ᔨᕆᒤᐊᐅᑉ ᐊᒡᓚᖏᑦ 30:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑕᓂᖅ ᐅᖃᕐᐳᖅ, ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᓄᓯᒪᑦᔪᑎᖏᑕ ᕿᔪᒃᑕᖏᑦ ᖁᖓᓯᖏᓐᓃᑦᑐᑦ ᓱᕋᒍᒫᕐᐸᒃᑲ, ᐊᑦᑐᖏᕐᓯᒪᑦᔪᑎᒋᔭᖏᓪᓗ ᐲᔭᕐᓗᒋᑦ, ᐊᔪᓕᕐᑎᑕᐅᓯᒪᒃᑲᓐᓂᖁᓇᒋᑦ ᐊᓯᖏᑕ ᐊᐅᓚᑦᓯᓂᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 30:8 Iomraidhean Croise

ᐃᓐᖏᕈᑎᑦ 107:14

ᑖᑦᓱᒪ ᐊᓂᑎᑉᐰᑦ ᑖᕐᑐᒥᑦ ᑐᖂᓪᓗ ᑕᕐᕋᓕᓂᖓᓂᑦ, ᓯᖁᒥᓪᓗᒋᓪᓗ ᕿᓚᒃᓯᒪᐅᑎᖏᑦ ᓯᖃᓪᓕᕔᑦ.

ᐂᓮᐊᓯᐅᑉ ᐊᒡᓚᖏᑦ 10:27

ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᓇᖕᒪᒃᑎᑦᓯᓂᖏᑕ ᐲᕐᑕᐅᕕᒃᓴᖓ ᑐᐃᑦᓯᓐᓂᑦ, ᓇᖕᒪᐅᑕᖏᑕᓗ ᓯᖁᒥᑕᐅᓂᖏᑦ ᖁᖓᓯᑦᓯᓐᓂᑦ, ᓇᖕᒪᐅᑍᑦ ᓄᖑᑎᑕᐅᔪᒫᕐᐳᑦ ᐅᕐᓱᖅ ᒥᖑᐊᕈᑕᐅᔪᖅ ᐱᑦᔪᑎᒋᓗᒍ.

ᐂᓮᐊᓯᐅᑉ ᐊᒡᓚᖏᑦ 14:1

ᐊᑕᓂᖅ ᓂᑲᒍᓱᓕᒃᑲᓐᓂᕈᒫᕆᕗᖅ ᔧᑰᑉ ᑭᖑᕚᖏᓐᓂᒃ ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓕᕈᒫᕆᓪᓗᒋᑦ, ᓄᓇᑐᖃᖏᓐᓄᓪᓗ ᓇᖕᒥᓂᖏᓐᓄᑦ ᐃᓕᔪᒫᕆᕔᑦ, ᓄᓇᖃᑎᑐᖃᕆᓐᖏᑕᖏᓪᓗ ᔧᑰᑉ ᑭᖑᕚᖏᓐᓂᒃ ᐃᓚᕾᓐᓇᕈᒪᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 14:25

ᐊᓯᕆᐊᒥᐅᑦ ᐊᓯᕈᕈᒫᕐᐸᒃᑲ ᓄᓇᖁᑎᓐᓂᑦ; ᖃᖅᑲᖁᑎᓐᓃᑦᑐᑦ ᑐᓪᓕᕋᕈᒫᕐᐸᒃᑲ, ᐃᓄᖁᑎᒃᑲ ᓴᒃᑯᑕᐅᑎᑦᓱᒫᕐᐸᒃᑲ ᐅᖁᒤᒃᓴᕐᑎᑕᐅᓂᖏᓐᓂᓪᓗ ᐲᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 14:3

ᐊᑕᓂᐅᑉ ᐋᓐᓂᐊᓂᕆᓚᐅᕐᑕᑦᓯᓐᓂᑦ ᐅᖁᒤᑦᑐᒥᒡᓗ ᐃᓅᓯᖃᕐᓂᕆᓚᐅᕐᑕᑦᓯᓐᓂᑦ ᑕᕾᕐᓯᕐᑎᓕᕐᐹᓯ, ᐊᒃᓱᕈᕐᓗᓯᓗ ᐱᔨᑦᓯᕐᑎᑕᐅᑦᔪᑎᒋᓚᐅᕐᑕᑦᓯᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 9:4

