ᔨᕆᒤᐊᐅᑉ ᐊᒡᓚᖏᑦ 3:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ, ᐊᑕᓂᐅᑉ ᐅᖃᕐᕕᒋᕚᖓ, “ᑕᑯᓯᒪᕕᓪᓖ? ᐃᓴᕆᐊᓕᒥᐅᑦ ᐅᒃᐱᕈᒪᖏᑦᑐᑦ ᐃᓕᖅᑯᓯᖏᓐᓂᒃ? ᐱᖑᓕᒫᑦ ᖄᖏᓐᓂ ᓇᐹᕐᑐᐃᓪᓗ ᐊᑖᓐᓂ ᐊᓯᓐᓂᐊᓚᐅᕐᐹᖓ ᐊᖑᓐᓂᐊᕐᑎᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 3:6 Iomraidhean Croise

ᐊᑕᓃᑦ ᓯᕗᓪᓖᑦ 14:23

ᐃᒻᒥᓂᒃ ᓴᓐᓇᓚᐅᕆᕗᑦ ᑐᒃᓯᐊᕐᕕᒋᔭᒃᓴᒥᖕᓂᒃ ᒎᑎᓐᖑᐊᓂᒃ, ᐅᔭᕋᖕᓂᒃ ᓇᑉᐸᔪᓂᒃ, ᐃᓄᓐᖑᐊᓂᒡᓗ ᕿᔪᖕᓂᒃ ᐊᓯᕆᒻᓂᒃ ᖃᖅᑲᓕᒫᑦ ᖄᖏᓐᓂ ᑐᒃᓯᐊᕐᕕᒃᓴᒥᖕᓂᒃ ᓇᐹᕐᑐᕐᔪᐊᓪᓗ ᐊᖏᔪᑦ ᐊᑖᓐᓂ.

ᑯᕉᓂᑲ ᐂᑉᐸᖏᑦ 34:1

ᔫᓮᐊ ᐊᕐᕌᒍᖃᓚᐅᕐᐳᖅ ᓯᑕᒪᐅᔪᕐᑐᓂᒃ ᐊᖓᔪᖅᑳᕐᔪᐊᓐᖑᕐᑎᓪᓗᒍ, ᐊᖓᔪᖅᑳᖑᓚᐅᕐᐳᕐᓗ ᐊᕐᕌᒍᓂᒃ 31ᓂᒃ ᔨᕉᓴᓕᒥ.

ᐃᓐᖏᕈᑎᑦ 106:39

ᐃᒻᒥᖕᓂᒃ ᐱᓂᐊᕐᓂᕐᒥᖕᓄᑦ ᓴᓗᒪᔪᓐᓃᕐᑎᓚᐅᕐᐳᑦ, ᐊᓯᓐᓂᐊᓚᐅᕐᐳᓪᓗ ᓇᖕᒥᓂᖅ ᐱᓂᐊᕐᓂᕐᒥᒍᑦ.

ᐂᓮᐊᓯᐅᑉ ᐊᒡᓚᖏᑦ 57:3

ᐃᓕᑦᓯᓕ ᕾᒋᑦᓯ ᒪᐅᖓ, ᐃᕐᓂᕆᔭᐅᔪᓯ ᐊᖓᒃᑯᓄᑦ, ᑭᖑᕚᖑᔪᓯᓗ ᐊᓯᓐᓂᐊᕐᑎᓄᑦ ᐊᑭᓕᕐᑕᐅᓗᑎᒡᓗ ᐊᖑᑎᓂᐊᕐᑎᓄᑦ.

ᐂᓮᐊᓯᐅᑉ ᐊᒡᓚᖏᑦ 57:7

ᓄᓇᓂ ᐳᕐᑐᔪᓂ ᐱᖑᕐᓂᓗ ᐃᓇᖓᖃᑎᒌᒋᐊᕐᑐᕐᐸᒃᐳᓯ, ᑐᓂᔭᒃᓴᑦᓯᓐᓂᒡᓗ ᑐᓂᕐᕈᓯᕆᐊᕐᑐᕐᐸᒃᓗᓯ.

