ᔨᕆᒤᐊᐅᑉ ᐊᒡᓚᖏᑦ 31:38 - ᐊᒡᓔᑦ ᐃᑦᔪᕐᖕᓁᑦᑐᑦ

³⁸ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᓇᓪᓕᐅᑦᓱᒫᕐᐳᖅ ᐃᒡᓗᒐᓴᒡᔪᐊᑦ ᓇᑉᐸᕐᑎᑕᐅᒃᑲᓐᓂᕈᒫᕐᓂᖓᑦ ᕼᐊᓇᓂᐅᑉ ᓇᐸᔪᕐᔪᐊᖓᓂᑦ ᐱᒋᐊᕐᓗᒍ ᐃᑎᕐᑕᕐᕕᒃ ᐃᓱᒥᒃ ᐊᑎᓕᒃ ᑎᑭᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 31:38 Iomraidhean Croise

ᐊᑕᓃᑦ ᐂᑉᐸᖏᑦ 14:13

ᔨᕼᐅᐊᓯᐅᓪᓗ ᐊᒪᔧᐊ ᑎᒍᕚ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᕼᐊᔧᐊᐅᑉ ᐃᕐᓂᖓ, ᐱᑦ-ᓯᒥᔅᒦᑎᓪᓗᒍ, ᔨᕉᓴᓕᒧᓪᓗ ᑲᔪᓯᓪᓗᑎᒃ ᐊᕙᓗᕐᔪᐊᖓ ᓯᖁᑦᑎᕐᐹᑦ ᐃᕗᕅᑎᒥᒃ ᐊᑎᖃᕐᑐᖅ ᐃᑎᕐᑕᕐᕕᒃ ᐱᒋᐊᕐᕕᒋᓪᓗᒍ ᑎᕆᖁᕐᒥᒃ ᐊᑎᖃᕐᑐᖅ ᐃᑎᕐᑕᕐᕕᒃ ᑎᑭᓪᓗᒍ, 600ᓂᒃ ᐃᑎᒐᖕᓂᒃ ᑕᑭᓂᖃᕐᑐᖅ.

ᑯᕉᓂᑲ ᐂᑉᐸᖏᑦ 26:9

ᐅᓮᐊᓗ ᓇᐸᔪᕐᔪᐊᓕᐅᓚᐅᕐᐳᖅ ᔨᕉᓴᓕᒥ ᐃᑎᕐᑕᕐᕕᖕᒥ ᑎᕆᖅᑯᒥ ᐃᑎᕐᑕᕐᕕᖕᒥᓗ ᓇᕐᓴᒥ, ᓇᐸᔪᓕᐅᕐᐳᕐᓗ ᐊᕙᓘᑉ ᓴᖑᒋᐊᕐᓂᖓᓂ, ᑖᒃᑯᐊᓗ ᓴᐴᓗᑕᕐᔪᐊᓕᐅᕐᐰᑦ.

ᓂᕼᐃᒤᐊᐅᑉ ᐊᒡᓚᖏᑦ 2:17

ᑭᖑᓂᖓᒍᓪᓕ ᐅᖃᐅᑎᓕᕐᐸᒃᑲ, “ᖃᐅᔨᒪᕗᓯ ᖃᓄᖅ ᐊᑲᐅᖏᑦᑐᒦᑎᒋᖕᒪᖔᑦᑕ, ᔨᕉᓴᓕᒻᓗ ᓯᖁᑦᑎᕐᑕᐅᓯᒪᓪᓗᓂ ᐃᑎᕐᑕᕐᕕᖏᓪᓗ ᐃᑯᐊᓚᓂᑰᓪᓗᑎᒃ. ᕾᓗᓯ ᔨᕉᓴᓕᐅᑉ ᐊᕙᓗᕐᔪᐊᖓ ᓴᓇᓚᐅᕐᓚᕗᑦ, ᓱᓇᐅᖏᓐᓂᕋᕐᑕᐅᓂᐊᓗᖕᒧᑦ ᐅᖁᒤᒃᓴᐅᑎᖃᕐᓂᐊᕈᓐᓁᕋᑦᑕ.”

