ᔨᕆᒤᐊᐅᑉ ᐊᒡᓚᖏᑦ 31:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᓲᕐᓗᑦᑕᐅᖅ ᐱᕈᕐᑎᑦᓯᕙᒃᑲᒪ ᓄᖑᑎᑦᓯᕙᒡᓗᖓᓗ ᓵᓚᐅᑎᑦᓯᕙᒃᑲᒪ ᐊᓯᕈᐃᑎᑦᓯᕙᒡᓗᖓᓗ ᓄᖑᑕᐅᑎᑦᓯᕙᒡᓗᖓᓗ, ᑍᒫᒃᑕᐅᖅ ᐱᕈᕐᑎᑦᓱᒫᕐᐸᒃᑲ ᒪᑭᑎᓪᓗᒋᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 31:28 Iomraidhean Croise

ᔫᐱᐅᑉ ᐊᒡᓚᖏᑦ 29:2

“ᑕᕝᕙᑐᖅ ᐃᓅᓯᕋ ᐅᑎᓚᐅᕐᒥᓕ ᐃᓅᕋᑖᕐᓂᕕᓂᓐᓄᑦ, ᑍᑦᓱᒪᓂᒧᑦ ᒎᑎᒧᑦ ᑲᒪᒋᔭᐅᑦᓯᐊᕐᓂᕆᓚᐅᕐᑕᓐᓄᑦ;

ᐃᓐᖏᕈᑎᑦ 102:16

ᐊᑕᓂᐅᑉ ᓮᐅᓂ ᐋᖅᑭᒃᓱᕐᓂᐊᕐᒪᒍ, ᓂᕐᑐᕐᓇᕐᓂᖓ ᑕᕝᕙᓂ ᓴᖅᑭᑎᑕᐅᓂᐊᕐᐳᖅ.

ᐃᓐᖏᕈᑎᑦ 147:2

ᐊᑕᓂᐅᑉ ᔨᕉᓴᓕᒻ ᓴᓇᕚ; ᐊᐅᓪᓚᕈᑦᔭᐅᓯᒪᔪᓪᓗ ᐃᓴᕆᐊᓕᒥᐅᑦ ᑲᑎᕐᓱᕐᐰᑦ.

ᐃᓐᖏᕈᑎᑦ 69:35

ᒎᑎᐅᑉ ᓮᐅᓂ ᐱᐅᓕᔪᒫᐹ ᔫᑕᐅᓪᓗ ᐃᒡᓗᒐᓴᖏᑦ ᓴᓇᔪᒫᕐᐰᑦ; ᑕᕝᕙᓂ ᐱᔨᖏᑦ ᐃᓂᖃᖁᓪᓗᒋᑦ ᓇᖕᒥᓂᕆᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 1:10

ᐅᓪᓗᒥ ᐱᔪᓐᓇᕐᓯᑎᑉᐸᒋᑦ ᐱᔪᓐᓇᕐᓂᖃᓕᖁᓪᓗᑎᑦ ᐃᓅᖃᑎᒌᒡᔪᐊᓄᑦ ᐊᖓᔪᖅᑲᐅᕕᖕᓄᓪᓗ, ᐊᒫᖏᑎᒍᑦ ᓄᓱᒃᓯᖁᓪᓗᑎᑦ ᐅᕐᕈᑎᑦᓯᖁᓪᓗᑎᓪᓗ, ᐊᓯᕈᐃᖁᓪᓗᑎᑦ ᐃᒋᑦᓯᖁᓪᓗᑎᓪᓗ, ᐋᖅᑭᒃᓱᐃᖁᓪᓗᑎᑦ ᐱᕈᕐᑎᑦᓯᖁᓪᓗᑎᓪᓗ.”

ᔨᕆᒤᐊᐅᑉ ᐊᒡᓚᖏᑦ 1:12

ᐊᑕᓂᐅᑉ ᑭᐅᕚᖓ, “ᓱᓕᕗᑎᑦ, ᖃᐅᔨᓴᕐᐳᖓ ᐅᖃᐅᓯᒃᑲ ᓇᓚᐅᑦᓯᓂᐊᕐᒪᖔᑕ.”

