ᔨᕆᒤᐊᐅᑉ ᐊᒡᓚᖏᑦ 31:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑕᑯᒋᑦ, ᑎᑭᑎᒍᒫᕐᐸᒃᑲ ᐅᓐᓄᐊᓪᓗᐊᑉ ᓇᓛᓂᑦ, ᑲᑎᕐᓱᕈᒫᕐᐸᒃᑲᓗ ᓯᓚᕐᔪᐊᑉ ᑭᒡᓕᖏᓐᓂᑦ, ᑕᐅᑐᖏᑦᑐᑦ ᑐᓯᐊᑦᑐᓪᓗ, ᓄᑕᕋᒃᓴᓖᑦ ᐃᕐᓂᓱᒃᑐᓪᓗ ᑖᒃᑯᓄᖓ ᐃᓚᒋᔭᐅᔪᒫᕐᐳᑦ, ᐃᓄᒋᐊᒃᑐᕐᔪᐊᖑᓗᑎᒃ ᑕᒪᐅᖓ ᐅᑎᕈᒫᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 31:8 Iomraidhean Croise

ᐃᓐᖏᕈᑎᑦ 107:3

ᓄᓇᓂᓪᓗ ᑲᑎᕐᓱᓚᐅᕐᑕᖏᑦ, ᓯᕿᓂᐅᑉ ᓄᐃᕕᐊᓂᑦ, ᓂᐱᕕᐊᓂᓪᓗ, ᐅᓐᓄᐊᓪᓗᐊᒥᑦ ᐅᓪᓗᓪᓗᐊᒥᓪᓗ.

ᐃᓐᖏᕈᑎᑦ 65:5

ᐱᓂᐊᕐᓂᕐᔪᐊᒃᑯᑦ ᑲᒪᓇᕐᑐᑎᒍᑦ ᐃᓱᐊᕐᑐᓕᓂᒃᑯᓪᓗ ᑭᐅᒐᑦᑎᒍᑦ, ᒎᑏ ᐱᐅᓕᔭᐅᕕᕗᑦ, ᓂᕆᐅᖕᓂᖃᕈᑎᒋᔭᐅᕗᑎᑦ ᓄᓇᕐᔪᐊᕐᒥᐅᓕᒫᓂᑦ, ᓄᓇᕐᔪᐊᑉ ᐃᓱᐊ ᑎᑭᓪᓗᒍ, ᐃᒪᕐᔪᐊᓪᓗ ᐅᖓᓯᖕᓂᕐᐹᖏᓐᓄᑦ;

ᐃᓐᖏᕈᑎᑦ 98:3

ᓇᒡᓕᒍᓱᖕᓂᓂ ᓱᖁᓯᔪᐃᑦᑑᓂᓂᓗ ᐃᖅᑲᐅᒪᒐᒥᐅᒃ ᐃᓴᕆᐊᓕᐅᑉ ᐃᓄᖏᑦ ᐱᑦᔪᑎᒋᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᓵᓚᖃᕐᓂᖓ ᑕᑯᓯᒪᕚᑦ.

ᐂᓮᐊᓯᐅᑉ ᐊᒡᓚᖏᑦ 40:11

ᓰᐱᓕᕆᔨᑎᑐᑦ ᐃᓄᖁᑎᓂ ᓂᕆᑎᑦᓱᒫᕐᐰᑦ, ᓰᐲᓪᓗ ᓄᕐᕋᖏᑎᑐᑦ ᑕᓕᕐᒥᓄᑦ ᐃᕿᓯᒥᐊᕈᒫᕐᐰᑦ, ᐊᒡᔭᕐᓗᒋᑦ ᓴᒡᕕᖕᒥᓂ, ᕿᑐᕐᖓᓛᓖᓪᓗ ᐊᑦᑕᕆᓗᒋᑦ ᒪᓕᒃᑎᑦᓱᒫᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᐂᓮᐊᓯᐅᑉ ᐊᒡᓚᖏᑦ 43:6

