ᔨᕆᒤᐊᐅᑉ ᐊᒡᓚᖏᑦ 32:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᑕᑯᒋᑦ, ᑲᑎᕐᓱᕈᒫᕆᕙᒃᑲ ᓄᓇᓕᖕᓂᑦ ᓂᓐᖓᕕᒡᔪᐊᕐᓂᓐᓄᑦ ᐊᐅᓪᓚᕐᑎᑕᐅᕕᒋᓚᐅᕐᑕᖏᓐᓂᑦ, ᑕᒪᐅᖓᓗ ᐅᑎᕐᑎᑦᓱᒫᕐᐸᒃᑲ, ᐃᓅᓯᖃᓕᕐᑎᓪᓗᒋᑦ ᐃᓂᓪᓚᖓᑦᓯᐊᕐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 32:37 Iomraidhean Croise

ᐃᓐᖏᕈᑎᑦ 106:47

ᐱᐅᓕᓚᐅᕐᑎᒍᑦ, ᐊᑕᓃᖅ ᒎᑎᕗᑦ, ᑲᑎᕐᓱᓚᐅᕐᑎᒍᓪᓗ ᐃᓅᖃᑎᒌᒡᔪᐊᑦ ᐊᑯᕐᖓᓐᓂᑦ, ᐊᑎᕐᓂᒃ ᐃᑦᔪᕐᓁᑦᑐᒥᒃ ᖁᔭᓕᑦᔪᑎᖃᓕᖁᓪᓗᑕ, ᓂᕐᑐᐃᓕᖁᓪᓗᑕᓗ ᓂᕐᑐᕐᑕᐅᔪᒃᓴᐅᓃᑦ ᒪᓕᒡᓗᒍ.

ᔨᕆᒤᐊᐅᑉ ᐊᒡᓚᖏᑦ 12:14

ᐃᒫᒃ ᐊᑕᓂᖅ ᐅᖃᕐᐳᖅ, “ᐃᓄᖁᑎᒪ ᐃᓴᕆᐊᓕᒥᐅᑦ ᐊᓯᖏᑦ ᐊᑲᐅᖏᑦᑐᓕᔪᑦ ᑎᒍᓯᓚᐅᕐᑐᑦ ᑖᒃᑯᓂᖓ ᓄᓱᒍᒫᕐᐸᒃᑲ ᓄᓇᖏᓐᓂᑦ, ᔫᑕᒥᐅᓪᓗ ᐱᔭᐅᕕᒋᓯᒪᔭᖏᓐᓂᑦ ᓄᓱᒍᒫᕆᕙᒃᑲ.

ᔨᕆᒤᐊᐅᑉ ᐊᒡᓚᖏᑦ 16:14

“ᑍᒤᒻᒪᑦ ᑕᑯᒋᑦ, ᐅᓪᓗᐃᑦ ᑎᑭᓕᕐᐳᑦ, ᐊᑕᓂᖅ ᐅᖃᕐᐳᖅ, ᐅᖃᕐᑐᖃᕐᐸᒍᓐᓃᕈᒫᕐᐳᖅ ᐃᒫᒃ, ‘ᐊᑕᓂᖅ ᐃᓅᖕᒪᑦ, ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᓯᓚᐅᕐᑐᖅ ᐄᑦᔨᑉᑎᒥᑦ.’

ᔨᕆᒤᐊᐅᑉ ᐊᒡᓚᖏᑦ 16:15

ᐅᖃᖔᖃᑦᑕᓕᕈᒫᕐᐳᓪᓕ ᐃᒫᒃ, ‘ᐊᑕᓂᖅ ᐃᓅᖕᒪᑦ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᑎᓯᒪᔪᖅ ᐅᓐᓄᐊᓪᓗᐊᑉ ᓇᓛᓃᑦᑐᓂᑦ ᓄᓇᓕᖕᓂᑦ ᖁᔭᓈᕐᓯᕕᒋᓯᒪᔭᒥᓂᑦ ᑖᒃᑯᓂᖓ.’ ᐅᑎᕐᑎᑦᓱᒫᕋᒃᑭᑦ ᓯᕗᓕᕕᓂᖏᓐᓄᑦ ᓄᓇᑖᖑᑎᓚᐅᕐᓯᒪᔭᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 21:5

