ᔨᕆᒤᐊᐅᑉ ᐊᒡᓚᖏᑦ 31:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᖅᑯᑏᑦ ᑎᑎᕋᕐᓯᒪᔪᓂᒃ ᓇᓗᓁᒃᑯᑦᓯᓕᕐᓯᐅᒃ, ᓇᐸᔪᓕᕐᓱᕐᓗᒋᓪᓗ ᐊᖅᑯᓪᓗ ᐊᑐᒐᓪᓚᕆᐅᔪᖅ ᓇᓗᓇᕈᓐᓃᕐᑎᓕᕐᓯᐅᒃ ᐊᑐᕐᐸᒃᑕᓯ, ᐅᑎᓕᕆᑦᓯ, ᐃᓴᕆᐊᓕᑏᑦ, ᐅᑎᓕᕆᑦᓯ ᐃᒡᓗᒐᓴᒡᔪᐊᓄᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 31:21 Iomraidhean Croise

ᑯᕉᓂᑲ ᓯᕗᓪᓖᑦ 29:3

ᓱᓕᓗ, ᐱᓇᓱᐊᕐᓯᒪᒋᕗᖓ ᐃᒡᓗᒧᑦ ᐃᑦᔪᕐᓁᑦᑐᒧᑦ, ᑐᓂᓯᓯᒪᕗᖓ ᓇᖕᒥᓂᓐᓂᒃ ᒎᓗᓂᒃ ᓯᐅᓪᕕᕆᓂᒡᓗ, ᒎᑎᒪ ᐃᒡᓗᖓᓄᑦ ᑐᓂᓯᒪᓪᓚᕆᒃᑲᒪ ᑐᓂᓯᒪᕙᒃᑲ ᒎᑎᐅᑉ ᐃᒡᓗᖓᓄᑦ:

ᑯᕉᓂᑲ ᐂᑉᐸᖏᑦ 11:16

ᐃᓴᕆᐊᓕᒥᐅᓪᓕ ᑭᖑᕚᖏᓐᓂᑦ ᐱᔪᑦ ᐱᔪᒪᓪᓚᕆᒃᓗᑎᒃ ᕿᓂᕐᑐᑦ ᐊᑕᓂᕐᒥᒃ, ᐃᓴᕆᐊᓕᒥᐅᑦ ᒎᑎᖓᓂᒃ, ᓕᕔᑎᓂᒃ ᒪᓕᒃᐳᑦ ᔨᕉᓴᓕᒧᑦ ᑐᓂᕐᕈᓯᕆᐊᕐᓗᑎᒃ ᐊᑕᓂᕐᒧᑦ ᓯᕗᓕᖏᑕ ᒎᑎᖓᓄᑦ.

ᑯᕉᓂᑲ ᐂᑉᐸᖏᑦ 20:3

ᑕᕝᕙ ᔨᕼᐆᓴᐸᑦ ᑲᑉᐱᐊᓱᓕᕐᐳᖅ, ᐊᑕᓂᕐᒥᒡᓗ ᖃᐅᔨᓴᕈᒪᓕᕐᓗᓂ, ᓂᕆᑦᑍᓕᖁᔨᓕᕐᐳᕐᓗ ᔫᑕᒥᐅᓕᒫᓂᒃ.

ᐃᓐᖏᕈᑎᑦ 62:10

ᐊᒃᓱᕈᕐᑎᑕᐅᓂᕐᒧᑦ ᓵᓚᖃᕋᓱᐊᕐᓂᖅ ᑕᑎᒋᓂᐊᕐᓇᒍ, ᐱᐅᔪᕆᑦᔪᑎᒋᓂᐊᕐᓇᒋᓪᓗ ᑎᒡᓕᒐᕕᓃᑦ; ᐊᒃᓗᐃᓕᒐᓗᐊᕈᕕᑦ, ᐆᒻᒪᑏᑦ ᑕᕝᕙᓂ ᐃᓂᖃᓕᕐᑎᓐᓂᐊᕐᓇᒍ.

