ᔨᕆᒤᐊᐅᑉ ᐊᒡᓚᖏᑦ 31:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐃᒫᒃ ᐊᑕᓂᖅ ᐅᖃᕐᐳᖅ, “ᐅᓇᑕᕐᑐᓂᑦ ᐊᓐᓇᒃᑐᑦ ᐱᑦᓯᐊᕐᕕᐅᓯᒪᓂᕐᒥᖕᓂᒃ ᖃᐅᔨᔪᒫᕐᐳᑦ ᓄᓇᖃᕐᕕᐅᕙᖏᑦᑐᓂ, ᐃᓴᕆᐊᓕᒥᐅᑦ ᑕᕾᕐᓯᕐᕕᒃᓴᖃᕈᒫᕐᐳᑦ ᕿᓂᓚᐅᕐᑕᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 31:2 Iomraidhean Croise

ᐃᓐᖏᕈᑎᑦ 78:52

ᐃᓄᖁᑎᓂᓕ ᐊᐅᓪᓚᕐᑎᓚᐅᕐᐰᑦ ᓰᐱᑎᑐᑦ ᓯᕗᓕᕐᓗᒋᑦ, ᑕᓯᐅᓚᐅᕐᐰᓪᓗ ᐃᓄᖃᖏᑦᑐᒥ ᓰᐱᑎᑐᑦ ᑲᑎᓐᖓᔪᑎᑐᑦ;

ᐃᓐᖏᕈᑎᑦ 95:11

ᑍᒤᒻᒪᑦ ᓂᓐᖓᒡᓗᖓ ᐊᖏᒻᒪᕆᓚᐅᕐᐳᖓ, “ᑕᕾᕐᓯᕐᕕᐅᖁᔭᓐᓄᑦ ᐃᑎᓛᕈᓐᓃᕐᐳᑦ.”

ᒨᓯᓯ ᐂᑉᐸᖏᑦ 1:16

ᐄᑉᕉᒥᐅᑦ ᐊᕐᓇᖏᓐᓂᒃ ᐃᕐᓂᓱᒃᓰᖃᑕᐅᔭᕌᖓᑦᓯᒃ ᕿᑐᕐᖓᕐᑖᖏᑦ ᑐᖁᑉᐸᖕᓂᐊᕐᐸᓯᒃ ᐊᖑᑕᐅᔭᕌᖓᑕ, ᐊᕐᓇᐅᔭᕌᖓᑕᓕ ᐆᒪᑎᑉᐸᒡᓗᒋᑦ.

ᒨᓯᓯ ᐂᑉᐸᖏᑦ 1:22

ᐊᓱᐃᓛᒃ ᐊᖓᔪᖅᑳᕐᔪᐊᖅ ᐃᓄᖁᑎᒥᓄᑦ ᐊᑐᕐᑕᐅᖁᔭᒥᓂᒃ ᑐᓴᕐᑎᑦᓯᓕᕐᐳᖅ ᐃᒫᒃ, “ᐄᑉᕉᒥᐅᑦ ᕿᑐᕐᖓᕐᑖᕌᖓᑕ ᓄᑲᑉᐱᐊᓂᒃ ᑰᖕᒧᑦ ᓁᓕᒧᑦ ᐃᒋᖃᑦᑕᕐᓂᐊᕐᐸᓯ, ᐊᕐᓇᐅᓂᖏᓪᓕ ᑕᒪᕐᒥᒃ ᐆᒪᑎᖃᑦᑕᕐᓗᒋᑦ.”

ᒨᓯᓯ ᐂᑉᐸᖏᑦ 12:37

ᐃᓴᕆᐊᓕᒥᐅᑦ ᐊᐅᓪᓚᕐᐳᑦ ᐱᓱᒃᓗᑎᒃ ᓄᓇᒥᑦ ᕌᒥᓯᓯᒥᑦ ᓱᑰᑎᒧᑦ ᑎᑭᓪᓗᑎᒃ, ᐊᖑᑎᓪᓗ ᐅᓄᕐᓂᖃᓚᐅᕐᐳᑦ 600,000ᓂᒃ ᐊᕐᓁᑦ ᓄᑕᖅᑲᓪᓗ ᐱᖃᓯᐅᑎᓇᒋᑦ.