ᔨᕆᒤᐊᐅᑉ ᐊᒡᓚᖏᑦ 1:2

ᐊᑕᓂᖅ ᔨᕆᒤᐊᒧᑦ ᐅᖃᓚᐅᕐᐳᖅ ᔫᓮᐊᐅᑉ ᐋᒪᓐᓇᐅᑉ ᐃᕐᓂᖓᑕ ᔫᑕᒥ ᐊᖓᔪᖅᑲᐅᓂᖓᑕ 13ᒋᓕᕐᑕᖓᓂ,

ᔨᕆᒤᐊᐅᑉ ᐊᒡᓚᖏᑦ 11:10

ᓯᕗᓕᕆᓚᐅᕐᑕᒥ ᐊᔪᕐᑐᓕᑦᔪᑎᒋᕙᓚᐅᕐᑕᖏᓐᓄᑦ ᐅᑎᕐᒪᑕ, ᓈᓚᒍᒪᕙᓚᐅᖏᑦᑐᓄᑦ ᐅᖃᐅᓯᕐᓂᒃ, ᐊᓯᓐᓂᒡᓗ ᒎᑎᖃᕋᓱᐊᕐᐳᑦ ᐱᔨᑦᓯᕈᒪᔭᒥᖕᓂᒃ; ᐃᓴᕆᐊᓕᒥᐅᑦ ᔫᑕᒥᐅᓪᓗ ᑕᒪᕐᒥᒃ ᓯᖁᒥᑦᑎᓯᒪᖕᒪᑕ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓯᒪᔭᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 17:2

ᕿᑐᕐᖓᖏᑦ ᐊᐅᓚᔨᕗᑦ ᑐᓂᕐᕈᓯᕐᕕᖏᓐᓂᒃ ᒎᑎᓐᖑᐊᒧᑦ ᐊᓯᕋᒧᑦ, ᓇᐹᕐᑐᐃᑦ ᑐᖑᔪᐃᓐᓇᕐᑐᑦ ᓴᓂᐊᓐᓂ, ᐱᖑᐃᓪᓗ ᐳᕐᑐᔪᑦ ᖄᖏᓐᓂ.

ᔨᕆᒤᐊᐅᑉ ᐊᒡᓚᖏᑦ 3:8

ᐃᓴᕆᐊᓕᒥᐅᑉ ᐊᓯᓐᓂᐊᕐᓂᖓ ᐱᓪᓗᒍ ᐊᕕᑦᑎᑦᔪᑎᓂᒃ ᑐᓂᓚᐅᕐᐸᕋ, ᕿᒪᒡᓗᒍᓗ, ᑍᒤᑎᑦᓯᓂᕋ ᔫᑕᐅᑉ ᑕᑯᒐᓗᐊᕋᒥᐅᒃ ᓯᕘᕋᓕᓚᐅᖏᓐᓂᕗᕐᑕᐅᖅ. ᐊᓯᓐᓂᐊᕐᓂᕐᒥᓂᒡᓗ ᑲᔪᓯᑐᐃᓐᓇᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 31:22

ᖃᓄᖅ ᐊᑯᓂᐅᑎᒋᔪᖅ ᐱᔭᕐᓂᖏᑦᑑᒐᓱᐊᕐᓂᐊᕐᐱᓰ? ᐅᒃᐱᕈᓱᒍᓐᓇᖏᑦᑐᓯ, ᐊᑕᓂᖅ ᓄᑖᒥᒃ ᓴᖅᑭᑎᑦᓯᓂᐊᕐᐳᖅ ᐊᖑᒻᒥᒃ ᐊᕐᓇᒧᑦ ᓴᐳᑦᔭᐅᓯᒪᖔᕐᑐᑎᑐᑦ ᑍᒤᑦᑐᒥᒃ.”

