ᔨᕆᒤᐊᐅᑉ ᐊᒡᓚᖏᑦ 32:44 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁴ ᐱᕈᕐᓰᕕᖃᕐᕕᒃᓮᑦ ᓂᐅᕕᐊᖑᖃᑦᑕᓕᕈᒫᕐᐳᑦ ᓯᐅᓪᕕᕆᓄᑦ, ᓄᓇᖁᑎᑖᕈᑎᒡᓗ ᐊᑎᓕᐅᕐᑕᐅᕙᒡᓗᑎᒃ, ᓇᕿᑦᔪᓯᕐᑕᐅᓗᑎᒡᓗ ᐱᓐᔭᒥᓂᐅᑉ ᓄᓇᖓᓂ ᔨᕉᓴᓕᒥᓗ, ᔫᑕᒥᓗ, ᖃᖅᑲᒥᐅᓪᓗ ᓄᓇᓕᖏᓐᓂ, ᓯᐱᓚᒥᐅᓪᓗ ᐃᒡᓗᒐᓴᖏᓐᓂᑦ ᓂᒋᑉᒥᓗ ᓄᓇᖃᕐᑐᓂᒃ, ᓄᓇᑐᖃᖏᓐᓄᑦ ᐅᑎᕐᑎᑦᓱᒫᕐᐸᒃᑲ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 32:44 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 44:26

ᑭᓇ ᓱᓕᓂᖏᓐᓂᒃ ᓇᓗᓁᕐᓯᕙᒃᐸ ᐱᔨᖏᑕ ᐅᖃᐅᓯᕆᔭᖏᓐᓂᒃ, ᐱᓇᓱᐊᕐᐸᒡᓗᓂᓗ ᑎᓕᔭᖏᑕ ᐅᖃᐅᓯᖏᓐᓂᒃ; ᑭᓇ ᔨᕉᓴᓕᒥᒃ ᐅᖃᐅᓯᖃᕐᐸ, ‘ᑖᓐᓇ ᐃᓄᖃᓕᕈᒫᕆᕗᖅ,’ ᔫᑕᐅᓪᓗ ᐃᒡᓗᒐᓴᖏᓐᓄᑦ, ‘ᐃᒡᓗᒐᓴᖏᑦ ᓴᓇᔭᐅᒃᑲᓐᓂᓕᕈᒫᕆᕗᑦ,’ ᐃᒡᓗᕕᓂᖏᓪᓗ ᓯᖁᑦᑎᕐᓯᒪᔪᑦ ᒪᑭᑎᑦᓱᒫᕐᐸᒃᑲ;

ᔨᕆᒤᐊᐅᑉ ᐊᒡᓚᖏᑦ 13:19

ᐃᒡᓗᒐᓴᒡᔪᐊᑦ ᓂᒋᑉᒦᑦᑐᑦ ᓇᒧᓐᖓᕐᕕᒃᓴᖃᕈᓐᓃᕐᒪᑕ, ᒪᑐᐃᕐᑕᐅᔪᓐᓇᕈᓐᓃᕐᓗᑎᒡᓗ; ᔫᑕᒥᐅᓕᒫᑦ ᐊᐅᓪᓚᕈᑦᔭᐅᕗᑦ ᐅᖓᓯᒃᑐᒧᑦ ᓄᓇᒋᓐᖏᑕᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 17:26

ᐃᓄᐃᓪᓗ ᑎᑭᑉᐸᒍᒫᕐᐳᑦ, ᔫᑕᐅᑉ ᓄᓇᓕᖁᑎᖏᓐᓂᑦ, ᓄᓇᓕᖕᓂᓪᓗ ᔨᕉᓴᓕᐅᑉ ᓴᓂᐊᓃᑦᑐᓂᑦ, ᐱᓐᔭᒥᓂᐅᓪᓗ ᓄᓇᖏᓐᓂᑦ, ᖃᖅᑲᒥᐅᓪᓗ ᑭᒡᓕᖓᓂᒥᐅᓂᑦ ᓂᒋᑉᒥᓗ ᓄᓇᖃᕐᑐᓂᑦ ᑐᓂᕐᕈᓯᕆᐊᕐᑐᕐᓗᑎᒃ ᐆᑕᒃᓴᓂᒃ, ᓂᐊᖂᔭᒃᓴᓂᒃ, ᐳᔫᕐᑎᑕᒃᓴᓂᒡᓗ ᖁᔭᓕᑦᔪᑎᒃᓴᓂᒡᓗ ᐊᑕᓂᐅᑉ ᐃᒡᓗᖓᓂ.

