ᔨᕆᒤᐊᐅᑉ ᐊᒡᓚᖏᑦ 31:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᑕᓂᖅ ᐅᖃᕐᐳᖅ, “ᐃᓅᖃᑎᒌᒡᔪᐊᖑᔪᓯ ᐊᑕᓂᐅᑉ ᐅᖃᐅᓯᖏᑦ ᑐᓴᓕᕐᓯᒋᒃ ᑐᓴᕐᑕᐅᑎᓯᐅᒃ ᐃᒪᐅᑉ ᑭᒡᓕᖓᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐃᓴᕆᐊᓕᒥᐅᓂᒃ ᓇᒧᑐᐃᓐᓈᕐᑎᑦᓯᓚᐅᕐᑑᑉ ᑲᑎᕐᓱᕈᒫᕆᕔᑦ ᐃᓄᖁᑎᓂᓗ ᐰᕆᓂᐊᕐᐰᑦ ᓰᐱᓂᒃ ᐰᕐᓯᔨᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 31:10 Iomraidhean Croise

ᒨᓯᓯ ᓯᕗᓪᓖᑦ 10:5

ᑖᒃᑯᓇᓐᖓᑦ ᑕᕝᕙ ᐃᓄᐃᑦ ᓯᐊᒻᒪᓚᐅᕐᐳᑦ ᐃᒪᐅᑉ ᓯᓈᓂᑦᑐᓄᑦ, ᐅᑯᐊ ᑕᕝᕙ ᔧᐱᑎᐅᑉ ᑭᖑᕚᖏᑦ ᓄᓇᒥᖕᓂ, ᓇᖕᒥᓂᕐᓗ ᐅᖃᐅᓯᖃᕐᓗᑎᒃ, ᐃᓚᒌᖕᓂᕐᒥᒃᑎᒍᑦ, ᐃᓅᖃᑎᒌᒡᔪᐊᖑᓂᕐᒥᒃᑎᒍᓪᓗ.

ᐃᓐᖏᕈᑎᑦ 147:2

ᐊᑕᓂᐅᑉ ᔨᕉᓴᓕᒻ ᓴᓇᕚ; ᐊᐅᓪᓚᕈᑦᔭᐅᓯᒪᔪᓪᓗ ᐃᓴᕆᐊᓕᒥᐅᑦ ᑲᑎᕐᓱᕐᐰᑦ.

ᐃᓐᖏᕈᑎᑦ 23:1

ᐊᑕᓂᖅ ᐰᕆᔨᒋᕙᕋ; ᓱᓇᒥᒡᓘᓐᓃᑦ ᐊᔪᕐᓴᕐᓂᐊᓐᖏᓚᖓ.

ᐃᓐᖏᕈᑎᑦ 72:10

ᐊᖓᔪᖅᑳᕐᔪᐊᑦ ᑖᕐᓯᓯᒥᐅᑦ ᐅᖓᓯᒃᑐᒥᐅᓪᓗ ᑐᓂᕐᕈᑎᓂᒃ ᕾᑦᓯᔪᒫᕐᐳᑦ; ᐊᖓᔪᖅᑳᕐᔪᐊᓪᓗ ᓰᐸᒥᐅᑦ ᓰᕙᒥᐅᓪᓗ ᑐᓂᕐᕈᑎᒥᖕᓂᒃ ᐋᑦᓯᔪᒫᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:23

ᓰᐱᖁᑎᑎᑦ ᐊᔪᐃᓐᓇᕐᓗᒋᑦ ᑲᒪᒋᑦᓯᐊᒃᑭᑦ, ᐆᒪᔪᖁᑎᑎᓪᓗ ᖃᐅᔨᓴᑦᓯᐊᕐᓗᒋᑦ;

ᐂᓮᐊᓯᐅᑉ ᐊᒡᓚᖏᑦ 24:14

ᐊᒥᐊᒃᑯᑐᐊᖑᔪᑦ ᖁᕕᐊᓱᒡᓗᑎᒃ ᐃᓐᖏᕈᒫᕐᐳᑦ, ᓯᕿᓂᐅᓪᓗ ᓂᐱᕕᐊᑕ ᓇᓛᓃᑦᑐᑦ ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓂᒃ ᐅᖃᐅᓯᖃᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 27:12