ᓂᕼᐃᒤᐊᐅᑉ ᐊᒡᓚᖏᑦ 3:1

ᐃᒫᒃ ᑕᕝᕙ ᐃᒡᓗᒐᓮᑦ ᐊᕙᓗᕐᔪᐊᖓᑕ ᐋᖅᑭᒋᐊᕐᑕᐅᓂᖏᑦ ᐃᒤᓕᐅᓚᐅᕐᐳᑦ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓ ᐃᓔᐊᓯᑉ ᑐᓂᕐᕈᓯᕐᑎᑦᓯᔨᖁᑎᖏᓪᓗ ᐋᖅᑮᒋᐊᓚᐅᕐᐳᑦ ᓰᐲᑦ ᐃᑎᕐᑕᕐᕕᖓᓂᒃ, ᑐᓂᕐᕈᑎᒋᓪᓗᒍᓗ, ᐃᑎᕐᑕᕐᕕᐅᓪᓗ ᐅᒃᑯᐊᖓ ᒪᓕᒡᓗᒍ ᐊᕙᓗᐊᓗ ᑐᓂᕐᕈᑎᒋᓚᐅᕐᐹᑦ 100ᐃᓪᓗ ᓇᐸᔪᕐᔪᐊᖓ ᕼᐊᓇᓂᐅᓪᓗ ᓇᐸᔪᕐᔪᐊᖓᓄᑦ.

ᐃᓐᖏᕈᑎᑦ 102:17

ᐊᖏᕐᕋᖃᕈᓐᓃᕐᓯᒪᔪᑦ ᑐᒃᓯᐊᕐᓂᖏᑦ ᓵᕝᕕᒋᓂᐊᕐᐰᑦ, ᕿᓄᐊᕆᔭᖏᓪᓗ ᓇᕐᕈᒋᓂᐊᓐᖏᓔᑦ.

ᐂᓮᐊᓯᐅᑉ ᐊᒡᓚᖏᑦ 44:28

ᑭᓇ ᓮᕋᓯᒥᒃ ᐅᖃᕈᑎᖃᕐᓯᒪᕚ, ‘ᑖᓐᓇ ᐰᕐᓯᔨᖁᑎᒋᕙᕋ, ᑖᑦᓱᒪᓗ ᐱᓇᓱᐊᕐᓂᐊᕐᓯᒪᔭᒃᑲ ᑲᔪᓯᑎᑦᓱᒫᕐᐰᑦ,’ ᐅᖃᕐᓗᓂᓗ ᔨᕉᓴᓕᒧᑦ, ‘ᓴᓇᔭᐅᒃᑲᓐᓂᕈᒫᕐᐳᑎᑦ,’ ᑐᒃᓯᐊᕐᕕᒡᔪᐊᒧᓪᓗ ᐅᖃᕆᓪᓗᓂ, ‘ᑐᓐᖓᕕᒃᑎᑦ ᐋᖅᑭᒃᓱᕐᑕᐅᔪᒫᕐᐳᑦ.’”

ᔨᕆᒤᐊᐅᑉ ᐊᒡᓚᖏᑦ 23:5

“ᑕᑯᒋᑦ, ᐅᓪᓗᑦ ᓇᓪᓕᐅᑎᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᒪᑭᑎᑦᓯᔪᒫᕋᒪ ᑍᕕᑎᐅᑉ ᑭᖑᕚᒋᓐᓂᑦ ᐃᓱᐊᕐᑐᓕᔪᒥᒃ, ᐊᖓᔪᖅᑳᕐᔪᐊᒃᓴᒥᒃ ᓯᓚᑐᓂᖃᕐᑐᒥᒃ, ᓄᓇᖁᑎᒥᓂ ᓈᒻᒪᓈᑦᓯᐊᕐᑐᒥᒃ ᐃᓱᐊᕐᑐᒥᒡᓗ ᐊᐅᓚᑦᓯᔪᒫᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 30:18

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᔧᑰᑉ ᐃᒡᓗᖓ ᐱᐅᓯᖓᓄᑦ ᐅᑎᕐᑎᑦᓱᒫᕐᐸᕋ, ᓇᔪᒐᖏᓪᓗ ᓂᑲᒋᓕᕐᓗᒋᑦ, ᐃᒡᓗᒐᓴᒡᔪᐊᕕᓂᕐᓂᓪᓗ ᓱᕐᕋᑯᓂᑦ ᐃᒡᓗᒐᓴᒡᔪᐊᖏᑦ ᓇᑉᐸᕐᑎᑦᓱᒫᕆᕙᒃᑲ, ᐊᖓᔪᖅᑳᒃᑯᕕᖓᓗ ᐃᓂᒋᕙᒃᑕᒥᓂ ᓇᐸᓕᕈᒫᕆᕗᖅ.

