ᔨᕆᒤᐊᐅᑉ ᐊᒡᓚᖏᑦ 32:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑍᑦᓱᒪᓂᐅᑎᓪᓗᒍ ᐹᐱᓘᓂᒥᐅᑉ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᖏᑦ ᐅᖓᓗᓯᓯᒪᓚᐅᕐᐳᑦ ᔨᕉᓴᓕᒥᒃ, ᔨᕆᒤᐊᓗ ᑎᒍᔭᐅᓯᒪᓚᐅᕐᐳᖅ ᔫᑕᐅᑉ ᐊᖓᔪᖅᑳᕐᔪᐊᖓᑕ ᐃᒡᓗᖁᑎᖓᓂ.

ᔨᕆᒤᐊᐅᑉ ᐊᒡᓚᖏᑦ 32:2 Iomraidhean Croise

ᐊᑕᓃᑦ ᐂᑉᐸᖏᑦ 25:1

ᑕᖅᑮᑦ 10ᖓᑦᑕ ᐅᓪᓗᖏᑕ 10ᖓᓐᓂ ᐊᕐᕌᒍᐃᑦ 9ᒋᓕᕐᑕᖓᓂ ᔨᑎᑬᐊᐅᑉ ᐊᖓᔪᖅᑳᕐᔪᐊᖑᕕᒋᔭᖏᓐᓂ, ᓂᐱᑯᓁᓴ ᐅᓇᑕᕐᑎᖁᑎᓕᒫᒥᓂᒃ ᐃᓚᖃᕐᓗᓂ ᐅᓇᑕᕆᐊᕐᐳᖅ ᔨᕉᓴᓕᒧᑦ, ᐃᒡᓗᒐᓴᒡᔪᐊᑦ ᐃᓗᒪᓪᓗᒋᑦ ᑕᖕᒫᕐᑎᕐᐳᑦ ᓴᐴᓗᑕᓕᐅᕐᓗᑎᒡᓗ ᐃᒡᓗᒐᓴᒡᔪᐊᑦ ᑬᕙᓪᓚᓯᒪᓪᓗᒋᑦ ᔨᑎᑬᐊ ᐊᑭᕋᕐᑐᓕᓚᐅᕐᒪᑦ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 3:25

ᐸᓚᐅᓪ, ᐅᔧᑉ ᐃᕐᓂᖓ ᓴᓇᓚᐅᕐᐳᖅ ᓴᓂᒥᓃᑦᑐᒥᒃ, ᐱᒋᐊᕐᓗᓂ ᐋᒧᕆᐅᑉ ᓴᖑᒋᐊᕐᓂᖓᑕ ᐃᒡᓗᐊᓂᑦ ᐱᒋᐊᕐᓗᓂ, ᐊᑭᓐᓇᐅᑉ ᑎᕆᖅᑯᐊᓄᑦ ᓇᐸᔪᕐᔪᐊᒧᑦ ᐊᖓᔪᖅᑳᕐᔪᐊᑉ ᐃᒡᓗᑯᑎᖓᓂᑦ ᖁᑦᓯᖕᓂᕐᓴᒧᑦ ᖃᐅᔨᓴᕐᑏᑦ ᐃᓂᒋᕙᒃᑕᖓᓄᑦ ᑎᑭᓪᓗᒍ; ᐱᑍᐊ ᐸᕉᓯᐅᑉ ᐃᕐᓂᖓ ᓴᓇᓚᐅᕐᐳᖅ ᓴᓂᒥᓃᑦᑐᒥᒃ,

ᐃᓐᖏᕈᑎᑦ 88:8

ᐃᓚᓐᓇᕆᔭᒃᑲ ᐅᕙᓐᓂᑦ ᐅᖓᓯᒃᓯᑎᓚᐅᕐᐸᑎᑦ; ᓇᕐᕈᓇᕐᑐᓐᖑᕐᑎᓚᐅᕐᐸᕐᒪ ᑖᒃᑯᓄᖓ; ᒪᑐᑦᔪᑎᔭᐅᓯᒪᕗᖓ ᐊᓂᔪᓐᓁᓪᓕᖁᓪᓗᖓ ᑕᕝᕙᓐᖓᑦ.

