ᔨᕆᒤᐊᐅᑉ ᐊᒡᓚᖏᑦ 33:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓴᓗᒻᒪᕈᒫᕐᐸᒃᑲ ᐊᔪᕐᑐᓕᓂᖏᑕ ᐸᓯᔭᒃᓴᐅᓂᖏᓐᓂᑦ, ᐃᓱᒪᒋᔪᓐᓁᕐᕕᒋᓗᒋᓪᓗ ᐊᔪᕐᓂᖏᓐᓂᒃ ᐊᑭᕋᕐᑐᕐᓂᕆᓚᐅᕐᑕᖏᓐᓂᓪᓗ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 33:8 Iomraidhean Croise

ᐃᓐᖏᕈᑎᑦ 130:4

ᐃᓕᖕᓂᓕ ᐃᓱᒪᒋᔪᓐᓁᕐᕕᐅᓂᕐᑕᖃᕐᐳᖅ, ᓯᕘᕋᒋᔭᐅᔪᓐᓇᖁᓪᓗᑎᑦ.

ᐃᓐᖏᕈᑎᑦ 130:8

ᑖᑦᓱᒪᓗ ᐃᓴᕆᐊᓕᑎᒃᑯᑦ ᐱᐅᓕᔪᒫᕐᐰᑦ ᐊᔪᕐᑐᓕᓂᖏᓐᓂᑦ ᑕᒤᓐᓂᑦ.

ᐃᓐᖏᕈᑎᑦ 51:2

ᐅᐊᓴᓚᐅᓐᖓ ᓴᓗᒻᒪᕐᑎᓪᓗᖓ ᐊᔪᕐᑐᓕᓂᓐᓂᑦ ᑕᒤᓐᓂᑦ ᐊᔪᕐᓂᓐᓂᓪᓗ ᓴᓗᒻᒪᕐᓴᓚᐅᓐᖓ.

ᐃᓐᖏᕈᑎᑦ 65:3

ᐱᐅᖏᑦᑐᓕᓂᕐᒧᑦ ᓵᓚᐅᓯᒪᓕᕐᑎᓪᓗᑕ, ᓈᒻᒪᖏᑦᑐᓕᓂᑦᑕ ᐃᓱᒪᒋᔭᐅᔪᓐᓁᕐᑕᐅᑦᔪᑎᒃᓴᖏᓐᓂᒃ ᑐᓂᓯᕗᑎᑦ.

ᐂᓮᐊᓯᐅᑉ ᐊᒡᓚᖏᑦ 4:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓇᐹᕐᑐᖁᑎᖓᑕ ᐊᕙᓚᖓᔪᖓ ᑕᑯᒥᓇᕐᑐᐊᓘᔪᒫᕐᐳᖅ ᐱᓐᓇᕐᓇᕐᑑᓗᓂ, ᓄᓇᐅᓪᓗ ᐱᕈᕐᑎᑕᖏᑦ ᐅᐱᓐᓇᕈᑕᐅᓗᑎᒃ ᓂᕐᑐᕐᓇᐅᑕᐅᔪᒫᕐᐳᑦ ᐃᓴᕆᐊᓕᒥ ᐊᒥᐊᒃᑰᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 44:22

ᐱᐅᖏᑦᑐᓕᓂᓯ ᐊᖑᐊᓚᐅᕐᐸᒃᑲ ᓄᕗᔭᕐᓗᒃᑎᑐᑦ, ᐊᔪᕐᑐᓕᓂᓯᓗ ᓄᕗᔭᑎᑐᑦ ᐊᖑᐊᕐᓗᒋᑦ, ᐅᕙᓐᓄᑦ ᐅᑎᕆᑦᓯ, ᓴᑐᕐᑕᐅᕕᒃᓴᓕᐅᕐᓯᒪᓕᕋᑦᓯ.”

ᐂᓮᐊᓯᐅᑉ ᐊᒡᓚᖏᑦ 56:7

ᑖᒃᑯᐊ ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᐂᑎᑦᓱᒫᕐᐸᒃᑲ, ᖁᕕᐊᓱᒃᑎᓪᓗᒋᓪᓗ ᐃᒡᓗᓐᓂ ᑐᒃᓯᐊᕐᕕᖁᑎᓐᓂ. ᐃᑯᐊᓚᑦᓯᓂᒃᑯᑦ ᑐᓂᕐᕈᑎᖏᑦ ᑐᓂᕐᕈᑎᑐᐃᓐᓇᖏᓪᓗ ᓈᒻᒪᒋᔭᐅᔪᒫᕐᐳᑦ ᑐᓂᕐᕈᓯᕐᕕᖁᑎᓐᓂ; ᐃᒡᓗᒐ ᑍᔭᐅᔪᒫᕐᒪᑦ ᑐᒃᓯᐊᕐᕕᖕᒥᒃ ᐃᓅᖃᑎᒌᒡᔪᐊᓕᒫᓄᑦ.