ᐅᓐᓄᐊᓪᓗᐊᑉ ᓇᓛᓃᑦᑐᑦ ᐅᖃᐅᑎᔪᒫᕐᐸᒃᑲ, ‘ᓴᒃᑯᓕᕐᓯᐅᒃ.’ ᐅᓪᓗᓪᓗᐊᓪᓗ ᓇᓛᓂᕐᒥᐅᑦ ᐅᖃᐅᑎᓗᒋᑦ, ‘ᐅᓂᒃᑎᓯᒪᑦᑍᓕᓯᒋᒃ.’ ᐃᕐᓂᒃᑲ ᓄᓇᓂ ᐅᖓᓯᒃᑐᓃᑦᑐᑦ ᕾᑎᑕᐅᓕᑦ, ᐸᓂᒃᑲᓗ ᓄᓇᕐᔪᐊᑉ ᑭᒡᓕᖓᓃᑦᑐᑦ ᕾᑎᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 45:22

ᐅᕙᓐᓄᑦ ᑕᑯᓴᓚᐅᕆᑦᓯ, ᐱᐅᓕᔭᐅᖁᓪᓗᓯ, ᓄᓇᕐᔪᐊᑉ ᑭᒡᓕᖏᓐᓂᑦ ᐱᓯᒪᔪᓯ ᑕᒪᑦᓯ! ᐅᕙᖓᐅᕗᖅ ᒎᑎ, ᐊᓯᖃᓐᖏᓚᖓ.

ᐂᓮᐊᓯᐅᑉ ᐊᒡᓚᖏᑦ 52:10

ᐊᑕᓂᐅᑉ ᑕᓕᕐᒥ ᐂᖓ ᐃᑦᔪᕐᓁᑦᑐᖅ ᓯᖀᕐᑎᕐᒪᒍ ᐃᓅᖃᑎᒌᒡᔪᐊᑦ ᑕᒤᑕ ᑕᑯᓐᓈᕐᑎᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᐱᐅᓕᒃᓯᓂᖓ ᑕᑯᔪᒫᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 16:15

ᐅᖃᖔᖃᑦᑕᓕᕈᒫᕐᐳᓪᓕ ᐃᒫᒃ, ‘ᐊᑕᓂᖅ ᐃᓅᖕᒪᑦ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᑎᓯᒪᔪᖅ ᐅᓐᓄᐊᓪᓗᐊᑉ ᓇᓛᓃᑦᑐᓂᑦ ᓄᓇᓕᖕᓂᑦ ᖁᔭᓈᕐᓯᕕᒋᓯᒪᔭᒥᓂᑦ ᑖᒃᑯᓂᖓ.’ ᐅᑎᕐᑎᑦᓱᒫᕋᒃᑭᑦ ᓯᕗᓕᕕᓂᖏᓐᓄᑦ ᓄᓇᑖᖑᑎᓚᐅᕐᓯᒪᔭᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 23:3

ᐅᕙᖓ ᐃᓄᖁᑎᒪ ᐊᒥᐊᒃᑯᖏᑦ ᑲᑎᕐᓱᕈᒫᕐᐸᒃᑲ ᓇᒧᑐᐃᓐᓇᖅ ᐊᐅᓪᓚᕐᑎᑦᓯᕕᒋᓯᒪᓚᐅᕐᑕᓐᓂᑦ, ᐅᑎᕐᑎᓪᓗᒋᓪᓗ ᓇᑎᕐᓇᒧᑦ ᓄᓇᒋᔭᖓᓐᓄᑦ, ᕿᑐᕐᖏᐅᖁᓪᓗᒋᑦ ᐅᓄᕐᓯᕙᓪᓕᐊᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 23:8

ᐅᖃᖔᖃᑦᑕᓕᕈᒫᕐᐳᓪᓕ ᐃᒫᒃ; ‘ᐊᑕᓂᖅ ᐆᒪᖕᒪᑦ, ᐊᐅᓪᓚᕐᑎᑦᓯᓚᐅᕐᑐᖅ ᓄᓇᒥᑦ ᐅᓐᓄᐊᓪᓗᐊᑉ ᓇᓛᓃᑦᑐᓂᑦ ᓄᓇᓂᓪᓗ ᐃᓄᖁᑎᒥᓂᒃ ᖁᔭᓈᕐᓯᕕᒋᓚᐅᕐᑕᒥᓂᑦ.’ ᑕᕝᕙ ᓄᓇᖃᓕᕈᒫᕐᐳᑦ ᓇᖕᒥᓂᖅ ᓄᓇᒥᖕᓂ.”