ᐃᓄᐃᑦ ᐅᖁᒤᒃᓴᕐᑎᑕᐅᓂᕐᒧᑦ ᓇᖕᒪᐅᑕᖏᑦ ᓱᕋᒃᐸᑎᑦ, ᑐᐃᖏᓐᓄᓪᓗ ᐊᓇᐅᓕᐅᑎᒋᔭᐅᔪᑦ ᕿᔪᐃᑦ ᓯᖁᒥᑉᐸᑎᑦ. ᐊᑭᕋᖏᑕᓗ ᐊᓇᐅᑕᖏᑦ ᓇᑲᑎᕐᐸᑎᑦ, ᑍᑦᓱᒪᓂᑎᑐᑦ ᒥᑎᐊᓂᒥᐅᑦ ᓵᓚᒋᔭᐅᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 2:20

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑍᑦᓱᒪᓂᐊᓘᓕᕐᐳᖅ ᓇᖕᒪᐅᑍᑦ ᓱᕋᓚᐅᕋᕕᐅᒃ, ᕿᓚᕈᑏᓪᓗ ᕿᒃᑐᕋᕐᓗᒍ ᐅᖃᕐᓗᑎᓪᓗ, ‘ᐱᔨᑦᓯᕐᓂᐊᕈᓐᓃᕐᐸᒋᑦ.’ ᑍᒤᓚᐅᕐᐳᕐᓗ ᑕᒪᓐᓇ ᐱᖑᐃᑦ ᖄᖏᓐᓂ, ᓇᐹᕐᑐᐃᓪᓗ ᐊᑖᓂ ᐊᓯᓐᓂᐊᖃᑦᑕᓚᐅᕐᐸᕐᒪ ᐊᖑᓐᓂᐊᕐᑎᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 25:14

ᑖᒃᑯᐊᑦᑕᐅᖅ ᐃᓅᖃᑎᒌᒡᔪᐊᓄᑦ ᐊᖓᔪᖅᑳᕐᔪᐊᓄᓪᓗ ᐱᔪᓐᓇᕐᑐᕐᔪᐊᓄᑦ ᑎᒍᔭᐅᔪᒫᕐᒥᖕᒪᑕ. ᐱᓂᐊᕐᓂᖏᑦ ᓴᓇᔭᖏᓪᓗ ᒪᓕᒡᓗᒋᑦ ᐊᑭᓂᐊᕐᕕᒋᔪᒫᕋᒃᑭᑦ.’”

ᔨᕆᒤᐊᐅᑉ ᐊᒡᓚᖏᑦ 27:2

ᐃᒫᒃ ᐊᑕᓂᐅᑉ ᐅᖃᕐᕕᒋᕚᖓ, “ᐃᖃᕐᑎᐅᔭᕐᒥᒃ ᐊᓄᓕᐅᕆᑦ ᕿᔪᖕᒥᒡᓗ ᐃᑳᖓᔪᒃᓴᓕᐅᕐᓗᒍ ᖁᖓᓯᕐᓄᓪᓗ ᐊᑎᓗᒍ.

ᔨᕆᒤᐊᐅᑉ ᐊᒡᓚᖏᑦ 27:7

ᐃᓅᖃᑎᒌᒡᔪᐊᓪᓗ ᐱᔨᑦᓯᕈᒫᕐᐹᑦ, ᐃᕐᓂᖏᓪᓗ ᐃᕐᖑᑕᖏᓪᓗᑦᑕᐅᖅ ᓇᖕᒥᓂᖅ ᐅᕐᕈᕕᒃᓴᖓ ᑎᑭᓚᐅᖅᑳᕐᑎᓐᓇᒍ, ᑭᖑᓂᖓᒍᓪᓗᑦᑕᐅᖅ ᐊᓯᒥᓄᑦ ᐊᐅᓚᑕᐅᓕᕈᒫᕆᕗᖅ ᐱᔪᓐᓇᕐᓂᖃᕐᓂᕐᓴᐅᔪᓄᑦ.

