ᔨᕆᒤᐊᐅᑉ ᐊᒡᓚᖏᑦ 30:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐊᑕᓂᐅᑉ ᓂᓐᖓᕕᒡᔪᐊᕐᓂᖓ ᓴᖑᑦᔮᖏᒻᒪᑦ ᐱᓂᐊᕈᒪᔭᒥᓂᒃ ᐱᔭᕇᓚᐅᖏᓐᓂᓕᒫᒥᓂ, ᐅᓪᓗᐃᑦ ᑭᖑᓪᓕᖏᓐᓂ ᑕᒪᓐᓇ ᑐᑭᓯᔪᒫᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 30:24 Iomraidhean Croise

ᒨᓯᓯ ᓯᕗᓪᓖᑦ 49:1

ᑕᕝᕙ ᔧᑰᑉ ᐃᕐᓂᓂ ᐃᒻᒥᓄᑦ ᕾᖁᕔᑦ, ᐅᖃᐅᑎᓪᓗᒋᓪᓗ, “ᐃᓕᑦᓯᓐᓄᑦ ᑲᑎᓚᐅᕆᑦᓯ, ᓯᕗᓂᒃᓴᑦᓯᓐᓂ ᐃᓕᑦᓯᓐᓄᑦ ᐊᑑᑎᔪᒫᕐᑐᓂᒃ ᐅᖃᐅᑎᓂᐊᕋᑦᓯ.

ᐂᓮᐊᓯᐅᑉ ᐊᒡᓚᖏᑦ 14:24

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕕᒡᓗᓂ ᐊᖏᕐᓯᒪᖕᒪᑦ: “ᐃᓱᒪᓕᐅᕇᕐᓯᒪᒐᒪ, ᑍᒤᑦᓱᒫᕐᓗᓂᓗ, ᐋᖅᑭᒃᓱᕇᕐᓯᒪᒐᒃᑯ ᓴᖑᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 46:11

ᐊᖑᓇᓱᒃᑎᒥᒃ ᑎᖕᒥᐊᕐᔪᐊᒥᒃ ᕾᖁᔨᓯᒪᕗᖓ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᐊᖑᑦ ᐱᓇᓱᐊᕐᑕᐅᖁᔭᓐᓂᒃ ᐱᓇᓱᐊᕐᓂᐊᕐᑐᖅ ᓄᓇᒥᑦ ᐅᖓᓯᒃᑐᒥᑦ ᐱᓯᒪᔪᖅ; ᐅᖃᕇᕐᓯᒪᒐᒪ ᓇᓪᓕᐅᑎᑎᑦᓱᒫᕐᓗᒍᓗ. ᐱᓇᓱᐊᕈᒪᔭᓐᓂᒃ ᐅᖃᕐᓯᒪᒐᒪ; ᑍᒤᓕᐅᕐᓂᐊᕐᓗᖓᓗ.

ᔨᕆᒤᐊᐅᑉ ᐊᒡᓚᖏᑦ 23:19

ᑕᑯᒋᑦ, ᐊᑕᓂᐅᑉ ᓂᓐᖓᐅᒻᒪᓯᖓ ᐊᓄᕆᕐᔪᐊᑐᑦ ᑎᑭᑦᓱᒫᓕᕐᐳᖅ, ᐊᓄᕆᑎᑐᑦ ᕾᕙᒡᓗᓂ ᓄᓇᒧᑦ ᑎᑭᑦᑐᑎᑐᑦ; ᐱᐅᖏᑦᑐᓕᔪᑦ ᓂᐊᖁᖏᓐᓄᑦ ᑎᑭᑦᓱᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 23:20

ᐊᑕᓂᐅᑉ ᓂᓐᖓᐅᒪᓂᖓ ᓴᖑᓂᐊᕈᓐᓃᕐᐳᖅ ᐱᔪᒪᔭᖓ ᐊᑑᑎᓚᐅᖏᓐᓂᖓᓂ, ᐅᓪᓗᐃᑦ ᑭᖑᓪᓕᖏᓐᓂ ᑐᑭᓯᑦᓯᐊᕈᒫᕐᐸᓯ ᑕᒪᓐᓇ.

