ᔨᕆᒤᐊᐅᑉ ᐊᒡᓚᖏᑦ 30:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓱᖕᒪᑦ ᐃᑭᓕᕐᑕᐅᓯᒪᓂᑦᓯᓐᓂᒃ ᕿᓄᑦᔪᑎᖃᕋᓱᐊᕐᐱᓰ? ᐋᓐᓂᐊᓯ ᐋᖅᑭᒍᑎᒃᓴᖃᓐᖏᓚᖅ. ᑍᒤᓕᐅᕆᕗᖓ ᐃᓕᑦᓯᓐᓂᒃ ᐅᓄᕐᑐᓂᒃ ᐸᓯᔭᒃᓴᐅᑦᔪᑎᖃᕐᓂᓯ ᐊᔪᕐᑐᓕᓯᒪᓂᓯᓗ ᐱᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 30:15 Iomraidhean Croise

ᐄᓱᕋᐅᑉ ᐊᒡᓚᖏᑦ 9:13

ᐸᓯᔭᒃᓴᐅᓂᕗᑦ ᐊᔪᕐᑐᓕᓂᑦᑎᓐᓄᑦ ᑕᒻᒪᕐᓂᑦᑎᓐᓄᓪᓗ ᐊᑐᕇᕋᓗᐊᕐᒪᑕ, ᖃᐅᔨᒪᕗᒍᑦ ᐃᕝᕕᑦ ᒎᑎᕘᑦ, ᓱᒋᐊᓚᐅᕋᑦᑎᒍᑦ ᓱᒋᐊᕐᑕᐅᔭᕆᐊᖃᕐᓂᑦᑕ ᒥᒃᓯᑦᑎᓐᓄᑦ ᐃᓅᔪᓐᓇᕐᑎᓚᐅᕋᑦᑎᒍᓪᓗ ᑍᒤᒃᑲᓗᐊᕐᑎᓪᓗᑕ,

ᔫᐱᐅᑉ ᐊᒡᓚᖏᑦ 34:29

ᒎᑎ ᓂᐱᖃᕈᓐᓁᕐᐸᑦ, ᑭᐊ ᐸᒡᕕᓴᕈᓐᓇᕐᐸᐅᒃ? ᑖᑦᓱᒪᓗ ᑮᓇᓂ ᑕᓕᑎᑉᐸᒍ, ᑭᐊ ᑕᑯᔪᓐᓇᕐᐸᐅᒃ? ᐃᓅᖃᑎᒌᒡᔪᐊᓄᑦ ᐅᕝᕙᓗ ᐃᓄᑐᐊᒧᑦ?

ᔫᐱᐅᑉ ᐊᒡᓚᖏᑦ 34:6

ᐊᐱᕆᓚᐅᕆᕗᖅ, ‘ᖃᓄᕐᓕ ᓴᒡᓗᓗᖓ ᑕᒻᒪᕐᓯᒪᓂᕋᕈᓐᓇᕐᐳᖓ? ᐋᓐᓂᐊᓂᕋ ᐋᖅᑭᒃᑕᐅᔪᓐᓁᓪᓕᕗᖅ, ᐱᐅᖏᑦᑐᓕᓚᐅᖏᒃᑲᓗᐊᕋᒪ.’

ᐃᓐᖏᕈᑎᑦ 107:17

ᓯᓔᑦᑐᑦ ᐅᖁᒤᑦᑐᒦᑎᑉᐳᑦ ᐊᔪᕐᑐᓕᓂᕐᒥᖕᓄᑦ, ᐱᐅᖏᑦᑐᓕᓂᕐᒥᒡᓗ ᐃᓅᓂᕐᒥᖕᓄᑦ ᐋᓐᓂᐊᓇᕐᑐᒦᑎᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 1:6

ᐃᑎᒐᑦᓯ ᐊᓗᖏᓐᓂᑦ ᓂᐊᖁᑦᓯ ᑎᑭᓪᓗᒋᑦ, ᖃᓄᐃᖏᑦᑐᖃᓐᖏᓚᑦ, ᐃᓘᓐᓇᑦᓯᒍᑦ ᑎᒡᓘᔭᕐᐳᓯ ᐊᒥᕐᓗᒃᓗᓯᓗ ᑭᓪᓕᐊᓯᒪᕗᓯ ᐊᐅᓈᕐᓗᓯ. ᑭᓪᓕᓯᓗ ᓴᓗᒻᒪᕐᓴᕐᑕᐅᓯᒪᓐᖏᓚᑦ ᒪᑦᑐᓯᕐᓯᒪᓇᑎᒡᓗ ᐃᓅᓕᓴᐅᓯᕐᓯᒪᓇᑎᒡᓘᓐᓃᑦ ᐅᕐᓱᒧᑦ.

