ᔨᕆᒤᐊᐅᑉ ᐊᒡᓚᖏᑦ 29:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᓕᑦᓯᓐᓄᑦ ᓇᓂᔭᐅᔪᓐᓇᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᑎᓐᓂᐊᕐᐸᑦᓯᓗ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ, ᐃᓅᖃᑎᒌᒡᔪᐊᓕᒫᓂᑦ ᓇᑭᑐᐃᓐᓇᖅ ᑲᑎᕐᓱᕐᓂᐊᕐᐸᑦᓯ ᐊᐅᓪᓚᕐᑎᑕᐅᕕᒋᓯᒪᓚᐅᕐᑕᑦᓯᓐᓂᑦ, ᐊᑕᓂᖅ ᐅᖃᕐᐳᖅ, ᐊᐅᓪᓚᕐᑎᑕᐅᕕᒋᓚᐅᕐᑕᑦᓯᓐᓂᑦ ᓄᓇᒋᓐᖏᑕᑦᓯᓐᓄᑦ, ᐅᑎᕐᑎᑦᓱᒫᕆᕙᑦᓯ ᓄᓇᑦᓯᓐᓄᑦ.’

ᔨᕆᒤᐊᐅᑉ ᐊᒡᓚᖏᑦ 29:14 Iomraidhean Croise

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 126:1

ᐊᑕᓂᐅᑉ ᐅᑎᕐᑎᒻᒪᑎᒍᑦ ᓮᐅᓂᒧᑦ, ᓯᓐᓇᒃᑑᒪᔪᑎᑐᑦ ᑍᒤᓚᐅᕐᐳᒍᑦ.

ᐃᓐᖏᕈᑎᑦ 126:4

ᐊᑕᓃᖅ, ᐅᑎᕐᑎᑦᓯᕕᒋᓚᐅᕐᑎᒍᑦ ᐊᕐᓵᕐᑕᐅᑦᔪᑎᒋᓚᐅᕐᑕᑦᑎᓐᓂᒃ, ᑰᒃᑎᑐᑦ ᐸᓂᕐᓂᑰᓕᓚᐅᕐᓗᓂ ᐃᒪᕐᒧᑦ ᐅᑎᕐᕕᐅᓕᕐᑐᑎᑐᑦ ᓂᒋᑉᒥᑦ.

ᐃᓐᖏᕈᑎᑦ 32:6

ᑍᒤᒻᒪᑦ ᒎᑎᖃᕐᑐᓕᒫᑦ ᑐᒃᓯᐊᕐᕕᒋᓛᑎᑦ ᐱᕕᖃᕐᓂᖓᓂ ᓇᓂᔭᐅᔪᓐᓇᕐᓂᕐᓂ; ᓱᓕᑦᓯᐊᕐᐳᖅ, ᐃᒪᕐᔪᐃᑦ ᖄᒥᑦᓯᓕᕐᐸᑕ, ᑍᒤᓕᐅᕐᑐᖅ ᑎᑭᑕᐅᓂᐊᓐᖏᓚᖅ.

ᐃᓐᖏᕈᑎᑦ 46:1

ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 14:1

ᐊᑕᓂᖅ ᓂᑲᒍᓱᓕᒃᑲᓐᓂᕈᒫᕆᕗᖅ ᔧᑰᑉ ᑭᖑᕚᖏᓐᓂᒃ ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓕᕈᒫᕆᓪᓗᒋᑦ, ᓄᓇᑐᖃᖏᓐᓄᓪᓗ ᓇᖕᒥᓂᖏᓐᓄᑦ ᐃᓕᔪᒫᕆᕔᑦ, ᓄᓇᖃᑎᑐᖃᕆᓐᖏᑕᖏᓪᓗ ᔧᑰᑉ ᑭᖑᕚᖏᓐᓂᒃ ᐃᓚᕾᓐᓇᕈᒪᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 43:5

ᐃᕐᓯᓇᒃ, ᐱᖃᑎᒋᒐᒃᑭᑦ; ᑭᖑᕚᑎᑦ ᑎᑭᑎᑦᓱᒫᕐᐸᒃᑲ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᑲᑎᑎᕐᓗᓯᓗ ᓯᕿᓂᐅᑉ ᓂᐱᕕᐊᑕ ᓇᓛᓂᑦ.

