ᔨᕆᒤᐊᐅᑉ ᐊᒡᓚᖏᑦ 34:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᕐᕌᒍᑦ 7ᒋᓕᕌᖓᒍ ᐄᑉᕉᒥᐅᑕᐅᖃᑎᑦᓯᓐᓂᒃ ᐃᓱᒪᕐᓱᓕᕐᑎᑦᓯᖃᑦᑕᕐᑐᒃᓴᐅᕗᓯ ᓂᐅᕕᐊᕆᓪᓗᒍ ᓯᐊᓛᕐᑖᕆᓂᑯᑦᓯᓐᓂᒃ, ᐊᕐᕌᒍᓂᒃ ᐱᖓᓲᔪᕐᑐᓂᒃ ᐃᓕᑦᓯᓐᓂᑦ ᓯᐊᓛᕆᔭᐅᓂᑰᓯᒪᓕᑐᐊᕐᐸᑦ ᐃᓱᒪᕐᓱᓕᕐᑎᑕᒃᓴᕆᕙᓯ, ᑭᓯᐊᓂᓕ ᓯᕗᓕᓯ ᐅᕙᓐᓂᒃ ᓈᓚᓚᐅᓐᖏᓚᑦ ᑐᓴᕈᒪᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 34:14 Iomraidhean Croise

ᐊᑕᓃᑦ ᓯᕗᓪᓖᑦ 21:25

(ᐂᕼᐊᑉᑐᑦ ᐱᔪᖃᓚᐅᓐᖏᓚᖅ ᐃᒻᒥᓂᒃ ᑐᓂᕐᕈᑎᒋᔪᑎᑐᑦ ᐊᔪᕐᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓄᓕᐊᒥᓄᑦ ᔨᔨᐱᐅᓪᒧᑦ ᑎᓕᐅᕐᑕᐅᓚᐅᕐᒪᑦ.

ᐊᑕᓃᑦ ᓯᕗᓪᓖᑦ 9:22

ᓲᓗᒨᓂ ᓯᐊᓛᖃᓚᐅᓐᖏᓚᖅ ᐃᓴᕆᐊᓕᓂᑦ; ᑖᒃᑯᐊ ᑖᑦᓱᒥᖓ ᐱᔨᑦᓯᓚᐅᕐᐳᑦ ᐅᓇᑕᕐᑐᒃᓴᐅᓪᓗᑎᒃ, ᐊᖓᔪᖅᑳᖁᑎᒋᓪᓗᓂᒋᑦ, ᐊᖓᔪᖅᑳᖑᓪᓗᑎᒡᓗ ᐅᓇᑕᕐᑐᒃᓴᓄᑦ, ᐅᓇᑕᕐᑐᒃᓴᓄᓪᓗ ᐊᕕᒃᑐᕐᓯᒪᔪᓄᑦ ᐊᖓᔪᖅᑳᖑᓪᓗᑎᒃ, ᕿᒧᒃᓯᐅᑎᓄᓪᓗ ᐊᒃᓴᓗᐊᓕᖕᓄᑦ ᐊᖓᔪᖅᑳᖑᓪᓗᑎᒃ, ᕿᒻᒥᕐᔪᐊᒃᑰᕐᑎᐅᓪᓗᑎᒡᓗ.

ᑯᕉᓂᑲ ᐂᑉᐸᖏᑦ 28:10

ᒫᓐᓇᓗ ᐃᒤᓐᓇᓱᐊᕐᐳᓯ ᔫᑕᒥᐅᑦ ᔨᕉᓴᓕᒥᐅᓪᓗ ᐃᓄᖏᑦ ᓯᐊᓛᕐᑕᕆᔪᒪᓪᓗᒋᑦ, ᐊᖑᑏᑦ ᐊᕐᓁᓪᓗ, ᑕᕝᕙ ᐊᔪᕐᑐᓕᓐᖏᓚᓰ ᓇᖕᒥᓂᑦᓯᓐᓄᑦ ᐊᑕᓂᐅᑉ ᒎᑎᑦᓯ ᓵᖓᓂ?