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᑰᖕᒥᑦ ᐃᕗᕅᑎᒥᑦ ᐱᒋᐊᕐᓗᒍ ᐄᑦᔨᑉᑎᒥᐅᑦ ᓄᓇᖓᑦᑕ ᑭᒡᓕᖓ ᑎᑭᓪᓗᒍ, ᐊᑕᓂᐅᑉ ᐃᓄᖁᑎᓂ ᐊᑕᐅᓯᐅᓈᕐᑎᕐᓗᒋᑦ ᑲᑎᕐᓱᕈᒫᕐᐰᑦ, ᓂᐊᖂᔭᒃᓴᒥᒃ ᐃᕖᔧᑦᔪᑎᑐᑦ ᐃᕖᔧᕕᖕᒥ.

ᐂᓮᐊᓯᐅᑉ ᐊᒡᓚᖏᑦ 40:1

“ᒪᓂᒍᕐᑕᐅᓕᑦ, ᐄᓛᒃ ᒪᓂᒍᕐᑕᐅᓕᑦ ᐃᓄᖁᑎᒃᑲ!” ᒎᑎᓯ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 40:11

ᓰᐱᓕᕆᔨᑎᑐᑦ ᐃᓄᖁᑎᓂ ᓂᕆᑎᑦᓱᒫᕐᐰᑦ, ᓰᐲᓪᓗ ᓄᕐᕋᖏᑎᑐᑦ ᑕᓕᕐᒥᓄᑦ ᐃᕿᓯᒥᐊᕈᒫᕐᐰᑦ, ᐊᒡᔭᕐᓗᒋᑦ ᓴᒡᕕᖕᒥᓂ, ᕿᑐᕐᖓᓛᓖᓪᓗ ᐊᑦᑕᕆᓗᒋᑦ ᒪᓕᒃᑎᑦᓱᒫᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 41:1

“ᓵᓐᓂ ᓂᐰᕆᑦᓯ ᐃᓕᑦᓯ ᐃᒪᐅᑉ ᓯᓈᓂᒥᐅᖑᔪᓯ, ᐃᓄᐃᑦ ᐱᔪᓐᓇᕐᓂᖏᑦ ᓄᑖᓐᖑᕐᑎᑕᐅᓕᕐᓕᑦ; ᖃᒡᓕᒋᐊᕐᓗᑎᒡᓗ, ᐅᖃᓚᐅᕐᓕᑦ, ‘ᐊᑕᐅᑦᓯᒃᑯᑦ ᖃᒡᓕᒋᐊᓚᐅᕐᑕ ᐃᖅᑲᕐᑐᐃᕕᖕᒧᑦ.’

ᐂᓮᐊᓯᐅᑉ ᐊᒡᓚᖏᑦ 42:10

“ᐊᑕᓂᕐᒧᑦ ᐃᓐᖏᕆᑦᓯ ᐃᓐᖏᕈᒻᒥᒃ ᓄᑖᒥᒃ, ᓂᕐᑐᕐᓯᐅᒃ ᓄᓇᕐᔪᐊᑉ ᑭᒡᓕᖏᓐᓂᑦ! ᐃᒪᕕᒃ ᐃᒃᑑᓕᔮᕐᓕ ᑕᕝᕙᓂᒥᐅᑕᓕᒫᓪᓗ, ᐃᒪᐅᑉ ᑭᒡᓕᖓᓂᒥᐅᑦ ᑕᒫᓂᓗ ᓄᓇᖃᕐᑐᓯ ᓂᕐᑐᐃᖃᑕᐅᒋᑦᓯ.

ᐂᓮᐊᓯᐅᑉ ᐊᒡᓚᖏᑦ 42:4

ᑕᒪᐅᖎᓐᓈᕈᒫᓐᖏᓚᖅ ᓴᐱᓕᕋᓂᓗ, ᐊᑦᔨᒌᒃᑎᑦᓯᓂᕐᒥᒃ ᐊᑐᓕᕐᑎᑦᓯᖄᕋᓂ ᓄᓇᕐᔪᐊᕐᒥ; ᐃᒪᐅᓪᓗ ᓯᓈᓂ ᓄᓇᖃᕐᑐᑦ ᐊᔪᕆᕐᑐᐃᑦᔪᑎᖏᓐᓂᒃ ᓂᕆᐅᒍᒫᕐᐳᑦ.”

