ᔨᕆᒤᐊᐅᑉ ᐊᒡᓚᖏᑦ 34:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ “ᐃᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᓯᕗᓕᓯ ᐊᖏᖃᑎᒌᒍᑎᒥᒃ ᐋᖅᑭᒃᓯᖃᑎᒋᓚᐅᕐᐸᒃᑲ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒃᑭᑦ ᑎᒍᔭᐅᓯᒪᕕᒋᓚᐅᕐᑕᖏᓐᓂᑦ. ᐅᖃᕐᓗᖓᓗ;

ᔨᕆᒤᐊᐅᑉ ᐊᒡᓚᖏᑦ 34:13 Iomraidhean Croise

ᒨᓯᓯ ᐂᑉᐸᖏᑦ 13:14

ᓯᕗᓂᕐᒥᓕ ᐃᕐᓂᑦᓯᓐᓄᑦ ᐊᐱᕆᔭᐅᒍᑦᓯ, ‘ᖃᓄᖅ ᒪᓐᓇ ᑐᑭᖃᕐᑐᖅ?’ ᑕᕝᕙ ᐅᖃᐅᑎᔭᒃᓴᕆᕙᑦ, ‘ᐊᑕᓂᐅᑉ ᐱᔪᓐᓇᕐᓂᖓᒍᑦ ᐊᓂᑎᑕᐅᓯᒪᒐᑦᑕ ᐄᑦᔨᑉᑎᒥᑦ, ᕿᓚᒃᑕᐅᓯᒪᕕᒋᔭᑦᑎᓐᓂᑦ.

ᒨᓯᓯ ᐂᑉᐸᖏᑦ 13:3

ᒨᓯᓯᓗ ᐅᖃᕐᐳᖅ ᐃᓄᖕᓄᑦ, “ᐅᓪᓗᖅ ᑖᓐᓇ ᐃᖅᑲᐅᒪᔭᐅᔪᒃᓴᐅᕗᖅ, ᑕᕝᕙᓂ ᐅᓪᓗᒥ ᐊᐅᓪᓚᕐᑎᑕᐅᓚᐅᕋᑦᓯ ᐄᑦᔨᑉᑎᒥᑦ, ᕿᓚᒃᓱᕐᑕᐅᓯᒪᕕᒋᔭᑦᓯᓐᓂᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᑕᕝᕙᓐᖓᑦ ᐊᓂᑎᑕᐅᓚᐅᕋᑦᓯ; ᑍᒤᒻᒪᑦ ᑕᕝᕙᓂ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᓗᓯ.

ᒨᓯᓯ ᐂᑉᐸᖏᑦ 20:2

“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᐂᑉᐸᖏᑦ 24:3

ᒨᓯᓯᐅᓪᓗ ᐃᓄᐃᑦ ᐅᖃᕐᕕᒋᕔᑦ, ᐊᑕᓂᐅᑉ ᐊᑐᕐᑕᐅᖁᔭᖏᓐᓂᒃ ᒪᓕᒐᕆᔭᐅᖁᔭᖏᓐᓂᒡᓗ. ᐃᓄᐃᓪᓗ ᐊᑕᐅᑦᓯᒃᑯᑦ ᑭᐅᕗᑦ, “ᐊᑕᓂᐅᑉ ᐅᖃᐅᓯᕆᔭᓕᒫᖏᓐᓂᒃ ᒪᓕᖕᓂᐊᕐᐳᒍᑦ.”