ᔨᕆᒤᐊᐅᑉ ᐊᒡᓚᖏᑦ 24:6

ᐃᒃᐱᒋᑦᓯᐊᕐᓂᐊᕐᐸᒃᑲ ᐱᐅᔪᒧᑦ, ᐅᑎᕐᑎᑦᓱᒫᕐᒥᒐᒃᑭᑦ ᓄᓇᒧᑦ ᑕᒪᐅᖓ. ᒪᑭᑎᑦᓱᒫᕐᐸᒃᑲ, ᑲᑕᒃᑎᓐᓂᐊᓐᖏᓚᒃᑲᓗ, ᐱᕈᕐᑎᓐᓂᐊᕐᐸᒃᑲ ᓄᓱᖕᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 32:41

ᐱᐅᔪᒥᒃ ᐱᓇᓱᐊᕐᕕᒋᔭᕆᐊᖏᑕ ᖁᕕᐊᒋᕙᒃᑲ, ᓄᓇᒧᓪᓗ ᑕᒪᐅᖓ ᑲᓐᖓᕐᓲᑎᒋᔪᒫᕐᐸᒃᑲ ᐃᓄᒋᔭᐅᖏᓐᓇᖁᓪᓗᒋᑦ ᑲᔪᓯᑦᓯᐊᕐᓗᑎᒃ, ᐆᒻᒪᑎᓐᓄᑦ ᐃᓘᓐᓈᓄᑦ ᐃᓱᒪᓐᓄᓪᓗ ᐃᓘᓐᓈᓄᑦ.

ᔨᕆᒤᐊᐅᑉ ᐊᒡᓚᖏᑦ 32:42

“ᐃᒫᒃ ᐊᑕᓂᖅ ᐅᖃᕐᐳᖅ, ᖁᕕᐊᓇᖏᑦᑐᕐᔪᐊᓂᒃ ᑎᑭᕝᕕᐅᑎᓚᐅᕋᒃᑭᑦ, ᑍᒫᒃᑕᐅᖅ ᐱᐅᔪᒥᒃ ᑎᑭᕝᕕᐅᑎᑦᓱᒫᕐᐸᒃᑲ ᑍᒫᒃ ᐊᖏᕐᕕᒋᓯᒪᒐᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 42:10

ᓄᓇᒥ ᑕᒫᓃᖏᓐᓇᕈᑦᓯ, ᐱᕈᕐᐸᓪᓕᐊᑎᓐᓂᐊᕐᐸᑦᓯ ᓄᖑᑉᐸᓪᓕᐊᑎᖏᓪᓗᓯ, ᐱᕈᕐᑎᑦᓱᒪᕙᑦᓯ ᓄᖑᑦᓱᒪᓐᖏᓚᑦᓯ, ᐊᓯᕈᕐᑕᐅᓇᕐᑐᒧᑦ ᑎᑭᑎᑦᓯᓂᕆᓚᐅᕐᑕᕋ ᐅᒡᒍᐊᕈᑎᒋᒐᒃᑯ.

ᔨᕆᒤᐊᐅᑉ ᐊᒡᓚᖏᑦ 44:27

ᑕᑯᒋᑦ, ᖃᐅᔨᓴᕐᓂᐊᓕᕐᐸᒃᑲ ᐊᓯᕈᕐᑕᐅᖁᓪᓗᒋᑦ ᐱᐅᔪᒥᒃ ᐱᕕᐅᖁᓇᒋᑦ, ᔫᑎᑦ ᐄᑦᔨᑉᑎᒦᑦᑐᑦ ᑐᖁᑕᐅᔪᒫᕐᐳᑦ ᐅᓇᑕᕐᑐᓄᑦ ᑳᖕᓇᕐᑐᕐᔪᐊᒧᓪᓗ ᑕᒪᕐᒥᒃ ᓄᖑᑕᐅᓚᐅᖏᓐᓂᓕᒫᒥᖕᓂ.

ᔨᕆᒤᐊᐅᑉ ᐊᒡᓚᖏᑦ 45:4

“ᐊᑕᓂᖅ ᐅᖃᕐᐳᖅ, ᐃᒫᒃ ᐅᖃᐅᑎᒍᒃ, ᑕᑯᒋᑦ, ᓇᑉᐸᕐᑎᓚᐅᕐᑕᒃᑲ ᓄᖑᑎᑦᓱᒫᕆᕙᒃᑲ, ᐱᕈᕐᑎᓚᐅᕐᑕᒃᑲᓗ ᓄᓱᒃᐸᒡᓗᒋᑦ ᓄᓇᓕᒫᒥᑦ.