ᔨᕆᒤᐊᐅᑉ ᐊᒡᓚᖏᑦ 30:18

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᔧᑰᑉ ᐃᒡᓗᖓ ᐱᐅᓯᖓᓄᑦ ᐅᑎᕐᑎᑦᓱᒫᕐᐸᕋ, ᓇᔪᒐᖏᓪᓗ ᓂᑲᒋᓕᕐᓗᒋᑦ, ᐃᒡᓗᒐᓴᒡᔪᐊᕕᓂᕐᓂᓪᓗ ᓱᕐᕋᑯᓂᑦ ᐃᒡᓗᒐᓴᒡᔪᐊᖏᑦ ᓇᑉᐸᕐᑎᑦᓱᒫᕆᕙᒃᑲ, ᐊᖓᔪᖅᑳᒃᑯᕕᖓᓗ ᐃᓂᒋᕙᒃᑕᒥᓂ ᓇᐸᓕᕈᒫᕆᕗᖅ.

ᔨᕆᒤᐊᐅᑉ ᐊᒡᓚᖏᑦ 30:3

ᐊᑕᓂᖅ ᐅᖃᕐᐳᖅ, ᐅᓪᓗᐃᑦ ᑎᑭᑦᓱᒫᕐᐳᑦ, ᐃᓄᖁᑎᒃᑲ ᐃᓴᕆᐊᓕᒥᐅᑦ ᔫᑕᒥᐅᓪᓗ ᑎᒍᔭᐅᓯᒪᕕᒋᔭᖏᓐᓂ ᐅᑎᕐᑎᑦᓱᒫᕋᒃᑭᑦ: ᓄᓇᖃᓕᖁᓪᓗᒋᑦ ᓯᕗᓕᕕᓂᖏᓐᓄᑦ ᐊᖏᕈᑎᒋᓚᐅᕐᑕᓐᓂᒃ ᓄᓇᒋᔭᐅᖁᓪᓗᒍ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 31:23

ᐃᒫᒃ ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ: “ᐊᐅᓪᓚᕈᑦᔭᐅᓯᒪᕕᒋᓚᐅᕐᑕᖏᓐᓂᑦ ᐅᑎᕐᑎᓯᒪᓕᕈᒃᑭᑦ, ᐃᓄᐃᑦ ᔫᑕᐅᑉ ᓄᓇᖓᓂ ᓄᓇᖃᓚᐅᕐᑐᑦ ᐅᖃᕈᓐᓇᕐᓯᔪᒫᕆᕗᑦ ᐃᒫᒃ, ‘ᐊᑕᓂᐅᑉ ᓮᒻᒪᕐᑎᓪᓕᓯ, ᓄᓇᖃᕐᑐᓯ ᐃᓱᐊᕐᑐᓕᓂᕐᒥ, ᖃᖅᑲᒦᑦᑐᑦ ᐃᑦᔪᕐᓁᑦᑐᒥ.’

ᔨᕆᒤᐊᐅᑉ ᐊᒡᓚᖏᑦ 32:10

ᐊᖏᖃᑎᒌᒍᑎᕗᒡᓗ ᓄᓇ ᐱᓪᓗᒍ ᐊᑎᓕᐅᕇᕋᑦᑎᒍ ᑕᑯᓐᓇᕐᑐᓪᓗ ᐊᑎᓕᐅᕐᑎᓪᓗᒋᑦ ᐊᑭᒋᓂᐊᕐᑕᖏᓪᓗ ᐅᖁᒤᓐᓂᕐᓂᐊᕈᑎᒧᑦ ᖃᐅᔨᓴᕐᐸᕗᒃ.