ᐅᕙᖓ ᓇᖕᒥᓂᖅ ᐅᓇᑕᕐᓂᐊᕐᐸᑦᓯ ᐱᔪᓐᓇᕐᓂᓐᓄᑦ, ᓂᓐᖓᐅᒪᓂᓐᓄᑦ ᓂᓐᖓᕕᒃᔪᐊᕐᓯᒪᓂᓐᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 23:3

ᐅᕙᖓ ᐃᓄᖁᑎᒪ ᐊᒥᐊᒃᑯᖏᑦ ᑲᑎᕐᓱᕈᒫᕐᐸᒃᑲ ᓇᒧᑐᐃᓐᓇᖅ ᐊᐅᓪᓚᕐᑎᑦᓯᕕᒋᓯᒪᓚᐅᕐᑕᓐᓂᑦ, ᐅᑎᕐᑎᓪᓗᒋᓪᓗ ᓇᑎᕐᓇᒧᑦ ᓄᓇᒋᔭᖓᓐᓄᑦ, ᕿᑐᕐᖏᐅᖁᓪᓗᒋᑦ ᐅᓄᕐᓯᕙᓪᓕᐊᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 23:6

ᑍᑦᓱᒪ ᐊᐅᓚᑦᓯᓂᖓᓂ ᔫᑕ ᐱᐅᓕᔭᐅᔪᒫᕐᐳᖅ, ᐃᓴᕆᐊᓕᒥᐅᓪᓗ ᐅᓇᑕᕐᑕᐅᓂᐊᕐᓂᕐᒥᒃ ᓯᕘᕋᖏᓪᓗᑎᒃ ᐃᓅᔪᒫᕐᐳᑦ, ᐊᑎᖃᕐᑎᑕᐅᔪᒫᕐᐳᕐᓗ: ‘ᐊᑕᓂᖅ ᐃᓱᐊᕐᓯᑦᔪᑎᒋᔭᕗᑦ.’

ᔨᕆᒤᐊᐅᑉ ᐊᒡᓚᖏᑦ 23:8

ᐅᖃᖔᖃᑦᑕᓕᕈᒫᕐᐳᓪᓕ ᐃᒫᒃ; ‘ᐊᑕᓂᖅ ᐆᒪᖕᒪᑦ, ᐊᐅᓪᓚᕐᑎᑦᓯᓚᐅᕐᑐᖅ ᓄᓇᒥᑦ ᐅᓐᓄᐊᓪᓗᐊᑉ ᓇᓛᓃᑦᑐᓂᑦ ᓄᓇᓂᓪᓗ ᐃᓄᖁᑎᒥᓂᒃ ᖁᔭᓈᕐᓯᕕᒋᓚᐅᕐᑕᒥᓂᑦ.’ ᑕᕝᕙ ᓄᓇᖃᓕᕈᒫᕐᐳᑦ ᓇᖕᒥᓂᖅ ᓄᓇᒥᖕᓂ.”

ᔨᕆᒤᐊᐅᑉ ᐊᒡᓚᖏᑦ 24:6

ᐃᒃᐱᒋᑦᓯᐊᕐᓂᐊᕐᐸᒃᑲ ᐱᐅᔪᒧᑦ, ᐅᑎᕐᑎᑦᓱᒫᕐᒥᒐᒃᑭᑦ ᓄᓇᒧᑦ ᑕᒪᐅᖓ. ᒪᑭᑎᑦᓱᒫᕐᐸᒃᑲ, ᑲᑕᒃᑎᓐᓂᐊᓐᖏᓚᒃᑲᓗ, ᐱᕈᕐᑎᓐᓂᐊᕐᐸᒃᑲ ᓄᓱᖕᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 29:14