ᔨᕆᒤᐊᐅᑉ ᐊᒡᓚᖏᑦ 28:10

ᕼᐊᓇᓁᐊᐅᓪᓗ ᔨᕆᒤᐊᐅᑉ ᐊᓄᓯᒪᐅᑎᖓ ᕿᔪᒃ ᖁᖓᓯᖓᓂᑦ ᐲᕐᓗᓂᐅᒃ ᓱᕋᒃᐹ.

ᔨᕆᒤᐊᐅᑉ ᐊᒡᓚᖏᑦ 28:13

“ᕼᐊᓇᓁᐊ ᐅᖃᐅᑎᔭᕐᑐᕈᒃ, ᓯᖁᒥᑦᓯᒐᓗᐊᕐᐳᑎᑦ ᐊᓄᓯᒪᐅᑎᒥᒃ ᕿᔪᖕᒥᒃ ᑭᖑᕝᕕᕐᑕᐅᑎᓐᓂᐊᕐᐸᕋᓕ ᐊᓄᓯᒪᐅᑎᒥᒃ ᓴᕕᕋᔭᖕᒥᒃ ᓴᓇᓯᒪᔪᒥᒃ.

ᔨᕆᒤᐊᐅᑉ ᐊᒡᓚᖏᑦ 28:4

ᐅᑎᕐᑎᓐᓂᐊᕆᕙᕋᓗ ᔨᑯᓁᐊ ᔨᕼᐅᐃᐊᑭᐅᑉ ᐃᕐᓂᖓ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ, ᐊᐅᓪᓚᕈᑦᔭᐅᓯᒪᖃᑕᐅᔪᓕᒫᓪᓗ ᐹᐱᓘᓂᒧᑦ ᐅᑎᕐᑎᒻᒥᓗᒋᑦ ᔫᑕᒧᑦ, ᐊᑕᓂᖅ ᐅᖃᕐᐳᖅ, ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑦᑕ ᐊᓄᓯᒪᐅᑎᖓ ᕿᔪᒃ ᓯᖁᒥᓐᓂᐊᕋᒃᑯ.”

ᐃᓯᑭᐊᓕᐅᑉ ᐊᒡᓚᖏᑦ 30:18

ᑎᕼᐊᐸᓂᕼᐃᒥᐅᑦ ᑖᕐᓯᐅᓕᕈᒫᕐᐳᑦ, ᐄᑦᔨᑉᑎᒥᐅᑦ ᐱᔪᓐᓇᕐᓂᖏᑦ ᓵᓚᒋᒍᒃᑭᑦ, ᐱᐅᔪᕆᓂᖏᑦ ᐃᓱᓕᑦᓱᒫᕐᐳᑦ; ᓄᕗᔭᒧᑦ ᐅᓕᒃᑕᐅᔪᒫᕐᐳᑦ, ᐃᓄᖏᑦ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 34:27

ᓇᐹᕐᑐᑦ ᐱᕈᕐᓰᕕᖕᒦᑦᑐᑦ ᐱᕈᕐᑐᖃᕈᒫᕐᐳᑦ, ᓄᓇᓗ ᐱᕈᕐᕕᐅᒋᐊᓪᓚᒍᒫᕐᐳᖅ, ᐃᓱᒫᓗᖏᑦᓯᐊᕐᓗᑎᒃ ᓄᓇᒥᖕᓃᑦᓱᒫᕐᐳᑦ; ᑖᒃᑯᐊᓗ ᖃᐅᔨᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐃᓄᖁᑎᒪ ᓇᖕᒪᐅᑕᖏᑕ ᐊᕐᓵᕐᑑᔭᖏᑦ ᓱᕋᒃᑯᒃᑭᑦ, ᐱᐅᓕᓗᒋᓪᓗ ᑖᒃᑯᓂᖓ ᓯᐊᓛᖃᕐᑐᓂᑦ.

ᓇᕼᐅᒥᐅᑉ ᐊᒡᓚᖏᑦ 1:13

ᒫᓐᓇ ᐊᑭᕋᑦᓯ ᐃᓕᑦᓯᓐᓄᑦ ᐱᔪᓐᓇᕐᓂᖃᕐᓂᖓᑦ ᓄᖅᑲᕐᑎᓐᓂᐊᕐᐸᕋ ᐊᑦᓱᖏᐅᑏᓪᓗ ᐃᓕᑦᓯᓐᓂᒃ ᕿᒃᑐᕋᕐᓗᒋᑦ.”