ᐂᓮᐊᓯᐅᑉ ᐊᒡᓚᖏᑦ 48:20

ᐹᐱᓘᓂᒥᑦ ᐊᐅᓪᓚᓕᕆᑦᓯ! ᑲᐅᓪᑎᐊᒥᐅᓂᒃ ᕿᒫᓕᕆᑦᓯ! ᑕᒪᓐᓇ ᐃᓐᖏᕈᑎᒋᓯᐅᒃ ᓂᐱᖅᑯᕐᑐᓗᓯ ᖁᕕᐊᓱᖕᓂᕐᒧᑦ, ᓇᓗᓁᕐᓯᐅᒃ ᑐᓴᕐᑕᐅᑎᓪᓗᒍ ᓄᓇᕐᔪᐊᑉ ᑭᒡᓕᖏᓐᓄᑦ; ᐅᖃᕐᓗᓯ, “ᐊᑕᓂᐅᑉ ᐱᔨᓂ ᔧᑯ ᐃᒻᒥᓄᑦ ᐅᑎᕐᑎᑉᐹ!”

ᐂᓮᐊᓯᐅᑉ ᐊᒡᓚᖏᑦ 54:7

ᓯᕐᓛᐱᒃ ᕿᒪᑬᓐᓇᓚᐅᕐᐸᑦᓯ, ᑭᓯᐊᓂᓕ ᓇᒡᓕᒋᓗᐊᕋᑦᓯ ᐅᑎᕐᑎᓐᓂᐊᕐᐸᑦᓯ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 60:9

ᐃᒪᐅᑉ ᓯᓇᓂᒥᐅᑦ ᐅᑕᖅᑭᔪᒫᕐᐳᑦ ᐅᕙᓐᓂᒃ, ᐅᒥᐊᕐᔪᐊᑦ ᑖᕐᓯᓯᒥᑦ ᐱᔪᑦ ᑎᑭᖅᑳᕈᒫᕐᐳᑦ, ᐃᕐᓂᑦᓯᓐᓂᒃ ᓇᒃᓴᕐᓗᑎᒃ ᐅᖓᓯᒃᑐᒥᑦ, ᓯᐅᓪᕕᕆᖁᑎᒥᖕᓂᒃ ᒎᓗᖁᑎᒥᖕᓂᒡᓗ ᐱᖃᓯᐅᑦᔨᓗᑎᒃ, ᐊᑕᓂᐅᑉ ᒎᑎᑦᓯ ᐊᑎᖓᓄᑦ, ᐃᓴᕆᐊᓕᑏᓪᓗ ᐃᑦᔪᕐᓁᑦᑐᖁᑎᖓᓐᓄᑦ, ᑖᑦᓱᒪ ᐅᐱᓐᓇᕐᓯᑎᓯᒪᖕᒪᓯ.