ᔨᕆᒤᐊᐅᑉ ᐊᒡᓚᖏᑦ 5:11

ᐃᓴᕆᐊᓕᒥᐅᑦ ᔫᑕᒥᐅᓪᓗ, ᐊᓯᓐᓂᐊᓚᐅᕐᒫᖓ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 7:24

ᑭᓯᐊᓂᓕ ᑐᓴᓚᐅᓐᖏᓚᑦ, ᓈᓚᓚᐅᓐᖏᓚᓪᓘᓐᓃᑦ, ᒪᓕᖔᑐᐃᓐᓇᓕᓚᐅᕐᐳᑦ ᓈᒻᒪᖏᑦᑐᓂᒃ ᐆᒻᒪᑎᖏᑦ ᓯᑎᔫᒐᒥᒃ, ᐃᓱᒪᒥᖕᓂᒃ ᐃᓅᑐᐃᓐᓇᐅᓚᐅᕐᐳᑦ ᑭᖑᒧᑦ ᑕᑯᓐᓇᕋᒥᒃ ᓯᕗᒨᖏᑦᑐᖅ.

ᐃᓯᑭᐊᓕᐅᑉ ᐊᒡᓚᖏᑦ 16:31

ᐊᖅᑯᑎᓕᒫᓂ ᒎᑎᓐᖑᐊᓄᑦ ᑐᒃᓯᐊᕐᕕᓕᐅᕐᓯᒪᕗᓯ, ᑲᑎᑦᑕᕐᕕᓕᐅᕐᓯᒪᓪᓗᓯᓗ ᐳᕐᑐᔪᓂᒃ ᓄᓕᐊᕐᓂᒃᑯᑦ ᐱᓕᕆᕕᖕᓂᒃ ᐊᖅᑯᑏᑦ ᑲᑎᓐᖓᓂᖏᓐᓂ. ᐊᖑᓐᓂᐊᕐᑎᑎᑐᓪᓕ ᐱᖏᑦᔪᑎᑐᐊᕆᕙᓯ, ᑕᒪᑐᒧᖓ ᑮᓇᐅᔭᓕᐅᕋᓱᖃᑦᑕᖏᓐᓇᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 16:35

“ᑍᒤᒻᒪᑦ ᐊᖑᓐᓂᐊᕐᑎᐅᔪᑎᑦ, ᐊᑕᓂᐅᑉ ᐅᖃᐅᓯᖓᓂᒃ ᑐᓴᕆᑦ.

ᐃᓯᑭᐊᓕᐅᑉ ᐊᒡᓚᖏᑦ 20:28

ᓄᓇᑖᕆᔭᐅᖁᓪᓗᒍᓕ ᐊᖏᕈᑎᒋᓚᐅᕐᑕᓐᓄᑦ ᑎᑭᑎᓐᓇᒃᑭᑦ, ᖃᖅᑲᓂᒃ ᐳᕐᑐᔪᓂᒃ ᓇᐹᕐᑐᓂᒡᓗ ᑐᖑᔪᕐᑐᓂᒃ ᑕᑯᓕᕋᒥᒃ ᑐᓂᕐᕈᓯᕐᕕᒋᓚᐅᕐᐰᑦ ᓇᕐᕈᓇᕐᑐᓂᒡᓗ ᑐᓂᕐᕈᓯᕐᕕᒋᓪᓗᒋᑦ; ᑕᕝᕙᓂ ᓂᓐᖓᒃᓮᑦᔪᑎᓂᒃ ᑐᓂᕐᕈᓯᖃᑦᑕᓚᐅᕐᐳᑦ ᐃᑯᐊᓚᑦᓯᓪᓗᑎᒃ; ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᖃᑦᑕᓚᐅᕐᐳᑦ, ᕔᓂᒥᒡᓗ ᑐᓂᕐᕈᑎᒥᖕᓄᑦ ᐃᓚᓕᐅᑦᔨᕙᒃᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 23:11

ᓄᑳᑕ ᐅᕼᐅᓕᐸᐅᑉ ᑕᒪᓐᓇ ᖃᐅᔨᓚᐅᕋᓗᐊᕐᐹ, ᐱᐅᖏᑦᑐᓕᓂᕐᓴᐅᓂᕐᒥᓄᓪᓕ ᐃᒃᓯᒎᕐᓂᕐᒥᓄᑦ ᐊᖑᓐᓂᐊᓚᐅᕐᐳᖅ ᓱᓕ, ᐱᓂᕐᓴᐅᓪᓗᓂ ᐊᖓᔪᒋᓚᐅᕐᑕᒥᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 23:4

