ᔨᕆᒤᐊᐅᑉ ᐊᒡᓚᖏᑦ 29:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐃᓴᕆᐊᓕᒥ ᓈᒻᒪᖏᑦᑐᓂᒃ ᐱᓇᓱᐊᕐᓯᒪᖕᒪᑎᒃ, ᓯᓚᖅᑲᑎᒥ ᓄᓕᐊᖏᓐᓂᒃ ᐊᓯᓐᓂᐊᖃᑦᑕᕐᓯᒪᖕᒪᑎᒃ, ᐊᑎᕋᓗ ᐊᑐᕐᓗᒍ ᓴᒡᓗᓪᓗᑎᒃ ᐅᖃᖃᑦᑕᕐᓯᒪᓪᓗᑎᒃ, ᐅᖃᖁᓗᒋᑦ ᐅᖃᓚᐅᕐᓯᒪᑎᓐᓇᖓ. ᐅᕙᖓ ᖃᐅᔨᒪᒐᒪ, ᖃᐅᔨᓯᒪᔫᓂᐊᕐᐳᖓ ᑖᒃᑯᓂᖓ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 29:23 Iomraidhean Croise

ᒨᓯᓯ ᓯᕗᓪᓖᑦ 31:50

ᐸᓃᒃᑲᒃ ᐱᑦᓯᐊᖏᒃᑯᕕᒋᒃ ᐅᕝᕙᓗ ᐊᓯᖏᖕᓂᒃ ᓄᓕᐊᓂᒃᑯᕕᑦ, ᖃᐅᔨᔭᐅᖏᒃᑲᓗᐊᕈᕕᑦ, ᐃᖅᑲᐅᒪᒋᑦ, ᒎᑎ ᐅᕙᑦᑎᖕᓂᒃ ᑕᑯᓐᓇᕐᒪᑦ.”

ᒨᓯᓯ ᓯᕗᓪᓖᑦ 34:7

ᔧᑰᓪᓕ ᐃᕐᓂᖏᑦ ᐱᕈᕐᓰᕕᖕᒥᓐᖔᕐᓗᑎᒃ ᑕᕝᕗᓐᖓᕋᒥᒃ ᑕᒪᑐᒥᖓᓗ ᑐᓴᓕᕋᒥᒃ; ᐃᓗᐃᓪᓕᕐᐳᑦ ᓂᓐᖓᒻᒪᕆᒃᓗᑎᒡᓗ, ᓯᑭᒥ ᑍᒤᓕᐅᕐᓯᒪᖕᒪᑦ ᓈᒻᒪᖏᑦᑐᒥᒃ ᐃᓴᕆᐊᓕᒥᐅᓂᒡᓗ ᒥᑕᐅᑎᖃᕐᓗᓂ ᔧᑰᑉ ᐸᓂᖓᓂᒃ ᐃᓐᓇᖓᖃᑎᖃᕐᓂᕐᒥᓄᑦ, ᑍᒤᓕᐅᕐᑐᖃᕆᐊᖃᕐᑎᓐᓇᒍ.

ᓴᒧᐃᓕ ᐂᑉᐸᖏᑦ 13:12

ᐅᖃᕐᐳᕐᓕ, “ᐋᒃᑲ ᐊᓂᒋᒐᒃᑭᑦ, ᐱᔪᒪᑎᓐᓇᖓ ᐱᐅᖏᑦᑐᐊᓗᖕᒥᒃ ᐱᑎᓐᓇᓱᓐᖏᓚᐅᓐᖓ! ᐃᓴᕆᐊᓕᒥ ᑍᒤᓕᐅᕐᑐᖃᖃᑦᑕᖏᒻᒪᑦ; ᑕᒪᓐᓇ ᐱᓇᓱᐊᕈᒪᓃᑦ ᐱᐅᖏᑦᑐᐊᓘᖕᒪᑦ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:21

ᐊᖑᑎᐅᑉ ᐱᓂᐊᕐᓂᖏᑦ ᐊᑕᓂᐅᑉ ᐃᔨᖏᒃᑕ ᓵᖓᓃᑉᐳᑦ, ᐊᖅᑯᑎᒋᔭᓕᒫᖏᓪᓗ ᑕᑯᓐᓇᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 13:27