ᐃᓐᖏᕈᑎᑦ 84:5

ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᐃᓕᖕᓂᒃ ᐱᔪᓐᓇᐅᑎᖃᕐᑐᖅ, ᑖᑦᓱᒪ ᐆᒻᒪᑎᖓ ᑲᔪᓯᑦᓯᐊᕐᐳᖅ ᓮᐅᓂᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:32

ᑕᑯᒐᒃᑯ ᐃᓱᒪᒋᑦᓯᐊᓕᓚᐅᕐᐸᕋ; ᕿᒥᕐᕈᒐᒃᑯᓗ ᐃᓕᓐᓂᐊᕐᑎᑕᐅᓚᐅᕐᐳᖓ:

ᐂᓮᐊᓯᐅᑉ ᐊᒡᓚᖏᑦ 48:20

ᐹᐱᓘᓂᒥᑦ ᐊᐅᓪᓚᓕᕆᑦᓯ! ᑲᐅᓪᑎᐊᒥᐅᓂᒃ ᕿᒫᓕᕆᑦᓯ! ᑕᒪᓐᓇ ᐃᓐᖏᕈᑎᒋᓯᐅᒃ ᓂᐱᖅᑯᕐᑐᓗᓯ ᖁᕕᐊᓱᖕᓂᕐᒧᑦ, ᓇᓗᓁᕐᓯᐅᒃ ᑐᓴᕐᑕᐅᑎᓪᓗᒍ ᓄᓇᕐᔪᐊᑉ ᑭᒡᓕᖏᓐᓄᑦ; ᐅᖃᕐᓗᓯ, “ᐊᑕᓂᐅᑉ ᐱᔨᓂ ᔧᑯ ᐃᒻᒥᓄᑦ ᐅᑎᕐᑎᑉᐹ!”

ᐂᓮᐊᓯᐅᑉ ᐊᒡᓚᖏᑦ 57:14

ᐅᖃᕐᑐᖃᕈᒫᕐᐳᖅ, “ᓴᓇᒋᑦᓯ, ᓴᓇᒋᑦᓯ, ᐊᖅᑯᑎᒃᓴᖅ ᐱᔭᕇᓕᕐᓯᐅᒃ, ᐃᓄᖁᑎᒪ ᐊᑐᕐᓂᐊᕐᑕᖓᓂ ᐊᒡᕕᐊᕈᑎᒃᓮᑦ ᐲᔭᕐᑕᐅᓕᕐᓕᑦ.”

ᐂᓮᐊᓯᐅᑉ ᐊᒡᓚᖏᑦ 62:10

ᑲᔪᓯᒋᑦᓯ, ᑲᔪᓯᒋᑦᓯ ᐃᑎᕐᑕᕐᕕᒃᑯᑦ, ᐃᓄᐃᑦ ᐊᑐᕐᓂᐊᕐᑕᖓᑦ ᐊᑐᐃᓐᓇᕈᓕᕐᓯᐅᒃ; ᓴᓇᒋᑦᓯ, ᓴᓇᒋᑦᓯ ᐊᖅᑯᑎᕐᔪᐊᖅ ᐋᖅᑭᒃᑎᕐᑕᐅᑦᓯᐊᕐᓕ ᐅᔭᕅᔭᕐᑕᐅᑦᓯᐊᕐᓗᓂ, ᓮᒻᒪᓯᕐᑕᐅᓗᓂᓗ ᐃᓄᒋᐊᒃᑐᓄᑦ ᑕᑯᒃᓴᐅᓂᐊᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 3:12

ᐂᓕᕆᑦ, ᐅᓐᓄᐊᓪᓗᐊᑉ ᓇᓛᓃᑦᑐᓄᑦ ᐅᖃᕆᐊᕐᑐᕆᑦ. ᐃᓴᕆᐊᓕ ᐅᕙᓐᓄᑦ ᐅᑎᓚᐅᕆᑦ, ᐊᑕᓂᖅ ᐅᖃᕐᐳᖅ, ᓂᓐᖓᐅᒪᓂᕐᒧᑦ ᑕᑯᓂᐊᓐᖏᓚᒋᑦ ᓂᑲᒍᓱᒃᑐᕐᔫᒐᒪ, ᐃᓱᖃᖏᑦᑐᒧᑦ ᓂᓐᖓᐅᒪᓂᐊᓐᖏᓚᖓ.