ᔨᕆᒤᐊᐅᑉ ᐊᒡᓚᖏᑦ 4:28

ᓄᓇᕐᔪᐊᖅ ᕿᒃᓵᖕᓂᐊᕐᐳᖅ, ᕿᓚᒡᓗ ᑖᕐᓯᓗᓂ, ᐊᑕᓂᐅᔪᖓ ᐅᖃᕋᒪ ᐅᒡᒍᐊᕈᑎᒋᑦᔮᓐᖏᓚᕋᓗ, ᐃᓱᒪᒋᔭᕋ ᓴᖑᑎᓐᓂᐊᕐᓇᒍ.”

ᔨᕆᒤᐊᐅᑉ ᐊᒡᓚᖏᑦ 4:8

ᐆᒪᔪᑦ ᒥᖅᑯᕕᓂᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᓕᕆᑦᓯ, ᐅᒡᒍᐊᕐᓂᕐᒧᑦ ᕿᐊᔪᐊᓘᓕᕆᑦᓯ, ᐊᑕᓂᐅᑉ ᓂᓐᖓᕕᒃᔪᐊᕐᓂᖓᑕ ᑐᓄᓐᓂᐊᕈᓐᓃᕐᒪᓯ.”

ᔨᕆᒤᐊᐅᑉ ᐊᒡᓚᖏᑦ 48:47

“ᑭᓯᐊᓂᓕ ᑍᒤᒐᓗᐊᕐᑎᓪᓗᒍ ᒧᐊᐱᒥᐅᑦ ᐱᔪᓐᓇᕐᓯᑎᑦᓯᐊᕈᒫᕆᕙᒃᑲ ᐅᓪᓗᓂ ᕾᔪᒫᕐᑐᓂ, ᐊᑕᓂᖅ ᐅᖃᕐᐳᖅ, ᑕᒪᓐᓇ ᒧᐊᐱᒥᐅᑦ ᐃᖅᑲᕐᑐᕐᑕᐅᓂᖓᑕ ᐃᓱᒋᕚ.”

ᔨᕆᒤᐊᐅᑉ ᐊᒡᓚᖏᑦ 49:37

ᐃᓛᒥᐅᑦ ᐊᑭᕋᖏᓐᓄᑦ ᑲᑉᐱᐊᓱᒃᑎᑕᐅᑎᑦᓱᒫᕋᒃᑭᑦ, ᑖᒃᑯᓂᖓ ᑐᖁᑦᓯᔪᒪᔪᓄᑦ ᑲᑉᐱᐊᓇᕐᑐᒧᑦ ᑎᑭᕝᕕᐅᑎᑦᓱᒫᕐᐸᒃᑲ ᓂᓐᖓᕕᒡᔪᐊᕐᓯᒪᓂᓐᓄᑦ, ᐊᑕᓂᖅ ᐅᖃᕐᐳᖅ, ᐅᓇᑕᕐᑐᓄᑦ ᐱᔭᐅᑎᑦᓱᒫᕐᐸᒃᑲ ᓄᖑᑕᐅᖏᓐᓂᓕᒫᖏᓐᓂ.