ᓇᕐᕈᓇᕐᑐᓕᓂᓯ ᑕᑯᓯᒪᒐᒃᑭᑦ, ᐊᓯᓐᓂᐊᕐᓯᒪᓂᓯ ᐱᔪᒪᓗᐊᕐᓂᓯᓗ, ᑲᓐᖑᓱᒐᓯ ᓄᓕᐊᕐᓃᑦ ᐱᓇᓱᐊᓚᐅᕐᑕᓯ ᑕᑯᓯᒪᕙᒃᑲ, ᖃᖅᑬᑦ ᖄᖏᓐᓂ ᓇᑎᕐᓇᓂᓗ. ᑲᑉᐱᐊᓐᓇᒦᖑᔪᓯ ᔨᕉᓴᓕᒥᐅᑦ! ᖃᓄᖅ ᐊᑯᓂᐅᑎᒋᔪᖅ ᓴᓗᒤᑦᑑᓂᐊᕐᐱᓰ?”

ᔨᕆᒤᐊᐅᑉ ᐊᒡᓚᖏᑦ 16:17

ᐱᐅᓯᕆᔭᓕᒫᖏᑦ ᖃᐅᔨᒪᑦᓯᐊᕋᒃᑭᑦ; ᐅᕙᓐᓄᑦ ᐃᔨᕐᓯᒪᖏᒻᒪᑕ, ᐊᔪᕐᑐᓕᓂᖏᓪᓗ ᑕᕐᕆᓯᒪᔪᖃᕋᑎᒃ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 23:14

ᔨᕉᓴᓕᒥᐅᓂᓗ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᓂᒃ ᐱᐅᖏᓐᓂᕐᓴᓂᒃ ᑕᑯᓯᒪᕗᖓ, ᐊᓯᓐᓂᐊᖃᑦᑕᕐᒪᑕ ᐃᓅᓯᖃᓕᕐᓗᑎᒡᓗ ᓱᓕᖏᑦᑐᒥᒃ; ᐱᐅᖏᑦᑐᓕᔪᓂᒃ ᐃᑲᔪᕐᑐᐃᑐᐃᓐᓇᖃᑦᑕᓕᕐᐳᑦ, ᐱᐅᖏᑦᑐᓕᓂᕐᒥᖕᓂᑦ ᓵᒋᐊᕐᑐᖃᕈᓐᓇᕈᓐᓃᕐᐳᖅ; ᓱᑑᒪᒥᐅᓄᑦ ᐊᑦᔨᒋᔭᐅᑎᓕᕐᐸᒃᑲ, ᐃᓄᖏᓪᓗ ᒍᒨᕋᒥᐅᑎᑐᑦ ᑍᒤᓕᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 23:16

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: “ᓇᓚᐅᑦᑍᓂᕐᓗᒃᑐᑦ ᐅᖃᐅᓯᕆᔭᖏᑦ ᓈᓚᒃᑍᓕᓯᒋᒃ; ᓱᓕᖏᑦᑐᓂᒃ ᓂᕆᐅᒋᔭᒃᓴᕐᑖᕐᑎᖃᑦᑕᕐᒪᓯ ᐃᓱᒪᒋᔭᑐᐃᓐᓇᕐᒥᖕᓂᒡᓗ ᑕᑯᑎᑕᐅᓂᕋᕐᐸᒃᓗᑎᒃ ᐊᑕᓂᕐᒥᑦ ᐱᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 23:21

“ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᑖᒃᑯᐊ ᑎᓕᓯᒪᓐᖏᓚᒃᑲ, ᐱᔪᒪᓂᕐᒥᓄᓪᓕ ᐅᖃᖃᑦᑕᕐᐳᑦ; ᐅᖃᕐᕕᒋᓚᐅᓐᖏᓚᒃᑲ, ᓱᓕᓕ ᐅᖃᓪᓚᖃᑦᑕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 23:32

