ᔨᕆᒤᐊᐅᑉ ᐊᒡᓚᖏᑦ 32:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᓄᓇᒧᓪᓗ ᑕᒪᐅᖓ ᑎᑭᓐᓇᒥᒃ ᓄᓇᖃᓕᓚᐅᕐᐳᑦ. ᓂᐱᖕᓂᒡᓕ ᓈᓚᓚᐅᓐᖏᓚᑦ ᐱᖁᔭᑎᓪᓗ ᒪᓕᒍᒪᓇᒋᑦ, ᑍᒤᒻᒪᑦ ᐱᖁᔭᕐᓂᒃ ᒪᓕᒍᒪᖏᒻᒪᑕ ᑲᑉᐱᐊᓇᕐᑐᓄᑦ ᑎᑭᕝᕕᐅᑎᓚᐅᕐᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 32:23 Iomraidhean Croise

ᐄᓱᕋᐅᑉ ᐊᒡᓚᖏᑦ 9:7

ᓯᕗᓕᑦᑕ ᐅᓪᓗᖏᓐᓂᑦ ᒫᓐᓇᒧᑦ, ᐅᕙᒍᑦ ᐃᓄᖁᑎᑎᑦ ᐊᔪᕐᑐᓕᓯᒪᕗᒍᑦ ᐊᖏᔪᒻᒪᕆᐊᓗᖕᒥᒃ, ᐸᓯᔭᒃᓴᐅᓂᕗᑦ ᐱᓪᓗᒋᑦ ᐊᖓᔪᖅᑳᕐᔪᐊᕗᑦ, ᑐᓂᕐᕈᓯᕐᑎᑦᓯᔨᕗᓪᓗ ᑎᒍᔭᐅᓚᕿᓯᒪᕗᑦ, ᐃᓅᖃᑎᒃᓴᔭᕆᓐᖏᑕᑦᑎᓐᓄᑦ ᐊᖓᔪᖅᑳᕐᔪᐊᓄᑦ, ᑐᖁᓴᕐᑕᐅᓯᒪᕗᒍᑦ, ᑎᒡᓕᒡᕕᐅᓯᒪᕗᒍᑦ, ᐊᐅᓪᓚᕈᑦᔭᐅᓯᒪᕗᒍᑦ ᑎᒍᔭᐅᓯᒪᔪᑎᑐᑦ, ᓇᕐᕈᓇᕐᓯᑎᑕᐅᓯᒪᕗᒍᑦ ᐅᓪᓗᒥ ᓱᓕ ᑍᒤᑉᐳᒍᑦ.

ᓂᕼᐃᒤᐊᐅᑉ ᐊᒡᓚᖏᑦ 9:15

ᑳᓕᕐᑎᓪᓗᒋᓪᓗ, ᓂᐊᖁᔭᒥᒃ ᑐᓂᓯᕕᒋᓚᐅᕐᐸᑎᑦ ᕿᓚᖕᒥᑦ, ᐃᒥᕐᑎᓚᐅᕐᐸᑎᓪᓗ ᕾᕐᓱᒥᑦ ᐃᒥᕈᓱᓕᕐᑎᓪᓗᒋᑦ. ᓄᓇᒥᒃ ᓄᓇᑖᖁᓪᓗᒋᑦ ᐅᖃᐅᑎᓚᐅᕐᐸᑎᑦ, ᐊᖏᕈᑎᒋᓚᐅᕐᑕᕐᓂᒃ ᑐᓂᓂᐊᕐᓂᕋᕐᓗᒋᑦ.

