ᔨᕆᒤᐊᐅᑉ ᐊᒡᓚᖏᑦ 31:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑕᒻᒪᓚᐅᕋᒪ ᖃᕿᐊᓕᕐᐳᖓ; ᑐᑭᓯᓕᕋᒪᓗ ᖁᒃᑐᕋᕋ ᑎᒡᓗᓚᐅᕐᐸᕋ; ᑲᓐᖑᓱᓕᓚᐅᕐᐳᖓ ᑕᑯᖅᑯᑎᔪᓐᓃᕐᓗᖓᓗ, ᒪᒃᑯᖕᓂᕐᒪ ᑕᒻᒪᕐᑎᓚᐅᕐᒪᖓ.

ᔨᕆᒤᐊᐅᑉ ᐊᒡᓚᖏᑦ 31:19 Iomraidhean Croise

ᐄᓱᕋᐅᑉ ᐊᒡᓚᖏᑦ 9:6

ᐅᖃᕐᓗᖓᓗ: “ᒎᑏᒃ, ᑲᓐᖑᓱᓗᐊᕐᐳᖓ ᐃᓕᕋᓱᒃᓗᖓᓗ ᐃᓕᖕᓄᑦ ᐋᕐᓗᕆᐊᒃᓴᖅ ᒎᑎᒐ, ᓵᖕᓂ ᐊᔪᕐᓂᕗᑦ ᐳᕐᑐᓂᕐᓴᐅᓕᕐᒪᑕ ᓂᐊᖁᑦᑎᓐᓂᑦ; ᐸᓯᔭᒃᓴᐅᓂᕗᓪᓗ ᐊᓪᓛᑦ ᑎᑭᐅᑎᕗᑦ ᕿᓚᖕᒧᑦ.

ᔫᐱᐅᑉ ᐊᒡᓚᖏᑦ 13:26

ᐅᕙᓐᓄᑦ ᖃᓯᓕᓇᕐᑐᓂᒃ ᑎᑎᕋᓚᐅᕐᐳᑎᑦ, ᐃᓅᓱᒃᑑᑎᓪᓗᖓ ᐊᔪᕐᑐᓕᓂᕆᓚᐅᕐᑕᒃᑲ ᐱᑦᔪᑎᒋᓪᓗᒋᑦ.

ᔫᐱᐅᑉ ᐊᒡᓚᖏᑦ 20:11

ᓴᐅᓂᖏᑦ ᐃᓅᓱᒃᑑᓪᓗᓂ ᐊᔪᕐᑐᓕᓂᕕᓂᖏᓐᓂᒃ ᑕᑕᑉᐳᑦ, ᐊᑯᓂᐅᖏᑦᑐᕐᓕ ᓇᓪᓚᖓᖃᑎᒋᓕᕈᒫᕐᐰᑦ ᓄᓇᒥ.

ᐃᓐᖏᕈᑎᑦ 119:67

ᐃᓕᖕᓄᑦ ᐋᓐᓂᐊᑎᑕᐅᓚᐅᖅᑳᕐᓇᖓ ᑕᒻᒪᕐᓯᒪᓚᐅᕐᐳᖓ; ᒫᓐᓇᓕ ᐅᖃᐅᓯᕐᑎᑦ ᓈᓚᓕᕐᐸᒃᑲ.

ᐃᓐᖏᕈᑎᑦ 25:7

ᐃᓅᓱᒃᑑᓂᓐᓄᑦ ᐊᔪᕐᑐᓕᓂᕆᓚᐅᕐᑕᒃᑲ ᐃᖅᑲᐅᒪᓂᐊᕐᓇᒋᑦ, ᑕᐸᓱᖕᓂᕆᓚᐅᕐᑕᒃᑲᓘᓐᓃᑦ; ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ, ᐃᖅᑲᐅᒪᓐᖓ, ᐱᐅᔫᒐᕕᑦ, ᐊᑕᓃᖅ.