ᐂᓮᐊᓯᐅᑉ ᐊᒡᓚᖏᑦ 5:2

ᓄᓇ ᐳᐊᕐᕆᔭᓚᐅᕐᐹ ᐅᔭᕅᔭᕐᓗᒍᓗ; ᐃᓕᐅᕅᕕᒋᓚᐅᕐᐹ ᕔᓂᒃᓴᓂᒃ ᐱᐅᓂᕐᐹᓂᒃ; ᐳᕐᑐᔪᒥᒡᓗ ᕿᑎᖓᓂ ᐃᒡᓗᓕᐅᕐᐳᖅ ᖃᐅᔨᓴᕐᕕᖕᒥᒃ, ᐃᑎᕐᓴᓕᐅᓪᓗᓂᓗ ᕔᓂᒃᓴᓂᒃ ᐃᑦᑏᔧᕕᒃᓴᒥᓂᒃ, ᕔᓂᒃᓮᓪᓗ ᐱᕈᕇᕐᓯᐊᕆᓕᕐᐰᑦ, ᐱᐅᔪᓂᒃ ᓂᕆᐅᒡᓗᓂ, ᕔᓂᒃᓮᓪᓕ ᐱᕈᕇᕋᓗᐊᕐᒪᑕ ᐱᐅᖏᑦᑐᓂᒃ ᐸᐅᕐᖓᖃᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 11:13

ᔫᑕᒥᐅᑕᐅᔪᓯ ᒎᑎᖃᓕᕐᐳᓯ ᓄᓇᖁᑎᑦᓯᑐᑦ ᐅᓄᕐᑎᒋᔪᓂᒃ; ᑐᓂᕐᕈᓯᕐᕕᖃᐅᓕᕐᓗᓯᓗ ᔨᕉᓴᓕᒥᐅᑦ ᐊᖅᑯᑎᖏᑎᑐᑦ ᐅᓄᕐᑎᒋᔪᓂᒃ ᓇᕐᕈᓇᕐᑐᓂᒃ, ᒎᑎᓐᖑᐊᒧᑦ ᐰᓕᒧᑦ ᐃᓯᕐᓗᐊᕐᓂᑎᑦᓯᕕᑦᓯᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 15:18

ᓱᖕᒪᓪᓕ ᐋᓐᓂᐊᓂᕋ ᓄᖅᑲᕈᓐᓇᓐᖏᓚᖅ, ᐃᑭᓕᕐᑕᐅᓂᒃᑲᓗ ᒪᒥᑦᓱᓐᓇᕋᑎᒃ, ᐊᖅᑮᔪᒪᓐᖏᓚᑏᑦ? ᑰᒃᑎᑐᑦ ᐃᒤᕈᓯᒪᔪᑎᑐᑦ ᐅᕙᓐᓄᑦ ᑍᒤᑦᑑᓂᐊᕐᐲᑦ?”

ᔨᕆᒤᐊᐅᑉ ᐊᒡᓚᖏᑦ 2:19

ᐱᐅᖏᓐᓂᑦᓯ ᐋᖅᑭᒋᐊᕐᑕᐅᑎᓐᓂᐊᕐᐹᓯ, ᑲᑕᒃᓯᒪᓂᑦᓯᓗ ᓱᐊᖕᓂᐊᕐᐹᓯ. ᐃᓱᒪᒋᑦᓯᐊᕐᓯᐅᒃ ᑐᑭᓯᓇᓱᐊᕐᓗᒍᓗ ᐱᐅᖏᑦᑑᓂᖓ ᖁᕕᐊᓇᖏᑦᑑᓂᖓᓗ ᐊᑕᓂᕐᒥᒃ ᒎᑎᑦᓯᓐᓂᒃ ᕿᒤᓯᒪᓗᓂ ᓂᕐᑐᕐᓇᕐᓂᖓᓗ ᐃᓱᒪᒋᔪᓐᓃᕐᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᒎᑎ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 30:12

ᐃᒫᒃ ᐊᑕᓂᖅ ᐅᖃᕐᐳᖅ, “ᐃᑭᓕᕐᑕᐅᓯᒪᓂᓯ ᒪᒥᑦᑐᓐᓁᓪᓕᖕᒪᑦ, ᐋᓐᓂᕐᓯᒪᓂᓯᓗ ᐋᖅᑭᒐᒃᓴᐅᔪᓐᓃᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 30:14