ᔨᕆᒤᐊᐅᑉ ᐊᒡᓚᖏᑦ 31:27

“ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ ᐃᓴᕆᐊᓕᐅᑉ ᔫᑕᐅᓪᓗ ᓄᓇᖓ ᑲᓐᖓᕐᓱᐃᕕᒋᔪᒫᕋᒃᑯ ᐃᓄᖕᓂᒃ ᐆᒪᔪᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 31:4

ᒪᑭᑎᒃᑲᓐᓂᕈᒫᕐᐸᑦᓯ, ᐱᕈᕐᑎᒃᑲᓐᓂᕐᓗᓯᓗ ᐃᓴᕆᐊᓕᒥᐅᖑᔪᓯ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᑍᒤᑦᑑᔪᓯ ᓯᕙᓂᕋᐅᑎᓯ ᐊᑐᕈᓐᓇᕐᓯᔪᒫᕐᐸᓯ ᑖᓂᓯᕐᓗᓯᓗ ᖁᕕᐊᓱᖕᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 33:7

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐊᔪᕐᓴᕈᓐᓃᕐᑎᑦᓱᒫᕐᐸᒃᑲ, ᓄᓇᒋᓚᐅᕐᑕᖏᓐᓄᓪᓗ ᐅᑎᕐᑎᒻᒥᓗᒋᑦ ᓯᕗᓪᓕᕐᒥ ᐱᐅᓯᕆᓚᐅᕐᑕᖏᑎᑐᑦ.

ᑖᓂᐊᓕᐅᑉ ᐊᒡᓚᖏᑦ 9:25

ᐅᓇ ᖃᐅᔨᒍᒃ ᑐᑭᓯᑦᓯᐊᕐᓗᒍᓗ; ᐱᖁᔨᓂᖅ ᔨᕉᓴᓕᐅᑉ ᓴᓇᔭᐅᒃᑲᓐᓂᕐᓂᒃᓴᖓᓂᒃ ᐅᑎᕐᑎᑕᐅᑦᓯᐊᕐᓂᖓᓂᒡᓗ, ᐱᔪᒫᕐᐳᖅ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᐊᐅᓚᑦᓯᔨ ᑎᑭᑉᐸᑦ, ᑭᖑᓂᖓᓂ ᓇᓪᓕᐅᓐᓃᑦ 7ᐃᑦ 7ᐃᕐᑐᕐᓗᒋᑦ. ᐊᒻᒪᓗ ᓇᓪᓕᐅᓐᓃᑦ 62 7ᐃᕐᑐᕐᓗᒋᑦ, ᐃᒡᓗᒐᓮᑦ ᓴᓇᔭᐅᒃᑲᓐᓂᕈᒫᕐᐳᑦ, ᐊᑐᕆᐊᖏᓪᓗ, ᑰᒃᕖᓪᓗ, ᑲᑉᐱᐊᓇᕐᑐᑦ ᓇᓪᓕᐅᑎᓯᒪᑎᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 14:10

ᓄᓇᓕᒫᖅ, ᒋᐸᒥᑦ ᕆᒪᓐ ᑎᑭᓪᓗᒍ, ᔨᕉᓴᓕᒥᑦ ᓯᕿᓂᐅᑉ ᓇᓛᓂᑦᑐᒧᑦ, ᑕᒪᓐᓇ ᓄᓇ ᒪᓂᕋᐅᓕᕈᒫᕐᐳᖅ. ᔨᕉᓴᓕᓕ ᐳᕐᑐᓯᒃᑲᓐᓂᕈᒫᕐᐳᖅ, ᐃᓂᒥᓃᓪᓗᓂ ᓱᓕ, ᐱᓐᔭᒥᓂᐅᑉ ᑭᖑᕚᖏᑕ ᐃᑎᕐᑕᕐᕕᖓᓂᑦ, ᐃᑎᕐᑕᕐᕕᒃ ᓯᕗᓪᓕᕐᐹᒥᒃ ᑍᔭᐅᔪᖅ ᑎᑭᓪᓗᒍ, ᖃᐅᔨᓴᕐᕕᖕᒥᑦ ᓇᐸᔪᒥᑦ ᕼᐊᓇᓂᐅᓪᒥᑦ ᐱᒋᐊᕐᓗᒍ ᐊᖓᔪᖅᑳᕐᔪᐊᑉ ᕔᓂᒃᓴᓕᐅᕐᕕᖓ ᑎᑭᓪᓗᒍ.

ᓴᑲᕅᐊᐅᑉ ᐊᒡᓚᖏᑦ 2:6

“ᐊᐅᓪᓚᓕᕆᑦᓯ! ᐊᐅᓪᓚᓕᕆᑦᓯ! ᕿᒫᓕᕆᑦᓯ ᓯᕿᓂᐅᑉ ᑕᕐᕋᖓᑕ ᓄᓇᖏᓐᓂᑦ,” ᑍᒫᒃ ᐊᑕᓂᖅ ᐅᖃᕐᐳᖅ, “ᓄᓇᓄᑦ ᐅᖓᓯᒃᑐᓄᑦ ᓇᒧᑐᐃᓐᓇᖅ ᐊᐅᓪᓚᕐᑎᓯᒪᒐᑦᓯ.