ᐃᓯᑭᐊᓕᐅᑉ ᐊᒡᓚᖏᑦ 19:12

ᓂᓐᖓᐅᒪᔪᓄᓪᓕ ᓄᓱᒃᑕᐅᓪᓗᓂ ᐅᕐᕈᑎᑕᐅᕗᖅ ᒪᓂᖅᑲᒧᑦ; ᐆᓇᕐᑐᒥᒃ ᓯᕿᓂᐅᑉ ᓄᐊᕕᐊᓂᑦ ᐊᓄᕌᓕᕐᒪᑦ ᐸᓂᕐᐳᖅ; ᐸᐅᕐᖓᖏᑦ ᐲᔭᕐᑕᐅᓪᓗᑎᒃ, ᓇᑲᖓᓗ ᓯᓕᖕᓂᕐᐹᖅ ᑐᖁᓕᕗᖅ; ᐃᑯᒪᒧᓪᓗ ᓄᖑᑕᐅᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 36:10

ᐃᓅᖃᑎᓯᓗ ᐅᓄᕐᓯᕙᓪᓕᐊᑎᓐᓂᐊᓕᕐᐸᒃᑲ, ᐃᓴᕆᐊᓕᐅᑉ ᑭᖑᕚᓕᒫᖏᑦ, ᐊᑕᖏᕐᓗᒋᑦ; ᐃᒡᓗᒐᓴᒡᔪᐊᑦ ᐃᓄᖃᓕᕈᒫᕐᐳᑦ ᓯᖁᒥᑕᐅᓯᒪᔪᓪᓗ ᓴᓇᔭᐅᓕᕐᒥᓗᑎᒃ;

ᑖᓂᐊᓕᐅᑉ ᐊᒡᓚᖏᑦ 9:14

ᐊᑕᓂᐅᑉ ᐱᐅᖏᑦᑐᒧᑦ ᑲᑉᐱᐊᓇᕐᑐᒧᑦ ᐅᑕᕿᓇᓂ ᑎᑭᑎᓚᐅᕐᐹᑎᒍᑦ, ᐊᑕᓂᖅ ᒎᑎ ᐃᓱᐊᕐᑑᖕᒪᑦ ᖃᓄᐃᓕᐅᕐᑕᓕᒫᒥᓂ; ᐅᕙᒍᓪᓕ ᓈᓚᓚᐅᖏᓚᕗᑦ.

ᑖᓂᐊᓕᐅᑉ ᐊᒡᓚᖏᑦ 9:25

ᐅᓇ ᖃᐅᔨᒍᒃ ᑐᑭᓯᑦᓯᐊᕐᓗᒍᓗ; ᐱᖁᔨᓂᖅ ᔨᕉᓴᓕᐅᑉ ᓴᓇᔭᐅᒃᑲᓐᓂᕐᓂᒃᓴᖓᓂᒃ ᐅᑎᕐᑎᑕᐅᑦᓯᐊᕐᓂᖓᓂᒡᓗ, ᐱᔪᒫᕐᐳᖅ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᐊᐅᓚᑦᓯᔨ ᑎᑭᑉᐸᑦ, ᑭᖑᓂᖓᓂ ᓇᓪᓕᐅᓐᓃᑦ 7ᐃᑦ 7ᐃᕐᑐᕐᓗᒋᑦ. ᐊᒻᒪᓗ ᓇᓪᓕᐅᓐᓃᑦ 62 7ᐃᕐᑐᕐᓗᒋᑦ, ᐃᒡᓗᒐᓮᑦ ᓴᓇᔭᐅᒃᑲᓐᓂᕈᒫᕐᐳᑦ, ᐊᑐᕆᐊᖏᓪᓗ, ᑰᒃᕖᓪᓗ, ᑲᑉᐱᐊᓇᕐᑐᑦ ᓇᓪᓕᐅᑎᓯᒪᑎᓪᓗᒋᑦ.

ᐂᒨᓯᐅᑉ ᐊᒡᓚᖏᑦ 9:11

ᐊᑕᓂᖅ ᐅᖃᕐᐳᖅ, “ᐅᓪᓗᒥ ᑍᑲᓂ ᑍᕕᑎᐅᑉ ᐊᖓᔪᖅᑲᐅᕕᖓ ᑲᑕᒃᓯᒪᔪᖅ ᖃᕝᕕᕐᑎᑦᓱᒫᕐᐸᕋ, ᓱᕋᒃᓯᒪᔪᓪᓗ ᐊᖅᑭᒃᓲᕐᓗᒋᑦ, ᐅᕐᕈᓯᒪᔪᓪᓗ ᒪᑭᑎᓪᓗᒋᑦ, ᐱᐅᓯᕆᓚᐅᕐᓯᒪᔭᖏᑎᑐᓪᓗ ᐅᑎᕐᑎᓪᓗᒋᑦ.

ᐂᒨᓯᐅᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐃᓄᖁᑎᒃᑲ ᐅᑎᕐᑎᑦᓱᒫᕐᐸᒃᑲ ᓄᓇᖏᓐᓄᑦ, ᐃᒡᓗᒐᓮᓪᓗ ᓱᕋᒃᓯᒪᔪᑦ ᐋᖅᑭᒃᓱᕈᒫᕐᐰᑦ ᐃᓂᒋᓕᕐᓗᒋᓪᓗ; ᐱᕈᕐᓰᔪᒫᕐᐳᓪᓗ ᕔᓂᒃᓴᓂᒃ ᐃᑦᓯᖏᓐᓂᒡᓗ ᐃᒥᕐᓗᑎᒃ, ᐱᕈᕐᓰᕕᓕᐅᕈᒫᕐᐳᑦ ᐱᕈᕐᑐᖏᓐᓂᒡᓗ ᓂᕿᖃᕐᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 8:14

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: “ᑲᑉᐱᐊᓇᕐᑐᓄᑦ ᑎᑭᑕᐅᓂᐊᕐᓂᕋᕐᓗᒋᑦ ᓯᕗᓕᓯ ᓂᑲᒋᓇᒋᑦ ᐅᖃᐅᑎᕙᓚᐅᕋᒃᑭᑦ ᐅᕙᓐᓂᒃ ᑲᒪᔪᒪᖏᓐᓂᖏᓐᓂᒃ ᓂᓐᖓᒍᑎᖃᓚᐅᕋᒪ.

ᓴᑲᕅᐊᐅᑉ ᐊᒡᓚᖏᑦ 8:15

ᒫᓐᓇᓕ ᐱᐅᔪᒥᒃ ᐱᔪᒪᓕᕆᕗᖓ ᔨᕉᓴᓕᒧᑦ ᔫᑕᒧᓪᓗ. ᑍᒤᒻᒪᑦ ᓯᕘᕋᓇᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 15:16

‘ᒪᑐᒪ ᑭᖑᕐᖓᒍᑦ ᐅᑎᓛᕐᐳᖓ, ᐊᑕᓂᖅ ᐅᖃᕐᐳᖅ, ᑍᕕᑎᐅᓪᓗ ᐊᑕᓂᐅᕕᖓ ᐋᖅᑭᒃᓱᒃᑲᓐᓂᕈᒪᕙᕋ, ᐃᒡᓗᖏᑦ ᓱᕋᒃᓯᒪᔪᑦ ᓴᓇᔪᒪᕙᒃᑲ ᒪᑭᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 30:9

ᐊᑕᓂᐅᓪᓗ ᒎᑎᑦᓯ ᑕᒤᑎᒍᑦ ᐱᓇᓱᐊᕐᓂᑦᓯᒍᑦ ᐱᕙᓪᓕᐊᑎᑦᓯᐊᕐᓂᐊᕐᐹᓯ; ᕿᑐᕐᖓᑖᕈᒫᕐᐳᓯᓗ ᐅᓄᕐᑐᓂᒃ ᐆᒪᔪᖁᑎᖃᓕᕐᓗᓯᓗ ᐃᒻᒧᒃᓯᐅᒐᕐᓂᒃ ᐅᓄᕐᑐᓂᒃ, ᐱᕈᕐᓰᕕᖁᑎᓯᓗ ᓂᐊᖂᔭᒃᓴᓂᒃ ᑍᒪᓐᖓᑦ ᐱᕈᕐᕕᐅᖏᓐᓇᓕᕈᒫᕐᐳᑦ. ᖁᕕᐊᓱᑦᓯᐊᕐᓗᓂ ᐃᓕᑦᓯᓐᓂᒃ ᐱᕙᓪᓕᐊᑎᑦᓯᓕᕈᒫᕐᐳᖅ, ᑍᑦᓱᒪᓂ ᓯᕗᓕᕕᓂᓯ ᐱᕙᓪᓕᐊᓂᕆᕙᓚᐅᕐᑕᖏᑎᑐᑦ,