ᐅᖓᒋᔨᒋᓚᐅᕐᑕᑦᓯ ᐳᐃᒍᕐᐹᓯ ᐃᒃᐱᒋᔭᐅᔪᓐᓃᕐᓗᓯᓗ ᑖᒃᑯᓄᖓ, ᐊᑭᕋᑦᑐᑦ ᐊᑭᓂᐊᕐᕕᒋᒐᑦᓯ, ᓇᒡᓕᖕᓂᖃᖏᑦᑐᑎᑐᑦ ᓱᒋᐊᕐᐸᑦᓯ ᐸᓯᔭᒃᓴᐅᓂᓯ ᐊᖏᔫᓗᐊᓕᕐᒪᑦ, ᐊᔪᕐᑐᓕᓯᒪᓂᓯᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 30:16

ᐃᓕᑦᓯᓐᓂᒃ ᓄᖑᑎᑦᓯᔪᓕᒫᑦ ᓄᖑᑕᔪᒫᕐᐳᑦ; ᐊᑭᕋᕐᑐᕐᑎᓕᒫᓯ ᐊᐅᓪᓚᕈᑦᔭᐅᔪᒫᕐᐳᑦ, ᐃᓕᑦᓯᓐᓂᒃ ᐱᖁᑍᕈᑦᔨᔪᑦ ᐱᖁᑍᕈᑦᔭᐅᔪᒫᕐᐳᑦ, ᐃᓕᑦᓯᓐᓂᒡᓗ ᓱᓇᐅᔪᓐᓃᕐᑎᑦᓯᔪᑦ ᓱᓇᐅᔪᓐᓃᕐᑎᑦᓱᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 30:17

ᐃᓕᑦᓯᓐᓂᒃ ᖃᓄᐃᑦᑐᓐᓃᕐᑎᑦᓯᑦᓯᐊᕐᓂᐊᕆᕗᖓ, ᐃᑭᓯᓗ ᒪᒥᑎᓪᓗᒋᑦ, ᐊᑕᓂᖅ ᐅᖃᕐᐳᖅ, ᐃᒋᑕᐅᓯᒪᔪᓂᒃ ᑍᔭᐅᓕᕋᑦᓯ, ‘ᓮᐅᓂ ᐃᒃᐱᒋᔭᐅᔪᓐᓁᕐᒪᑦ.’”

ᔨᕆᒤᐊᐅᑉ ᐊᒡᓚᖏᑦ 46:11

ᒋᓕᐊᑎᑦ ᓄᓇᖓᓂᑦ ᒥᖑᐊᕐᓯᑦᔪᑎᒃᓮᑐᕆᑦᓯ, ᐃᓕᑦᓯ ᐄᑦᔨᑉᑎᐅᑉ ᐸᓂᖏᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑦ, ᐃᓅᓕᓴᐅᑎᒃᓴᑦᓯᓐᓂᒃ ᕿᓂᕋᓗᐊᕈᑦᓯ ᓇᓂᓯᓂᐊᓐᖏᓚᓯ, ᐋᖅᑭᒃᑕᐅᑦᔪᑎᒃᓴᖃᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 6:13

“ᒥᑭᓐᓂᕐᐹᓂᑦ ᐊᖏᓂᕐᐹᑦ ᑎᑭᓪᓗᒋᑦ ᒥᖕᓂᑐᔪᐃᓐᓈᓘᓕᕐᒪᑕ, ᑕᒪᕐᒥᒃ ᓯᓔᕐᕆᒃᓯᓂᒃᑯᑦ ᐱᕚᓪᓕᕈᑎᖃᕋᓱᐊᕐᐳᑦ; ᐱᔪᖃᓛᕐᑐᒥᒃ ᐅᖃᕐᑎᓐᓂᑦ ᑐᓂᕐᕈᓯᕐᑎᑦᓯᔨᓄᑦ ᓴᒡᓗᑭᑦᓯᓂᕐᒥᒃ ᐱᓂᐊᕐᓂᖃᓕᕐᒪᑕ

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:5

ᐊᑭᕋᕐᑐᕐᑎᒋᓚᐅᕐᑕᖏᑦ ᐊᐅᓚᑦᓯᔨᐅᓕᕋᒥᒃ ᓯᕘᕋᒋᔭᖃᕈᓐᓁᕐᐳᑦ ᐊᑕᓂᐅᑉ ᕿᒃᓵᖕᓇᕐᑐᕐᔪᐊᕐᒧᑦ ᑎᑭᑎᓚᐅᕐᐰᑦ ᐊᔪᕐᑐᓕᓯᒪᓂᖏᑦ ᐱᑦᔪᑎᒋᓪᓗᒋᑦ ᕿᑐᕐᖓᖏᑦ ᐊᐅᓪᓚᕈᑦᔭᐅᕗᑦ ᑎᒍᔭᐅᓪᓗᑎᒃ ᐊᑭᕋᖏᓐᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:13