ᐂᓮᐊᓯᐅᑉ ᐊᒡᓚᖏᑦ 66:19

ᓇᓗᓁᒃᑯᑕᖃᕐᑎᑦᓯᔪᒫᕐᐳᖓᓗ ᑖᒃᑯᓇᓂ. “ᑖᒃᑯᓇᓐᖓᓪᓗ ᐊᒥᐊᒃᑰᔪᓂᒃ ᐊᐅᓪᓚᕈᑦᔭᐅᑎᑦᓯᔪᒫᕐᐳᖓ, ᓄᓇᓕᖕᓄᑦ ᑖᕐᓯᓯᒧᑦ, ᓄᓇᓕᖕᓄᓪᓗ ᐴᓕᒧᑦ, ᓗᑦᒧᓪᓗ, ᐱᑎᒃᓯᒥᖕᓂᒃ ᐅᕐᓕᕐᑐᕐᑐᓄᑦ ᑐᐸᐅᓪᒥᐅᓄᑦ, ᔭᕚᓇᒥᐅᓄᓪᓗ, ᐃᒪᐅᓪᓗ ᓯᓈᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐅᖃᐅᑎᒋᔭᐅᓂᓐᓂᒃ ᑐᓴᓚᐅᕐᓯᒪᖏᑦᑐᓄᑦ ᓂᕐᑐᕐᓇᕐᓂᕐᔪᐊᓐᓂᒡᓗ ᑕᑯᓚᐅᕐᓯᒪᖏᑦᑐᓄᑦ; ᑖᒃᑯᐊᓗ ᓂᕐᑐᕐᓇᕐᓂᕐᔪᐊᕋ ᐅᖃᐅᑎᒋᔪᒫᕐᐹᑦ ᐃᓅᖃᑎᒌᒡᔪᐊᓄᑦ.

ᔨᕆᒤᐊᐅᑉ ᐊᒡᓚᖏᑦ 23:4

ᐰᕐᓯᔨᖃᕐᑎᓐᓂᐊᕐᐸᒃᑲᓗ ᑲᒪᔨᒃᓴᖏᓐᓂᒃ, ᓯᕘᕋᔪᓐᓃᖁᓪᓗᒋᑦ ᑲᑉᐱᐊᓇᕐᑐᒦᖁᓇᒋᓪᓗ ᐊᓯᐅᓯᒪᔪᖃᕈᓐᓃᕈᒫᕐᐳᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 25:22

ᐊᖓᔪᖅᑳᕐᔪᐊᕆᔭᐅᔪᓕᒫᑦ ᑍᕆᒥ, ᓮᑐᓂᒥᓗ, ᐊᖓᔪᖅᑳᕐᔪᐊᓕᒫᑦ ᑕᕆᐅᕌᓗᑉ ᓯᒃᔭᖓᓃᑦᑐᓂ.

ᔨᕆᒤᐊᐅᑉ ᐊᒡᓚᖏᑦ 3:15

ᐰᕐᓯᔨᑖᕐᑎᓐᓂᐊᕐᐸᑦᓯᓗ ᐅᕙᓐᓂᒃ ᓈᓚᑦᓯᐊᕐᑐᓂᒃ, ᑕᓯᐅᕐᓯᖁᓪᓗᒋᑦ ᓯᓚᑐᓗᑎᒃ ᑐᑭᓯᒪᑦᓯᐊᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 50:17

“ᐃᓴᕆᐊᓕᒥᐅᑦ ᓰᐱᑎᑐᑦ ᓯᐊᒻᒪᕐᓯᒪᕗᑦ ᓛᔭᓄᑦ ᒪᓕᑲᑕᒃᑕᐅᔪᑎᑐᑦ, ᓯᕗᓪᓕᕐᐹᖑᓪᓗᑎᒃ ᑖᒃᑯᓂᖓ ᑎᒍᓯᓚᐅᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ, ᑭᖑᓪᓕᕐᐹᖑᓪᓗᓂ ᓴᐅᓂᖅᑯᑦᑍᔪᑎᑐᑦ ᑍᒤᑦᑑᓯᒪᕗᖅ ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ.

ᔨᕆᒤᐊᐅᑉ ᐊᒡᓚᖏᑦ 50:19

ᐃᓴᕆᐊᓕᒥᐅᑦ ᓄᓇᖁᑎᖏᓐᓄᑦ ᐅᑎᕐᑎᑦᓱᒫᕐᐸᒃᑲ, ᓂᕆᓇᓱᒡᕕᒃᓴᖃᕈᓐᓇᕐᓯᔪᒫᕐᐳᑦ ᖃᖅᑲᒥ ᑳᕐᒥᐅᓪᒥ ᐹᓴᓂᒥᓗ, ᐊᑭᐊᑦᑐᕐᓗᑎᒃ ᓂᕆᔪᒤᕈᒫᕐᐳᑦ, ᐃᕗᕅᒥ ᒋᓕᐊᑎᒥᓗ.