ᐃᓕᑦᓯᓐᓄᑦ ᓇᓂᔭᐅᔪᓐᓇᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᑎᓐᓂᐊᕐᐸᑦᓯᓗ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ, ᐃᓅᖃᑎᒌᒡᔪᐊᓕᒫᓂᑦ ᓇᑭᑐᐃᓐᓇᖅ ᑲᑎᕐᓱᕐᓂᐊᕐᐸᑦᓯ ᐊᐅᓪᓚᕐᑎᑕᐅᕕᒋᓯᒪᓚᐅᕐᑕᑦᓯᓐᓂᑦ, ᐊᑕᓂᖅ ᐅᖃᕐᐳᖅ, ᐊᐅᓪᓚᕐᑎᑕᐅᕕᒋᓚᐅᕐᑕᑦᓯᓐᓂᑦ ᓄᓇᒋᓐᖏᑕᑦᓯᓐᓄᑦ, ᐅᑎᕐᑎᑦᓱᒫᕆᕙᑦᓯ ᓄᓇᑦᓯᓐᓄᑦ.’

ᔨᕆᒤᐊᐅᑉ ᐊᒡᓚᖏᑦ 30:18

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᔧᑰᑉ ᐃᒡᓗᖓ ᐱᐅᓯᖓᓄᑦ ᐅᑎᕐᑎᑦᓱᒫᕐᐸᕋ, ᓇᔪᒐᖏᓪᓗ ᓂᑲᒋᓕᕐᓗᒋᑦ, ᐃᒡᓗᒐᓴᒡᔪᐊᕕᓂᕐᓂᓪᓗ ᓱᕐᕋᑯᓂᑦ ᐃᒡᓗᒐᓴᒡᔪᐊᖏᑦ ᓇᑉᐸᕐᑎᑦᓱᒫᕆᕙᒃᑲ, ᐊᖓᔪᖅᑳᒃᑯᕕᖓᓗ ᐃᓂᒋᕙᒃᑕᒥᓂ ᓇᐸᓕᕈᒫᕆᕗᖅ.

ᔨᕆᒤᐊᐅᑉ ᐊᒡᓚᖏᑦ 31:10

ᐊᑕᓂᖅ ᐅᖃᕐᐳᖅ, “ᐃᓅᖃᑎᒌᒡᔪᐊᖑᔪᓯ ᐊᑕᓂᐅᑉ ᐅᖃᐅᓯᖏᑦ ᑐᓴᓕᕐᓯᒋᒃ ᑐᓴᕐᑕᐅᑎᓯᐅᒃ ᐃᒪᐅᑉ ᑭᒡᓕᖓᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐃᓴᕆᐊᓕᒥᐅᓂᒃ ᓇᒧᑐᐃᓐᓈᕐᑎᑦᓯᓚᐅᕐᑑᑉ ᑲᑎᕐᓱᕈᒫᕆᕔᑦ ᐃᓄᖁᑎᓂᓗ ᐰᕆᓂᐊᕐᐰᑦ ᓰᐱᓂᒃ ᐰᕐᓯᔨᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 32:15

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᒪᑦ: ᐃᒡᓗᐃᓪᓗ ᐱᕈᕐᓰᕖᓪᓗ ᓄᓇᒥ ᑕᒫᓂ ᓂᐅᕐᕈᑎᒋᔭᐅᖃᑦᑕᕈᒫᕆᕗᑦ.’”

ᔨᕆᒤᐊᐅᑉ ᐊᒡᓚᖏᑦ 33:16

ᑍᒃᑯᓇᓂ ᐅᓪᓗᓂ ᔫᑕᒥᐅᑦ ᐱᐅᓕᔭᐅᔪᒫᕐᐳᑦ, ᔨᕉᓴᓕᒥᐅᓪᓗ ᐃᓕᒪᓱᖏᓪᓗᑎᒃ ᐃᓅᔪᒫᕐᐳᑦ ᑍᔭᐅᔪᒫᕐᐳᓪᓗ ‘ᐊᑕᓂᖅ ᐃᓱᐊᕐᓯᑦᔪᑎᒋᕙᕗᑦ.’

