ᔨᕆᒤᐊᐅᑉ ᐊᒡᓚᖏᑦ 30:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑖᒃᑯᐊᓕ ᐱᔨᑦᓯᖁᓪᓗᒋᑦ ᐊᑕᓂᕐᒥᒃ ᒎᑎᒥᖕᓂᒃ, ᐊᖓᔪᖅᑳᕐᔪᐊᕕᓂᐅᓪᓗ ᑍᕕᑎᐅᑉ ᑭᖑᕚᖓᓂᒃ, ᒪᑭᑎᑦᓱᒫᕐᑕᓐᓂᒃ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 30:9 Iomraidhean Croise

ᐃᓐᖏᕈᑎᑦ 89:49

ᐊᑕᓃᖅ ᑍᑦᓱᒪᓂᐊᓗᒃ ᓱᖁᓯᔪᐃᑦᑐᒥᒃ ᓇᒡᓕᖕᓂᕆᓚᐅᕐᑍᑦ ᖃᓄᐃᓕᖓᓕᕐᒪᑦ? ᓱᖁᓯᔪᐃᑦᑑᓂᕐᓄᑦ ᐊᖏᕈᑎᒋᒻᒪᕆᓚᐅᕐᑍᑦ ᑍᕕᑎᒧᑦ?

ᔨᕆᒤᐊᐅᑉ ᐊᒡᓚᖏᑦ 23:5

“ᑕᑯᒋᑦ, ᐅᓪᓗᑦ ᓇᓪᓕᐅᑎᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᒪᑭᑎᑦᓯᔪᒫᕋᒪ ᑍᕕᑎᐅᑉ ᑭᖑᕚᒋᓐᓂᑦ ᐃᓱᐊᕐᑐᓕᔪᒥᒃ, ᐊᖓᔪᖅᑳᕐᔪᐊᒃᓴᒥᒃ ᓯᓚᑐᓂᖃᕐᑐᒥᒃ, ᓄᓇᖁᑎᒥᓂ ᓈᒻᒪᓈᑦᓯᐊᕐᑐᒥᒃ ᐃᓱᐊᕐᑐᒥᒡᓗ ᐊᐅᓚᑦᓯᔪᒫᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 29:11

ᐃᓱᒪᒋᓯᒪᓪᓗᒋᑦ ᐋᖅᑭᒃᓱᐃᑦᔪᑎᒋᓯᒪᔭᒃᑲ ᐃᓕᑦᓯᓐᓄᑦ ᖃᐅᔨᒪᒐᒃᑭᑦ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᔪᓐᓇᕐᓯᑎᑦᓯᔪᒪᓯᒪᓂᕋ, ᐊᓯᕈᐃᔪᒪᓗᖓᐅᖏᑦᑐᖅ ᐋᖅᑭᒃᓱᐃᓯᒪᒐᒪ ᓂᕆᐅᒋᔭᒃᓴᖃᖁᓪᓗᓯ ᓯᕗᓂᒃᓴᖃᖁᓪᓗᓯᓗ.

ᔨᕆᒤᐊᐅᑉ ᐊᒡᓚᖏᑦ 30:21

ᓇᖕᒥᓂᕐᒥᖕᓂᓪᓗ ᓯᕗᓕᕐᑎᑖᕈᒫᕐᐳᑦ ᐊᖓᔪᖅᑳᕐᔪᐊᖃᕐᓗᑎᒡᓗ ᐃᓅᖃᑎᒥᖕᓂᑦ ᐱᔪᒥᒃ. ᐅᕙᓐᓄᓪᓗ ᖃᒡᓕᑎᓐᓂᐊᕐᐸᕋ ᖃᓂᒋᔭᓐᓃᓪᓗᓂ ᐃᓅᖁᓪᓗᒍ. ᑭᓇ ᕾᔪᓐᓇᕐᐹ ᐅᕙᓐᓄᑦ ᑐᓐᖓᓴᕐᑕᐅᖏᓪᓗᓂ?

ᔨᕆᒤᐊᐅᑉ ᐊᒡᓚᖏᑦ 33:15

ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ ᓴᖅᑭᑎᑦᓯᔪᒫᕐᐳᖓ ᐊᑲᐅᔪᒥᒃ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ, ᑖᓐᓇ ᐊᑲᐅᔪᒥᒃ ᓈᒻᒪᑦᓯᐊᕐᑐᒥᒡᓗ ᐱᓇᓱᐊᕈᒫᕐᐳᖅ ᓄᓇᒥ.

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᒫᑎᐅᓯᐅᑉ ᐊᒡᓚᖏᑦ 2:2

ᐊᐱᕆᓪᓗᑎᒡᓗ, “ᔫᑎᑦ ᐊᖓᔪᖅᑳᕐᔪᐊᒃᓴᖓᑦ ᐃᕐᓂᐊᖑᓯᒪᔪᖅ ᓇᓃᑉᐹ? ᑖᑦᓱᒪ ᐅᓪᓗᕆᐊᖓ ᓴᖅᑭᓚᐅᕐᒪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᑎᑭᑉᐳᒍᑦ ᐅᐱᒋᔭᕐᑐᕐᓗᒍ.”

ᓘᑲᓯᐅᑉ ᐊᒡᓚᖏᑦ 1:69

ᐱᐅᓕᔨᕐᔪᐊᒥᒃ ᑐᓂᓯᕕᒋᖕᒪᑎᒍᑦ, ᐱᔨᒥ ᑍᕕᑎᐅᑉ ᑭᖑᕚᖏᓐᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 13:23

ᑍᕕᑎᐅᑉ ᑭᖑᕚᖓ ᐃᓴᕆᐊᓕᒥᐅᓄᑦ ᒎᑎᐅᑉ ᐱᐅᓕᔨᓐᖑᕐᑎᓚᐅᕐᐹ, ᔩᓱᓯ, ᑍᒫᒃ ᐱᓂᐊᕐᓂᕋᕐᓯᒪᒐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 13:34

ᑐᖁᖓᔪᓂᑦ ᐆᒻᒪᕐᑎᓐᓇᒥᐅᒃ, ᐅᑎᒃᑲᓐᓂᕐᓂᐊᕐᓂᕋᕈᓐᓃᕐᓗᒍ ᑐᖁᒧᑦ ᑎᒥᒥᒃ ᐃᒍᓇᕐᑎᑦᓯᔪᒧᑦ, ᑭᖑᓂᖓᓂ ᐃᒫᒃ ᐅᖃᓚᐅᕐᐳᖅ: ‘ᑐᓂᓯᕕᒋᓂᐊᕐᐸᑦᓯ ᓮᒻᒪᕐᑎᓪᓗᓯ ᑍᕕᑎᒧᑦ ᐊᖏᕈᑎᒋᓚᐅᕐᑕᓐᓂᒃ.’

ᐋᐴᓯᑕᓖᑦ ᐱᓂᐊᕐᓂᖏᑦ 2:30

ᑍᕕᑎ ᓇᓚᐅᑦᑍᔪᖁᑎᒋᓚᐅᕐᒪᒍ, ᖃᐅᔨᒪᓚᐅᕐᐳᖅ ᒎᑎᐅᑉ ᐊᖏᒻᒪᕆᒍᑎᒋᔭᒥᓂᒃ ᐅᖃᕕᒃᕕᒋᓚᐅᕐᒪᒍ; ᑭᖑᕚᖓᑕ ᐃᓚᖓᓐᓂᒃ ᐊᖓᔪᖅᑳᕐᔪᐊᓐᖑᕐᑎᑦᓯᓂᐊᕐᓂᕋᕐᓗᓂ ᑍᕕᑎᑐᑦ.