ᔨᕆᒤᐊᐅᑉ ᐊᒡᓚᖏᑦ 32:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᓄᖁᑎᑎᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᕕᒋᑦ ᓇᓗᓁᒃᑯᑕᒃᑯᑦ ᑲᒪᓇᕐᑐᓪᓗ ᐊᑐᕐᓗᒋᑦ. ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ ᑲᑉᐱᐊᓇᕐᑐᒃᑯᑦ.

ᔨᕆᒤᐊᐅᑉ ᐊᒡᓚᖏᑦ 32:21 Iomraidhean Croise

ᓴᒧᐃᓕ ᐂᑉᐸᖏᑦ 7:23

ᐃᓴᕆᐊᓕᒥᐅᑦ ᐃᓅᖃᑎᒌᒡᔪᐊᓂᒃ ᐊᑦᔨᖃᓐᖏᓚᑦ ᓄᓇᕐᔪᐊᕐᒥ, ᐄᑦᔨᑉᑎᒥᑦ ᓴᐳᑎᔭᕐᑐᓚᐅᕐᐸᑎᑦ ᐃᓄᖁᑎᑎᑦ ᐃᓚᒋᔪᒪᓪᓗᒋᑦ, ᑲᒪᓇᕐᑐᕐᔪᐊᓪᓗ ᐱᓂᐊᕐᓂᕆᓚᐅᕐᐸᑎᑦ ᑖᒃᑯᓄᖓ ᖃᐅᔨᒪᔭᐅᓕᕐᓗᑎᒡᓗ ᓯᓚᕐᔪᐊᒥᐅᓄᑦ, ᐃᓅᖃᑎᒌᒡᔪᐊᑦ ᒎᑎᓐᖑᐊᖏᓪᓗ ᓯᖏᓚᐅᕐᐸᑎᑦ ᐃᓄᖁᑎᑎᑦ ᓄᓇᑖᖔᖁᓪᓗᒋᑦ.

ᐊᑕᓃᑦ ᓯᕗᓪᓖᑦ 8:42

ᑐᓴᕈᒫᕐᒪᑕ ᐊᑎᕐᐱᑦ ᐱᓪᓚᕆᐊᓘᓂᖓᓂᒃ, ᐊᔪᒐᖃᖏᑦᑐᐊᓘᓂᕐᓂᒡᓗ, ᐱᓇᓱᐊᕈᓐᓇᕐᓂᕐᓂᒡᓗ, ᑎᑭᓪᓗᑎᒃ ᑐᒃᓯᐊᕐᐸᑕ ᐅᓇ ᐃᒡᓗ ᓵᓐᖓᓗᒍ,

ᑯᕉᓂᑲ ᓯᕗᓪᓖᑦ 17:21

ᐃᓄᖁᑎᑎᑦ ᐃᓴᕆᐊᓕᒥᐅᑉ ᐃᓅᖃᑎᒌᒡᔪᐊᑦ ᓇᓪᓕᖏᓐᓂᒃ ᐊᑦᔨᖃᕐᐹᑦ ᓄᓇᕐᔪᐊᕐᒥ? ᒎᑎᐅᑉ ᐱᐅᓕᓚᐅᕐᑕᖏᑦ ᐃᓄᖁᑎᒋᔪᒪᓪᓗᒋᑦ, ᐊᑏᑦ ᖃᐅᔨᔭᐅᖁᓪᓗᒍ ᑲᒪᓇᕐᑐᕐᔪᐊᒃᑯᑦ ᐱᓂᐊᕐᓂᒃᑯᑦ, ᐃᓅᖃᑎᒋᒡᔪᐊᑦ ᐊᐅᓪᓚᕐᑎᓚᐅᕋᕕᒋᑦ ᐃᓄᖁᑎᕕᑦ ᓵᖏᓐᓂ ᑖᒃᑯᐊ ᐱᐅᓕᓚᐅᕐᑕᕕᑦ ᐄᑦᔨᑉᑎᒥ.

ᐃᓐᖏᕈᑎᑦ 105:37

ᑕᕝᕙ ᐃᓴᕆᐊᓕᒥᐅᑦ ᑕᓯᐅᓕᓚᐅᕐᐰᑦ ᐊᐅᓪᓚᕐᑎᓪᓗᒋᑦ ᓯᐅᓪᕕᕆᓂᒃ ᒎᓗᓂᒡᓗ ᓇᒃᓴᕐᓗᑎᒃ, ᑭᖑᕚᕇᓕᒫᓂᓗ ᐋᓐᓂᐊᓕᒃᑕᖃᓚᐅᓐᖏᓚᖅ ᐊᑕᐅᓯᕐᒥᒡᓘᓐᓃᑦ.

ᐃᓐᖏᕈᑎᑦ 105:43

ᖁᕕᐊᓱᒡᓗᓂ ᐃᓄᖁᑎᓂ ᐊᐅᓪᓚᕈᑎᓚᐅᕐᐰᑦ, ᓂᕈᐊᕐᓯᒪᔭᖏᓪᓗ ᐃᓐᖏᓚᐅᕐᐳᑦ ᖁᕕᐊᓱᒃᓗᑎᒃ.

ᒨᓯᓯ ᐂᑉᐸᖏᑦ 13:14

ᓯᕗᓂᕐᒥᓕ ᐃᕐᓂᑦᓯᓐᓄᑦ ᐊᐱᕆᔭᐅᒍᑦᓯ, ‘ᖃᓄᖅ ᒪᓐᓇ ᑐᑭᖃᕐᑐᖅ?’ ᑕᕝᕙ ᐅᖃᐅᑎᔭᒃᓴᕆᕙᑦ, ‘ᐊᑕᓂᐅᑉ ᐱᔪᓐᓇᕐᓂᖓᒍᑦ ᐊᓂᑎᑕᐅᓯᒪᒐᑦᑕ ᐄᑦᔨᑉᑎᒥᑦ, ᕿᓚᒃᑕᐅᓯᒪᕕᒋᔭᑦᑎᓐᓂᑦ.