ᔨᕆᒤᐊᐅᑉ ᐊᒡᓚᖏᑦ 32:37

ᑕᑯᒋᑦ, ᑲᑎᕐᓱᕈᒫᕆᕙᒃᑲ ᓄᓇᓕᖕᓂᑦ ᓂᓐᖓᕕᒡᔪᐊᕐᓂᓐᓄᑦ ᐊᐅᓪᓚᕐᑎᑕᐅᕕᒋᓚᐅᕐᑕᖏᓐᓂᑦ, ᑕᒪᐅᖓᓗ ᐅᑎᕐᑎᑦᓱᒫᕐᐸᒃᑲ, ᐃᓅᓯᖃᓕᕐᑎᓪᓗᒋᑦ ᐃᓂᓪᓚᖓᑦᓯᐊᕐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 33:13

ᖃᖅᑲᒦᑦᑐᑦ ᐃᒡᓗᒐᓮᑦ, ᓇᑎᕐᓇᓂ ᓄᓇᖃᕐᑐᑦ, ᔫᑕᒥᐅᓪᓗ ᐅᓪᓗᓪᓗᐊᖓᑕ ᓇᓛᓂᒥᐅᑦ ᓂᒋᑉᒥ, ᐱᓐᔭᒥᓂᐅᓪᓗ ᓄᓇᖓᓂ, ᓄᓇᓖᓪᓗ ᔨᕉᓴᓕᐅᑉ ᖃᓂᒋᔭᖓᓃᑦᑐᑦ, ᔫᑕᐅᓪᓗ ᐃᒡᓗᒐᓴᖏᓐᓃᑦᑐᑦ, ᓰᐱᓕᕆᔨᖏᑦ ᓈᓮᔪᓐᓇᕐᓯᔪᒫᕆᕗᑦ ᓰᐱᖁᑎᒥᖕᓂᒃ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 33:26

ᑍᒫᒃᑕᐅᖅ ᔧᑰᑉ ᑭᖑᕚᖏᑦ ᖁᔭᓈᕋᔭᓚᐅᕐᐸᒃᑲ, ᑍᕕᑎᐅᓪᓗ ᐱᔨᒋᔭᒪ ᐃᕐᓂᖏᓐᓂᑦ ᐱᓯᒪᔪᒥᒃ ᐂᑉᕋᕼᐋᒻᑯᑦ, ᐂᓴᑭᒃᑯᑦ, ᔧᑯᒃᑯᓪᓗ ᐊᐅᓚᑦᓯᔨᒃᓴᖃᕋᔭᓚᐅᓐᖏᓚᑦ, ᑖᒃᑯᐊ ᒪᑭᑎᑦᓱᒫᕋᒃᑭᑦ ᓂᑲᒋᓪᓗᒋᓪᓗ.”

ᔨᕆᒤᐊᐅᑉ ᐊᒡᓚᖏᑦ 33:7

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐊᔪᕐᓴᕈᓐᓃᕐᑎᑦᓱᒫᕐᐸᒃᑲ, ᓄᓇᒋᓚᐅᕐᑕᖏᓐᓄᓪᓗ ᐅᑎᕐᑎᒻᒥᓗᒋᑦ ᓯᕗᓪᓕᕐᒥ ᐱᐅᓯᕆᓚᐅᕐᑕᖏᑎᑐᑦ.