ᒨᓯᓯ ᐂᑉᐸᖏᑦ 2:23

ᐊᕐᕌᒍᐃᓪᓗ ᐅᓄᕐᑐᑦ ᐊᓂᒍᕐᓯᒪᓕᕐᑎᓪᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑐᖁᕗᖅ. ᑭᓯᐊᓂᓕ ᓱᓕ ᐃᓴᕆᐊᓕᒥᐅᑦ ᐃᓖᔭᕆᔭᐅᓂᕐᒥᖕᓂᒃ ᓂᓪᓕᐊᑦᔪᑎᒌᓐᓇᓚᐅᕐᐹᑦ ᐃᑲᔪᕐᑕᐅᔪᒪᓪᓗᑎᒃ, ᕿᓄᓂᖓᓪᓗ ᒎᑎᒧᑦ ᑐᓴᕐᑕᐅᕗᖅ.

ᒨᓯᓯ ᐂᑉᐸᖏᑦ 33:14

ᐊᑕᓂᖅ ᐅᖃᕐᐳᖅ, “ᐅᕙᖓ ᐱᖃᑎᒋᓂᐊᕐᐸᒋᑦ, ᓵᓚᖃᕐᑎᓐᓂᐊᕐᐸᒋᓪᓗ.”

ᒨᓯᓯ ᐂᑉᐸᖏᑦ 5:21

ᐅᖃᕐᐳᓪᓗ, “ᐊᑕᓂᐅᑉ ᑕᑯᓐᓇᕐᐹᓯᒃ ᐊᑭᓂᐊᕐᓕᓯᒡᓗ ᖃᓄᐃᓕᐅᕐᑕᐅᑎᑦᓯᓂᑦᓯᖕᓂᒃ, ᐰᕉᒧᑦ ᐱᔨᒋᔭᖏᓐᓄᓪᓗ ᐊᑭᕋᕐᑐᕐᑕᐅᓕᕐᑎᑦᓯᒐᑦᓯᒃ ᐅᕙᑦᑎᓐᓂᒃ, ᑖᒃᑯᓄᖓᓗ ᑐᖁᑕᐅᑦᔪᑎᒃᓴᑦᑎᓐᓂᒃ ᐋᖅᑭᒃᓯᓯᒪᕗᓯ.”

ᔨᕆᒤᐊᐅᑉ ᐊᒡᓚᖏᑦ 2:2

ᐂᓕᕆᑦ ᐅᖃᕆᐊᕐᑐᕐᓗᑎᓪᓗ ᔨᕉᓴᓕᒥᐅᑦ ᑐᓵᑎᓪᓗᒋᑦ, ᐊᑕᓂᖅ ᐃᒫᒃ ᐅᖃᕐᐳᖅ, “ᐃᖅᑲᐅᒪᕗᖓ ᐃᓅᓱᒃᑑᑎᓪᓗᑎᑦ ᐅᒃᐱᑦᓯᐊᓚᐅᕋᕕᑦ, ᐅᕙᓐᓄᓪᓗ ᑲᑎᑎᑕᐅᖃᑎᖃᕋᑖᕐᓗᑎᑦ ᓇᒡᓕᒍᓱᖕᓂᖃᑦᓯᐊᓚᐅᕋᕕᑦ; ᒪᓕᑦᓯᐊᓚᐅᕐᐸᕐᒪᓗ ᐃᓄᖃᔪᐃᑦᑐᒃᑯᑦ ᐱᕈᕐᑐᖃᖏᑦᑐᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 20:35

ᐃᓅᖃᑎᒌᒡᔪᐊᑦ ᓯᓚᑖᓄᑦ ᐃᓄᖃᔪᐃᑦᑐᒧᑦ ᐂᑎᑦᓱᒫᕐᐸᑦᓯ, ᑕᕝᕙᓂᓗ ᐃᖅᑲᕐᑐᕈᒫᕐᐸᑦᓯ ᑕᒃᑯᒧᓪᓚᕆᒃ.