ᐃᓐᖏᕈᑎᑦ 78:10

ᒎᑎᐅᑉ ᐊᖏᖃᑎᒌᒍᑎᒋᓯᒪᔭᖓᓂᒃ ᒪᓕᓚᐅᖏᒻᒪᑕ; ᐱᖁᔭᖏᓪᓕ ᒪᓕᒡᓗᒋᑦ ᐃᓅᔪᒪᓚᐅᓐᖏᓚᑦ,

ᔨᕆᒤᐊᐅᑉ ᐊᒡᓚᖏᑦ 2:7

ᓄᓇᒧᐊᕐᑎᓚᐅᕐᐸᑦᓯ ᐱᕈᕐᑐᖃᑦᓯᐊᕐᑐᒧᑦ, ᐱᕈᕐᑐᖏᓐᓂᒃ ᓂᕿᖃᖁᓪᓗᓯ, ᐱᕈᕐᑎᑦᓯᖁᓪᓗᓯᓗ, ᑕᒪᐅᓐᖓᕋᑦᓯᓕ ᓄᓇᖁᑎᒐ ᓇᕐᕈᓇᕐᓯᑎᓚᐅᕐᐸᓯ, ᑭᖑᕐᖑᑎᔭᐅᒐᔭᕐᑐᕐᓗ ᐱᐅᔪᓐᓃᕐᑎᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 26:4

ᐅᖃᐅᑎᔭᒃᓴᕆᕙᑎᑦ, ᐊᑕᓂᖅ ᐃᒫᒃ ᐅᖃᕐᐳᖅ, “ᓈᓚᖏᒃᑯᑦᓯᓐᖓ ᐱᖁᔭᒃᑲᓗ ᒪᓕᖏᒃᑯᑦᓯᐅᒃ ᐃᓕᑦᓯᓐᓄᑦ ᒪᓕᒐᒃᓴᓕᐊᕆᓚᐅᕐᑕᒃᑲ.

ᔨᕆᒤᐊᐅᑉ ᐊᒡᓚᖏᑦ 44:10

ᐅᓪᓗᒥᒧᑦ ᑎᑭᓪᓗᒍ ᓱᓕ ᒥᑭᒡᓕᑎᓚᐅᕐᓯᒪᓐᖏᓚᓯ ᐃᓕᑦᓯᓗ ᓯᕗᓕᕕᓂᓯᓗ, ᐅᕙᓐᓂᒃ ᐅᐱᒋᔭᖃᓚᐅᕐᓯᒪᓐᖏᓚᓯ ᐃᓅᓇᓱᐊᓚᐅᕐᓯᒪᓇᓯᓗ ᐱᖁᔭᒃᑲ ᒪᓕᒡᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 7:26

ᑐᓴᕐᑕᐅᕙᓚᐅᓐᖏᓚᖓ ᓈᓚᒃᑕᐅᓇᖓᓗ ᓯᑎᒃᑎᑉᐸᓪᓕᐊᖔᑐᐃᓐᓇᓚᐅᕐᐳᑦ. ᐱᐅᖏᑦᑐᓕᑦᑍᓕᖏᓐᓂᕐᓴᐅᓪᓗᑎᒡᓗ ᓯᕗᓕᕕᓂᑦᓯᓐᓂᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:18

ᐊᑕᓂᖅ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᐳᖅ, ᐊᑭᕋᕐᑐᓕᓚᐅᕋᒃᑭᑦ ᐱᖁᔭᖏᑦ ᑐᓴᕐᑕᐅᔪᒪᓕᕐᐳᖓ ᐃᓄᖕᓄᑦ ᐋᓐᓂᐊᓂᒃᑲ ᑕᑯᔭᐅᖁᓪᓗᒋᑦ. ᐃᓅᓱᒃᑐᖁᑎᒃᑲ ᐅᐃᒡᒐᓱᖁᑎᒃᑲᓗ ᑎᒍᔭᐅᓪᓗᑎᒃ ᐊᐅᓪᓚᕈᑦᔭᐅᓯᒪᖕᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:8

ᔨᕉᓴᓕᒥᐅᑦ ᐊᔪᕐᑐᓕᓚᐅᕐᒪᑕ ᕿᒃᓵᖕᓇᕐᑐᒥᒃ ᒥᑕᐅᑎᒃᓴᑐᐃᓐᓇᐅᓕᕐᐳᑦ, ᐅᐱᒍᓲᑎᖃᓚᐅᕐᑐᓕᒫᑦ ᒫᓐᓇ ᓇᕐᕈᓕᕐᐳᑦ, ᓱᓇᖃᖏᓐᓂᖓ ᑕᑯᓕᕋᒥᑦᔪᒃ, ᓇᖕᒥᓂᕐᓗ ᐋᓐᓂᐊᑎᑉᐳᑦ ᑲᓐᖑᓱᒃᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 20:18

