ᔨᕆᒤᐊᐅᑉ ᐊᒡᓚᖏᑦ 32:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑕᓂᐅᓪᓗ ᐅᖃᐅᓯᕆᔭᖓᑐᑦ ᐅᕙᓐᓄᑦ ᑍᒤᓚᐅᕐᐳᖅ, ᑕᕝᕙ ᕼᐊᓇᒥᐅᓪ ᐃᓪᓗᕋ ᐅᕙᓐᓄᐊᓚᐅᕐᐳᖅ ᐊᖓᔪᖅᑳᕐᔪᐊᑉ ᐃᒡᓗᖁᑎᖓᓄᑦ ᐅᖃᐅᑎᓪᓗᖓᓗ, ᐱᕈᕐᓰᕕᖁᑎᒥᓂᒃ ᓂᐅᕕᖁᓪᓗᓂᖓ ᐊᓇᑑᑎᒦᑦᑐᒥᒃ ᐱᓐᔭᒥᓂᐅᑉ ᓄᓇᖓᓃᑦᑐᒥᒃ, ᐱᕈᕐᓰᕕᖁᑎᒥᓂᒃ ᓂᐅᕕᖁᓪᓗᓂᖓ. ᑕᕝᕙ ᖃᐅᔨᕗᖓ ᐊᑕᓂᐅᑉ ᑕᒪᓐᓇ ᐅᖃᐅᓯᕆᖕᒪᒍ.

ᔨᕆᒤᐊᐅᑉ ᐊᒡᓚᖏᑦ 32:8 Iomraidhean Croise

ᐊᑕᓃᑦ ᓯᕗᓪᓖᑦ 2:26

ᐊᖓᔪᖅᑳᕐᔪᐊᖅ ᓲᓗᒨᓂ ᐅᖃᕐᐳᖅ ᐊᐰᐊᑕᒧᑦ ᑐᓂᕐᕈᓯᕐᑎᑦᓯᔨᒧᑦ, “ᐊᖏᕐᕋᖁᕙᒋᑦ ᓄᓇᒋᔭᕐᓄᑦ ᐊᓇᑑᑎᒧᑦ. ᑐᖁᔪᒃᓴᑐᐃᓐᓇᐅᓕᕋᕕᑦ; ᒫᓐᓇᓕ ᑐᖁᑕᐅᑎᑦᔮᓐᖏᓚᒋᑦ. ᐊᒡᔭᕐᓯᔨᐅᖃᑕᐅᖃᑦᑕᓚᐅᕋᕕᑦ ᐊᑕᓂᐅᑉ ᒎᑎᐅᑉ ᐃᒃᓯᕐᕕᖓᓂᒃ ᐊᑖᑕᒪ ᑍᕕᑎᐅᑉ ᓯᕗᓂᖓᓂ, ᐊᑖᑕᒐᓗ ᐅᖁᒤᑦᑐᒦᖃᑎᒋᕙᓚᐅᕋᕕᐅᒃ.”

ᐊᑕᓃᑦ ᓯᕗᓪᓖᑦ 22:25

ᒤᑬᐊᐅᑉ ᐅᖃᐅᑎᕚ, “ᑕᑯᒋᑦ, ᖃᐅᔨᔪᒫᕐᐳᑎᑦ ᐃᒡᓗᕈᓯᕐᒧᑦ ᖃᒪᓃᓐᓂᕐᐹᒧᑦ ᐃᔨᕆᐊᕐᑐᕈᕕᑦ!”

ᑯᕉᓂᑲ ᓯᕗᓪᓖᑦ 6:60

ᐱᓐᔭᒥᓂᐅᑉ ᑭᖑᕚᖏᓐᓂᑦ, ᒋᐸ ᓄᓇᖓᓗ ᓂᕿᒃᓴᓕᒃ, ᐊᓕᒥᑎ ᓄᓇᖓᓗ ᓂᕿᒃᓴᓕᒃ, ᐊᓇᑑᑎᓗ ᓄᓇᖓᓗ ᓂᕿᒃᓴᓕᒃ. ᐃᒡᓗᒐᓮᑦ ᐃᓚᒌᓄᑦ ᑲᑎᓪᓗᒋᑦ 13ᖑᕗᑦ.

ᔨᕆᒤᐊᐅᑉ ᐊᒡᓚᖏᑦ 1:1

ᑕᒪᑦᔭ ᔨᕆᒤᐊᐅᑉ ᐅᖃᐅᓯᖏᑦ ᕼᐃᓪᑬᐊᐅᑉ ᐃᕐᓂᖓᑕ, ᑐᓂᕐᕈᓯᕐᑎᑦᓯᔨᐅᔫᑉ ᐃᓚᖓᑦᑕ ᓄᓇᓕᖕᓂ ᐊᓇᑑᑎᒥ ᐱᓐᔭᒥᓂᒥᐅ ᓄᓇᖓᓂ.

ᔨᕆᒤᐊᐅᑉ ᐊᒡᓚᖏᑦ 32:2

ᑍᑦᓱᒪᓂᐅᑎᓪᓗᒍ ᐹᐱᓘᓂᒥᐅᑉ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᖏᑦ ᐅᖓᓗᓯᓯᒪᓚᐅᕐᐳᑦ ᔨᕉᓴᓕᒥᒃ, ᔨᕆᒤᐊᓗ ᑎᒍᔭᐅᓯᒪᓚᐅᕐᐳᖅ ᔫᑕᐅᑉ ᐊᖓᔪᖅᑳᕐᔪᐊᖓᑕ ᐃᒡᓗᖁᑎᖓᓂ.