ᔨᕆᒤᐊᐅᑉ ᐊᒡᓚᖏᑦ 32:3

ᔨᑎᑬᐊᐅᑉ ᔨᕆᒤᐊ ᑎᒍᔭᐅᓯᒪᑎᓕᓚᐅᕐᒪᒍ ᐅᖃᐅᑎᓪᓗᓂᐅᒃ, “ᓱᖕᒪᑦ ᓇᓚᐅᑦᑍᓇᓱᐊᖃᑦᑕᕐᐲᑦ? ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᐅᖃᕐᐳᖅ, ᐃᒡᓗᒐᓴᒡᔪᐊᖁᑎᓯ ᐱᔭᐅᑎᓐᓂᐊᕐᐸᒃᑲ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑎᒍᔪᒫᕐᐹᓪᓗ.

ᔨᕆᒤᐊᐅᑉ ᐊᒡᓚᖏᑦ 32:8

ᐊᑕᓂᐅᓪᓗ ᐅᖃᐅᓯᕆᔭᖓᑐᑦ ᐅᕙᓐᓄᑦ ᑍᒤᓚᐅᕐᐳᖅ, ᑕᕝᕙ ᕼᐊᓇᒥᐅᓪ ᐃᓪᓗᕋ ᐅᕙᓐᓄᐊᓚᐅᕐᐳᖅ ᐊᖓᔪᖅᑳᕐᔪᐊᑉ ᐃᒡᓗᖁᑎᖓᓄᑦ ᐅᖃᐅᑎᓪᓗᖓᓗ, ᐱᕈᕐᓰᕕᖁᑎᒥᓂᒃ ᓂᐅᕕᖁᓪᓗᓂᖓ ᐊᓇᑑᑎᒦᑦᑐᒥᒃ ᐱᓐᔭᒥᓂᐅᑉ ᓄᓇᖓᓃᑦᑐᒥᒃ, ᐱᕈᕐᓰᕕᖁᑎᒥᓂᒃ ᓂᐅᕕᖁᓪᓗᓂᖓ. ᑕᕝᕙ ᖃᐅᔨᕗᖓ ᐊᑕᓂᐅᑉ ᑕᒪᓐᓇ ᐅᖃᐅᓯᕆᖕᒪᒍ.

ᔨᕆᒤᐊᐅᑉ ᐊᒡᓚᖏᑦ 33:1

ᔨᕆᒤᐊᓕ ᓱᓕ ᑎᒍᔭᐅᓯᒪᑎᓪᓗᒍ ᐊᖓᔪᖅᑳᕐᔪᐊᑉ ᐃᒡᓗᖁᑎᖓᓂ, ᐊᑕᓂᕐᒧᑦ ᐅᖃᕐᕕᐅᒃᑲᓐᓂᕐᐳᖅ ᐂᑉᐸᖓᓂᒃ:

ᔨᕆᒤᐊᐅᑉ ᐊᒡᓚᖏᑦ 34:1

ᐊᑕᓂᐅᑉ ᐅᖃᐅᓯᖓ ᔨᕆᒤᐊᒧᑦ ᑎᑭᑉᐳᖅ, ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᖏᑦ ᐊᐅᓚᑕᖏᓐᓃᑦᑐᑦ ᐅᓇᑕᖃᑎᖃᒻᒪᕆᓕᕐᑎᓪᓗᒋᑦ ᔨᕉᓴᓕᒥᐅᓂᒃ ᓄᓇᓕᖕᓂᒡᓗ ᖃᓂᒋᔭᖏᓐᓃᑦᑐᓂᒃ:

ᔨᕆᒤᐊᐅᑉ ᐊᒡᓚᖏᑦ 36:5

ᔨᕆᒤᐊᐅᓪᓗ ᐸᕉᒃ ᐅᖃᐅᑎᕚ, “ᐊᓂᔪᓐᓇᕐᑎᑕᐅᖏᓐᓂᓐᓄᑦ ᐊᑕᓂᐅᑉ ᐃᒡᓗᖓᓄᑦ ᐃᑎᕈᓐᓇᖏᓐᓇᒪ.