ᕿᑐᕐᖓᖏᓪᓗ ᐅᖃᐅᑎᓚᐅᕐᐸᒃᑲ ᐃᓄᖃᖏᑦᑐᒦᑎᓪᓗᒋᑦ, ‘ᓯᕗᓕᑦᓯ ᐱᓂᐊᕐᑕᐅᖁᔭᖏᑦ ᒪᓕᒃᑍᓕᓯᐅᒃ, ᐊᑐᕐᑕᐅᖁᔭᖏᓪᓗ ᐊᑐᕐᑍᓕᓗᒋᑦ, ᓇᕐᕈᓇᕐᓯᑎᑦᑍᓕᒋᑦᓯᓗ ᒎᑎᓐᖑᐊᕆᓚᐅᕐᑕᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 20:21

ᑭᖑᕚᖑᖃᑎᒌᓪᓕ ᐊᑭᕋᕐᑐᓕᓚᐅᕆᕗᑦ ᐅᕙᓐᓂᒃ; ᐱᓂᐊᕐᑕᐅᖁᔭᒃᑲ ᒪᓕᓚᐅᓐᖏᓔᑦ, ᐊᑐᕐᑕᐅᖁᔭᒃᑲᓗ ᐊᑐᓚᐅᓐᖏᓔᑦ, ᐃᓅᑉ ᓈᓚᒃᑯᓂᒋᑦ ᐃᓅᒐᔭᕐᑎᓪᓗᒍ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᑕᕝᕙ ᐅᖃᓚᐅᕐᐳᖓ ᓂᓐᖓᒡᕕᒋᓂᐊᓕᕐᐸᒃᑲ ᓂᓐᖓᐅᓯᓐᓄᓪᓗ ᑎᑭᑕᐅᓂᐊᓕᕐᐳᑦ ᐃᓄᖃᖏᑦᑐᒦᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 20:8

ᐅᕙᓐᓂᒡᓕ ᐊᑭᕋᕐᑐᓕᓚᐅᕐᐳᑦ ᓈᓚᒍᒪᓇᑎᒃ; ᐊᑕᖏᕐᓗᑎᒡᓕ ᒎᑎᓐᖑᐊᒥᖕᓂᒃ ᓇᕐᕈᓇᕐᑐᓂᒃ ᐃᒋᑦᓯᔪᒪᓚᐅᓐᖏᓚᑦ ᑕᑯᒥᒋᔭᒥᖕᓂᒃ, ᐄᑦᔨᑉᑎᒥᐅᓪᓗ ᒎᑎᓐᖑᐊᖏᓐᓂᒃ ᖁᔭᓈᕐᓯᓚᐅᕋᑎᒃ. ᐄᑦᔨᑉᑎᒦᑎᓪᓗᒋᑦ ᓱᓕ ᓂᓐᖓᐅᒪᓂᓐᓂᒃ ᐃᓱᒪᖃᕐᕕᒋᓕᓚᐅᕐᐸᒃᑲ, ᑭᖑᓂᖓᒍᓪᓗ ᓂᐅᖓᒪᓂᓐᓄᑦ ᐱᓇᓱᐊᕐᕕᒋᔪᒪᓕᕐᓗᒋᑦ.

ᓘᑲᓯᐅᑉ ᐊᒡᓚᖏᑦ 17:10

ᐃᓕᑦᓯᑦᑕᐅᖅ ᑍᒤᒃᑭᕗᓯ, ᐱᖁᔭᐅᑦᔪᑎᒋᔭᑦᓯᓐᓂᒃ ᐱᔭᕇᕌᖓᑦᓯ ᐅᖃᕐᑐᒃᓴᐅᕗᓯ, ‘ᐱᔨᑐᐃᓐᓇᐅᕗᒍᑦ; ᐱᔭᕆᐊᖃᕐᑕᕗᑦ ᐱᑐᐃᓐᓇᕋᑦᑎᒍ.’”