ᔨᕆᒤᐊᐅᑉ ᐊᒡᓚᖏᑦ 11:4

ᓯᕗᓕᓯᓐᓂᒃ ᐱᖁᔨᓚᐅᕋᒪ ᐊᐅᓪᓚᕐᑎᓪᓗᒋᑦ ᐄᑦᔨᑉᑎᒥᑦ, ᓴᕕᕋᔭᒃᓴᒥᒃ ᐊᐅᒃᑎᑦᓯᕕᒃᑎᑐᑦ ᑍᒤᑦᑐᒦᕝᕕᒋᔭᖓᓂᑦ, ᐅᖃᕐᓗᖓᓗ, ᓂᐱᒐ ᓈᓚᒃᑕᒃᓴᕆᕙᓯ, ᐱᖁᔨᑦᔪᑎᒋᔭᓕᒫᒃᑲᓗ ᒪᓕᒡᓗᒋᑦ. ᑕᕝᕙ ᐃᓄᖁᑎᒋᓂᐊᕐᐸᑦᓯ, ᐅᕙᖓᓗ ᒎᑎᒋᓂᐊᕐᐸᑦᓯᓐᖓ.

ᔨᕆᒤᐊᐅᑉ ᐊᒡᓚᖏᑦ 11:7

ᑍᒪᓐᖓᑦ ᓯᕗᓕᓯ ᐊᐅᓪᓚᕐᑎᓚᐅᕋᒃᑭᑦ ᐄᑦᔨᑉᑎᒥᑦ ᐅᓪᓗᒥᒧᑦ ᑎᑭᓪᓗᒍ, ᐅᖃᐅᑎᖃᑦᑍᓐᓇᓚᐅᕐᐸᒃᑲ ᐅᓄᕐᑐᐃᓱᕐᓗᒋᑦ ᓂᐱᓐᓂᒃ ᓈᓚᒃᑐᒃᓴᐅᓂᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 31:32

ᑖᓐᓇ ᐊᖏᖃᑎᒌᒍᑎᒋᔭᕋ ᐊᑦᔨᖃᕈᒫᓐᖏᓚᖅ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᓐᓄᑦ, ᑎᒍᓪᓗᒋᑦ ᑕᓯᐅᓚᐅᕋᒃᑭᑦ ᐄᑦᔨᑉᑎᒥᑦ, ᐊᖏᖃᑎᒌᒃᓯᒪᓂᑦᑎᓐᓂᒃ ᓯᖁᒥᑦᓯᓚᐅᕐᒪᑕ, ᐅᐃᒋᔭᐅᔪᑎᑐᑦ ᑖᒃᑯᓄᖓ ᑍᒤᒃᑲᓗᐊᕐᑎᓪᓗᖓ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 34:12

ᐊᑕᓂᐅᓪᓕ ᔨᕆᒤᐊ ᐅᖃᕐᕕᒋᓕᕆᕚ,

ᔨᕆᒤᐊᐅᑉ ᐊᒡᓚᖏᑦ 7:22

ᓯᕗᓕᕕᓂᕐᓯ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒃᑭᑦ, ᐅᖃᐅᑎᓚᐅᓐᖏᓚᒃᑲ ᐱᖁᔭᕐᑖᕐᑎᓚᐅᓐᖏᓚᒃᑲᓗ ᑐᓂᕐᕈᑏᑦ ᐆᑕᒃᓮᑦ ᑐᓂᕐᕈᑎᒃᓮᓪᓗ ᐱᓪᓗᒋᑦ.

ᒨᓯᓯ ᑕᓪᓕᒪᖏᑦ 13:10

ᐅᔭᖅᑲᓄᑦ ᒥᓪᓗᕐᑕᒃᓴᕆᕙᓯ ᑐᖁᓪᓗᒍ, ᑖᑦᓱᒪ ᓴᖑᑎᓐᓇᓱᐊᓚᐅᕐᒪᓯ ᐊᑕᓂᕐᒥᑦ ᒎᑎᑦᓯᓐᓂᑦ, ᐃᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᑐᒥᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᕿᓚᒃᓱᕐᑕᐅᓯᒪᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 15:15

ᐃᖅᑲᐅᒪᔭᕆᐊᖃᕋᑦᓯ ᐃᓕᑦᓯᑦᑕᐅᖅ ᓯᐊᓛᖑᓚᐅᕐᒥᒐᑦᓯ ᓄᓇᒥ ᐄᑦᔨᑉᑎᒥ, ᐊᑕᓂᐅᓪᓕ ᒎᑎᑦᓯ ᑕᕝᕙᓐᖓᑦ ᐊᓂᑎᓚᐅᕐᒪᓯ; ᑍᒤᒻᒪᑦ ᐱᖁᔭᒥᒃ ᑕᒪᑐᒥᖓ ᒫᓐᓇ ᒪᓕᒐᒃᓴᓕᐅᕐᐸᑦᓯ.