ᐃᓯᑭᐊᓕᐅᑉ ᐊᒡᓚᖏᑦ 11:16

“ᑍᒤᒻᒪᑦ ᐅᖃᕆᑦ, ‘ᐊᑕᓂᖅ ᒎᑎ ᐅᖃᕐᐳᖅ: ᐊᐅᓪᓚᕈᑦᔭᐅᑎᓯᒪᒐᓗᐊᕐᐸᒃᑲ ᐅᖓᓯᒃᑐᒧᑦ ᐃᓅᖃᑎᒌᒡᔪᐊᓄᑦ, ᓄᓇᓕᒡᔪᐊᓄᓪᓗ ᓯᐊᒻᒪᕐᑎᓯᒪᓪᓗᒋᑦ, ᓱᓕᓕ ᐃᑦᔪᕐᓁᑦᑐᖁᑎᒋᔭᐅᕗᖓ ᑖᒃᑯᓄᖓ ᓄᓇᓕᒡᔪᐊᓂ ᐂᕕᒋᓯᒪᔭᖏᓐᓃᒐᓗᐊᕐᑎᓪᓗᒋᑦ.’

ᐃᓯᑭᐊᓕᐅᑉ ᐊᒡᓚᖏᑦ 20:34

ᓄᓇᓂᑦ ᓇᑭᑐᐃᓐᓇᖅ ᓯᐊᒻᒪᕐᑎᑕᐅᓯᒪᕕᑦᓯᓐᓂᑦ ᑲᑎᕐᓱᕈᒫᕐᐸᑦᓯ, ᐊᒡᒐᓐᓄᑦ ᓲᖑᔪᓄᑦ ᑕᓕᓐᓄᓪᓗ ᓴᓐᖏᔪᒧᑦ, ᓂᓐᖓᐅᓯᓐᓂᒃ ᐃᓚᖃᕐᑐᒧᑦ;

ᐃᓯᑭᐊᓕᐅᑉ ᐊᒡᓚᖏᑦ 34:12

ᐰᕐᓯᔩᑦ ᕿᓂᑦᓯᐊᓲᖑᖕᒪᑕ ᓰᐱᖁᑎᖏᑕ ᐃᓚᖏᓐᓂᒃ ᓇᒧᑐᐃᓐᓇᖅ ᓯᐊᒻᒪᕐᑐᖃᕐᑎᓪᓗᒍ, ᑍᒫᒃᑕᐅᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ; ᓴᐳᑎᔪᒫᕐᐸᒃᑲ ᓇᓂᓕᒫᖅ ᓯᐊᒻᒪᕐᓯᒪᕕᒋᓚᐅᕐᑕᖏᓐᓂᑦ ᐅᓪᓗᖅ ᓄᕗᔭᑎᓪᓗᒍ ᑖᕐᑑᑎᓪᓗᒍᓗ.

ᐃᓯᑭᐊᓕᐅᑉ ᐊᒡᓚᖏᑦ 37:24

ᐱᔨᒐ ᑍᕕᑎ ᐊᖓᔪᖅᑳᕐᔪᐊᖑᔪᒫᕐᐳᖅ ᑖᒃᑯᓄᖓ; ᐊᑕᐅᓯᕐᒥᒡᓗ ᐰᕐᓯᔨᖃᕈᒫᕐᐳᑦ. ᐱᖁᔭᒃᑲᓗ ᒪᓕᒍᒫᕐᐰᑦ ᐊᑐᕐᑕᐅᖁᔭᒃᑲᓗ ᑲᒪᒋᑦᓯᐊᕐᓗᒋᑦ ᐊᑐᕈᒫᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 5:10

ᑍᒤᒻᒪᑦ ᐊᑖᑕᐅᔪᑦ ᕿᑐᕐᖓᒥᖕᓂᒃ ᓂᕿᖃᓕᕈᒫᕐᐳᑦ ᐊᑯᓐᓇᑦᓯᓐᓂ, ᕿᑐᕐᖓᐅᔪᓪᓗ ᐊᖓᔪᖅᑳᒥᖕᓂᒃ ᓂᕿᖃᓕᕐᒥᓗᑎᒃ; ᑍᒫᒃ ᓱᒋᐊᕈᒫᕐᐸᑦᓯ, ᐊᒥᐊᒃᑰᔪᓪᓗ ᓇᒧᓕᒫᖅ ᓯᐊᒻᒪᒍᒫᕐᐳᑦ ᐊᓄᕆᓕᒫᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 5:2