ᔪᐊᓇᓯᐅᑉ ᐊᒡᓚᖏᑦ 15:14

ᐃᓚᓐᓇᕆᕙᑦᓯ ᐱᖁᔭᓐᓂᒃ ᒪᓕᒃᑯᑦᓯ.

ᒐᓔᑎᐊᒥᐅᓄᑦ 3:10

ᐱᖁᔧᓪᓕ ᒪᓕᑦᓯᐊᕐᑕᐅᔭᕆᐊᖃᕐᓂᖏᓐᓂᒃ ᑕᑎᖃᕐᓗᑎᒃ ᐃᓅᔪᑦ ᐃᓅᓯᖃᕐᐳᑦ ᒎᑎᒧᑦ ᓇᕐᕈᒋᔭᐅᔪᒦᑦᑐᒥᒃ; ᑎᑎᕋᕐᓯᒪᔪᖃᕐᒪᑦ, “ᐱᖁᔧᑦ ᒪᓕᒃᑕᐅᖁᔭᖏᓐᓂᒃ ᑎᑎᕋᕐᓯᒪᔪᓂᒃ ᒪᓕᑦᓯᐊᕈᓐᓇᖏᑦᑐᑦ ᑕᒪᕐᒥᒃ ᒎᑎᒧᑦ ᓇᕐᕈᓇᕐᑐᒦᑉᐳᑦ.”

ᔧᒥᓯᐅᑉ ᐊᒡᓚᖏᑦ 2:10

ᑭᓇᑐᐃᓐᓇᖅ ᐱᖁᔭᓂᒃ ᑕᒤᓐᓂᒃ ᒪᓕᑦᓯᐊᕐᑑᑉ ᐊᑕᐅᓯᕐᓕ ᒪᓕᖏᒃᑯᓂᐅᒃ ᑕᕝᕙ ᐱᖁᔭᑦ ᑕᒪᕐᒥᒃ ᐸᓯᔭᒃᓴᐅᑦᔪᑎᒋᕔᑦ.

ᔮᓱᐊᑉ ᐊᒡᓚᖏᑦ 21:43

ᑍᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᓄᑦ ᓄᓇᒥᒃ ᑐᓂᓯᓚᐅᕐᐳᖅ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ ᑐᓂᓂᐊᕐᓂᕋᓚᐅᕐᑕᒥᓂᒃ; ᓄᓇᑖᕆᒐᒥᑦᔪᒃ, ᑖᒃᑯᓇᓂ ᓇᔪᒐᖃᓕᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 23:16

ᐊᖏᖃᑎᒌᒍᑎᒋᓚᐅᕐᑕᓯ ᑲᔪᓯᑎᖏᒃᑯᑦᓯᐅᒃ, ᐊᑕᓂᐅᑉ ᒎᑎᑦᓯ ᑎᓕᓯᑦᔪᑎᒋᓚᐅᕐᑕᖓ ᐃᓕᑦᓯᓐᓄᑦ, ᐱᔨᑦᓯᓕᕈᑦᓯᓗ ᒎᑎᐅᑉ ᐊᓯᐊᓂᒃ ᐹᒻᒪᒃᑎᕐᕕᒋᓕᕐᓗᒋᓪᓗ. ᑕᕝᕙ ᐊᑕᓂᐅᑉ ᓂᓐᖓᐅᓯᕐᒥᓄᑦ ᓱᒋᐊᕈᒫᕐᐹᓯ, ᐊᑯᓂᐅᖏᑦᑐᕐᓗ ᑕᒫᓃᑦᓱᓐᓁᕈᒫᕐᐳᓯ ᓄᓇᒥ ᐱᐅᔪᒥ ᑐᓂᓚᐅᕐᑕᖓᓂ ᐃᓕᑦᓯᓐᓄᑦ.”