ᐂᓮᐊᓯᐅᑉ ᐊᒡᓚᖏᑦ 43:6

ᐅᓐᓄᐊᓪᓗᐊᑉ ᓇᓛᓃᑦᑐᑦ ᐅᖃᐅᑎᔪᒫᕐᐸᒃᑲ, ‘ᓴᒃᑯᓕᕐᓯᐅᒃ.’ ᐅᓪᓗᓪᓗᐊᓪᓗ ᓇᓛᓂᕐᒥᐅᑦ ᐅᖃᐅᑎᓗᒋᑦ, ‘ᐅᓂᒃᑎᓯᒪᑦᑍᓕᓯᒋᒃ.’ ᐃᕐᓂᒃᑲ ᓄᓇᓂ ᐅᖓᓯᒃᑐᓃᑦᑐᑦ ᕾᑎᑕᐅᓕᑦ, ᐸᓂᒃᑲᓗ ᓄᓇᕐᔪᐊᑉ ᑭᒡᓕᖓᓃᑦᑐᑦ ᕾᑎᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 45:19

ᐃᔨᕋᕐᑐᕐᓗᖓ ᐅᖃᓚᐅᓐᖏᓚᖓ, ᓄᓇᐅᑉ ᑖᕐᓂᖓᓃᑦᑐᒥ; ᔧᑰᑉ ᑭᖑᕚᖏᑦ ᐅᖃᐅᑎᓚᐅᓐᖏᓚᒃᑲ, ‘ᕿᓂᕐᓯᓐᖓ ᑕᒪᐅᖎᓐᓇᖅ,’ ᐅᕙᖓ ᐊᑕᓂᖅ ᓇᓛᒎᕐᑐᒥᒃ ᐅᖃᐅᓯᖃᕐᐳᖓ, ᓈᒻᒪᓈᑦᓯᐊᕐᑐᓂᒡᓗ ᓇᓗᓁᕐᓯᓲᖑᓪᓗᖓ.”

ᐂᓮᐊᓯᐅᑉ ᐊᒡᓚᖏᑦ 55:6

ᐊᑕᓂᖅ ᕿᓂᓕᕐᓯᐅᒃ ᓇᓂᔭᐅᔪᓐᓇᕐᓂᖓᓂ, ᓂᓪᓕᐊᕕᒋᓗᒍᓗ ᖃᓂᓐᓂᖓᓂ.

ᔨᕆᒤᐊᐅᑉ ᐊᒡᓚᖏᑦ 12:15

ᓄᓱᒌᕈᒃᑭᓪᓗ ᐃᓚᑦᓱᒋᓕᕈᒫᕆᕙᒃᑲ, ᐅᑎᕐᑎᓪᓗᒋᓪᓗ ᐊᑐᓂᑦ ᑭᖑᕐᖑᑎᔭᒃᓴᔭᖏᓐᓄᑦ ᐊᑐᓂᓪᓗ ᓄᓇᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 3:14

ᐊᑕᓂᖅ ᐅᖃᕐᐳᖅ, ᐊᓯᓐᓂᐊᕐᑎᐅᔪᓯ ᐅᕙᓐᓄᑦ ᐅᑎᕆᑦᓯ, ᐅᐃᒋᒐᑦᓯᓐᖓ. ᓂᕈᐊᕐᓂᐊᕐᐳᖓ ᐊᑕᐅᓯᕐᒥᒃ ᓄᓇᓕᖁᑎᑦᓯᓐᓂᑦ ᑕᒤᓐᓂᑦ, ᒪᕐᕉᓈᕐᑎᕆᓗᖓᓗ ᐃᓚᒌᖕᓂᑦ ᐊᑐᓂᑦ, ᓮᐅᓂᒧᓐᖓᐅᑎᓗᓯᓗ.