ᐱᖓᔪᖏᑦ ᐃᑯᐊᓪᓚᒍᒫᕐᐸᑎᑦ ᐃᒡᓗᒐᓴᒡᔪᐊᑦ ᐃᓗᐊᓂ; ᔨᕉᓴᓕᒥᐅᑦ ᐊᑭᕋᒥᓄᑦ ᐊᕙᓗᔭᐅᓯᒪᓂᖓ ᐃᓱᓕᑉᐸᑦ; ᐱᖓᔪᖏᓪᓗ ᓴᕕᒡᔪᐊᕐᓄᑦ ᓇᑲᑎᕐᓗᒋᑦ ᓈᕕᑕᒃᓴᕆᕙᑎᑦ ᐃᒡᓗᒐᓮᑦ ᐊᕙᓗᐊᑕ ᓯᓚᑖ ᓈᓗᒍ; ᐱᖓᔪᒋᖕᒥᔭᖏᑦ ᑎᒃᑕᐅᕋᕐᑎᓪᓗᒋᑦ ᐊᓄᕆᒧᑦ, ᓴᕕᒡᔪᐊᕋ ᐊᒧᓗᒍ ᒪᓕᒍᒫᕐᐸᒃᑲ.

ᑖᓂᐊᓕᐅᑉ ᐊᒡᓚᖏᑦ 11:18

ᐃᒫᐅᑉ ᓯᓈᓃᑦᑐᓄᑦ ᓄᓇᓕᖕᓄᑦ ᓵᓐᖓᓕᕈᒫᕆᕗᖅ, ᐅᓄᕐᑐᓪᓗ ᐃᒪᐅᑉ ᓯᓈᓃᑦᑐᑦ ᓄᓇᓖᑦ ᐱᑖᕆᔪᒫᕐᐰᑦ, ᐊᖓᔪᖅᑳᖁᑎᖓᑕ ᕿᓂᕐᓂᖓ ᓄᓇᓖᑦ ᐊᓯᖏᓐᓄᑦ ᓄᖅᑲᕐᑎᑦᓱᒫᕐᐹ, ᐃᒻᒥᓄᓪᓗ ᓵᓐᖓᑎᓕᕐᓗᒍ.

ᒨᓯᓯ ᐱᖓᔪᖏᑦ 26:33

ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ, ᐅᓇᑕᕐᓂᕐᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᕐᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᕐᐳᑦ.

ᒤᑲᐅᑉ ᐊᒡᓚᖏᑦ 2:12

ᓱᓕᑦᓯᐊᕐᓗᖓ ᑲᑎᕐᓱᕈᒫᕐᐸᑦᓯ, ᔧᑯᒧᑦ ᑭᖑᕚᖑᔪᓯ; ᑲᑎᕐᓱᕈᒫᕐᐸᒃᑲ ᐃᓴᕆᐊᓕᒥ ᐊᒥᐊᒃᑰᔪᑦ; ᓰᐱᑎᑐᑦ ᓰᐱᒃᑯᕕᖕᒧᑦ ᑲᑎᕐᓱᕐᑕᐅᔪᑎᑐᑦ, ᓰᐱᑎᑐᓪᓗ ᓂᕿᒃᓴᓕᖕᒦᑦᑐᑎᑐᑦ; ᑐᓴᒡᒐᕕᒃᓴᐅᓛᓐᖏᓚᕐᓗ ᐃᓄᒋᐊᓗᐊᒧᑦ.

ᒤᑲᐅᑉ ᐊᒡᓚᖏᑦ 4:6

ᐊᑕᓂᖅ ᐅᖃᕐᐳᖅ, “ᐅᓪᓗᒥ ᑍᑲᓂ ᑐᓯᐊᑦᑐᑦ ᑲᑎᒪᑎᑦᓱᒫᕐᐸᒃᑲ ᐊᐅᓪᓚᕈᑦᔭᐅᓯᒪᔪᑦ ᐋᓐᓂᐊᑎᓚᐅᕐᑕᒃᑲᓗ ᑲᑎᕐᓱᕐᓗᒋᑦ.