ᔨᕆᒤᐊᐅᑉ ᐊᒡᓚᖏᑦ 49:39

ᑍᒤᓕᐅᕋᓗᐊᕐᑎᓪᓗᒋᑦ ᐃᓛᒥᐅᑦ ᐱᔪᓐᓇᕐᓯᑎᑦᓯᐊᕈᒫᕆᕙᒃᑲ, ᐅᓪᓗᓂ ᑎᑭᑦᓱᒫᕐᑐᓂ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:12

ᐊᖅᑯᓵᕐᑐᓄᑦ ᐅᑦᔨᕆᔭᐅᔪᓐᓇᓐᖏᓚᖓ, ᑕᑯᓚᐅᕆᑦᓯ ᐋᓐᓂᐊᓂᒃᑲ, ᐋᓐᓂᐊᔪᓄᑦ ᐊᑦᔨᐅᓇᓱᒋᒐᑦᓯᐅᒃ? ᐊᑕᓂᐅᑉ ᓂᓐᖓᖕᓂᕐᒥᓄᑦ ᓱᒋᐊᕐᓯᓂᕆᔭᖓ ᐅᕙᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 38:16

ᐃᓄᖁᑎᒃᑲ ᐃᓴᕆᐊᓕᒥᐅᑦ ᐅᓇᑕᕆᐊᕈᒫᕐᐸᓯ, ᓄᕗᔭᒧᑦ ᓄᓇ ᐅᓕᒃᑕᐅᔪᑎᑐᑦ ᑍᒤᑦᓱᒫᕐᐸᓯ. ᑖᒃᑯᓇᓂ ᐅᓪᓗᐃᑦ ᑭᖑᓪᓕᖏᓐᓂ ᑎᓕᔪᒫᕐᐸᒋᑦ ᑎᒍᓯᔭᕐᑐᕐᑎᓪᓗᓯ ᓄᓇᖁᑎᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᓕᖁᓪᓗᒋᑦ ᐅᕙᓐᓂᒃ, ᐃᓕᖕᓂᒃ ᐊᑐᕐᓗᖓ ᒑᒡ, ᐃᑦᔪᕐᓁᑦᑑᓂᕋ ᖃᐅᔨᔭᐅᑎᑦᓱᒫᕐᐸᕋ ᑖᒃᑯᐊ ᑕᒃᑯᐊᓂ.

ᑖᓂᐊᓕᐅᑉ ᐊᒡᓚᖏᑦ 10:14

ᒫᓐᓇᓕ ᕾᕗᖓ ᓇᓗᓁᕐᓯᕕᒋᔭᕐᑐᕐᓗᑎᑦ ᐃᓅᖃᑎᑎᑦ ᐅᓪᓗᐃᑦ ᑭᖑᓪᓕᖏᓐᓂ ᖃᓄᐃᓕᖓᔪᒫᕐᒪᖔᑕ, ᑕᑯᑎᑦᔪᑦ ᑕᒪᓐᓇ ᓇᓪᓕᐅᑎᔪᒫᕐᒪᑦ ᓯᕗᓂᒃᓴᒥ.”

ᑖᓂᐊᓕᐅᑉ ᐊᒡᓚᖏᑦ 2:28

ᒎᑎᑕᖃᕐᐳᕐᓕ ᕿᓚᖕᒥ ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᒥᒃ, ᑖᑦᓱᒪ ᐊᖓᔪᖅᑳᕐᔪᐊᖅ ᓂᐱᑯᓁᓴ ᖃᐅᔨᑎᑉᐹ ᐅᓪᓗᓂ ᐱᔪᒫᕐᑐᓂᒃ ᓱᔪᖃᕈᒫᕐᒪᖔᑦ. ᓯᓐᓇᒃᑐᐃᑦ ᑕᑯᑎᑕᐅᓃᓪᓗ ᐃᓱᒪᒃᑯᑦ ᐃᓕᖕᓅᓚᐅᕐᑐᑦ ᓯᓂᒃᑎᓪᓗᑎᑦ ᐃᒫᒃ ᑐᑭᖃᕐᐳᑦ.