ᔨᕆᒤᐊᐅᑉ ᐊᒡᓚᖏᑦ 30:10

“ᔧᑯᒃᑯᑦ ᐃᓄᖁᑎᒃᑲ, ᓯᕘᕋᓂᐊᕋᓯ ᓴᐱᓕᕐᑍᓕᓗᓯᓗ ᐃᓴᕆᐊᓕᒥᐅᑕᐅᔪᓯ; ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐱᐅᓕᓂᐊᕐᐸᑦᓯ ᓄᓇᒥᑦ ᐅᖓᓯᒃᑐᒥᑦ, ᑭᖑᕚᓯᓗ ᐊᐅᓪᓚᕐᑎᑕᐅᓯᒪᕕᒋᔭᖏᓐᓂᑦ, ᔧᑯᒃᑯᑦ ᐃᓕᒪᓱᖏᓪᓗᑎᒃ ᖃᓄᐃᖏᑦᓯᐊᕐᓗᑎᒡᓗ ᐃᓅᔪᓐᓇᕐᓯᔪᒫᖁᓪᓗᒋᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᖏᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 30:18

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᔧᑰᑉ ᐃᒡᓗᖓ ᐱᐅᓯᖓᓄᑦ ᐅᑎᕐᑎᑦᓱᒫᕐᐸᕋ, ᓇᔪᒐᖏᓪᓗ ᓂᑲᒋᓕᕐᓗᒋᑦ, ᐃᒡᓗᒐᓴᒡᔪᐊᕕᓂᕐᓂᓪᓗ ᓱᕐᕋᑯᓂᑦ ᐃᒡᓗᒐᓴᒡᔪᐊᖏᑦ ᓇᑉᐸᕐᑎᑦᓱᒫᕆᕙᒃᑲ, ᐊᖓᔪᖅᑳᒃᑯᕕᖓᓗ ᐃᓂᒋᕙᒃᑕᒥᓂ ᓇᐸᓕᕈᒫᕆᕗᖅ.

ᔨᕆᒤᐊᐅᑉ ᐊᒡᓚᖏᑦ 30:3

ᐊᑕᓂᖅ ᐅᖃᕐᐳᖅ, ᐅᓪᓗᐃᑦ ᑎᑭᑦᓱᒫᕐᐳᑦ, ᐃᓄᖁᑎᒃᑲ ᐃᓴᕆᐊᓕᒥᐅᑦ ᔫᑕᒥᐅᓪᓗ ᑎᒍᔭᐅᓯᒪᕕᒋᔭᖏᓐᓂ ᐅᑎᕐᑎᑦᓱᒫᕋᒃᑭᑦ: ᓄᓇᖃᓕᖁᓪᓗᒋᑦ ᓯᕗᓕᕕᓂᖏᓐᓄᑦ ᐊᖏᕈᑎᒋᓚᐅᕐᑕᓐᓂᒃ ᓄᓇᒋᔭᐅᖁᓪᓗᒍ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 31:16

ᐃᒫᒃ ᐊᑕᓂᖅ ᐅᖃᕐᐳᖅ, “ᕿᐊᔪᓐᓃᕆᑦ, ᐃᔩᒃᑭᒡᓗ ᖁᕝᕕᖏᐊᕐᓗᒋᒃ ᐱᓇᓱᐊᕐᓂᑎᑦ ᐊᑭᓕᕐᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᐊᑭᕋᖏᑦᑕ ᓄᓇᖏᓐᓂᑦ ᐅᑎᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 31:17

ᓂᕆᐅᖕᓂᒃᓴᖃᑦᓯᐊᕐᐳᖅ ᓯᕗᓂᒃᓴᕐᓂ, ᐊᑕᓂᖅ ᐅᖃᕐᐳᖅ, ᕿᑐᕐᖓᑎᑦ ᓄᓇᑐᖃᕐᒥᓄᑦ ᐅᑎᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 31:23

ᐃᒫᒃ ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ: “ᐊᐅᓪᓚᕈᑦᔭᐅᓯᒪᕕᒋᓚᐅᕐᑕᖏᓐᓂᑦ ᐅᑎᕐᑎᓯᒪᓕᕈᒃᑭᑦ, ᐃᓄᐃᑦ ᔫᑕᐅᑉ ᓄᓇᖓᓂ ᓄᓇᖃᓚᐅᕐᑐᑦ ᐅᖃᕈᓐᓇᕐᓯᔪᒫᕆᕗᑦ ᐃᒫᒃ, ‘ᐊᑕᓂᐅᑉ ᓮᒻᒪᕐᑎᓪᓕᓯ, ᓄᓇᖃᕐᑐᓯ ᐃᓱᐊᕐᑐᓕᓂᕐᒥ, ᖃᖅᑲᒦᑦᑐᑦ ᐃᑦᔪᕐᓁᑦᑐᒥ.’