ᔨᕆᒤᐊᐅᑉ ᐊᒡᓚᖏᑦ 29:14

ᐃᓕᑦᓯᓐᓄᑦ ᓇᓂᔭᐅᔪᓐᓇᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᑎᓐᓂᐊᕐᐸᑦᓯᓗ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ, ᐃᓅᖃᑎᒌᒡᔪᐊᓕᒫᓂᑦ ᓇᑭᑐᐃᓐᓇᖅ ᑲᑎᕐᓱᕐᓂᐊᕐᐸᑦᓯ ᐊᐅᓪᓚᕐᑎᑕᐅᕕᒋᓯᒪᓚᐅᕐᑕᑦᓯᓐᓂᑦ, ᐊᑕᓂᖅ ᐅᖃᕐᐳᖅ, ᐊᐅᓪᓚᕐᑎᑕᐅᕕᒋᓚᐅᕐᑕᑦᓯᓐᓂᑦ ᓄᓇᒋᓐᖏᑕᑦᓯᓐᓄᑦ, ᐅᑎᕐᑎᑦᓱᒫᕆᕙᑦᓯ ᓄᓇᑦᓯᓐᓄᑦ.’

ᔨᕆᒤᐊᐅᑉ ᐊᒡᓚᖏᑦ 3:12

ᐂᓕᕆᑦ, ᐅᓐᓄᐊᓪᓗᐊᑉ ᓇᓛᓃᑦᑐᓄᑦ ᐅᖃᕆᐊᕐᑐᕆᑦ. ᐃᓴᕆᐊᓕ ᐅᕙᓐᓄᑦ ᐅᑎᓚᐅᕆᑦ, ᐊᑕᓂᖅ ᐅᖃᕐᐳᖅ, ᓂᓐᖓᐅᒪᓂᕐᒧᑦ ᑕᑯᓂᐊᓐᖏᓚᒋᑦ ᓂᑲᒍᓱᒃᑐᕐᔫᒐᒪ, ᐃᓱᖃᖏᑦᑐᒧᑦ ᓂᓐᖓᐅᒪᓂᐊᓐᖏᓚᖓ.

ᔨᕆᒤᐊᐅᑉ ᐊᒡᓚᖏᑦ 3:18

ᑍᒃᑯᓇᓂᓗ ᐅᓪᓗᓂ ᔫᑕᒥᐅᑦ ᐃᓚᓕᐅᑎᔪᒫᕐᐳᑦ ᐃᓴᕆᐊᓕᒥᐅᓄᑦ, ᑖᒃᑯᐊᓗ ᐃᓅᖃᑎᒌᖑᓗᑎᒃ ᐅᓐᓄᐊᓪᓗᐊᑉ ᓇᓛᓂᓐᖓᕐᓗᑎᒃ ᓄᓇᑖᕈᒫᕐᐳᑦ ᓯᕗᓕᑦᓯᓐᓄᑦ ᓄᓇᑖᕆᔭᐅᖁᓚᐅᕐᑕᕋ ᑭᖑᕐᖑᑎᓕᕐᓗᒍ.”

