ᔨᕆᒤᐊᐅᑉ ᐊᒡᓚᖏᑦ 31:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᕗᕅᑎ ᕿᒃᓵᒡᓗᓂ ᐅᖃᕐᑐᖅ ᑐᓴᓚᐅᕐᐸᕋ, ᐋᖅᑭᒋᐊᓚᐅᕐᐸᕐᒪ ᓄᕐᕋᕐᑎᑐᑦ ᐃᓕᓴᕐᑕᐅᓯᒪᖏᑦᑐᑎᑐᑦ, ᐃᓂᕐᑎᕋᕕᖓ, ᐋᖅᑭᒍᑎᒋᕙᕋᓗ ᑕᒪᓐᓇ ᐅᑎᕐᑎᓚᐅᓐᖓ ᐅᑎᕐᓂᐊᕋᒪ ᐊᑕᓂᐅᒐᕕᑦ ᒎᑎᒐ.

ᔨᕆᒤᐊᐅᑉ ᐊᒡᓚᖏᑦ 31:18 Iomraidhean Croise

ᔫᐱᐅᑉ ᐊᒡᓚᖏᑦ 5:17

ᑕᑯᒋᑦ, ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᒎᑎᐅᑉ ᐋᖅᑭᒋᐊᕐᑕᖓ; ᑍᒤᒻᒪᑦ ᓇᕐᕈᒋᓂᐊᕐᓇᒍ ᐊᔪᒐᖃᖏᑦᑐᒧᑦ ᓱᒋᐊᕐᑕᐅᒍᕕᑦ.

ᐃᓐᖏᕈᑎᑦ 118:18

ᐊᑕᓂᐅᑉ ᐋᖅᑭᓱᓚᐅᕐᐹᖓ ᓂᑲᒋᓇᓂᖓ, ᑭᓯᐊᓂᓕ ᑐᖁᒧᑦ ᑐᓂᓚᐅᓐᖏᓛᖓ.

ᐃᓐᖏᕈᑎᑦ 119:67

ᐃᓕᖕᓄᑦ ᐋᓐᓂᐊᑎᑕᐅᓚᐅᖅᑳᕐᓇᖓ ᑕᒻᒪᕐᓯᒪᓚᐅᕐᐳᖓ; ᒫᓐᓇᓕ ᐅᖃᐅᓯᕐᑎᑦ ᓈᓚᓕᕐᐸᒃᑲ.

ᐃᓐᖏᕈᑎᑦ 119:75

ᐊᑕᓃᖅ, ᖃᐅᔨᒪᕗᖓ ᐋᖅᑭᒃᓱᐃᓃᑦ ᓈᒻᒪᓈᕐᓯᒪᖕᒪᑦ, ᓱᖁᓯᔪᐃᑦᑑᓂᕐᓄᑦ ᐋᓐᓂᐊᑎᑕᐅᓂᒃᑯᑦ ᐋᖅᑭᒋᐊᓚᐅᕋᕕᖓ.

ᐃᓐᖏᕈᑎᑦ 31:15

ᐱᕕᒃᓴᒃᑲ ᐊᒡᒐᖕᓃᑉᐳᑦ; ᓴᐳᑎᓚᐅᓐᖓ ᐊᑭᕋᕐᑐᕐᑎᓐᓂᑦ ᐅᕙᓐᓂᒡᓗ ᓵᓚᖃᕋᓱᐊᕐᑐᓂᑦ.

ᐃᓐᖏᕈᑎᑦ 32:9

ᕿᒧᒃᓯᐅᑎᑎᑐᑦ ᑍᒤᓐᓂᐊᕋᓯ, ᒥᐅᓪᑎᑐᓪᓘᓐᓃᑦ, ᕿᒧᒃᓯᐅᑎᐅᔮᕐᑐᑎᑐᑦ, ᑐᑭᓯᐊᖏᑦᑐᑎᑐᑦ ᐊᐅᓚᑕᐅᔭᕆᐊᖃᕐᑐᑎᑐᑦ ᖃᓂᖓᓄᑦ ᐃᓕᓯᒪᔪᒧᑦ, ᑍᒤᓕᖓᖏᑉᐸᑕ ᐃᓕᖕᓄᑦ ᕾᔪᓐᓇᕋᔭᖏᒻᒪᑕ.