ᑕᑯᒋᑦ, ᐊᑭᕋᕐᑐᕐᐸᒃᑲ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᓱᓕᖏᑦᑐᓂᒡᓗ ᓯᓐᓇᒃᑐᕐᓂᕋᖃᑦᑕᕐᑐᑦ, ᐊᑕᓂᖅ ᐅᖃᕐᐳᖅ, ᐅᖃᐅᓯᕐᒥᖕᓄᑦ ᐃᓄᖁᑎᒃᑲ ᑕᒻᒪᕐᑎᑉᐰᑦ ᓱᓕᖏᑦᑐᓂᒃ ᐅᖃᐅᓯᖃᕐᓂᕐᒥᖕᓄᑦ ᐱᐅᔪᕆᑦᔪᑎᒋᓪᓗᒋᓪᓗ, ᑎᓕᓯᒪᓐᖏᓚᒃᑲ ᐅᖃᖁᓗᒋᑦ; ᑍᒤᒻᒪᑦ ᐅᖃᓪᓚᖃᑦᑕᕐᓂᖏᑦ ᐃᓄᖁᑎᓐᓄᑦ ᐱᕚᓪᓕᕈᑕᐅᖏᑦᓯᐊᕐᐳᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 29:21

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐂᕼᐊᑉ ᐱᓪᓗᒍ ᑯᓔᐊᐅᑉ ᐃᕐᓂᖓ, ᔨᑎᑬᐊᓗ ᐱᓪᓗᒍ ᒫᓯᐊᐅᑉ ᐃᕐᓂᖓ, ᑖᒃᑯᐊᒃ ᓱᓕᖏᑦᑐᓂᒃ ᐊᑎᓐᓂ ᐅᖃᐅᑦᔪᐃᑲᑦᑕᕐᒪᑎᒃ ᐃᓕᑦᓯᓐᓂᒃ, ᑖᒃᑯᐊᒃ ᑎᒍᔭᐅᑎᓐᓂᐊᕐᐹᒃᑲᒃ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑖᑦᓱᒪᓗ ᑐᖁᑕᐅᑎᑦᓱᒫᕐᐹᒃ ᑕᑯᓐᓇᕐᑎᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 29:31

“ᐊᐅᓪᓚᕈᑦᔭᐅᓯᒪᔪᓕᒫᑦ ᐅᖃᐅᑎᒃᑭᑦ ᐃᒫᒃ ᐊᑕᓂᖅ ᐅᖃᐅᓯᖃᕐᐳᖅ, ‘ᓯᒤᐊ ᓂᕼᐃᓚᒥ ᓄᓇᓕᒃ ᐱᓪᓗᒍ, ᓯᒤᐊ ᐃᓕᑦᓯᓐᓄᑦ ᐱᔪᒫᕐᑐᒃᓴᓂᒃ ᐅᖃᐅᓯᖃᓚᐅᕐᒪᑦ ᑎᓕᓚᐅᖏᒃᑲᓗᐊᕐᑕᕋ ᑍᒫᒃ ᐅᖃᖁᓗᒍ, ᓱᓕᖏᑦᑐᒥᒃ ᐃᓕᑦᓯᓐᓂᒃ ᐅᒃᐱᓕᕐᑎᑦᓯᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 5:8

ᕿᒻᒥᕐᔪᐊᑎᑐᑦ ᓂᕆᑎᑕᐅᑦᓯᐊᖃᑦᑕᕐᑐᑎᑐᑦ ᐱᔪᒪᓂᕾᓐᓇᕐᐳᑦ, ᓯᓚᖅᑲᑎᒥ ᓄᓕᐊᖓᓂᒃ ᐃᒡᓕᒍᓱᓂᖃᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 7:11

ᐃᒡᓗᖁᑎᒐ ᐊᑎᓐᓂᒃ ᓇᓗᓁᒃᑯᑕᖃᕐᑐᖅ, ᐃᒡᓗᒋᔭᐅᓕᕐᑎᑉᐱᓯᐅᒃ ᑎᒡᓕᒃᑎᓄᑦ? ᑕᑯᒋᑦ ᐅᕙᖓ ᓇᖕᒥᓂᖅ ᑕᑯᓯᒪᕙᕋ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 35:13

ᑐᓴᕐᓯᒪᕙᑦᓯᓗ ᖃᓂᑦᓯᒍᑦ ᐊᖏᓂᕐᓴᐅᓂᕋᕐᑎᓪᓗᓯ ᐅᕙᓐᓂᑦ, ᐅᓄᕐᑐᐃᕐᓱᕐᓗᓯ ᐅᕙᓐᓂᒃ ᐊᑭᕋᕐᑐᕐᓗᓯ ᐅᖃᓪᓚᒃᑎᓪᓗᓯ; ᑐᓵᓯᒪᕙᑦᓯ.