ᐊᖓᔪᒃᓯᖅ ᐊᑎᖃᕐᐳᖅ ᐅᕼᐅᓚᒥᒃ, ᓄᑲᕐᓕᕐᓗ ᐊᑎᖃᕐᓗᓂ ᐅᕼᐅᓕᐸᒥᒃ, ᑕᒪᖏᒃ ᓄᓕᐊᕐᑖᕆᓚᐅᕐᐹᒃᑲᒃ, ᐸᓂᒃᑖᕐᕕᒋᓪᓗᒋᒃ ᐃᕐᓂᕐᑖᕐᕕᒋᓪᓗᒋᒡᓗ. ᐊᑎᖏᒃ ᐃᒤᓕᖓᕘᒃ, ᓴᒥᐊᕆᐊ ᐅᕼᐅᓚᐅᕗᖅ, ᔨᕉᓴᓕᒻᓗ ᐅᕼᐅᓕᐸᐅᓪᓗᓂ.

ᕼᐆᓯᐊᑉ ᐊᒡᓚᖏᑦ 11:7

ᐃᓄᖁᑎᒃᑲ ᐊᓚᕆᐊᖃᑦᑕᕐᐳᑦ ᕿᒤᔪᒪᓪᓗᑎᒃ ᐅᕙᓐᓂᒃ; ᑍᒤᒻᒪᑦ ᐅᓂᐅᑕᕐᑖᕐᑎᑕᐅᕗᑦ ᑐᐃᕐᒥᐅᑕᕐᓂᒃ, ᓇᐅᒧᓪᓘᓐᓃᑦ ᐲᕐᑕᐅᓂᐊᓐᖏᓚᑦ.

ᕼᐆᓯᐊᑉ ᐊᒡᓚᖏᑦ 4:13

ᑐᓂᕐᕈᓯᖃᑦᑕᕐᐳᑦ ᐃᑯᐊᓚᑦᓯᓪᓗᑎᒃ ᖃᖅᑲᐅᑉ ᖄᖏᓐᓂ, ᐱᖑᐃᓪᓗ ᖄᖏᓐᓂ ᐃᑭᑦᓯᕙᒡᓗᑎᒃ ᑎᐱᑦᓯᐊᕆᒃᑐᓂᒃ, ᓇᐹᕐᑑᑉ ᐆᒃᒥᒃ ᐊᑎᓕᐅᑉ ᓯᑕᒃᑕᐅᑉ ᐊᑖᓂ, ᑖᓪᓕᓂᖏᓐᓂ, ᓴᓂᕋᖏᑦᑕ ᐱᐅᓂᖏᑦ ᐱᑦᔪᑎᒋᓪᓗᒋᑦ. “ᑍᒤᒻᒪᑦ ᐸᓂᓯ ᐊᑐᒐᐅᓕᕐᐳᑦ ᐊᑭᓕᕐᑐᕐᑕᐅᓪᓗᑎᒃ, ᐅᑯᐊᓯᓗ ᐊᓯᓐᓂᐊᕐᐸᓕᕐᓱᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 2:17

ᓱᓕᓕ ᓈᓚᓚᐅᓐᖏᓚᑦ ᐃᓱᐊᕐᓮᔨᓂᒃ; ᐊᓯᓐᓂᐊᕐᑐᑎᑐᑦ ᒎᑎᐅᑉ ᐊᓯᖏᓐᓂᒃ ᒎᑎᖃᓕᓚᐅᕐᒪᑕ ᑐᒃᓯᐊᖃᑦᑕᓕᕐᓗᑎᒡᓗ ᑖᒃᑯᓄᖓ; ᑭᖑᓂᖓᒍᑦ ᓯᕗᓕᕕᓂᖏᑦᑕ ᐃᓕᖅᑯᓯᖏᓐᓂᒃ ᐱᐅᓯᖃᕈᓐᓃᓚᐅᕐᐳᑦ, ᐊᑕᓂᐅᑉ ᐱᖁᔭᖏᓐᓂᒃ ᓈᓚᑦᓯᐊᓚᐅᕐᑐᑎᑐᑦ, ᑖᒃᑯᐊᓕ ᑍᒤᑦᑐᓐᓃᓚᐅᕐᐳᑦ.