ᐃᓐᖏᕈᑎᑦ 80:19

ᐋᖅᑭᓚᐅᕐᒥᑎᒍᑦ, ᐊᑕᓃᖅ ᒎᑏ ᖁᑦᓯᒃᑐᒦᑦᑐᑎᑦ; ᑮᓁᑦ ᖃᐅᒪᑎᓚᐅᕈᒃ ᐅᕙᑦᑎᓐᓄᑦ, ᑕᕝᕙ ᐱᐅᓕᔭᐅᓂᐊᕐᐳᒍᑦ!

ᐃᓐᖏᕈᑎᑦ 80:3

ᒎᑏ, ᐋᖅᑭᓚᐅᕐᑎᒍᑦ; ᑮᓁᑦ ᖃᐅᒪᑎᓚᐅᕈᒃ ᐅᕙᑦᑎᓐᓄᑦ, ᑕᕝᕙ ᐱᐅᓕᔭᐅᓂᐊᕐᐳᒍᑦ!

ᐃᓐᖏᕈᑎᑦ 80:7

ᐋᖅᑭᓚᐅᕐᒥᑎᒍᑦ, ᒎᑏ ᖁᑦᓯᒃᑐᒦᑦᑐᑎᑦ; ᑮᓁᑦ ᖃᐅᒪᑎᓚᐅᕈᒃ ᐅᕙᑦᑎᓐᓄᑦ, ᑕᕝᕙ ᐱᐅᓕᔭᐅᓂᐊᕐᐳᒍᑦ!

ᐃᓐᖏᕈᑎᑦ 85:4

ᐋᖅᑭᓚᐅᕐᑎᒍᑦ ᐅᑎᕐᑎᓪᓗᑕ, ᒎᑎᕗᑦ ᐱᐅᓕᔨᒋᔭᕗᑦ, ᓴᓂᕐᕙᓕᕈᒃ ᐅᕙᑦᑎᓐᓂᒃ ᓂᓐᖓᐅᑦᔨᓯᒪᓃᑦ!

ᐃᓐᖏᕈᑎᑦ 94:12

ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᓱᒋᐊᕐᑕᐅᔪᖅ ᐃᓕᖕᓄᑦ ᐊᑕᓃᖅ, ᐊᔪᕆᕐᑐᕐᑍᓪᓗ ᐱᖁᔭᕐᓂᑦ ᐱᔪᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:3

ᕿᒧᒃᓯᐅᑎᒧᑦ ᑏᒐᕈᑎ, ᓯᐅᑎᖅᑯᕐᑐᔪᒧᓪᓗ ᑕᓯᒍᐊᕈᑎ, ᐊᓇᐅᑕᕐᓗ ᓯᓔᑦᑐᑉ ᖁᓖᖓᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:1

ᓇᓪᓕᐊᑦ ᐋᖅᑭᒋᐊᕐᑕᐅᖃᑦᑕᕐᑐᖅ, ᓯᑎᓇᓱᐊᕈᓂ, ᑕᕝᕔᓐᓇᖅ ᐊᓯᕈᕐᑕᐅᔪᒫᕐᐳᖅ ᐋᖅᑭᒋᐊᕐᑕᐅᕕᖃᕈᓐᓃᕐᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:11

ᐃᕐᓃᒃ ᐊᑕᓂᐅᑉ ᐋᖅᑭᒋᐊᕐᐸᑎᑦ ᓇᕐᕈᒋᓂᐊᕐᓇᒍ, ᐃᓂᕐᑎᕆᓂᖏᓪᓗ ᑕᖃᒋᓕᕐᓂᐊᕐᓇᒋᑦ.