ᒤᑲᐅᑉ ᐊᒡᓚᖏᑦ 5:4

ᓂᑯᕕᓪᓗᓂ ᓰᐱᖁᑎᓂ ᓂᕆᑎᑦᓱᒫᕐᐰᑦ, ᐊᑕᓂᐅᑉ ᓴᓐᖏᓂᖓᒍᑦ, ᐊᖓᔪᖅᑲᐅᓂᕐᔪᐊᖑᓂᖓᑕᓗ ᐊᑎᖓᒍᑦ ᐊᑕᓂᐅᑉ ᒎᑎᖓᑕ. ᐃᓄᖁᑎᖏᓪᓗ ᐃᓅᔪᒫᕐᐳᑦ ᓯᕘᕋᖏᓪᓗᑎᒃ ᐊᔪᖏᑦᑐᐊᓘᓂᖓ ᑎᑭᐅᑎᔪᒫᕐᐳᖅ ᓄᓇᕐᔪᐊᓕᒫᒧᑦ.

ᔨᐸᓁᐊᐅᑉ ᐊᒡᓚᖏᑦ 2:11

ᐊᑕᓂᖅ ᑲᒪᓇᕐᑐᒃᑯᑦ ᐱᓂᐊᕐᓂᖃᕈᒫᕐᐳᖅ ᑖᒃᑯᓄᖓ, ᓄᖑᑎᑦᓱᒫᕐᒪᒋᑦ ᒎᑎᓐᖑᐊᑦ ᓄᓇᕐᔪᐊᒦᑦᑐᑦ. ᐃᓄᓕᒫᑦ ᑐᒃᓯᐊᕐᕕᒋᔪᒫᕐᐹᑦ ᐊᖏᕐᕋᒥᖕᓂ, ᐃᓛᒃ ᓯᒡᔭᒥ ᓄᓇᖃᕐᑐᓕᒫᑦ ᐃᓅᖃᑎᒌᒡᔪᐊᑦ ᑐᒃᓯᐊᕐᕕᒋᔪᒫᕐᐹᑦ.

ᔨᐸᓁᐊᐅᑉ ᐊᒡᓚᖏᑦ 3:19

ᑕᑯᒋᑦ, ᑍᓐᓇ ᓇᓪᓕᐅᑎᒃᐸᑦ ᐃᓕᑦᓯᓐᓂᒃ ᕿᒃᓵᒃᑎᑦᓯᔪᑦ ᑲᒪᒋᔪᒫᕐᐸᒃᑲ, ᑐᓯᐊᑦᑐᑦ ᐱᐅᓕᓂᐊᕐᐸᒃᑲ. ᑲᑎᑎᑦᓱᒫᕐᐸᒃᑲᓗ ᓯᐊᒻᒪᕐᑎᑕᐅᓯᒪᔪᑦ, ᑎᓕᔪᒫᕐᐸᒃᑲᓗ ᓂᕐᑐᐃᑯᓪᓗᒋᑦ ᖃᐅᔨᒪᔭᐅᑦᓯᐊᓕᕐᑎᓪᓗᒋᓪᓗ, ᑍᒃᑯᐊ ᓄᓇᓂ ᓇᓂᑐᐃᓐᓇᖅ ᑲᓐᖑᓱᒃᑎᑕᐅᓚᐅᕐᑐᑦ.

ᓴᑲᕅᐊᐅᑉ ᐊᒡᓚᖏᑦ 10:8

ᐅᕕᓐᖏᐊᕐᕕᒋᔪᒫᕐᐸᒃᑲ, ᑲᑎᑎᓪᓗᒋᓪᓗ ᐱᐅᓕᔪᒫᕋᒃᑭᑦ: ᐅᓄᕐᓯᕙᓪᓕᐊᔪᒫᕐᐳᑦ ᑍᒫᒃ ᐅᓄᕐᑎᒋᕙᓚᐅᕐᓂᖏᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 2:6