ᔨᕆᒤᐊᐅᑉ ᐊᒡᓚᖏᑦ 33:7

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐊᔪᕐᓴᕈᓐᓃᕐᑎᑦᓱᒫᕐᐸᒃᑲ, ᓄᓇᒋᓚᐅᕐᑕᖏᓐᓄᓪᓗ ᐅᑎᕐᑎᒻᒥᓗᒋᑦ ᓯᕗᓪᓕᕐᒥ ᐱᐅᓯᕆᓚᐅᕐᑕᖏᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 11:17

“ᑍᒤᒻᒪᑦ ᐅᖃᕆᑦ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓄᖕᓂᑦ ᐊᐅᓪᓚᕈᑦᔭᐅᕕᒋᓯᒪᔭᑦᓯᓐᓂᑦ ᑲᑎᕐᓱᕈᒫᕐᐸᑦᓯ, ᑲᑎᓪᓗᓯ ᐊᑕᐅᓯᕐᒧᑦ ᓄᓇᓂᑦ ᓯᐊᒻᒪᕐᑎᑕᐅᕕᒋᓯᒪᔭᑦᓯᓐᓂᑦ, ᐃᓴᕆᐊᓕᐅᓪᓗ ᓄᓇᖓᓂᒃ ᑐᓂᓯᕕᒋᔪᒫᕐᐸᑦᓯ.’

ᐃᓯᑭᐊᓕᐅᑉ ᐊᒡᓚᖏᑦ 20:34

ᓄᓇᓂᑦ ᓇᑭᑐᐃᓐᓇᖅ ᓯᐊᒻᒪᕐᑎᑕᐅᓯᒪᕕᑦᓯᓐᓂᑦ ᑲᑎᕐᓱᕈᒫᕐᐸᑦᓯ, ᐊᒡᒐᓐᓄᑦ ᓲᖑᔪᓄᑦ ᑕᓕᓐᓄᓪᓗ ᓴᓐᖏᔪᒧᑦ, ᓂᓐᖓᐅᓯᓐᓂᒃ ᐃᓚᖃᕐᑐᒧᑦ;

ᐃᓯᑭᐊᓕᐅᑉ ᐊᒡᓚᖏᑦ 28:25

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ ᑲᑎᕐᓱᓕᕈᒃᑭᑦ ᐃᓄᖕᓂᑦ ᓯᐊᒻᒪᕐᑎᑕᐅᕕᖏᓐᓂᑦ, ᐃᑦᔪᕐᓁᓐᓂᕋᓗ ᑖᒃᑯᑎᒎᓇᖅ ᓴᖅᑭᑎᓕᕈᒃᑯ ᐃᓅᖃᑎᒌᒡᔪᐊᓄᑦ, ᑕᕝᕙ ᐃᓴᕆᐊᓕᒥᐅᑦ ᓇᖕᒥᓂᖅ ᓄᓇᒥᖕᓂ ᓄᓇᖃᓕᕈᒫᕐᐳᑦ ᐱᔨᓐᓄᑦ ᔧᑯᒧᑦ ᑐᓂᓚᐅᕐᑕᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 28:26

ᓄᓇᖃᓕᕈᒫᕐᐳᑦ ᐃᓱᒫᓗᒋᔭᖃᖏᓪᓗᑎᒃ, ᐃᒡᓗᓕᐅᕈᒫᕐᐳᑦ ᐱᕈᕐᓰᕕᓕᐅᕐᓗᑎᒡᓗ ᕔᓂᖃᕐᕕᒃᓴᓂᒃ. ᓄᓇᖃᓕᕈᒫᕐᐳᑦ ᐃᓱᒫᓗᓇᖏᑦᑐᒥ, ᓄᓇᖃᑎᒌᑦ ᐋᓐᓂᕐᓯᔪᒪᔪᑦ ᑖᒃᑯᓂᖓ ᓱᒋᐊᖃᑦᑕᕈᒫᕐᐸᒃᑲ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ.”

ᐃᓯᑭᐊᓕᐅᑉ ᐊᒡᓚᖏᑦ 36:24

ᐃᓅᖃᑎᒌᒡᔪᐊᓂᑦ ᐂᔪᒫᕐᐸᑦᓯ, ᑲᑎᕐᓱᕈᒫᕐᐸᑦᓯᓗ ᓄᓇᓕᒡᔪᐊᓕᒫᓂᑦ, ᓇᖕᒥᓂᕐᓗ ᓄᓇᑦᓯᓐᓄᑦ ᐅᑎᕐᑎᑦᓱᒫᕐᐸᑦᓯ.