ᔨᕆᒤᐊᐅᑉ ᐊᒡᓚᖏᑦ 37:15

ᔨᕆᒤᐊᓗ ᐊᑲᐅᒋᖏᒻᒪᕆᓕᕐᐹᑦ ᐋᓐᓂᕐᓯᕐᑕᐅᑎᓪᓗᒍᓗ ᑎᒍᔭᐅᓯᒪᕕᖕᒧᐊᕐᑕᐅᑎᑉᐹᑦ ᔫᓇᑕᓂᐅᑉ ᑎᑎᕋᕐᑎᐅᑉ ᐃᒡᓗᕈᓯᖓᓄᑦ, ᑖᓐᓇ ᐃᒡᓗᕈᓯᖅ ᑎᒍᔭᐅᓯᒪᕕᓐᖑᕐᑎᓯᒪᒐᒥᑦᔪᒃ.

ᔨᕆᒤᐊᐅᑉ ᐊᒡᓚᖏᑦ 37:21

ᐊᖓᔪᖅᑳᕐᔪᐊᖅ ᔨᑎᑬᐊ ᐱᖁᔨᕗᖅ, ᔨᕆᒤᐊ ᐅᓇᑕᕐᑏᑦ ᖃᐅᔨᓴᕐᑎᖏᑕ ᐃᓂᒋᔭᖓᓂ ᐃᓂᖃᖃᑕᐅᖁᓪᓗᒍ, ᓂᕆᑎᑕᐅᖃᑦᑕᖁᓪᓗᓂᐅᒡᓗ ᓯᓚᒥ ᓂᐅᕕᐊᒃᓴᕆᔭᐅᖃᑦᑕᕐᑐᓂᒃ ᓂᐊᖂᔭᓂᒃ ᓄᖑᕈᑎᖏᓐᓂᖏᓐᓂ, ᑕᕝᕙ ᔨᕆᒤᐊ ᐅᓇᑕᕐᑏᑦ ᖃᐅᔨᓴᕐᑎᖏᑕ ᓇᔪᕐᑕᖓᓐᓂ ᐃᓂᖃᓕᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 37:4

ᔨᕆᒤᐊᓕ ᓱᓕ ᑎᒍᔭᐅᓯᒪᕕᖕᒧᑦ ᐴᕐᑕᐅᓯᒪᖏᓐᓇᒥ ᐃᓄᖕᓃᖃᑕᐅᔪᓐᓇᓚᐅᕐᐳᖅ ᐃᓱᒤᓐᓇᕐᕆᓗᓂ.

ᔨᕆᒤᐊᐅᑉ ᐊᒡᓚᖏᑦ 38:13

ᐊᒧᕚᓪᓗ ᐃᒥᕐᑕᕐᕕᒃᓴᒥᑦ, ᐊᒃᓗᓈᓄᑦ ᐊᒧᐊᕈᑎᖃᕐᓗᑎᒃ. ᔨᕆᒤᐊᓗ ᖃᐅᔨᓴᕐᑏᑦ ᓇᔪᕐᑕᖏᓐᓂ ᐃᓂᖃᓕᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 38:6

ᑕᕝᕙ ᔨᕆᒤᐊ ᑎᒍᕚᑦ, ᒪᓪᑬᔭᐅᓪᓗ ᐊᖓᔪᖅᑳᕐᔪᐊᑉ ᐃᕐᓂᖓᑕ ᐃᒥᕐᑕᕐᕕᒃᓴᖁᑎᖓᓄᑦ ᐴᕆᐊᕐᑐᕐᓗᒍ, ᐊᒃᓗᓈᓄᓪᓗ ᓂᖏᑦᑎᑦᔪᑎᖃᕐᓗᑎᒃ ᔨᕆᒤᐊ ᓂᖏᑎᑉᐹᑦ ᐃᒥᕐᑕᕐᕕᒃᓴᒧᑦ ᐃᒪᖃᖏᑦᑐᒧᑦ ᒪᕐᕅᓐᓇᕐᒧᑦ ᑭᕕᓕᕐᓗᓂᓗ.

ᒫᑎᐅᓯᐅᑉ ᐊᒡᓚᖏᑦ 5:12

ᖁᕕᐊᓱᒋᑦᓯ ᓯᕆᓗᓯᓗ, ᐊᖏᔪᒥᒃ ᐊᑭᓕᕐᑕᐅᔪᒫᕋᑦᓯ ᕿᓚᖕᒥ, ᓇᓚᐅᑦᑍᔪᑦᑕᐅᖅ ᑍᒤᓕᐅᕐᑕᐅᓚᐅᕐᒪᑕ ᓯᕗᓂᑦᓯᓐᓂ.”