ᐂᓮᐊᓯᐅᑉ ᐊᒡᓚᖏᑦ 1:5

ᓱᖕᒪᑦ ᓱᒋᐊᕐᑕᐅᔪᒤᓐᓇᕐᐱᓰ? ᐊᑭᕋᕐᑐᐃᓐᓇᕐᓂᑦᓯᓐᓄᑦ? ᓂᐊᖁᓯ ᐊᑕᖏᕐᓗᑎᒃ ᖃᓂᒪᕗᑦ, ᐆᒻᒪᑎᓯᓗ ᐊᑕᖏᕐᓗᑎᒃ ᓄᑭᑮᑦᑑᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 51:20

ᐃᕐᓂᑎᑦ ᓄᑮᕈᑎᓯᒪᕗᑦ, ᓇᓚᓪᓗᑎᒡᓗ ᐊᖅᑯᑏᑦ ᓴᖑᒋᐊᕐᕕᖏᓐᓂ, ᑐᒃᑐᖓᔪᑎᑐᑦ ᓄᓗᐊᕐᑎᑕᐅᓯᒪᔪᑎᑐᑦ; ᑖᒃᑯᐊ ᐊᑕᓂᐅᑉ ᓂᓐᖓᐅᒪᓂᖓᓄᑦ ᐊᒃᑐᐊᔭᐅᕗᑦ, ᒎᑎᑦᓯᓗ ᐃᓂᕐᑎᕆᓂᖓᓄᑦ.

ᐂᓮᐊᓯᐅᑉ ᐊᒡᓚᖏᑦ 53:7

ᐅᖁᒤᒃᓴᕐᑎᑕᐅᓚᐅᕐᐳᖅ, ᐋᓐᓂᐊᑎᑕᐅᓪᓗᓂᓗ, ᖃᓂᓂᓕ ᐂᑦᑕᓚᐅᓐᖏᓛ; ᓰᐱᐅᑉ ᓄᕐᕋᖓᑐᑦ ᑐᖁᑕᐅᕝᕕᒃᓴᒥᓄᑦ ᐋᑕᐅᔪᑎᑐᑦ, ᓰᐱᑎᑐᓪᓗ ᕿᐅᕐᑍᔨᒥᓂᒃ ᒪᓂᒻᒥᑐᐃᓐᓇᕐᑐᑎᑐᑦ ᓂᓪᓕᓚᐅᕋᓂ, ᖃᓂᓂᓘᓐᓃᑦ ᐂᑦᑕᓚᐅᓐᖏᓛ.

ᐂᓮᐊᓯᐅᑉ ᐊᒡᓚᖏᑦ 63:16

ᐊᑖᑕᒋᕙᑦᑎᒋᓪᓕ, ᐂᑉᕋᕼᐋᒻᒧᑦ ᖃᐅᔨᒪᔭᐅᖏᒃᑲᓗᐊᕐᑎᓪᓗᑕ, ᐃᓴᕆᐊᓕᒥᐅᓄᓪᓗ ᐃᓕᑕᕆᔭᐅᓯᒪᓇᑕ; ᐊᑕᓃᕐᓕ ᐃᓕᖕᓂᒃ ᐊᑖᑕᖃᕐᐳᒍᑦ ᐃᓕᖕᓄᑦ ᐅᑎᕐᑎᑦᓯᔨᒋᕙᑦᑎᒋᑦ ᑍᑦᓱᒪᓂᐊᓗᖕᓂᑦ ᑍᒫᒃ ᐊᑎᖃᕋᕕᑦ.

ᐂᓮᐊᓯᐅᑉ ᐊᒡᓚᖏᑦ 9:13

ᐃᓄᖏᓪᓕ ᓱᒋᐊᕐᑎᒋᔭᒥᖕᓄᑦ ᓵᒋᐊᓚᐅᓐᖏᓚᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᓱᓕ ᕿᓂᕋᑎᒃ.