ᔨᕉᓴᓕᒥᐅᑦ ᖃᓄᖅ ᐅᖃᐅᓯᕆᔪᓐᓇᕐᐸᒃᑳ, ᓱᓇᒥᒡᓗ ᑐᑭᓕᐅᑦᔨᓗᖓ ᐊᑦᔨᐅᑎᑦᓯᔪᓐᓇᕐᐳᖔ? ᓮᒻᒪᕐᓴᕐᑕᐅᖁᓪᓗᓯ ᓮᐅᓂᒥᐅᑕᐅᔪᓯ? ᐋᓐᓂᕐᓯᒪᓂᓯ ᑕᕆᐅᕐᔪᐊᑎᑐᑦ ᐃᑎᑎᒋᖕᒪᑦ, ᑭᓇᒧᑦ ᐋᖅᑭᒃᑕᐅᔪᓐᓇᕋᔭᕐᐱᓰ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:39

ᐊᑲᐅᒃᓴᖏᓪᓗᑕ ᐅᖃᕐᐸᒃᑐᒃᓴᐅᕕᑖ ᐊᔪᕐᑐᓕᓂᑦᑎᓐᓄᑦ ᓱᒋᐊᕐᑕᐅᔭᕌᖓᑦᑕ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:13

ᑍᒤᑦᓱᓐᓁᓚᐅᕐᐳᕐᓕ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ, ᑐᓂᕐᕈᓯᕐᑎᑦᓯᔨᖁᑎᖏᓪᓗ ᒎᑎᒧᑦ ᐊᔪᕐᑐᓕᓚᐅᕐᒪᑕ ᑐᖁᑕᐅᑎᑦᑎᓯᒪᓂᕐᒥᖕᓄᑦ ᐸᓯᔭᒃᓴᐅᖏᑦᑐᓂᒃ.

ᒤᑲᐅᑉ ᐊᒡᓚᖏᑦ 1:9

ᔫᑕᐅᑉ ᑭᓪᓕᖏᑦ ᒪᒥᑎᑕᐅᔪᓐᓇᓐᖏᓚᑦ; ᐊᓯᕈᕐᑕᐅᓂᖅ ᔨᕉᓴᓕᐅᑉ ᐃᑎᕐᑕᕐᕕᖓᓃᓕᕐᐳᑦ, ᐃᓄᖁᑎᒪ ᓄᓇᖓᓂ.

ᒤᑲᐅᑉ ᐊᒡᓚᖏᑦ 7:9

ᐊᑕᓂᕐᒧᑦ ᐱᐅᖏᑦᑐᓕᓚᐅᕋᒪ, ᕿᓄᐃᓵᕐᓗᖓ ᐊᑐᕈᒪᕙᕋ ᐊᑕᓂᐅᑉ ᓂᓐᖓᐅᓯᖓ, ᕿᓄᑦᔪᑎᒋᔭᓐᓂᒃ ᐋᖅᑭᒃᓯᓚᐅᖅᑳᕐᑎᓐᓇᒍ ᐃᓱᐊᕐᓯᑎᓪᓗᖓᓗ, ᖃᐅᒪᓂᕐᒧᐊᕈᑎᓂᐊᕐᐹᖓ ᖃᐅᔨᓗᒍᓗ ᐃᓱᐊᕐᓂᖓ.

ᓇᕼᐅᒥᐅᑉ ᐊᒡᓚᖏᑦ 3:19

ᐋᓐᓂᕈᑎᒋᓯᒪᔭᕐᓄᑦ ᒪᒥᑦᔪᑎᒃᓴᕐᑕᖃᕈᓐᓃᕐᐳᖅ, ᐃᑭᑎᑦ ᐊᖏᓗᐊᕐᒪᑕ. ᐃᓕᑦᓯᓐᓂᒃ ᑐᓴᕐᑐᓕᒫᑦ ᐸᑦᑕᒃᑐᕐᐳᑦ ᖁᕕᐊᓱᒧᑦ, ᑍᒃᑯᐊ ᐱᐅᖏᑦᑐᓕᓂᕐᒥᒃ ᐱᓇᓱᐊᕐᕕᒌᓐᓇᖃᑦᑕᓚᐅᕋᑦᓯᐅᒃ.