ᔨᕆᒤᐊᐅᑉ ᐊᒡᓚᖏᑦ 32:25

ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᕋᓗᐊᕐᑎᓪᓗᒋᑦ, ᐃᒡᕕᓪᓕ ᐊᑕᓃᖅ ᒎᑎᐅᔪᑎᑦ, ᐅᕙᓐᓄᑦ ᐅᖃᕐᐳᑎᑦ, ᐱᕈᕐᓰᕕᒃ ᓂᐅᕕᐊᕆᒍᒃ ᓂᐅᕕᕈᑏᓪᓗ ᐊᑎᓕᐅᕐᑕᐅᑎᓕᒃᑭᑦ ᑕᑯᓐᓇᕐᑐᓄᑦ.”

ᔨᕆᒤᐊᐅᑉ ᐊᒡᓚᖏᑦ 32:7

ᑕᑯᒋᑦ, ᕼᐊᓇᒥᐅᓪ ᐊᖓᕕᑦ ᓴᓗᒻᒥᐅᑉ ᐃᕐᓂᖓ ᐃᓕᖕᓄᑦ ᐅᖃᕆᐊᕐᑐᕈᒫᕐᒪᑦ ᐱᕈᕐᓰᕕᖁᑎᒥᓂᒃ ᓂᐅᕕᐊᖑᖁᔨᓗᓂ ᐊᓇᑑᑎᒦᑦᑐᒥᒃ ᐱᓐᔭᒥᓂᐅᑉ ᓄᓇᖓᓂ ᐃᓚᑐᐊᕆᖕᒪᑎᑦ ᓄᓇᖁᑎᖓᓂᒃ ᓂᐅᕕᕐᑐᒃᓴᑑᒐᕕᑦ.

ᔨᕆᒤᐊᐅᑉ ᐊᒡᓚᖏᑦ 33:1

ᔨᕆᒤᐊᓕ ᓱᓕ ᑎᒍᔭᐅᓯᒪᑎᓪᓗᒍ ᐊᖓᔪᖅᑳᕐᔪᐊᑉ ᐃᒡᓗᖁᑎᖓᓂ, ᐊᑕᓂᕐᒧᑦ ᐅᖃᕐᕕᐅᒃᑲᓐᓂᕐᐳᖅ ᐂᑉᐸᖓᓂᒃ:

ᔨᕆᒤᐊᐅᑉ ᐊᒡᓚᖏᑦ 37:12

ᔨᕆᒤᐊ ᐃᒡᓗᒐᓴᒡᔪᐊᓂᑦ ᔨᕉᓴᓕᒥᑦ ᐊᐅᓪᓚᓯᓚᐅᕐᐳᖅ ᐱᓐᔭᒥᓂᐅᑉ ᓄᓇᖓᑕ ᐃᓚᖓᓄᓐᖓᐅᓇᓱᐊᕐᓗᓂ ᓄᓇᖁᑎᑖᕆᔭᒃᓴᒥᓂᒃ ᐃᓄᖏᓐᓂᑦ ᐱᔭᕐᑐᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 12:7

ᑎᓕᔭᐅᓂᕋ ᒪᓕᒡᓗᒍ ᐱᓇᓱᐊᓚᐅᕐᐳᖓ. ᐅᓪᓘᑎᓪᓗᒍ ᓇᒃᓴᕐᓂᐊᕐᑕᒃᑲ ᐊᓐᓂᓯᓚᐅᕐᐸᒃᑲ, ᐊᐅᓪᓚᕈᑦᔭᐅᓕᕐᑐᑦ ᓇᒃᓴᕐᐸᒃᑕᖏᑦᑎᑐᑦ, ᐅᓐᓄᖕᒪᑦ ᐊᑭᓐᓇᖅ ᐊᖕᒪᕐᐸᕋ ᐊᒡᒐᓐᓄᑦ; ᑖᕐᓯᑎᓪᓗᒍ ᐊᐅᓪᓚᕐᐳᖓ, ᐃᓄᐃᑦ ᑕᑯᓐᓇᕐᑎᓪᓗᒋᑦ ᓇᒃᓴᕐᓂᐊᕐᑕᒃᑲ ᓇᖕᒥᐅᑎᓪᓗᒋᑦ ᐱᓱᓯᕗᖓ.

ᓴᑲᕅᐊᐅᑉ ᐊᒡᓚᖏᑦ 11:11

ᐅᓪᓗᒥ ᑍᑦᓱᒪᓂ ᓯᖁᒥᓚᐅᕐᐳᖅ, ᓰᐱᓂᒃ ᓂᐅᕕᕐᑐᑦ ᓂᐅᕐᕈᑎᓖᓪᓗ ᐅᕙᓐᓂᒃ ᑕᑯᔪᑦ, ᖃᐅᔨᒪᓚᐅᕐᐳᑦ ᑕᒪᓐᓇ ᐊᑕᓂᐅᑉ ᐅᖃᐅᓯᖓᓂᑦ ᐱᖕᒪᑦ.

ᔪᐊᓇᓯᐅᑉ ᐊᒡᓚᖏᑦ 4:53

ᐊᑖᑕᖓᑕ ᖃᐅᔨᕚ ᑕᕝᕙᓂ ᐃᑲᕐᕋᒥ ᔩᓱᓯᐅᑉ ᐅᖃᐅᑎᓚᐅᕐᒪᒍ, “ᐃᕐᓃᑦ ᐃᓅᓂᐊᕐᐳᖅ”; ᐃᒻᒥᓂᒡᓗ ᐃᒡᓗᒥᐅᖃᑎᓕᒫᖏᓪᓗ ᐅᒃᐱᓕᕐᐳᑦ.