ᕼᐆᓯᐊᑉ ᐊᒡᓚᖏᑦ 11:4

ᓄᓱᓚᐅᕐᐸᒃᑲ ᐊᒃᓱᓈᖃᕐᑎᓪᓗᒍ ᐃᓚᑦᓱᒍᓱᖕᓂᕐᒥᒃ, ᓇᒡᓕᖕᓂᕐᒧᑦ ᕿᓚᒃᓯᒪᔪᒧᑦ, ᑖᒃᑯᓄᖓᓗ ᐅᓂᐅᑕᖏᓐᓂᒃ ᐊᒡᓕᕈᖏᓐᓂᑦ ᐲᕐᓯᔪᑐᑦ ᑍᒤᓚᐅᕐᐳᖓ, ᐅᑯᓪᓗᖓᓗ ᑖᒃᑯᓄᖓ ᓂᕆᑎᓚᐅᕐᐸᒃᑲ.

ᒨᓯᓯ ᓯᑕᒪᖏᑦ 10:33

ᑕᕝᕙ ᐊᑕᓂᐅᑉ ᖃᖅᑲᖁᑎᖓᓂᑦ ᐊᐅᓪᓚᕐᐳᑦ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ; ᐊᑕᓂᐅᓪᓗ ᐊᖏᖃᑎᒌᒍᑎᖓᑕ ᐃᒃᓯᕐᕕᖁᑎᖓ ᓯᕗᓪᓕᐅᑎᑕᐅᓚᐅᕐᐳᖅ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ, ᑕᖕᒫᕐᕕᒋᓂᐊᕐᑕᒥᖕᓂᒃ ᕿᓂᕐᓗᑎᒃ.

ᒨᓯᓯ ᓯᑕᒪᖏᑦ 14:20

ᐊᑕᓂᕐᓗ ᐅᖃᕐᐳᖅ: “ᐃᓱᒪᒋᔪᓐᓁᕐᕕᒋᕙᒃᑲ, ᐅᖃᐅᓰᑦ ᒪᓕᒡᓗᒍ;

ᒫᑎᐅᓯᐅᑉ ᐊᒡᓚᖏᑦ 11:28

“ᕾᒋᑦᓯ ᐅᕙᓐᓄᑦ, ᑕᒪᑦᓯ ᐊᒃᓱᕈᕐᑐᓯ ᐅᖁᒤᒃᓴᕐᑐᓯᓗ, ᑕᕾᕐᓯᕐᑎᑦᑐᒪᕙᑦᓯ.

ᒨᓯᓯ ᑕᓪᓕᒪᖏᑦ 1:30

ᐊᑕᓂᐅᑉ ᒎᑎᑦᓯ ᑖᑦᓱᒪ ᑕᓯᐅᕐᓂᐊᕐᒪᓯ, ᐅᓇᑕᕐᓂᑦᓯᓐᓂᓗ ᐃᑲᔪᕐᓂᐊᕐᐹᓯ, ᐄᑦᔨᑉᑎᒥ ᐱᓇᓱᐊᕐᑎᓪᓗᒍ ᓇᖕᒥᓂᖅ ᑕᑯᖃᑦᑕᓚᐅᕋᑦᓯᐅᒃ,

ᒨᓯᓯ ᑕᓪᓕᒪᖏᑦ 1:33

ᓯᕗᓂᑦᓯᓐᓂ ᑕᖕᒫᕐᓯᒪᕕᒃᓴᑦᓯᓐᓂ ᐋᖅᑭᒃᓱᐃᔭᕇᕐᓯᒪᖃᑦᑕᕋᓗᐊᕐᑎᓪᓗᒍ, ᓴᖅᑭᑎᑦᓯᔪᒪᓪᓗᓂ ᐃᓕᑦᓯᓐᓂᒃ ᑕᓯᐅᕐᓯᓂᕐᒥᓂᒃ, ᓯᕗᓂᑦᓯᓐᓂ ᐅᓐᓄᒃᑯᑦ ᐃᑯᒪᒥᒃ ᑕᑭᔪᑯᑖᒥᒃ ᓴᖅᑭᔮᕐᑎᑦᓯᖃᑦᑕᕐᐳᖅ ᐅᓪᓗᒃᑯᓪᓕ ᓄᕗᔭᒥᒃ ᑕᑭᔪᑯᑖᒥᒃ ᓯᕗᓂᑦᓯᓐᓃᑎᑦᓯᖃᑦᑕᕐᓗᓂ.”