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 9:30

ᐊᕐᕌᒍᓂᒃ ᐅᓄᕐᑐᓂᒃ ᕿᓄᐃᓵᕐᓗᑎᑦ ᐃᓂᕐᑎᖃᑦᑕᓚᐅᕐᐸᑎᑦ, ᐅᖃᕐᑎᑎᓪᓗ ᐊᓂᕐᓂᒃᑯᑦ ᐅᖃᕈᒪᔪᓐᓇᕐᑎᓚᐅᕐᐸᑎᑦ, ᐃᓄᖁᑎᑎᓪᓕ ᓱᓕ ᑐᓵᓐᖏᓴᓚᐅᕐᐳᑦ; ᑍᒤᒻᒪᑦ ᓵᓚᐅᑎᓚᐅᕐᐸᑎᑦ ᐃᓅᖃᑎᒌᒡᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 58:6

ᐃᒫᖓᕐᓕ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓚᐅᓐᖏᓚᖔ? ᐊᔪᕐᑐᓕᓂᕐᒧᑦ ᕿᓚᒃᓱᕐᓯᒪᔪᑦ ᕿᓚᕈᑦᔮᕐᑕᐅᖁᓪᓗᒋᑦ, ᐅᖁᒤᑦᑐᑦ ᐊᒃᔭᕐᑕᖏᑦ ᐲᕐᑕᐅᖁᓪᓗᒋᑦ, ᓵᓚᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ, ᓇᖕᒪᐅᑎᒋᔭᐅᔪᓕᒫᓂᒡᓗ ᓯᖁᒥᓪᓗᒋᑦ ᐲᕐᑎᑦᓯᖁᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 11:7

ᑍᒪᓐᖓᑦ ᓯᕗᓕᓯ ᐊᐅᓪᓚᕐᑎᓚᐅᕋᒃᑭᑦ ᐄᑦᔨᑉᑎᒥᑦ ᐅᓪᓗᒥᒧᑦ ᑎᑭᓪᓗᒍ, ᐅᖃᐅᑎᖃᑦᑍᓐᓇᓚᐅᕐᐸᒃᑲ ᐅᓄᕐᑐᐃᓱᕐᓗᒋᑦ ᓂᐱᓐᓂᒃ ᓈᓚᒃᑐᒃᓴᐅᓂᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 32:30

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐃᓄᖏᑦ ᓵᓐᓂ ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᕐᓯᒪᖕᒪᑕ ᒪᒃᑯᖕᓂᕐᒥᖕᓂᑦ, ᐃᓴᕆᐊᓕᒥᐅᓪᓕ ᓂᓐᖓᒃᓮᕗᑦ ᐊᒡᒐᖏᑕ ᐱᓂᐊᕐᓂᖏᑎᒍᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 35:15

ᐅᓄᕐᑐᐃᕐᓱᕐᓗᖓ ᐅᖃᕐᑎᒃᑲ ᑎᓕᕙᓚᐅᕐᐸᒃᑲ ᐃᓕᑦᓯᓐᓄᑦ, ᐅᖃᕐᐸᓚᐅᕐᐳᓪᓗ, ‘ᓵᒋᐊᕐᑐᒃᓴᐅᕗᓯ ᐱᐅᖏᑦᑐᓕᓂᑦᓯᓐᓂᑦ ᐊᑲᐅᔪᒥᒡᓗ ᐃᓕᖅᑯᓯᖃᓕᕐᓗᓯ; ᒎᑎᓐᖑᐊᓂᒃ ᒪᓕᓕᕐᑍᓕᒋᑦᓯ ᐱᓂᐊᕐᕕᒋᓇᒋᓪᓘᓐᓃᑦ, ᑕᕝᕙ ᐃᓅᓂᐊᕐᐳᓯ ᓯᕗᓕᑦᓯᓐᓄᑦ ᐃᓕᑦᓯᓐᓄᓪᓗ ᓄᓇᒋᔭᐅᖁᓚᐅᕐᑕᓐᓂ.’ ᑭᓯᐊᓂᓕ ᑐᓴᕈᓐᓇᓚᐅᓐᖏᓚᑦᓯᓐᖓ ᓈᓚᒍᒪᓇᖓᓗ.