ᔨᕆᒤᐊᐅᑉ ᐊᒡᓚᖏᑦ 3:14

ᐊᑕᓂᖅ ᐅᖃᕐᐳᖅ, ᐊᓯᓐᓂᐊᕐᑎᐅᔪᓯ ᐅᕙᓐᓄᑦ ᐅᑎᕆᑦᓯ, ᐅᐃᒋᒐᑦᓯᓐᖓ. ᓂᕈᐊᕐᓂᐊᕐᐳᖓ ᐊᑕᐅᓯᕐᒥᒃ ᓄᓇᓕᖁᑎᑦᓯᓐᓂᑦ ᑕᒤᓐᓂᑦ, ᒪᕐᕉᓈᕐᑎᕆᓗᖓᓗ ᐃᓚᒌᖕᓂᑦ ᐊᑐᓂᑦ, ᓮᐅᓂᒧᓐᖓᐅᑎᓗᓯᓗ.

ᔨᕆᒤᐊᐅᑉ ᐊᒡᓚᖏᑦ 31:4

ᒪᑭᑎᒃᑲᓐᓂᕈᒫᕐᐸᑦᓯ, ᐱᕈᕐᑎᒃᑲᓐᓂᕐᓗᓯᓗ ᐃᓴᕆᐊᓕᒥᐅᖑᔪᓯ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᑍᒤᑦᑑᔪᓯ ᓯᕙᓂᕋᐅᑎᓯ ᐊᑐᕈᓐᓇᕐᓯᔪᒫᕐᐸᓯ ᑖᓂᓯᕐᓗᓯᓗ ᖁᕕᐊᓱᖕᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 46:11

ᒋᓕᐊᑎᑦ ᓄᓇᖓᓂᑦ ᒥᖑᐊᕐᓯᑦᔪᑎᒃᓮᑐᕆᑦᓯ, ᐃᓕᑦᓯ ᐄᑦᔨᑉᑎᐅᑉ ᐸᓂᖏᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑦ, ᐃᓅᓕᓴᐅᑎᒃᓴᑦᓯᓐᓂᒃ ᕿᓂᕋᓗᐊᕈᑦᓯ ᓇᓂᓯᓂᐊᓐᖏᓚᓯ, ᐋᖅᑭᒃᑕᐅᑦᔪᑎᒃᓴᖃᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 50:5

ᓮᐅᓂᒧᐊᕐᑐᒥᒃ ᐊᖅᑯᑎᒥᒃ ᖃᐅᔨᔪᒪᓕᕈᒫᕐᐳᑦ, ᓵᕝᕕᒋᓕᕐᓗᒍᓗ, ᕾᓂᐊᕐᐳᑦ ᐊᑕᓂᕐᓗ ᐃᓅᖃᑎᒌᓐᓇᕈᒪᓕᕈᒫᕐᐹᑦ ᐊᖏᖃᑎᒌᖕᓂᖃᕐᓗᑎᒃ ᐳᐃᒍᕐᑕᐅᓂᐊᕈᓐᓃᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 51:50

“ᐅᓇᑕᕐᑐᓂ ᑐᖁᑕᐅᓐᓂᖏᒃᑯᑦᓯ ᐊᐅᓪᓚᑲᐅᑎᒋᔪᒃᓴᐅᕗᓯ ᓄᖅᑲᖓᑐᐃᓐᓇᖏᓪᓗᓯ! ᐊᑕᓂᖅ ᐃᖅᑲᕐᓯᐅᒃ ᐅᖓᓯᒃᑐᒦᓐᓂᑦᓯᓐᓄᑦ, ᔨᕉᓴᓕᒻᓗ ᐃᓱᒪᒋᓯᐅᒃ.

ᔨᕆᒤᐊᐅᑉ ᐊᒡᓚᖏᑦ 51:6

ᐹᐱᓘᓂᒥᑦ ᕿᒫᓕᕆᑦᓯ ᐃᓅᔪᒪᒍᑦᓯ, ᐊᔪᕐᑐᓕᓂᖏᓐᓄᑦ ᐊᓯᕈᕐᑕᐅᑦᔪᑎᖃᕐᑍᓕᒋᑦᓯ, ᐊᑕᓂᐅᑉ ᐊᑭᓂᐊᕐᓂᒃᓴᖓ ᓇᓪᓕᐅᑎᖕᒪᑦ, ᐊᑕᓂᐅᑉ ᐊᑭᓂᐊᕐᕕᒋᓂᐊᕐᒪᒋᑦ ᐊᑭᓂᐊᕐᕕᐅᔭᕆᐊᖃᕐᓂᖏᑦ ᒪᓕᒡᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 6:16