ᕼᐆᓯᐊᑉ ᐊᒡᓚᖏᑦ 1:11

ᔫᑕᐅᑉ ᐃᓄᖏᑦ ᐃᓴᕆᐊᓕᒥᐅᓪᓗ ᐃᓄᖏᑦ ᑲᑎᒃᑲᓐᓂᕈᒫᕆᕗᑦ, ᓇᖕᒥᓂᕐᓗ ᓂᕈᐊᕈᒫᕐᐳᑦ ᓯᕗᓕᕐᑎᒃᓴᒥᖕᓂᒃ ᐊᑕᐅᓯᕐᒥᒃ; ᓄᓇᒥᖕᓂᓗ ᒪᑭᑦᓱᒫᕐᐳᑦ, ᔨᔭᕆᐅᓪᓗ ᐅᓪᓗᖓ ᐊᖏᔪᕐᔪᐊᖑᓕᕈᒫᕐᐳᖅ.

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᔪᐃᓕᐅᑉ ᐊᒡᓚᖏᑦ 3:20

ᔫᑕ ᐃᓄᕾᓐᓇᐅᔭᕐᓂᐊᕐᐳᖅ ᐃᓱᖃᖏᑦᑐᒧᑦ, ᔨᕉᓴᓕᓗᑦᑕᐅᖅ ᐃᓄᕾᓐᓇᕐᓂᐊᕐᐳᖅ ᑭᖑᕚᕇᓂᑦ ᑭᖑᕚᕇᓄᑦ.

ᔨᐸᓁᐊᐅᑉ ᐊᒡᓚᖏᑦ 3:20

ᑍᑲᓂ ᓇᓪᓕᐅᑦᑐᒥ ᐅᑎᕐᑎᑦᓱᒫᕐᐸᑦᓯ! ᑲᑎᕐᓱᐃᓕᕈᒪᓗ ᓂᕐᑐᕐᓇᕐᓯᑎᑦᓱᒫᕐᐸᑦᓯ ᖃᐅᔨᒪᔭᐅᑦᓯᐊᕐᓗᓯᓗ ᐃᓄᓕᒫᓄᑦ ᓄᓇᕐᔪᐊᒦᑦᑐᓄᑦ. ᑎᒍᔭᐅᓯᒪᔪᑦ ᐅᑎᕐᑎᑦᓱᒫᕐᐸᒃᑲ ᑕᑯᓐᓇᕐᑎᓪᓗᓯ,” ᐊᑕᓂᖅ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 14:11

ᑕᒪᓐᓇ ᐃᓄᖏᓐᓂᒃ ᐃᓄᖃᕈᒫᕐᐳᖅ, ᓱᕋᑦᑎᔭᐅᒃᑲᓐᓂᕐᓂᐊᕈᓐᓁᕐᓗᓂ; ᔨᕉᓴᓕᒥ ᑲᑉᐱᐊᓇᕐᑐᖃᒃᑲᓐᓂᕈᒫᓐᖏᓚᖅ.

ᓴᑲᕅᐊᐅᑉ ᐊᒡᓚᖏᑦ 3:10

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᐅᓪᓗᖅ ᑍᓐᓇ ᓇᓪᓕᐅᑎᒃᐸᑦ, ᐃᓕᑦᓯ ᐊᑐᓂᑦ ᓄᓇᖅᑲᑎᑦᓯᓐᓂᒃ ᕾᖁᔨᔪᒫᕐᐳᓯ ᖃᓄᐃᖏᑦᓯᐊᕐᓂᕐᒥ ᖁᕕᐊᓱᖃᑎᒋᓗᒋᑦ ᐃᒃᓯᕙᖃᑎᒋᓗᒋᑦ ᐱᕈᕐᑐᒃᑯᕕᖕᒥ ᕔᓂᓕᒃᓮᓪᓗ ᐱᒋᓕᒃᓮᓪᓗ ᓇᐹᕐᑐᑦ ᐊᑖᓐᓂ.”