ᐂᓮᐊᓯᐅᑉ ᐊᒡᓚᖏᑦ 54:4

ᑲᑉᐱᐊᓱᒃᑍᓕᒋᑦᓯ, ᑲᓐᖑᓇᕐᑐᒧᐊᕐᑎᑕᐅᓂᐊᓐᖏᓚᓯ; ᓇᓗᓕᕐᑎᑕᐅᓂᐊᓐᖏᓚᓯᓗ, ᑲᓐᖑᓱᒃᑎᑕᐅᓂᐊᕋᓯᓗ; ᐅᕕᒐᕐᑑᓂᑦᓯᓐᓄᑦ ᑲᓐᖑᓇᕐᑐᒦᓐᓂᕆᕙᓚᐅᕐᑕᓯ ᐳᐃᒍᕈᒫᕐᐸᓯ; ᐅᐃᒡᒐᕐᓂᐅᓂᑦᓯᓐᓄᑦ ᓇᕐᕈᓇᕈᑎᒋᓚᐅᕐᑕᓯ ᐃᖅᑲᐅᒪᔪᓐᓁᕈᒫᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 22:21

ᐃᓂᕐᑎᕋᓱᓚᐅᕋᓗᐊᕐᐸᒋᑦ ᐊᔪᕐᓴᕐᓇᖏᑦᑐᒦᑎᓪᓗᑎᑦ, ᓈᓚᑦᔮᖏᓐᓂᕋᓚᐅᕐᐳᑎᓪᓕ ᑕᒪᓐᓇᓗ ᐃᓕᖅᑯᓯᕇᓐᓇᕋᕕᐅᒃ ᐃᓅᓱᒃᑑᓂᕐᓂᑦ ᐅᕙᓐᓂᒃ ᓈᓚᒍᓐᓇᓚᐅᖏᓐᓇᕕᑦ.

ᔨᕆᒤᐊᐅᑉ ᐊᒡᓚᖏᑦ 3:25

ᑲᓐᖑᓱᖕᓂᕐᒧᑦ ᒪᑭᑕᔪᓐᓇᕈᓐᓃᕐᑐᒃᓴᐅᕗᒍᑦ. ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒃᓴᐅᕗᒍᑦ ᐊᔪᕐᑐᓕᓯᒪᒐᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᑕᒪᑦᑕ ᐅᕙᒍᓪᓗ, ᓯᕗᓕᕗᓪᓗ ᐃᓅᓱᒃᑑᓂᑦᑎᓐᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑕᓂᖅ ᒎᑎᕗᑦ ᓈᓚᓚᐅᖏᓐᓇᑦᑎᒍ.”

ᔨᕆᒤᐊᐅᑉ ᐊᒡᓚᖏᑦ 32:30

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐃᓄᖏᑦ ᓵᓐᓂ ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᕐᓯᒪᖕᒪᑕ ᒪᒃᑯᖕᓂᕐᒥᖕᓂᑦ, ᐃᓴᕆᐊᓕᒥᐅᓪᓕ ᓂᓐᖓᒃᓮᕗᑦ ᐊᒡᒐᖏᑕ ᐱᓂᐊᕐᓂᖏᑎᒍᑦ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 21:12

ᓂᐹᓕᕆᑦ ᐅᒡᒍᐊᕐᓗᑎᓪᓗ, ᐃᓅᑉ ᐃᕐᓂᖓ, ᐃᓄᖁᑎᒃᑲ ᓵᓐᖓᔭᐅᓕᕐᒪᑕ; ᐃᓴᕆᐊᓕᒥᐅᓪᓗ ᓯᕗᓕᕐᑎᓕᒫᖏᑦ; ᓴᕕᒡᔪᐊᖅ ᐊᑐᕐᑕᐅᓂᐊᓕᕐᒪᑦ ᐃᓄᖁᑎᓐᓄᑦ. ᑍᒤᒻᒪᑦ ᖁᒃᑐᕅᑦ ᑎᒡᓗᖃᑦᑕᓕᕈᒃ.

