄᕌᕐᑐᕐᐱᓰ? ᐱᐅᓴᐅᑎᓂᒡᓗ ᐊᑎᓯᓪᓗᓰ? ᐃᔨᓯᓗ ᕿᕐᓂᕐᓯᓕᕐᓗᓯᐅᒃ? ᐱᐅᔫᔪᒪᒐᓗᐊᕐᐳᓯ, ᐅᖓᒋᓚᐅᕐᑕᑦᓯᓕ ᐱᐅᒋᔪᓐᓃᕐᐹᓯ ᑐᖁᑦᓱᒪᓕᕐᐹᓯᓕ ᐊᒡᓛᑦ.

ᔨᕆᒤᐊᐅᑉ ᐊᒡᓚᖏᑦ 44:30

ᐃᒫᒃ ᐊᑕᓂᖅ ᐅᖃᕐᐳᖅ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᕼᐅᐳᕋ, ᐱᔭᐅᑎᑦᓱᒫᕋᒃᑯ ᐊᑭᕋᖏᓐᓄᑦ ᑖᑦᓱᒥᖓ ᑐᖁᑦᓯᔪᒪᔪᓄᑦ, ᔨᑎᑬᐊᑐᑦᑕᐅᖅ ᔫᑕᒥᐅᑦ ᐊᖓᔪᖅᑳᕐᔪᐊᕆᓚᐅᕐᑕᖓᑐᑦ ᐱᔭᐅᓚᐅᕐᑐᑐᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑐᖁᑦᓯᔪᒪᓚᐅᕐᑐᒧᑦ ᑖᑦᓱᒥᖓ.”

ᔨᕆᒤᐊᐅᑉ ᐊᒡᓚᖏᑦ 49:37

ᐃᓛᒥᐅᑦ ᐊᑭᕋᖏᓐᓄᑦ ᑲᑉᐱᐊᓱᒃᑎᑕᐅᑎᑦᓱᒫᕋᒃᑭᑦ, ᑖᒃᑯᓂᖓ ᑐᖁᑦᓯᔪᒪᔪᓄᑦ ᑲᑉᐱᐊᓇᕐᑐᒧᑦ ᑎᑭᕝᕕᐅᑎᑦᓱᒫᕐᐸᒃᑲ ᓂᓐᖓᕕᒡᔪᐊᕐᓯᒪᓂᓐᓄᑦ, ᐊᑕᓂᖅ ᐅᖃᕐᐳᖅ, ᐅᓇᑕᕐᑐᓄᑦ ᐱᔭᐅᑎᑦᓱᒫᕐᐸᒃᑲ ᓄᖑᑕᐅᖏᓐᓂᓕᒫᖏᓐᓂ.

ᔨᕆᒤᐊᐅᑉ ᐊᒡᓚᖏᑦ 7:33

ᐃᓗᕕᕐᓯᕕᒃᓴᖃᕈᓐᓃᕐᐸᑦ ᑎᒥᕕᓃᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ ᓂᕿᒋᔭᐅᑐᐃᓐᓇᓕᕈᒫᕐᐳᑦ, ᕿᒫᑎᑦᓯᔪᒃᓴᕐᑕᖃᕈᒫᓐᖏᓚᕐᓗ ᑕᒪᒃᑯᓂᖓ.

ᐃᓯᑭᐊᓕᐅᑉ ᐊᒡᓚᖏᑦ 23:28

“ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᑐᓂᑦᔪᑎᒋᔪᒫᕐᐸᒋᑦ ᐃᓄᖕᓄᑦ ᐆᒥᒋᔭᕐᓄᑦ, ᓇᕐᕈᒋᓕᕐᓯᒪᔭᕐᓄᓪᓗ ᐱᓇᓱᐊᕐᑕᐅᖁᓪᓗᑎᑦ;

ᐃᓯᑭᐊᓕᐅᑉ ᐊᒡᓚᖏᑦ 29:5

ᐃᒋᑦᓱᒫᕐᐸᒋᓪᓗ ᓄᓇᒧᑦ ᐃᓄᖃᔪᐃᑦᑐᒧᑦ, ᑰᖁᑎᕕᑦ ᐃᖃᓗᖏᑦ ᐱᖃᓯᐅᑎᓗᒋᑦ; ᑎᒦᑦ ᒪᓂᖅᑲᒦᑐᐃᓐᓇᕈᒫᕐᐳᖅ ᐃᓗᕕᕐᓯᒪᖏᓪᓗᓂ. ᓂᕿᒋᔭᐅᑎᓕᕈᒫᕐᐸᒋᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 32:4

ᓄᓇᒧᑦ ᐃᐱᕅᓐᓇᕈᒫᕐᐸᒋᑦ, ᒪᓂᖅᑲᒧᑦ ᕿᒤᓐᓇᕐᓗᑎᑦ, ᑎᖕᒥᐊᓕᒫᓄᑦ ᐃᓂᒋᔭᐅᓕᕈᒫᕐᐳᑎᑦ, ᐆᒪᔪᓄᓪᓗ ᓄᓇᕐᔪᐊᕐᒦᑦᑐᓄᑦ ᓂᕿᒋᔭᐅᓕᕈᒫᕐᐳᑎᑦ.

ᒨᓯᓯ ᑕᓪᓕᒪᖏᑦ 28:26

ᑐᖁᒍᑦᓯᓕ, ᑎᖕᒥᐊᕐᔪᐊᓂᑦ ᐆᒪᔪᓂᓪᓗ ᓄᔪᐊᕐᑐᓂᑦ ᐅᐸᒃᑕᐅᓗᓯ ᑎᒥᑦᓯ ᓂᕆᔭᐅᔪᒫᕐᐳᑦ; ᓇᓪᓕᐊᓐᓄᓪᓘᓐᓃᑦ ᕿᒪᒃᓯᑎᑦᓯᔪᒃᓴᕐᑕᖃᕈᒫᓐᖏᓚᖅ ᑖᒃᑯᓂᖓ.

ᓴᒧᐃᓕ ᓯᕗᓪᓖᑦ 17:44

ᐱᓕᔅᑍᓂᒥᐅᕐᓗ ᑍᕕᑎᒧᑦ ᐅᖃᕐᐳᖅ, “ᕾᒋᑦ, ᑎᒦᑦ ᑐᓂᓂᐊᕋᒃᑯ ᑎᖕᒥᐊᓄᑦ ᖃᖓᑕᖃᑦᑕᕐᑐᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.”

ᓴᒧᐃᓕ ᓯᕗᓪᓖᑦ 17:46

ᐅᓪᓗᒥ ᑕᕝᕙᓂ ᐊᑕᓂᐅᑉ ᑐᓂᓂᐊᕐᐹᑎᑦ ᐱᔪᓐᓇᕐᓂᓐᓄᑦ, ᐱᒋᐊᕐᓂᐊᕐᐸᒋᑦ, ᓂᐊᖁᐃᓪᓗ ᓇᑲᓐᓂᐊᕐᐸᕋ; ᐅᓪᓗᒥᓗ ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓂ ᑎᒥᕕᓃᑦ ᑐᓂᓂᐊᕐᐸᕋ ᑎᖕᒥᐊᓄᑦ ᖃᖓᑕᖃᑦᑕᕐᑐᓄᑦ ᐅᒫᔪᓄᓪᓗ ᓄᓇᒦᑦᑐᓄᑦ; ᓄᓇᕐᔪᐊᕐᒥᐅᓕᒫᑦ ᖃᐅᔨᖁᓪᓗᒋᑦ ᐃᓴᕆᐊᓕᒥ ᒎᑎᑕᖃᕐᒪᑦ.