ᔨᕆᒤᐊᐅᑉ ᐊᒡᓚᖏᑦ 17:14

ᐊᑕᓃᖅ ᐋᖅᑭᓚᐅᓐᖓ, ᑕᕝᕙ ᐋᖅᑭᖕᓂᐊᕐᐳᖓ; ᐱᐅᓕᓚᐅᓐᖓ ᑕᕝᕙ ᐱᐅᓕᔭᐅᓂᐊᕐᐳᖓ; ᐃᕝᕕᑐᐊᖅ ᓂᕐᑐᒐᒃᓴᕆᒐᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 2:30

ᓱᒋᐊᕋᓗᐊᕋᑦᓯ, ᓱᒋᐊᕐᑕᐅᑦᔪᑎᓯ ᐋᖅᑭᒋᐊᕈᑎᒋᓐᖏᓚᓯ, ᓴᕕᒡᔪᐊᑦᓯᓐᓄᑦ ᐱᔪᖃᓛᕐᑐᒥᒃ ᐅᖃᕐᑎᖁᑎᓯ ᑐᖁᑉᐸᓯ ᓛᔭᑎᑐᑦ ᐃᕐᓯᓵᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 3:25

ᑲᓐᖑᓱᖕᓂᕐᒧᑦ ᒪᑭᑕᔪᓐᓇᕈᓐᓃᕐᑐᒃᓴᐅᕗᒍᑦ. ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒃᓴᐅᕗᒍᑦ ᐊᔪᕐᑐᓕᓯᒪᒐᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᑕᒪᑦᑕ ᐅᕙᒍᓪᓗ, ᓯᕗᓕᕗᓪᓗ ᐃᓅᓱᒃᑑᓂᑦᑎᓐᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑕᓂᖅ ᒎᑎᕗᑦ ᓈᓚᓚᐅᖏᓐᓇᑦᑎᒍ.”

ᔨᕆᒤᐊᐅᑉ ᐊᒡᓚᖏᑦ 31:6

ᐅᓪᓗᖅ ᓇᓪᓕᐅᑎᔪᒫᕐᐳᖅ ᐃᕗᕅᒻ ᖃᖅᑲᖏᓐᓂ ᖃᐅᔨᓴᕐᑏᑦ ᕾᒐᓛᕐᕕᒃᓴᖓᑦ, ‘ᕾᓕᕆᑦᓯ ᓮᐅᓂᒧᐊᓚᐅᕐᑕ, ᐊᑕᓂᐅᑉ ᒎᑎᑦᑕ ᓇᔪᕐᑕᖓᓄᑦ.’”

ᔨᕆᒤᐊᐅᑉ ᐊᒡᓚᖏᑦ 31:9

ᕿᐊᓗᑎᒃ ᕾᔪᒫᕐᐳᑦ, ᑐᒃᓯᐊᕐᓗᑎᒡᓗ ᐱᔪᒫᕐᐳᑦ ᐅᑎᕐᑎᓕᕈᒃᑭᑦ, ᑕᓯᐅᕈᒫᕐᐸᒃᑲ ᑰᖕᒧᑦ ᐃᒥᖃᕐᑐᒧᑦ, ᒪᓂᕋᑦᑐᒃᑯᑦ ᐱᓱᕕᒃᓴᖃᕈᒫᕐᐳᑦ ᐹᓪᓚᒡᕕᒃᓴᖃᖁᓇᒋᑦ ᐃᓴᕆᐊᓕᒥᐅᓄᑦ ᐊᑖᑕᐅᒐᒪ, ᐃᕗᕅᑎᓗ ᐊᖓᔪᒃᓯᕐᐹᖁᑎᒋᕙᕋ.”

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:21

ᐊᑕᓃᖅ ᐃᓕᖕᓄᑦ ᐅᑎᕐᑎᓚᐅᕐᑎᒍᑦ ᐋᖅᑭᒃᑕᐅᖁᓪᓗᑕ, ᐅᓪᓗᕗᑦ ᓄᑖᓐᖑᕐᑎᒃᑭᑦ ᑍᑦᓱᒪᓂᐅᓚᐅᕐᑐᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 20:43

ᑕᕝᕙᓂᓗ ᐃᖅᑬᓕᕈᒫᕐᐳᓯ ᐃᓕᖅᑯᓯᕆᖃᑦᑕᓚᐅᕐᑕᑦᓯᓐᓄᑦ ᐱᐅᔪᓐᓃᕐᑎᑕᐅᓯᒪᓂᓯᓐᓂᒃ; ᐃᓕᑦᓯᓐᓂᒡᓗ ᓇᖁᔭᕆᓕᕈᒫᕐᐳᓯ ᐅᒡᒍᐊᓕᕐᓗᓯᓗ ᐱᐅᖏᑦᑐᓕᖃᑦᑕᓚᐅᕐᓂᓕᒫᓯᓐᓂᒃ.