ᐃᓯᑭᐊᓕᐅᑉ ᐊᒡᓚᖏᑦ 20:4

ᐃᓅᑉ ᐃᕐᓂᖓ, ᐃᖅᑲᕐᑐᕈᓐᓇᕐᐱᒌᑦ? ᐃᖅᑲᕐᑐᕈᓐᓇᕈᕕᒋᑦ ᑍᒤᓕᐅᓕᕆᑦ, ᖃᐅᔨᑎᓚᐅᒃᑭᑦ ᓯᕗᓕᖏᑕ ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 20:8

ᐅᕙᓐᓂᒡᓕ ᐊᑭᕋᕐᑐᓕᓚᐅᕐᐳᑦ ᓈᓚᒍᒪᓇᑎᒃ; ᐊᑕᖏᕐᓗᑎᒡᓕ ᒎᑎᓐᖑᐊᒥᖕᓂᒃ ᓇᕐᕈᓇᕐᑐᓂᒃ ᐃᒋᑦᓯᔪᒪᓚᐅᓐᖏᓚᑦ ᑕᑯᒥᒋᔭᒥᖕᓂᒃ, ᐄᑦᔨᑉᑎᒥᐅᓪᓗ ᒎᑎᓐᖑᐊᖏᓐᓂᒃ ᖁᔭᓈᕐᓯᓚᐅᕋᑎᒃ. ᐄᑦᔨᑉᑎᒦᑎᓪᓗᒋᑦ ᓱᓕ ᓂᓐᖓᐅᒪᓂᓐᓂᒃ ᐃᓱᒪᖃᕐᕕᒋᓕᓚᐅᕐᐸᒃᑲ, ᑭᖑᓂᖓᒍᓪᓗ ᓂᐅᖓᒪᓂᓐᓄᑦ ᐱᓇᓱᐊᕐᕕᒋᔪᒪᓕᕐᓗᒋᑦ.

ᒨᓯᓯ ᐱᖓᔪᖏᑦ 25:10

ᐊᕐᕌᒍᑦ 50ᖓᑦ ᓴᓂᕐᕙᒋᐊᖃᕐᐸᓯ ᓄᓇᒥᓗ ᑕᒫᓂ ᓱᓇᑐᐃᓐᓁᑦ ᑭᒃᑯᑐᐃᓐᓁᓪᓗ ᕿᓚᕐᕈᑦᔮᕐᑕᐅᕕᖓ ᓇᓪᓕᐅᑎᕗᖅ. ᐃᓕᑦᓯᓐᓄᑦ ᖁᕕᐊᓇᕐᑐᕐᔪᐊᖑᔭᕆᐊᖃᕐᐳᖅ; ᓄᓁᑦ ᐱᖁᑎᓪᓘᓐᓃᑦ ᐅᑎᕐᑎᑕᐅᔭᕆᐊᖃᓕᕐᐳᑦ ᓂᐅᕕᐊᖑᓚᐅᕐᓯᒪᔪᕕᓃᑦ ᐃᓄᑐᖃᖏᓐᓄᑦ ᑭᖑᕚᖏᓐᓄᓪᓘᓐᓃᑦ, ᐃᓄᐃᓪᓗ ᓯᐊᓛᖑᓂᕐᒧᑦ ᓂᐅᕕᐊᖑᓯᒪᔪᑦ ᑭᖑᕚᖑᖃᑎᒥᓄᑦ ᐅᑎᕐᑎᑕᐅᔭᕆᐊᖃᕐᓗᑎᒃ.

ᐂᒨᓯᐅᑉ ᐊᒡᓚᖏᑦ 2:6

ᐊᑕᓂᖅ ᐃᒫᒃ ᐅᖃᕐᐳᖅ, “ᐃᓴᕆᐊᓕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ ᓯᑕᒪᓄᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᐃᓱᐊᕐᑐᓂᒃ ᓂᐅᕐᕈᑎᖃᓚᐅᕐᒪᑕ ᓯᐅᓪᕕᕆᒧᑦ, ᐊᔪᕐᓴᕐᑐᓂᒡᓗ ᓂᐅᕐᕈᑎᖃᓚᐅᕐᐳᑦ ᐃᑎᒐᒍᑎᓄᑦ.