ᒨᓯᓯ ᑕᓪᓕᒪᖏᑦ 16:12

ᑕᒪᓐᓇ ᐃᒃᐱᒋᑦᓯᐊᕐᑕᒃᓴᕆᕙᓯ ᐱᖁᔨᑦᔪᑎᐅᔪᖅ ᓈᓚᑦᓯᐊᕐᓗᒍᓗ; ᐳᐃᒍᕐᑐᒃᓴᐅᓐᖏᓚᓯ ᓯᐊᓛᕆᔭᐅᓚᐅᕋᑦᓯ ᐄᑦᔨᑉᑎᒥ.”

ᒨᓯᓯ ᑕᓪᓕᒪᖏᑦ 24:18

ᐃᖅᑲᐅᒪᔪᒃᓴᐅᕗᓯ ᐃᓖᔭᕆᔭᐅᓚᐅᕐᒥᖓᑦᓯ ᐄᑦᔨᑉᑎᒥ ᐊᑕᓂᐅᓪᓕ ᒎᑎᑦᓯ ᑍᑲᓐᖓᑦ ᓴᐳᑎᓪᓗᓯ ᐊᓂᑎᓚᐅᕐᐹᓯ; ᑕᒪᓐᓇ ᐱᑦᔪᑎᒋᓪᓗᒍ ᑕᒪᑐᒥᖓ ᐱᖁᔭᒥᒃ ᑐᓂᓯᕕᒋᕙᑦᓯ.

ᒨᓯᓯ ᑕᓪᓕᒪᖏᑦ 29:1

ᒪᑯᐊ ᑕᕝᕙ ᐊᖏᖃᑎᒌᒍᑏᑦ ᐅᖃᐅᓯᕐᑕᖏᑦ ᒨᓯᓯᒧᑦ ᐊᑕᓂᐅᑉ ᐅᖃᐅᓯᕆᔭᐅᖁᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᒧᐊᐱᒥᐅᑦ ᓄᓇᖓᓃᑎᓪᓗᒋᑦ; ᑕᒪᒃᑯᐊᓕᒫᑦ ᐃᓚᓕᐅᑎᔭᐅᓚᐅᕐᐳᑦ ᖃᖅᑲᒥ ᕼᐆᕆᑉᒥ ᐊᑕᓂᐅᑉ ᐊᖏᖃᑎᒌᒍᑎᒋᓯᒪᔭᖏᓐᓄᑦ.

ᒨᓯᓯ ᑕᓪᓕᒪᖏᑦ 5:27

ᒨᓯᓰ ᐅᐸᒡᓗᒍ ᓈᓚᒋᐊᕐᑐᓚᐅᕈᒃ ᐊᑕᓂᐅᑉ ᒎᑎᑦᑕ ᐅᖃᐅᓯᕆᔪᒪᔭᓕᒫᖏᑦ. ᑕᕝᕙ ᐅᕙᑦᑎᓐᓄᑦ ᐅᑎᕐᓗᑎᑦ ᐅᖃᕐᓂᐊᕐᐳᑎᑦ ᖃᓄᖅ ᐃᓕᖕᓄᑦ ᐅᖃᐅᓯᖃᕐᒪᖔᑦ. ᐅᕙᒍᑦ ᑕᕝᕙ ᓈᓚᖕᓂᐊᕐᐳᒍᑦ ᒪᓕᒡᓗᑕᓗ.’