ᑖᓂᐊᓕᐅᑉ ᐊᒡᓚᖏᑦ 9:13

ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ ᒪᓕᒡᓗᒋᑦ, ᐱᓂᐊᕐᕕᐅᓯᒪᒐᑦᑕ ᖁᕕᐊᓇᖏᑦᑐᓂᒃ, ᑍᒤᒃᑲᓗᐊᕐᑎᓪᓗᒍ ᐊᑕᓂᖅ ᒎᑎᕗᑦ ᕿᓂᓚᐅᓐᖏᓚᕗᑦ ᐊᔪᕐᓂᑦᑎᓐᓂᒡᓗ ᕿᒤᓇᑕ ᓱᓕᑦᓯᐊᕐᓃᑦ ᑲᒪᒋᓚᐅᖏᓐᓇᑦᑎᒍ.

ᕼᐆᓯᐊᑉ ᐊᒡᓚᖏᑦ 10:11

“ᐃᕗᕅᒥᓕ ᐱᔭᕆᐅᕐᓴᔭᐅᓯᒪᕗᖅ ᐃᒻᒧᒃᓯᐅᒐᕐᑐᑦ, ᖁᕕᐊᒋᔭᖃᕐᑐᑐᑦ ᑐᓪᓕᕋᕐᓂᕐᒥᒃ ᓂᐊᖂᔭᒃᓴᒥᒃ, ᖁᖓᓯᑦᓯᐊᖓ ᖁᖓᓯᕈᓯᓚᐅᕐᐸᕋ ᐅᓂᐊᕈᑎᒃᓴᖓᓂᒃ; ᐃᕗᕅᒥ ᐅᓂᐊᕐᑎᓐᓂᐊᕐᐸᕋ, ᔫᑕᓗ ᐱᕈᕐᓰᕕᒃᓴᓂᒃ ᐃᑎᕐᓴᓕᐅᕆᔪᒫᕐᐳᖅ, ᔧᑰᓪᓗ ᓄᓇ ᐊᑐᐃᓐᓇᕈᕐᑎᑦᓱᒫᕐᐹ.

ᕼᐆᓯᐊᑉ ᐊᒡᓚᖏᑦ 4:16

ᐃᓴᕆᐊᓕᒥᐅᑦ ᓯᐅᑎᖁᕐᑐᔪᑎᑐᑦ ᐱᔭᕐᓃᑦᑑᑎᒋᕗᑦ; ᖃᓄᕐᓕ ᐊᑕᓂᕐᒧᑦ ᓂᕆᑎᑕᐅᔪᓐᓇᕐᐸᑦ ᓰᐲᑦ ᓄᕐᕋᖏᑎᑐᑦ ᓂᕿᒃᓴᓕᖕᒦᑦᑐᑎᑐᑦ?

ᕼᐆᓯᐊᑉ ᐊᒡᓚᖏᑦ 5:15

“ᐃᓄᖁᑎᒃᑲ ᕿᒪᒃᓯᒪᓂᐊᕐᐸᒃᑲ ᐸᓯᔭᒃᓴᐅᓂᕐᒥᖕᓂᒃ ᖃᐅᔨᓚᐅᖏᓐᓂᖏᓐᓂ ᐅᕙᓐᓂᒡᓗ ᕿᓂᓕᓚᐅᖏᓐᓂᖏᓐᓂ, ᐃᒻᒪᖄᓕ ᐊᒃᓱᕈᓕᕈᑎᒃ ᐅᕙᓐᓂᒃ ᕿᓂᓕᕈᒫᕐᐳᑦ.”