ᐃᒫᒃ ᐊᑕᓂᖅ ᐅᖃᕐᐳᖅ, “ᐊᖅᑯᑏᑦ ᑲᑎᓐᓂᖏᓐᓄᑦ ᑕᑯᔭᕐᑐᕆᑦᓯ, ᐊᑐᕐᑕᐅᕙᒃᑐᑐᕾᓪᓗ ᖃᐅᔨᓇᓱᐊᕐᓯᒋᑦ, ᑐᑭᓯᑎᑕᐅᔪᒪᓗᓯ ᐊᖅᑯᒻᒥᒃ ᐊᑲᐅᔪᒥᒃ ᐊᑐᕐᓂᐊᕐᑕᑦᓯᓐᓂᒃ. ᑕᕝᕙ ᑕᕐᓂᑦᓯᓐᓄᑦ ᒥᕐᖑᐃᕐᓯᕐᕕᒃᓴᕐᓯᓂᐊᕐᐳᓯ. “ᑭᓯᐊᓂᓕ ᐅᖃᕐᐳᑦ, ‘ᐊᖅᑯᒻᒥᒃ ᑍᒤᑦᑐᒥᒃ ᐊᑐᕈᒪᓐᖏᓚᒍᑦ.’

ᐃᓯᑭᐊᓕᐅᑉ ᐊᒡᓚᖏᑦ 40:4

ᑖᑦᓱᒪᓗ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑕᑯᔭᑎᑦ ᐃᒃᐱᒋᑦᓯᐊᒃᑭᑦ, ᑐᓴᑦᓯᐊᕐᓗᒋᓪᓗ ᓯᐅᑎᖕᓄᑦ, ᑐᑭᓯᑦᓯᐊᕋᓱᐊᕐᓗᑎᓪᓗ ᑕᒤᓐᓂᒃ ᐃᓕᖕᓄᑦ ᑕᑯᔭᐅᑎᓐᓂᐊᕐᑕᓐᓂᒃ, ᑕᒪᒃᑯᓂᖓ ᑕᑯᑎᑦᓯᖁᓪᓗᖓ ᐃᓕᖕᓄᑦ ᑕᒪᐅᓐᖓᕐᑎᑕᐅᒐᕕᑦ; ᑕᑯᔭᓕᒫᕐᓂᒃ ᐃᓴᕆᐊᓕᐅᑉ ᑭᖑᕚᖏᓐᓄᑦ ᐅᖃᐅᓯᖃᕐᑐᒃᓴᐅᕗᑎᑦ.”

ᕼᐊᒊᑉ ᐊᒡᓚᖏᑦ 1:5

ᑍᒤᒻᒪᑦ ᒫᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: ‘ᐃᓱᒪᒋᓚᐅᕐᓯᐅᒃ ᖃᓄᐃᓕᐅᕐᓯᒪᓂᓯ!

ᓴᑲᕅᐊᐅᑉ ᐊᒡᓚᖏᑦ 10:9

ᓯᐊᒻᒪᕐᑎᓚᐅᕋᒃᑭᑦ ᐃᓅᖃᑎᒌᒡᔪᐊᓄᑦ: ᐅᕙᓐᓂᒡᓕ ᐃᖅᑬᔪᒫᕐᐳᑦ ᓄᓇᓂ ᐅᖓᓯᒃᑐᓃᓪᓗᑎᒃ. ᕿᑐᕐᖓᖏᑦ ᓄᖑᑦᓱᒫᓐᖏᓚᑦ, ᓄᓇᒥᖕᓄᓪᓗ ᐅᑎᕈᒫᕆᕗᑦ.

ᒨᓯᓯ ᑕᓪᓕᒪᖏᑦ 32:46

ᐃᓄᖕᓄᑦ ᐅᖃᕐᐳᖅ, “ᐆᒻᒪᑎᑦᓯᓐᓄᑦ ᑐᖅᑯᕐᓯᐅᒃ ᐅᖃᐅᓯᓕᒫᑦ ᐅᖃᐅᓯᕆᔭᒃᑲ, ᒪᓕᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᓯᒪᔭᒃᑲ, ᕿᑐᕐᖓᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᒃᓴᕆᕙᓯ, ᑖᒃᑯᐊᑦᑕᐅᖅ ᑲᒪᑦᓯᐊᕐᓗᑎᒃ ᒪᓕᖁᓪᓗᒋᑦ ᐱᖁᔧᑦ ᐅᑯᐊ ᐅᖃᐅᓯᓕᒫᖏᓐᓂᒃ.