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᒤᑲᐅᑉ ᐊᒡᓚᖏᑦ 4:1

ᐅᓪᓗᐃᑦ ᑭᖑᓪᓕᖏᓐᓂ ᓇᓪᓕᐅᑎᔪᒫᕐᐳᖅ, ᖃᖅᑲᒥ ᐊᑕᓂᐅᑉ ᐃᒡᓗᖓ ᐋᖅᑭᒃᓯᒪᓕᕈᒫᕐᐳᖅ, ᐊᖏᓂᕐᐹᖑᓕᕈᒫᕐᐳᖅ ᐳᕐᑐᓂᕐᓴᐅᓗᓂ ᖃᖅᑲᓕᒫᓂᑦ; ᐃᓅᖃᑎᒋᒡᔪᐊᓪᓗ ᑕᕝᕗᓐᖓᐅᓕᕈᒫᕐᐳᑦ ᑰᒃᑐᑎᑐᑦ.

ᒨᓯᓯ ᓯᑕᒪᖏᑦ 24:14

ᒫᓐᓇᓕ, ᐃᓄᖁᑎᓐᓄᑦ ᐂᓂᐊᓕᕐᐳᖓ. ᕾᒋᑦ, ᐅᖃᐅᑎᓂᐊᕋᒃᑭᑦ, ᐃᓄᒋᐊᒃᑐᕐᔪᐊᑦ ᐅᑯᐊ ᐃᓄᖁᑎᖕᓄᑦ ᖃᓄᐃᓕᐅᕐᓂᐊᕐᒪᖔᑕ ᐅᓪᓗᓂ ᑭᖑᓪᓕᕐᓂ.”

ᒨᓯᓯ ᑕᓪᓕᒪᖏᑦ 31:29

ᖃᐅᔨᒪᑦᓯᐊᕋᒪ ᑐᖁᓂᕐᒪ ᑭᖑᓂᖓᒍᑦ ᐱᐅᖏᑦᑐᐊᓗᖕᓂᒃ ᐱᐅᓯᕐᑖᕈᒫᕋᑦᓯ; ᒪᓕᒃᑕᐅᖁᓯᒪᔭᒃᑲᓗ ᑐᓄᓐᖓᓕᕈᒫᕋᑦᓯᐅᒃ; ᐅᓪᓗᓂ ᓯᕗᓂᑦᑎᓐᓂ ᐊᔪᕐᑐᓕᓂᐊᓗᖕᓄᑦ ᑎᑭᑕᐅᔪᒫᕐᐳᓯ, ᐱᐅᖏᑦᑐᓕᓂᕐᒥᒃ ᐊᑐᓕᕈᒫᕋᑦᓯ ᐊᑕᓂᐅᑉ ᓵᖓᓂ, ᓂᓐᖓᒃᑎᓪᓗᒍᓗ ᓇᖕᒥᓂᖅ ᐱᓇᓱᐊᕐᑕᑦᓯᓐᓄᑦ.”

ᒨᓯᓯ ᑕᓪᓕᒪᖏᑦ 4:30

ᐊᑲᐅᖏᑦᔪᑎᒃᓴᖃᕐᓂᕐᒧᓪᓕ ᑎᑭᐅᑎᒍᑦᓯ ᑕᒪᒃᑯᐊᓗ ᐃᓕᑦᓯᓐᓄᑦ ᑎᑭᐅᑎᒃᐸᑕ, ᑕᕝᕙ ᐊᑕᓂᕐᒧᑦ ᒎᑎᑦᓯᓐᓄᑦ ᓵᓕᑍᓐᓇᕈᒫᕐᐳᓯ ᓈᓚᓕᕐᓗᒍᓗ.

ᓴᒧᐃᓕ ᓯᕗᓪᓖᑦ 3:12

ᐅᓪᓗᖅ ᓇᓪᓕᐅᑎᒃᐸᑦ ᐅᖃᐅᓯᕆᓚᐅᕐᑕᒃᑲ ᓇᓚᐅᑦᓯᑎᑦᓱᒫᕐᐸᒃᑲ ᐃᓔᑉ ᐃᓚᖏᓐᓄᑦ, ᐱᒋᐊᕐᓂᖓᓂᑦ ᐃᓱᐊᓄᑦ.