ᒨᓯᓯ ᑕᓪᓕᒪᖏᑦ 5:6

‘ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᓴᐳᑎᓚᐅᕐᐸᑦᓯ, ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 6:12

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᐊᑕᓂᕐᒥᒃ ᐳᐃᒍᖁᓇᓯ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ ᓯᐊᓛᖑᕕᒋᓚᐅᕐᑕᑦᓯᓐᓂᓪᓗ.

ᒨᓯᓯ ᑕᓪᓕᒪᖏᑦ 7:8

ᐊᑕᓂᐅᓪᓕ ᓇᒡᓕᒋᕚᓯ, ᐊᖏᕈᑎᒋᓚᐅᕐᑕᓂᓗ ᓯᕗᓕᕕᓂᑦᓯᓐᓄᑦ ᑲᔪᓯᑎᑦᑐᒪᓯᒪᕚ. ᑍᒤᒻᒪᑦ ᑕᕝᕙ ᐱᐅᓕᓚᐅᕐᐹᓯ ᐱᔪᓐᓇᕐᓂᕐᔪᐊᒥᓄᑦ ᐃᓖᔭᕆᔭᐅᓂᕐᒥᓪᓗ ᐲᕐᑎᓪᓗᓂᓯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓂᑦ.

ᒨᓯᓯ ᑕᓪᓕᒪᖏᑦ 8:14

ᐱᐅᔪᕆᓕᕐᑐᒃᓴᐅᓐᖏᓚᓯ ᐳᐃᒍᓕᕐᑐᒃᓴᐅᓇᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓕᓯᓐᓂᒃ ᓴᐳᑦᔨᓚᐅᕐᑐᒥᒃ ᐄᑦᔨᑉᑎᒥᑦ, ᓯᐊᓛᖑᕕᒋᓚᐅᕐᑕᑦᓯᓐᓂᑦ.

ᔮᓱᐊᑉ ᐊᒡᓚᖏᑦ 24:17

ᐊᑕᓂᐅᑉ ᒎᑎᑦᑕ ᐊᐅᓪᓚᕐᑎᓚᐅᕐᐹᑎᒍᑦ ᓯᕗᓕᕗᓪᓗ ᓄᓇᒥᑦ ᐄᑦᔨᑉᑎᒥᑦ, ᑎᒍᔭᐅᓯᒪᕕᖕᒦᑎᓪᓗᒋᑦ ᐄᑦᔨᑉᑎᒥᑦ, ᑖᑦᓱᒪᓗ ᑲᒪᓇᕐᑐᓕᓂᕐᔪᐊᖏᑦ ᑕᑯᓚᐅᕐᐸᕗᑦ ᐱᓂᐊᕐᓂᕆᓚᐅᕐᑕᖏᓪᓗ, ᐅᐸᒃᑕᓕᒫᑦᑎᓐᓂᓗ ᓴᐳᑎᖃᑦᑕᓚᐅᕐᐹᑎᒍᑦ, ᐃᓅᖃᑎᒌᒡᔪᐊᓂᓪᓗ ᐊᖅᑯᓵᕐᑕᓕᒫᑦᑎᓐᓂᑦ.

ᐃᓗᐊᕐᓮᔩᑦ ᐊᒡᓚᖏᑦ 6:8

ᐊᑕᓂᐅᑉ ᑎᓕᓯᕕᒋᓚᐅᕐᐰᑦ ᐅᖃᕐᑎᒥᓂᒃ ᐃᓴᕆᐊᓕᒥᐅᓄᑦ; ᐅᖃᐅᑎᓪᓗᒋᑦ, ᐊᑕᓂᖅ ᐃᓴᕆᐊᓕᐅᑉ ᒎᑎᖓ ᐃᒫᒃ ᐅᖃᕐᐳᖅ: “ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᒥᑦ ᓯᐊᓛᖑᕕᒋᓚᐅᕐᑕᑦᓯᓐᓂᑦ.