ᐃᓯᑭᐊᓕᐅᑉ ᐊᒡᓚᖏᑦ 21:17

ᐸᑦᑕᒃᑐᖃᑕᐅᔪᒫᕆᕗᖓ, ᓂᓐᖓᐅᒪᓂᕋᓗ ᑕᕝᕙ ᐊᓂᒍᕈᒫᕐᐳᖅ; ᐅᕙᖓ ᐊᑕᓂᐅᔪᖓ ᑍᒫᒃ ᐅᖃᕐᐳᖓ.”

ᐃᓯᑭᐊᓕᐅᑉ ᐊᒡᓚᖏᑦ 23:3

ᑖᒃᑯᐊᒃ ᐊᖑᓐᓂᐊᕐᑎᐅᓚᐅᕐᐴᒃ ᐄᑦᔨᑉᑎᒥ; ᐃᓅᓱᒃᑑᓂᕐᒥᖕᓂᑦ ᐊᖑᓐᓂᐊᕐᑎᐅᓕᓚᐅᕐᐴᒃ; ᑕᕝᕙᓂᓗ ᐃᕕᐊᖏᖏᒃ ᐊᒃᑐᐊᔭᐅᓚᐅᕐᐴᒃ ᐱᖃᑎᖃᓚᐅᕐᓯᒪᖏᑦᑑᒡᓗ ᓈᖏᒃ ᐊᒃᑐᐊᔭᐅᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 36:26

ᐆᒻᒪᒻᒥᒃ ᓄᑖᒥᒃ ᑐᓂᓯᕕᒋᔪᒫᕐᐸᑦᓯ, ᐊᓂᕐᓂᕐᒥᒡᓗ ᓄᑖᒥᒃ ᐃᓗᒻᒥᕐᑎᑦᓱᒫᕐᐸᑦᓯ; ᑎᒥᑦᓯᓐᓂᑦ ᐆᒻᒪᑎᓯ ᐅᔭᕋᒃ ᐲᕈᒫᕐᐸᕋ ᐆᒻᒪᑎᑖᕐᑎᓪᓗᓯᓗ ᓈᓚᒍᓐᓇᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 36:31

ᑕᕝᕙ ᐃᖅᑬᔪᒫᕐᐳᓯ ᐱᐅᖏᑦᑐᒥᒃ ᐃᓅᓯᖃᓚᐅᕐᓂᑦᓯᓐᓂᒃ, ᐱᓂᐊᕐᓂᕆᓚᐅᕐᑕᓯᓗ ᐱᐅᖏᓐᓂᖏᓐᓂᒃ; ᐃᓕᑦᓯᓐᓂᒡᓗ ᓇᖕᒥᓂᖅ ᐱᐅᒋᔪᓐᓃᖁᓪᓗᓯ ᐊᔪᕐᑐᓕᓯᒪᓂᑦᓯᓐᓂᒃ, ᓇᕐᕈᓇᕐᑐᓂᒡᓗ ᐊᑐᕐᓯᒪᓂᑦᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 6:9

“ᐃᓕᑦᓯ ᐊᓐᓇᒃᓯᒪᔪᓯ ᐃᖅᑲᕈᒫᕐᐸᑦᓯᓐᖓ ᐃᓅᖃᑎᒌᒡᔪᐊᓃᓕᕐᑎᓪᓗᓯ ᐊᐅᓪᓚᕈᑦᔭᐅᓯᒪᕕᒋᔭᑦᓯᓐᓂ, ᐃᓱᒪᕐᓱᕈᒪᓂᓯ ᓯᖁᒥᑎᒍᒃᑭᑦ ᐅᕙᓐᓂᒃ ᕿᒤᑦᔪᑎᒋᓚᐅᕐᑕᓯ, ᑕᐅᑐᖏᑦᔪᑎᒋᓚᐅᕐᑕᑦᓯᓐᓂᒡᓗ ᒎᑎᓐᖑᐊᖃᕈᒪᓂᕐᒧᑦ; ᐃᓕᑦᓯᓐᓄᑦ ᓇᕐᕈᓇᕐᓯᔪᒫᕐᒪᑕ ᐊᒡᓛᑦ ᑕᑯᑐᐃᓐᓇᕐᓗᒋᑦ ᐊᔪᕐᑐᓕᑦᔪᑎᒋᓯᒪᔭᓯ, ᒎᑎᒧᓪᓗ ᑕᒪᕐᒥᒃ ᓇᕐᕈᓇᕐᑑᓂᖏᓐᓂᒃ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᓘᑲᓯᐅᑉ ᐊᒡᓚᖏᑦ 15:30