ᐃᓯᑭᐊᓕᐅᑉ ᐊᒡᓚᖏᑦ 20:34

ᓄᓇᓂᑦ ᓇᑭᑐᐃᓐᓇᖅ ᓯᐊᒻᒪᕐᑎᑕᐅᓯᒪᕕᑦᓯᓐᓂᑦ ᑲᑎᕐᓱᕈᒫᕐᐸᑦᓯ, ᐊᒡᒐᓐᓄᑦ ᓲᖑᔪᓄᑦ ᑕᓕᓐᓄᓪᓗ ᓴᓐᖏᔪᒧᑦ, ᓂᓐᖓᐅᓯᓐᓂᒃ ᐃᓚᖃᕐᑐᒧᑦ;

ᐃᓯᑭᐊᓕᐅᑉ ᐊᒡᓚᖏᑦ 20:41

ᑐᓂᕐᕈᑏᑦ ᑎᐱᑦᓯᐊᕆᖕᓂᖏᓐᓄᑦ ᐃᓚᓕᐅᕈᒫᕐᐸᑦᓯ, ᓄᓇᓂᑦ ᓯᐊᒻᒪᕐᑎᑕᐅᓯᒪᕕᒋᔭᑦᓯᓐᓂᑦ ᐅᑎᕐᑎᒃᑯᑦᓯ; ᐃᑦᔪᕐᓁᓐᓂᕋ ᐃᓕᑦᓯᓐᓄᑦ ᓴᖅᑭᑎᑦᓱᒫᕐᐸᕋ ᐃᓅᖃᑎᒌᒡᔪᐊᑦ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 34:12

ᐰᕐᓯᔩᑦ ᕿᓂᑦᓯᐊᓲᖑᖕᒪᑕ ᓰᐱᖁᑎᖏᑕ ᐃᓚᖏᓐᓂᒃ ᓇᒧᑐᐃᓐᓇᖅ ᓯᐊᒻᒪᕐᑐᖃᕐᑎᓪᓗᒍ, ᑍᒫᒃᑕᐅᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ; ᓴᐳᑎᔪᒫᕐᐸᒃᑲ ᓇᓂᓕᒫᖅ ᓯᐊᒻᒪᕐᓯᒪᕕᒋᓚᐅᕐᑕᖏᓐᓂᑦ ᐅᓪᓗᖅ ᓄᕗᔭᑎᓪᓗᒍ ᑖᕐᑑᑎᓪᓗᒍᓗ.

ᐃᓯᑭᐊᓕᐅᑉ ᐊᒡᓚᖏᑦ 34:13

ᐂᔪᒫᕐᐸᒃᑲ ᐃᓄᖕᓂᑦ, ᑲᑎᕐᓱᕐᓗᒋᓪᓗ ᓄᓇᓕᒡᔪᐊᓂᑦ, ᓄᓇᖏᓐᓄᐊᕐᑎᓪᓗᒋᓪᓗ; ᓂᕆᑎᑦᓱᒫᕐᐸᒃᑲᓗ ᐃᓴᕆᐊᓕᐅᑉ ᖃᖅᑲᖏᓐᓂ, ᓄᓇᐅᓪᓗ ᐃᓗᐊᓂᑦ ᑰᒃᑐᒥᑦ ᐃᒥᕐᑎᓪᓗᒋᑦ, ᐃᓄᖃᕐᑐᓕᒫᓂ ᓄᓇᓕᖕᓂ.

ᐃᓯᑭᐊᓕᐅᑉ ᐊᒡᓚᖏᑦ 34:16

ᐊᓯᐅᓯᒪᔪᑦ ᕿᓂᕈᒫᕐᐸᒃᑲ, ᐊᕝᕗᑎᓯᒪᔪᓪᓗ ᐅᑎᕐᑎᓪᓗᒋᑦ, ᑭᓕᕐᓯᒪᔪᓪᓗ ᒪᑐᓯᕐᑐᕐᓗᒋᑦ, ᓴᓐᖐᑦᑐᓪᓗ ᓄᑭᒃᑖᕐᑎᓪᓗᒋᑦ, ᖁᐃᓂᔪᓪᓕ ᓄᑭᖃᑦᓯᐊᕐᑐᓪᓗ ᑐᖁᑦᓱᒫᕐᐸᒃᑲ; ᓈᒻᒪᓈᕐᓯᒪᔪᒥᒃ ᐱᓇᓱᐊᕐᕕᒋᓗᒋᑦ.