ᒨᓯᓯ ᐂᑉᐸᖏᑦ 13:9

ᑕᒪᒃᑯᐊᓗ ᑎᑎᕋᕐᓯᒪᓗᑎᒃ ᓇᓗᓁᒃᑯᑕᐅᔪᒃᓴᐅᕗᑦ ᕿᓚᒃᓯᒪᓗᒋᑦ ᐊᒡᒐᑦᓯᓐᓄᑦ, ᐃᖅᑲᐅᒪᑦᔪᑎᒃᓴᐅᓗᑎᒡᓗ ᖃᐅᑦᓯᓐᓂ; ᐊᑕᓂᐅᑉ ᐱᖁᔭᖓᓂᒃ ᐳᐃᒍᖁᓇᓯ; ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓄᑦ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ.

ᒨᓯᓯ ᐂᑉᐸᖏᑦ 3:20

ᐱᔪᓐᓇᕐᓂᓐᓄᓪᓕ ᐱᓇᓱᐊᕐᓂᐊᕐᐳᖓ ᐄᑦᔨᑉᑎᒥᐅᑦ ᐋᖅᑭᒋᐊᕐᓗᒋᑦ ᐱᔪᒥᓇᖏᑦᑐᐊᓗᖕᓂᒃ ᐱᓂᐊᕐᕕᒋᓗᒋᑦ ᑭᖑᓂᖓᒍᓪᓕ ᐊᐅᓪᓚᕐᑎᓐᓂᐊᕐᐹᓯ.

ᒨᓯᓯ ᐂᑉᐸᖏᑦ 6:1

ᐊᑕᓂᕐᓕ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᑕᑯᓂᐊᕐᐳᑎᑦ ᐰᕉᒧᑦ ᖃᓄᐃᓕᐅᕐᓂᕆᓂᐊᕐᑕᓐᓂᒃ; ᐱᔪᓐᓇᕐᓂᕐᔪᐊᒥᓄᑦ ᐃᓄᖁᑎᒃᑲ ᐊᐅᓪᓚᕐᑎᓐᓂᐊᕐᐰᑦ, ᐱᔪᓐᓇᕐᓂᕐᔪᐊᒥᓄᑦ ᓄᓇᒥᓂᑦ ᐊᐅᓪᓚᕐᑎᓐᓂᐊᕐᐰᑦ.”

ᒨᓯᓯ ᐂᑉᐸᖏᑦ 6:6

ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᐂᓮᐊᓯᐅᑉ ᐊᒡᓚᖏᑦ 63:12

ᑕᓕᖓ ᐱᓐᓇᕐᓇᕐᑐᖅ ᒨᓯᓯᐅᑉ ᐊᒡᒐᖓᑕ ᑕᓕᕐᐱᐊᓂᒃ ᑎᒍᒥᐊᓚᐅᕐᑐᖅ. ᐃᒪᕐᒥᒃ ᓵᖓᓐᓂ ᐊᕕᑎᑦᓯᓚᐅᕐᑐᖅ, ᐃᓱᖃᖏᑦᑐᒧᑦ ᖃᐅᔨᒪᔭᐅᑦᔪᑎᒋᓂᐊᓕᕐᓗᓂᐅᒃ.

ᒨᓯᓯ ᑕᓪᓕᒪᖏᑦ 11:3

ᓇᓗᓁᒃᑯᑕᖏᓐᓂᒡᓗ ᑕᑯᓚᐅᕆᕗᓯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐱᓇᓱᐊᓚᐅᕐᓂᖓᓂᒃ ᓄᓇᖁᑎᓕᒫᖓᓄᓪᓗ.

ᒨᓯᓯ ᑕᓪᓕᒪᖏᑦ 26:8

ᑖᑦᓱᒪᓕ ᐱᔪᓐᓇᕐᓂᕐᔪᐊᒥᓄᑦ ᓲᖑᓂᕐᒥᓄᓪᓗ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ, ᑲᒪᓇᕐᑐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᓗᓂ, ᑕᐰᕐᓇᕐᑐᓂᒡᓗ ᐊᑐᕐᓗᓂ.

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.

ᒨᓯᓯ ᑕᓪᓕᒪᖏᑦ 7:19

ᐃᖅᑲᐅᒪᔪᒃᓴᐅᕗᓯ ᐱᐅᖏᑦᑐᐊᓗᖕᓂᒃ ᖃᓂᒪᓐᓇᕐᑐᓂᒃ ᓇᖕᒥᓂᖅ ᑕᑯᖃᑦᑕᓚᐅᕐᑕᑦᓯᓐᓂᒃ, ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ, ᐱᔪᓐᓇᕐᓂᕐᔪᐊᕐᒧᑦ ᐊᔪᖏᓐᓂᕐᔪᐊᕐᒧᓪᓗ ᐊᑕᓂᐅᑉ ᒎᑎᑦᓯ ᐊᓂᑎᓚᐅᕐᒪᓯ ᕿᓚᕈᑦᔮᕐᑕᐅᔪᑎᑐᑦ. ᑍᒫᑦᓮᓐᓇᕐᑕᐅᖅ ᐄᑦᔨᑉᑎᒥᐅᓂᒃ ᓄᖒᑦᓯᓚᐅᕐᓂᕐᒥᑐᑦ, ᑖᒃᑯᐊ ᐱᓇᓱᐊᕐᕕᒋᔪᓐᓇᕆᕔᑦ ᒫᓐᓇ ᓯᕘᕋᒋᔭᓯ.