ᐃᕐᓃᑦ ᐅᑎᕐᒪᑦ, ᐱᖁᑎᖕᓂᒃ ᓄᖒᑦᓯᔪᖅ ᐊᕐᓇᓄᑦ ᐊᖑᓐᓂᐊᕐᑎᓄᑦ, ᐃᒻᒧᒃᓯᐅᒐᐅᑉ ᓄᕐᕋᖓᓂᒃ ᖁᐃᒃᓯᑦᓯᐊᖑᓯᒪᔪᒥᒃ ᑐᖁᑕᐅᑎᑦᓯᕗᑎᑦ!’

ᓘᑲᓯᐅᑉ ᐊᒡᓚᖏᑦ 18:13

ᕉᒪᒥᐅᓪᓕ ᑮᓇᐅᔧᕐᑎᑦᓯᔨᖓ, ᖃᓂᖏᑦᑐᒥ ᓇᖏᕐᐳᖅ, ᖁᒻᒧᓪᓘᓐᓃᑦ ᐋᕐᓗᕈᒪᖏᑦᑐᖅ, ᓴᒡᕕᓂᓗ ᐸᑎᒃᑕᕐᓗᒍ ᐅᖃᕐᐳᖅ, ‘ᒎᑎ ᓂᑲᒋᓚᐅᓐᖓ ᐊᔪᕐᑐᓕᔨᐊᓘᒐᒪ!’

ᕉᒪᒥᐅᓄᑦ 6:21

ᓱᓇᒥᒡᓕ ᑖᒃᑯᓇᓐᖓᑦ ᐱᕙᓪᓕᕈᑎᒃᓴᖃᕐᐱᓰ ᒫᓐᓇ ᑲᓐᖑᓇᕐᓂᕋᓕᕐᑕᑦᓯᓐᓂᒃ? ᑕᒪᒃᑯᐊ ᐃᓱᖃᕐᒪᑕ ᑐᖁᒥᒃ.

ᒨᓯᓯ ᑕᓪᓕᒪᖏᑦ 30:2

ᐊᑕᓂᕐᒧᓪᓗ ᒎᑎᑦᓯᓐᓄᑦ ᐅᑎᕈᑦᓯ, ᑭᖑᕚᓯ ᐃᓚᒋᓗᒋᑦ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ ᐱᖁᔭᖏᑦ ᓈᓚᒍᒪᓕᕐᓗᒋᑦ ᐅᓪᓗᒥ ᐃᓕᑦᓯᓐᓄᑦ ᑐᓂᓯᒪᔭᒃᑲ,

ᑎᒧᑎᒧᑦ ᐂᑉᐸᖏᑦ 2:25

ᐊᑭᕋᕐᑐᕐᑎᒥᓂᒃ ᐱᑦᓯᐊᕐᓂᒃᑯᑦ ᐋᖅᑭᒋᐊᕐᓯᔪᓐᓇᕐᓗᓂ. ᒎᑎᐅᑉ ᓈᒻᒪᒋᔭᖓᒍᑦ ᓵᒋᐊᕈᓐᓇᖁᓪᓗᒋᑦ ᓱᓕᓂᕐᒥᒃ ᖃᐅᔨᓗᑎᒃ,