ᔨᐸᓁᐊᐅᑉ ᐊᒡᓚᖏᑦ 3:4

ᓇᓚᐅᑦᑍᔨᖁᑎᖏᑦ ᐅᖃᐅᓯᕐᓘᑎᓖᑦ, ᑕᑎᒋᔭᒃᓴᐅᖏᑦᑐᑦ. ᑐᓂᕐᕈᓯᕐᑎᑦᓯᔨᖏᑦ ᓇᕐᕈᓇᕐᓯᑎᑦᓯᕗᑦ ᐃᑦᔪᕐᓁᑦᑐᒃᑯᕕᖕᒥᒃ. ᒎᑎᐅᑉ ᐱᖁᔭᖏᓐᓂᒃ ᐊᑐᕐᓂᕐᓗᒃᐳᑦ.

ᒪᓚᑬᑉ ᐊᒡᓚᖏᑦ 2:14

ᐊᐱᕆᒐᓗᐊᕐᐳᓯ, “ᓱᓇ ᐱᑦᔪᑎᒋᓪᓗᒍ?” ᐊᑕᓂᖅ ᖃᐅᔨᓚᐅᕐᒪᑦ ᓄᓕᐊᓪᓗ ᐃᓅᓱᒃᑑᑎᓪᓗᓯᒃ ᐊᖏᖃᑎᒌᓚᐅᕐᓂᑦᓯᓐᓂᒃ, ᑖᑦᓱᒪ ᐊᓯᐊᓄᐊᕐᓯᒪᒐᕕᑦ; ᑖᓐᓇ ᐊᕐᓇᖅ ᐂᑉᐸᕆᒐᓗᐊᕐᓗᒍ ᓄᓕᐊᕆᓪᓗᒍᓗ ᐊᖏᖃᑎᒌᖕᓂᒃᑯᑦ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᐄᑉᕈᐃᓄᑦ 4:13

ᑖᑦᓱᒪ ᓵᖓᓂ ᐱᓐᖑᕐᑎᑕᐅᓯᒪᔪᒥᒃ ᐃᔨᕐᓯᒪᔪᖃᓐᖏᓚᖅ, ᑕᒪᕐᒥᒃ ᓴᖅᑭᔮᑦᓯᐊᕐᐳᑦ ᑕᑯᒃᓴᐅᑦᓯᐊᕐᓗᑎᒃᓗ ᑖᑦᓱᒪ ᐃᔨᖏᒃᑕ ᓵᖓᓂ. ᑖᑦᓱᒧᖓ ᐅᕙᑦᑎᓐᓂᒃ ᐅᖃᐅᓯᕆᔭᕆᐊᖃᕐᐳᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:14

“ᓚᐅᑏᓯᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐂᒦᓐᖑᔪᒥᑦ ᐱᕗᑦ, ᓱᖁᓯᔪᐃᑦᑑᓪᓗᓂ ᓱᓕᔪᒥᒃ ᓇᓗᓁᕐᓯᔨᒥᑦ, ᐱᒋᐊᕐᓂᐅᔪᒥᑦ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ.

ᐃᓗᐊᕐᓮᔩᑦ ᐊᒡᓚᖏᑦ 11:10

ᑕᕝᕙ ᒋᓕᐊᑎᒥᐅᑦ ᐊᖓᔪᖅᑳᖏᑦ ᐅᖃᕐᐳᑦ ᔨᑉᑕᒧᑦ, “ᐊᖏᕐᐳᒍᑦ, ᐊᑕᓂᖅ ᑕᑯᓐᓇᕐᑎᒋᕙᕗᑦ ᐊᑯᓐᓇᑦᑎᓐᓂ, ᓱᓕᓗᑕ ᓈᓚᖕᓂᐊᕐᐳᒍᑦ ᐃᓕᖕᓂᒃ.”