ᒤᑲᐅᑉ ᐊᒡᓚᖏᑦ 4:6

ᐊᑕᓂᖅ ᐅᖃᕐᐳᖅ, “ᐅᓪᓗᒥ ᑍᑲᓂ ᑐᓯᐊᑦᑐᑦ ᑲᑎᒪᑎᑦᓱᒫᕐᐸᒃᑲ ᐊᐅᓪᓚᕈᑦᔭᐅᓯᒪᔪᑦ ᐋᓐᓂᐊᑎᓚᐅᕐᑕᒃᑲᓗ ᑲᑎᕐᓱᕐᓗᒋᑦ.

ᔨᐸᓁᐊᐅᑉ ᐊᒡᓚᖏᑦ 3:19

ᑕᑯᒋᑦ, ᑍᓐᓇ ᓇᓪᓕᐅᑎᒃᐸᑦ ᐃᓕᑦᓯᓐᓂᒃ ᕿᒃᓵᒃᑎᑦᓯᔪᑦ ᑲᒪᒋᔪᒫᕐᐸᒃᑲ, ᑐᓯᐊᑦᑐᑦ ᐱᐅᓕᓂᐊᕐᐸᒃᑲ. ᑲᑎᑎᑦᓱᒫᕐᐸᒃᑲᓗ ᓯᐊᒻᒪᕐᑎᑕᐅᓯᒪᔪᑦ, ᑎᓕᔪᒫᕐᐸᒃᑲᓗ ᓂᕐᑐᐃᑯᓪᓗᒋᑦ ᖃᐅᔨᒪᔭᐅᑦᓯᐊᓕᕐᑎᓪᓗᒋᓪᓗ, ᑍᒃᑯᐊ ᓄᓇᓂ ᓇᓂᑐᐃᓐᓇᖅ ᑲᓐᖑᓱᒃᑎᑕᐅᓚᐅᕐᑐᑦ.

ᓴᑲᕅᐊᐅᑉ ᐊᒡᓚᖏᑦ 2:6

“ᐊᐅᓪᓚᓕᕆᑦᓯ! ᐊᐅᓪᓚᓕᕆᑦᓯ! ᕿᒫᓕᕆᑦᓯ ᓯᕿᓂᐅᑉ ᑕᕐᕋᖓᑕ ᓄᓇᖏᓐᓂᑦ,” ᑍᒫᒃ ᐊᑕᓂᖅ ᐅᖃᕐᐳᖅ, “ᓄᓇᓄᑦ ᐅᖓᓯᒃᑐᓄᑦ ᓇᒧᑐᐃᓐᓇᖅ ᐊᐅᓪᓚᕐᑎᓯᒪᒐᑦᓯ.

ᒫᑎᐅᓯᐅᑉ ᐊᒡᓚᖏᑦ 12:20

ᓇᑲᑦᓯᔪᒫᓐᖏᓚᖅ ᐃᕕᒡᔪᐊᒥᒃ ᓂᐅᖓᔪᒥᒃ, ᖃᒥᑦᓯᔪᒫᓐᖏᓚᕐᓗ ᖁᓪᓕᐅᑉ ᒪᓂᖓᓂᒃ ᐸᓕᓕᕐᑐᒥᒃ. ᓴᐱᓕᕈᒫᓐᖏᓚᕐᓗ ᐊᑦᔨᒌᒃᑎᑦᓯᓂᕐᒥᒃ ᓵᓚᖃᕐᑎᑦᓯᓚᐅᖅᑳᕋᓂ;