ᔫᓇᐅᑉ ᐊᒡᓚᖏᑦ 3:10

ᒎᑎᓗ ᓂᓂᕕᒥᐅᑦ ᑍᒤᓕᐅᕐᓂᖏᓐᓂᒃ ᑕᑯᕗᖅ, ᓴᖑᓂᖏᓐᓂᒃ ᐊᖅᑯᑎᒋᔭᒥᖕᓂᑦ ᐃᓗᐊᖏᑦᑐᓂᑦ; ᒎᑎᐅᓪᓗ ᐃᓱᒪᒋᔭᓂ ᐊᓯᑦᔨᕐᐹ ᐊᓯᕈᕐᑕᐅᓂᖅ ᑍᓐᓇ ᐅᖃᐅᑎᒋᓚᐅᕐᑕᓂ ᐱᓂᐊᕈᑎᒋᓂᐊᕐᓂᕋᓚᐅᕐᑕᓂᓗ ᑖᒃᑯᓄᖓ.

ᔨᐸᓁᐊᐅᑉ ᐊᒡᓚᖏᑦ 3:2

ᓈᓚᓚᐅᖏᒻᒪᑦ ᐊᑕᓂᐅᑉ ᓂᐱᖓᓂᒃ, ᐋᖅᑭᒋᐊᕐᑕᐅᔪᒪᓚᐅᖏᒻᒪᓗ, ᑕᑎᖃᓚᐅᖏᒻᒪ ᐊᑕᓂᕐᒥᒃ, ᒎᑎᒥᓄᑦ ᖃᓪᓕᒋᐊᓚᐅᖏᒻᒪᑦ.

ᒪᓚᑬᑉ ᐊᒡᓚᖏᑦ 3:16

ᒎᑎᒥᒡᓕ ᓯᕘᕋᔪᑦ ᐃᒻᒥᖕᓄᑦ ᐅᖃᖃᑎᒌᓚᐅᕐᐳᑦ, ᐊᑕᓂᐅᓪᓗ ᓈᓚᒡᓗᒋᑦ ᑐᓴᓚᐅᕐᐰᑦ; ᑍᒤᒻᒪᑦ ᐅᖃᓕᒫᒐᓕᐅᕐᑐᖃᓚᐅᕐᐳᖅ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ ᑖᑦᓱᒪ ᓵᖓᓂ, ᐊᑕᓂᕐᒥᒃ ᓯᕘᕋᔪᑦ ᐃᓱᒪᒃᓴᕐᓯᐅᕐᑐᓪᓗ ᑖᑦᓱᒪ ᐊᑎᖓᓂᒃ.

ᒪᓚᑬᑉ ᐊᒡᓚᖏᑦ 4:6

ᐊᑖᑕᐅᔪᓪᓗ ᐆᒻᒪᑎᖏᑦ ᕿᑐᕐᖓᒥᓄᑦ ᓵᑎᑦᓱᒫᕐᐰᑦ, ᕿᑐᕐᖓᐅᔪᓪᓗ ᐆᒻᒪᑎᖏᑦ ᐊᑖᑕᖏᓐᓄᑦ ᓵᑎᓪᓗᒋᑦ, ᑍᒤᓐᓂᐊᖏᑉᐸᑕ ᑎᑭᓪᓗᖓ ᓄᓇᓯ ᓱᒋᐊᕈᒫᕐᐸᕋ.”

ᒨᓯᓯ ᓯᑕᒪᖏᑦ 2:18

“ᓯᕿᓂᐅᑉ ᓂᐱᕕᐊᑕ ᓇᓛᓃ ᑕᖕᒫᕐᓯᒪᕕᖃᕐᒥᓗᓂ ᐅᓇᑕᕐᑐᒃᓴᓂᒃ ᐃᕗᕅᒥᐅᑉ ᑭᖑᕚᖏᓐᓂᑦ ᐅᓇᑕᕐᑐᒃᓴᐅᖃᑎᒌᓂᒃ, ᐃᕗᕅᒥᐅᑉ ᑭᖑᕚᖏᓐᓄᑦ ᓯᕗᓕᕐᑎᐅᓗᓂ ᐃᓔᓴᒪ ᐊᒥᕼᐆᑎᐅᑉ ᐃᕐᓂᖓ.