“ᐊᐅᓪᓚᓕᕆᑦᓯ! ᐊᐅᓪᓚᓕᕆᑦᓯ! ᕿᒫᓕᕆᑦᓯ ᓯᕿᓂᐅᑉ ᑕᕐᕋᖓᑕ ᓄᓇᖏᓐᓂᑦ,” ᑍᒫᒃ ᐊᑕᓂᖅ ᐅᖃᕐᐳᖅ, “ᓄᓇᓄᑦ ᐅᖓᓯᒃᑐᓄᑦ ᓇᒧᑐᐃᓐᓇᖅ ᐊᐅᓪᓚᕐᑎᓯᒪᒐᑦᓯ.

ᓴᑲᕅᐊᐅᑉ ᐊᒡᓚᖏᑦ 9:16

ᐊᑕᓂᐅᑉ ᒎᑎᖓᑦᑕ ᓴᐳᑎᔪᒫᕐᐰᑦ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ, ᑍᒫᑦᓮᓐᓇᖅ ᓰᐱᓕᕆᔨᐅᑉ ᓰᐱᖁᑎᓂ ᓴᐳᑎᓲᕆᖕᒪᒋᑦ ᐃᕐᓯᓇᕐᑐᓂᑦ: ᐅᔭᕋᒃᑎᑐᑦ ᑕᑯᒥᓇᕐᑐᑎᑐᑦ ᑍᒤᑦᓱᒫᕐᐳᑦ ᓂᐊᖂᑎᖓᓂ, ᑕᑯᒃᓴᐅᑦᓯᐊᕐᓗᑎᒡᓗ ᓄᓇᖁᑎᖓᓂ.

ᓘᑲᓯᐅᑉ ᐊᒡᓚᖏᑦ 12:32

“ᓯᕘᕋᖏᓪᓗᓯ, ᐅᓄᖏᒃᑲᓗᐊᕐᑐᓯ, ᐊᑖᑕᑦᓯ ᖁᕕᐊᓱᒡᓗᓂ ᑐᓂᓯᕕᒋᔪᒪᖕᒪᓯ ᐊᑕᓂᐅᕕᖕᒥᓂᒃ.

ᔪᐊᓇᓯᐅᑉ ᐊᒡᓚᖏᑦ 10:27

ᓰᐱᖁᑎᒪ ᓂᐱᒐ ᑐᓴᕐᐹᑦ, ᖃᐅᔨᒪᒐᒃᑭᑦ, ᒪᓕᒃᐹᖓ.

ᔪᐊᓇᓯᐅᑉ ᐊᒡᓚᖏᑦ 11:52

ᐃᓅᖃᑎᒌᒡᔪᐊᓪᓕ ᑖᒃᑯᐊᑐᐊᖅ ᐱᓇᒋᑦ, ᒎᑎᐅᓪᓕ ᕿᑐᕐᖓᖏᑦ ᓇᒧᑐᐃᓐᓇᖅ ᓯᐊᒻᒪᕐᓯᒪᔪᑦ ᑲᑎᕐᓱᕐᑕᐅᖁᓪᓗᒋᑦ ᐊᑕᐅᓯᕐᒧᑦ.

ᒨᓯᓯ ᑕᓪᓕᒪᖏᑦ 30:4

ᐊᒡᓛᒃ ᓄᓇᐅᑉ ᐅᖓᓯᖕᓂᕐᐹᖓᓄᑦ ᓯᐊᒻᒪᕐᑎᑕᐅᓯᒪᒐᓗᐊᕈᑦᓯ, ᐊᑕᓂᐅᑉ ᒎᑎᑦᓯ ᑲᑎᕐᓱᕈᒫᕐᐹᓯ ᐅᑎᕐᑎᓪᓗᓯᓗ,

ᒨᓯᓯ ᑕᓪᓕᒪᖏᑦ 32:26

ᐅᖃᕋᔭᓚᐅᕈᒪ, ᐅᖓᓯᒃᑐᒧᑦ ᓯᐊᒻᒪᕐᓕᑦ, ᐳᐃᒍᕐᑕᐅᒐᔭᕐᐳᑦ ᐃᓄᖕᓄᑦ.