ᔪᐊᓇᓯᐅᑉ ᐊᒡᓚᖏᑦ 21:15

ᓂᕆᔭᕇᕋᒥᒡᓕ, ᔩᓱᓯ ᐅᖃᕐᐳᖅ ᓮᒨᓂ ᐲᑦᑐᕉᓯᒧᑦ, “ᓮᒨᓃ ᔪᐊᓇᓯᐅᑉ ᐃᕐᓂᖓ, ᐅᑯᓇᖔᑦ ᐱᓐᓇᕆᓂᕐᓴᕆᕕᖔ?” ᐲᑦᑐᕉᓯᐅᑉ ᑭᐅᕚ, “ᐃᓛᒃ ᐊᑕᓃᖅ; ᖃᐅᔨᒪᕗᑎᑦ ᓇᒡᓕᒋᒐᒃᑭ.” ᔩᓱᓯᐅᑉ ᐅᖃᐅᑎᕚ, “ᓰᐱᓛᖁᑎᒃᑲ ᓂᕆᑎᓐᓂᐊᒃᑭᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:10

ᐃᓱᒪᒥᒍᑦ ᓴᓐᖐᓐᓂᕐᓴᐅᑉ ᑕᑯᒍᓂᑎᑦ ᖃᐅᔨᑎᑕᐅᓯᒪᓂᕋᕐᑕᐅᔪᑎᑦ ᓂᕆᑎᓪᓗᑎᑦ ᒎᑎᓐᖑᐊᖃᕐᕕᖕᒥ ᑐᒃᓯᐊᕐᕕᖕᒥ, ᑲᔪᖏᕐᓴᕐᑕᐅᒐᔭᓐᖏᓛᖅ? ᒎᑎᓐᖑᐊᓄᑦ ᑐᓂᕐᕈᑎᕕᓂᕐᓂᒃ ᓂᕆᖁᓪᓗᒍ?

ᒨᓯᓯ ᑕᓪᓕᒪᖏᑦ 30:4

ᐊᒡᓛᒃ ᓄᓇᐅᑉ ᐅᖓᓯᖕᓂᕐᐹᖓᓄᑦ ᓯᐊᒻᒪᕐᑎᑕᐅᓯᒪᒐᓗᐊᕈᑦᓯ, ᐊᑕᓂᐅᑉ ᒎᑎᑦᓯ ᑲᑎᕐᓱᕈᒫᕐᐹᓯ ᐅᑎᕐᑎᓪᓗᓯᓗ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:14

᙭ᔅᑑᓯᒥᐅᑕᐅᖃᑎᕗᑦ, ᐃᓇᑉᐸᑦᓯ, ᐱᓇᓱᐊᒐᖃᕋᓱᐊᓐᖏᑦᑐᑦ ᐱᓇᓱᐊᖁᓗᒋᑦ ᐊᔪᕆᕐᑐᕐᓯᒋᒃ, ᓴᓐᖐᓕᓯᒪᔪᑦ ᐱᕙᓪᓕᕐᓇᕐᑐᓂᒃ ᐅᖃᐅᑎᓯᒋᒃ, ᓴᓐᖐᑦᑐᑦ ᐃᑲᔪᕐᓯᒋᒃ, ᑕᒤᓐᓄᑦ ᕿᓄᐃᓵᕐᓂᖃᕆᑦᓯ.

ᐄᑉᕈᐃᓄᑦ 12:12

ᑍᒤᒻᒪᑦ ᐊᒡᒐᓯ ᓄᑮᕈᑎᓯᒪᔪᑦ ᖁᒻᒧᐊᒃᑎᓕᕐᓯᒋᒃ ᓰᖅᑯᓯᓗ ᓴᓐᖐᓕᓯᒪᔪᑦ ᓴᓐᖏᒃᑎᓴᓕᕐᓯᒋᒃ,

ᐄᑉᕈᐃᓄᑦ 4:15

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᖏᓐᓇᑦᑕ ᐃᓚᑦᓱᒍᓱᒍᓐᓇᖏᑦᑐᒥᒃ ᓴᓐᖐᓐᓂᑦᑎᓐᓂᒃ, ᐃᓘᓐᓈᒍᓪᓕ ᖃᓄᑐᐃᓐᓇᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓯᒪᕗᖅ ᐅᕙᑦᑎᑐᑦ, ᐊᔪᕐᑐᓕᓚᐅᕋᓂᓕ.