ᓘᑲᓯᐅᑉ ᐊᒡᓚᖏᑦ 1:17

ᐊᓂᕐᓂᖃᕐᓗᓂ ᐱᔪᓐᓇᕐᓂᖃᕐᓗᓂᓗ ᓇᓚᐅᑦᑍᔪᑐᑦ ᐃᓔᑦᔭᑐᑦ, ᐊᑖᑕᐅᔪᑦ ᐃᓱᒪᒋᔭᖃᑦᓯᐊᓕᕐᑎᑦᓱᒫᕐᐰᑦ ᕿᑐᕐᖓᒥᖕᓂᒃ; ᓈᓚᖏᑦᑐᓪᓗ ᐅᑎᕐᑎᑦᓱᒫᕐᓗᒋᑦ ᓯᓚᑐᔪᒥᒃ ᐃᓱᒪᖃᓕᕐᑎᓪᓗᒋᑦ; ᐊᑕᓂᐅᑉ ᐃᓄᖁᑎᖏᑦ ᐅᐸᓗᖕᒊᔭᕐᓗᒋᑦ ᑖᑦᓱᒧᖓ.”

ᓘᑲᓯᐅᑉ ᐊᒡᓚᖏᑦ 15:20

ᐊᐅᓪᓚᕋᒥ ᐊᑖᑕᒥᓄᑦ ᐅᑎᓕᕐᐳᖅ. “ᓱᓕ ᐅᖓᓯᒃᑐᒦᑎᓪᓗᒍ ᐊᑖᑕᖓᑕ ᑕᑯᕚ, ᐃᓚᑦᓱᒋᓕᕐᓗᒍ, ᐊᑖᑕᖓ ᐅᓪᓚᒃᓯᓪᓗᓂ ᐸᕐᕆᐊᕐᐹ, ᑎᑭᓐᓇᒥᐅᒡᓗ ᐃᕿᑉᐹ ᑯᓂᒡᓗᒍᓗ,

ᐋᐴᓯᑕᓖᑦ ᐱᓂᐊᕐᓂᖏᑦ 3:26

ᒎᑎᐅᑉ ᐱᔨᓂ ᓂᕈᐊᕋᒥᐅᒃ ᑎᓕᓚᐅᕐᐹ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ, ᓮᒻᒪᕐᑎᑦᓯᓂᖓᒍᑦ ᑕᒪᑦᓯ ᐊᑐᓂᑦ ᐊᔪᕐᑐᓕᓂᕐᒥᒃ ᕿᒤᖁᓪᓗᓯ.”

ᐱᓕᐱᒥᐅᓄᑦ 2:13

ᒎᑎ ᐱᓇᓱᐊᕐᒪᑦ ᐃᓕᑦᓯᓐᓂ, ᐱᔪᒪᓂᖃᖁᓪᓗᓯ ᐱᓇᓱᐊᖁᓪᓗᓯᓗ ᑖᑦᓱᒪ ᓇᖕᒥᓂᖅ ᐊᑲᐅᒋᔭᖓᓂᒃ.

ᐄᑉᕈᐃᓄᑦ 12:5

ᐳᐃᒍᕐᐱᓯᐅᒃ ᐅᖃᐅᓰᑦ ᐱᕙᓪᓕᕐᓇᕐᑐᑦ ᐃᓕᑦᓯᓐᓄᑦ ᐅᖃᐅᓯᐅᓯᒪᔪᑦ ᕿᑐᕐᖓᖃᕐᓂᕋᕐᑐᑦ? “ᐃᕐᓃᒃ, ᐊᑕᓂᐅᑉ ᐋᖅᑭᒋᐊᕐᓯᓂᖓᓂᒃ ᓇᕐᕈᑦᑍᓕᒋᑦ, ᓴᐱᓕᕐᑍᓕᒋᓪᓗ ᑖᑦᓱᒧᖓ ᓱᐊᖓᔭᐅᒍᕕᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:19

ᓇᒡᓕᒋᔭᒃᑲ ᐃᓂᕐᑎᕐᓗᒋᑦ ᓱᒋᐊᖃᑦᑕᕐᐸᒃᑲ; ᑍᒤᒻᒪᑦ ᑲᑦᓱᖕᒊᓪᓗᑎᑦ ᖃᕿᐊᓕᕆᑦ.