ᐅᐸᑍᐊᑉ ᐊᒡᓚᖏᑦ 1:19

ᔫᑕᐅᑉ ᓯᕿᓂᖓᑕ ᓇᓛᓂᒥᐅᑦ ᐄᓴᐅᑉ ᖃᖅᑲᖓ ᐱᑖᕆᔪᒫᕐᐹᑦ, ᐱᓕᔅᑍᓂᒥᐅᓪᓗ ᐱᑖᕆᔭᐅᔪᒫᕐᐳᖅ ᓯᕿᓂᐅᑉ ᓂᐱᕕᐊᑕ ᓇᓛᓂᒥᐅᑕᕐᓄᑦ; ᐃᓴᕆᐊᓕᒃᑯᓪᓗ ᓄᓇᑖᕈᒫᕐᐳᑦ ᐃᕗᕅᒥᒃ ᓴᒥᐊᕆᐊᒥᒡᓗ; ᐱᓐᔭᒥᓂᑯᑦ ᐃᓄᖏᑕ ᓄᓇᑖᕆᔪᒫᕐᐹᑦ ᒋᓕᐊᑎ.

ᐅᐸᑍᐊᑉ ᐊᒡᓚᖏᑦ 1:20

ᕼᐋᓚᒧᑦ ᐊᐅᓪᓚᕈᑦᔭᐅᓯᒪᔪᑦ ᐃᓴᕆᐊᓕᐅᑉ ᑭᖑᕚᖏᑦ ᓄᓇᑖᕈᒫᕐᐳᑦ ᑬᓇᓂᒥᐅᑦ ᐊᑯᕐᖓᓐᓃᑦᑐᓂᒃ ᔨᕆᐸᑦ ᑎᑭᓪᓗᒍ, ᔨᕉᓴᓕᒥᓪᓗ ᐊᐅᓪᓚᕈᑦᔭᐅᓯᒪᔪᑦ ᓯᑉᕼᐊᕋᒦᑦᑐᑦ ᓄᓇᑖᕈᒫᕐᐳᑦ ᐃᒡᓗᒐᓴᖕᓂᒃ ᓯᕿᓂᐅᑉ ᓇᓛᓃᑦᑐᓂᒃ ᓂᒋᑉᒥ.

ᔨᐸᓁᐊᐅᑉ ᐊᒡᓚᖏᑦ 2:7

ᑕᒪᓐᓇ ᓯᒡᔭᖅ ᔫᑕᐅᑉ ᑭᖑᕚᖏᑕ ᐊᒥᐊᒃᑯᖏᓐᓄᑦ ᐃᓂᒋᔭᐅᔪᒫᕐᐳᖅ, ᑕᒫᓂᓗ ᐆᒪᔪᖁᑎᑎᒃ ᓂᕆᑎᑦᓱᒫᕐᐰᑦ, ᐅᓐᓄᒃᑯᓪᓗ ᓯᓂᒃᑕᖃᑦᑕᕈᒫᕐᐳᑦ ᐊᓯᑭᓗᓂᒥᐅᑦ ᐃᒡᓗᖏᓐᓂ. ᐊᑕᓂᐅᑉ ᑖᒃᑯᐊ ᒎᑎᖏᑦᑕ ᐳᐃᒍᕈᒫᓐᖏᓔᑦ ᐊᔪᕐᓴᖏᓐᓂᕕᓂᖏᓐᓄᓪᓗ ᐅᑎᕐᑎᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 7:7

ᐊᑕᓂᖅ ᑍᒫᒃ ᐅᖃᖃᑦᑕᓚᐅᕐᐳᖅ ᐅᖃᕐᑎᒥᒍᑦ ᓯᕗᓪᓕᕐᑎᒍᑦ ᔨᕉᓴᓕᒻᒥᐅᑦ ᖃᓂᒋᔭᖏᓐᓃᑦᑐᓪᓗ ᓮᒻᒪᖃᑎᒌᑦᓯᐊᕐᑎᓪᓗᒋᑦ ᐊᔪᕐᓴᖏᑦᓯᐊᕐᑎᓪᓗᒋᓪᓗ, ᓂᕆᕕᒃ ᐃᓄᖃᕐᑎᓪᓗᒍ ᓯᕿᓂᐅᓪᓗ ᓂᐱᕕᐊᑕ ᓇᓛᓃᑦᑐᑦ ᐱᖑᐃᑦ ᐊᑖᓂ ᓄᓇᓕᖃᕐᑎᓪᓗᒋᑦ.