ᔨᕆᒤᐊᐅᑉ ᐊᒡᓚᖏᑦ 31:34

ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

ᔨᕆᒤᐊᐅᑉ ᐊᒡᓚᖏᑦ 50:20

ᐅᓪᓗᓂ ᑍᒃᑯᓇᓂ, ᐊᑕᓂᖅ ᐅᖃᕐᐳᖅ, ᖃᐅᔨᓇᓱᐊᕐᑐᖃᕈᒫᕐᐳᖅ ᐃᓴᕆᐊᓕᒥᐅᑦ ᐸᓯᔭᒃᓴᐅᓂᖏᓐᓂᒃ, ᑭᓯᐊᓂᓕ ᓇᓂᓯᔪᖃᕈᒫᓐᖏᓚᖅ, ᔫᑕᒥᐅᓪᓗ ᐊᔪᕐᓂᖏᓐᓂᒃ ᖃᐅᔨᓇᓱᐊᕐᑐᖃᕈᒫᕐᐳᖅ ᓇᓂᓯᔪᖃᕈᒫᖏᓐᓂᕗᖅ, ᐊᒥᐊᒃᑰᔪᑦ ᐃᓱᒪᒋᔪᓐᓁᕐᕕᒋᔪᒫᕋᒃᑭᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:22

ᓮᐅᓂ ᐊᔪᕐᑐᓕᓯᒪᓂᕐᒥᓄᑦ ᐊᑭᓂᐊᕐᕕᐅᖕᒪᑦ, ᐊᑕᓂᐅᑉ ᐊᐅᓪᓚᕈᑦᔭᐅᑎᓯᒤᓐᓇᕐᓂᐊᓐᖏᓛᓯ, ᐄᑐᒥᐅᑕᐅᔪᓯᓕ ᐊᑕᓂᕐᒧᑦ ᓱᒋᐊᕐᑕᐅᔪᒫᕐᐳᓯ ᐊᔪᕐᑐᓕᓂᓯ ᓴᖅᑭᑎᑦᓱᒫᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 36:33

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᓪᓗᖅ ᓇᓪᓕᐅᑎᒃᐸᑦ ᓴᓗᒻᒤᕕᒋᔪᒫᕐᑕᕋ ᐱᐅᖏᑦᑐᓕᓂᓕᒫᑦᓯᓐᓂᑦ, ᐃᒡᓗᒐᓴᒡᔪᐊᑦ ᐃᓄᖃᓕᕐᑎᑦᓱᒫᕆᕙᒃᑲ, ᓱᓇᐅᔪᓐᓃᕐᓯᒪᔪᓪᓗ ᐋᖅᑭᒃᓱᕐᓕᕐᒥᓗᒋᑦ.

ᔪᐃᓕᐅᑉ ᐊᒡᓚᖏᑦ 3:21

ᐊᑭᓂᐊᕈᒫᕐᐸᒃᑲ ᑐᖁᑦᓯᓚᐅᕐᑐᑦ ᐸᓯᔭᒃᓴᐅᔪᓐᓃᓐᓂᐊᓐᖏᓚᓪᓗ, ᐅᕙᖓ ᐊᑕᓂᐅᒐᒪ ᓮᐅᓂᒥ ᐃᓂᖃᕐᑐᖅ.”

ᒨᓯᓯ ᐱᖓᔪᖏᑦ 16:30

ᐅᓪᓗᒥ ᑕᕝᕙᓂ ᐃᓱᒪᒋᔭᐅᔪᓐᓁᕐᕕᒃ ᐊᑐᕐᓂᐊᕐᒪᑦ ᐃᓕᑦᓯ ᐱᓪᓗᓯ, ᓴᓗᒻᒪᕐᑎᑕᐅᖁᓪᓗᓯ ᑕᕝᕙᓂᓗ ᐊᑕᓂᐅᑉ ᓵᖓᓂ, ᓴᓗᒻᒪᕐᑎᑕᐅᓂᐊᕐᐳᓯ ᐊᔪᕐᓂᑦᓯᓐᓂᑦ.

ᓴᑲᕅᐊᐅᑉ ᐊᒡᓚᖏᑦ 13:1

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒪᑐᐃᕐᓯᔪᖃᕈᒫᕐᐳᖅ ᐃᒥᕐᒥᒃ ᐳᐊᓚᔪᒥᒃ ᑍᕕᑎᐅᑉ ᑭᖑᕚᖏᓐᓄᑦ, ᔨᕉᓴᓕᒥᓗ ᓄᓇᖃᕐᑐᓕᒫᓄᑦ, ᑖᒃᑯᐊ ᐊᔪᕐᓂᖏᑕ ᓴᓗᒤᑦᑐᓪᓗ ᓴᓗᒻᒪᕐᓴᕐᑕᐅᕕᒃᓴᖓᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.