ᐂᒨᓯᐅᑉ ᐊᒡᓚᖏᑦ 8:6

ᐊᒃᓗᔪᑦ ᓂᐅᕕᕐᓂᐊᕋᑦᑎᒍᑦ ᓯᐅᓪᕕᕆᒧᑦ, ᐊᔪᕐᓴᕐᑐᓪᓗ ᐃᓯᒐᒍᑏᖕᓄᑦ ᓂᐅᕕᐊᕆᓗᒋᑦ, ᓂᐊᖂᔭᒃᓴᓂᒡᓗ ᐱᐅᖏᑦᑐᓂᒃ ᓂᐅᕐᕈᑎᖃᕐᓂᐊᕋᑦᑕ.”

ᕉᒪᒥᐅᓄᑦ 7:24

ᐅᕙᖔᓗ ᖁᕕᐊᓇᖏᑦᑐᒦᑦᑐᖓ! ᑭᐊ ᓴᐳᑎᔪᓐᓇᕐᐹᖔ ᐆᒪᓐᖓᑦ ᑎᒥᒥᑦ ᐅᕙᓐᓂᒃ ᑐᖁᑎᑦᓯᔪᒦᑦ?

ᒨᓯᓯ ᑕᓪᓕᒪᖏᑦ 15:1

“ᐊᕐᕌᒍᑦ 7 ᐊᓂᒍᕌᖓᑕ ᑍᒪᓐᖓᑦ ᐃᓕᑦᓯᓐᓄᑦ ᐊᑭᓕᒃᓴᖃᕐᑐᓕᒫᑦ ᐊᑭᓕᒃᓴᖏᑦ ᐊᑭᓕᒃᓴᐅᔪᓐᓁᕐᑎᑕᒃᓴᕆᕙᓯ.

ᒨᓯᓯ ᑕᓪᓕᒪᖏᑦ 15:12

“ᐄᑉᕉᒥᒃ ᖃᑕᓐᖑᑎᖕᓂᒃ ᐊᖑᒻᒥᒃ ᐊᕐᓇᒥᒡᓘᓐᓃᑦ, ᓯᐊᓛᕐᑖᕆᓗᒍ ᓂᐅᕕᕈᕕᑦ, ᑖᑦᓱᒪ ᐱᔨᑦᓯᕐᑕᒃᓴᕆᕚᑎᑦ ᐊᕐᕌᒍᓂᒃ ᐱᖓᓲᔪᕐᑐᓂᒃ, ᐊᕐᕌᒍᓪᓕ 7ᖓᓐᓂ, ᑕᕝᕙ ᕿᓚᕈᑦᔮᕐᑕᒃᓴᕆᕙᑦ ᐃᓕᖕᓂᑦ.

ᒨᓯᓯ ᑕᓪᓕᒪᖏᑦ 15:9

ᐅᑦᔨᕐᑐᑦᓯᐊᕆᑦᓯ, ᐱᐅᖏᑦᑐᒥᒃ ᐆᒻᒪᑎᑦᓯᓐᓂ ᐃᓱᒪᖁᓇᓯ, ᐅᖃᕐᓗᓯ, ‘ᐊᕐᕌᒍᑦ 7ᖓ, ᐊᑭᓕᒃᓴᓂᒃ ᓴᒃᑯᐃᕕᒃ ᖃᓂᓗᐊᓕᕐᒪᑦ,’ ᓈᒻᒪᒋᖏᓪᓗᒍᓗ ᖃᑕᓐᖑᑏᑦ ᑕᑯᓐᓇᕐᓗᒍ, ᑐᓂᓯᕕᒋᖏᒃᑯᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐱᑦᔪᑎᒋᓗᑎᑦ, ᑕᕝᕙ ᐊᔪᕐᑐᓕᓯᒪᓕᕋᔭᕐᐳᑎᑦ.