ᒨᓯᓯ ᑕᓪᓕᒪᖏᑦ 12:9

ᓄᓇᒧᑦ ᐊᑕᓂᐅᑉ ᒎᑎᑦᓯ ᑐᓂᔪᒪᓯᒪᔭᖓᓄᑦ ᓱᓕ ᑎᑭᐅᑎᓚᐅᖏᓐᓇᑦᓯ, ᑕᕝᕙᓂ ᓄᓇᖃᓕᕈᑦᓯ ᐃᓱᒫᓗᖏᓪᓗᓯ ᐃᓅᔪᓐᓇᓛᕋᑦᓯ.

ᒨᓯᓯ ᑕᓪᓕᒪᖏᑦ 2:7

ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ ᐱᓇᓱᐊᕐᓯᒪᔭᑦᓯᒍᑦ ᑕᒤᑎᒍᑦ. ᑖᑦᓱᒪᓗ ᑲᒪᒋᑦᓯᐊᕐᓯᒪᕚᓯ ᑕᒪᐅᓇ ᓄᓇᒃᑯᑦ ᐃᓄᖃᖏᑦᑐᒃᑯᑦ ᐃᖏᕐᕋᑎᓪᓗᓯ, ᑖᑦᓱᒪᓗ ᐃᓚᒋᓚᐅᕐᐹᓯ ᑖᒃᑯᓇᓂ ᐊᕐᕌᒍᓂ 40ᓂ, ᓱᓇᓕᒫᑦᓯᐊᓂᒡᓗ ᑭᓐᖒᒪᒋᔭᑦᓯᓐᓂᒃ ᑐᓂᓯᕕᒋᓯᒪᓪᓗᓯ.

ᒨᓯᓯ ᑕᓪᓕᒪᖏᑦ 8:16

ᓱᓇᖃᖏᑦᑐᒥ ᓂᕆᑎᓚᐅᕐᐹᓯ ᓂᕿᒃᓴᒥᒃ ᒫᓇᒥᒃ ᓯᕗᓕᑦᓯ ᖃᐅᔨᓚᐅᕐᓯᒪᓐᖏᑕᖏᓐᓂᒃ, ᒥᑭᒡᓕᑎᕈᓐᓇᖁᓪᓗᓯ ᖃᐅᔨᓴᕈᒪᓪᓗᓂᓯᓗ, ᑕᒪᓐᓇ ᐊᓂᒍᕐᐸᑦ ᓮᒻᒪᕐᑎᑦᓱᒪᓪᓗᓂᓯ ᐱᕙᓪᓕᐅᑎᒃᓴᑦᓯᓂᒡᓗ ᐱᑎᑦᓱᒪᓪᓗᓂᓯ.

ᔮᓱᐊᑉ ᐊᒡᓚᖏᑦ 1:13

“ᐃᖅᑲᐅᒪᒋᑦᓯ ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᐅᖃᐅᓯᖏᓐᓂᒃ ᑎᓕᓯᓚᐅᕐᒪᑦ ᐃᓕᑦᓯᓐᓂᒃ, ᐅᖃᕐᓗᓂ, ‘ᐊᑕᓂᐅᑉ ᒎᑎᕕᑦ ᑐᓂᕚᑎᑦ ᑕᕾᕐᓯᕐᕕᖕᒥᒃ, ᑕᒪᓐᓇᓗ ᓄᓇ ᑐᓂᕚ ᐃᓕᑦᓯᓐᓄᑦ.’