ᔨᕆᒤᐊᐅᑉ ᐊᒡᓚᖏᑦ 51:10

“ᐊᑕᓂᐅᑉ ᓮᒻᒪᐅᑎᓯᒪᖕᒪᑎᒍᑦ, ᕾᒋᑦᓯ, ᐅᖃᐅᓯᕆᓚᕗᑦ ᓮᐅᓂᒥ ᐊᑕᓂᐅᑉ ᒎᑎᑦᑕ ᐱᓂᐊᕐᓂᕆᔭᖏᑦ.

ᔨᕆᒤᐊᐅᑉ ᐊᒡᓚᖏᑦ 8:3

ᑖᒃᑯᓇᓐᖓᑦ ᐊᒥᐊᒃᑰᔪᕕᓃᑦ ᐃᓅᖃᑎᒌᓂᑦ ᐊᔪᕐᑐᓕᔪᓂᑦ ᑐᖁᔪᒪᓂᕐᓴᐅᖔᕐᐸᒍᒫᕐᐳᑦ ᐃᓅᔪᒪᓂᕐᒥᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 37:21

ᐅᖃᐅᑎᓗᒋᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᓴᕆᐊᓕᐅᑉ ᐃᓄᖏᑦ ᐃᓅᖃᑎᒌᒡᔪᐊᓂᑦ ᐊᐅᓪᓚᕐᑎᑕᐅᕕᒋᓯᒪᔭᖏᓐᓂᑦ, ᑲᑎᕐᓱᕈᒫᕐᐸᒃᑲ ᓇᑭᑐᐃᓐᓇᓕᒫᖅ, ᓇᖕᒥᓂᕐᓗ ᓄᓇᖏᓐᓄᑦ ᐂᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 39:25

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᒫᓐᓇ ᔧᑰᑉ ᑭᖑᕚᖏᑦ ᐅᑎᕐᑎᓐᓂᐊᕐᐸᒃᑲ, ᐃᓴᕆᐊᓕᐅᓪᓗ ᑭᖑᕚᓕᒫᖏᑦ ᓈᒃᑭᒋᓂᐊᕐᐸᒃᑲ; ᐊᑎᕋᓗ ᐃᑦᔪᕐᓁᑦᑐᖅ ᓯᖕᓇᒋᓂᐊᕐᐸᕋ.

ᐂᒨᓯᐅᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐃᓄᖁᑎᒃᑲ ᐅᑎᕐᑎᑦᓱᒫᕐᐸᒃᑲ ᓄᓇᖏᓐᓄᑦ, ᐃᒡᓗᒐᓮᓪᓗ ᓱᕋᒃᓯᒪᔪᑦ ᐋᖅᑭᒃᓱᕈᒫᕐᐰᑦ ᐃᓂᒋᓕᕐᓗᒋᓪᓗ; ᐱᕈᕐᓰᔪᒫᕐᐳᓪᓗ ᕔᓂᒃᓴᓂᒃ ᐃᑦᓯᖏᓐᓂᒡᓗ ᐃᒥᕐᓗᑎᒃ, ᐱᕈᕐᓰᕕᓕᐅᕈᒫᕐᐳᑦ ᐱᕈᕐᑐᖏᓐᓂᒡᓗ ᓂᕿᖃᕐᓗᑎᒃ.

ᒤᑲᐅᑉ ᐊᒡᓚᖏᑦ 4:12

ᖃᐅᔨᒪᓐᖏᓚᓪᓕ ᐊᑕᓂᐅᑉ ᐃᓱᒪᖓᓂᒃ, ᐱᓇᓱᐊᕈᒪᔭᖓᓗ ᑐᑭᓯᔭᐅᓯᒪᖏᒻᒪᑦ; ᑲᑎᕐᓱᕈᒫᕐᐰᑦ ᓂᐊᖂᔭᒃᓮᑦ ᑲᑎᕐᓱᕐᑕᐅᕙᖕᓂᖏᑎᑐᑦ ᐃᕖᔭᕐᑕᐅᕕᖕᓂ ᐊᓇᐅᓕᕐᑕᐅᓪᓗᑎᒃ.

ᔨᐸᓁᐊᐅᑉ ᐊᒡᓚᖏᑦ 3:20

ᑍᑲᓂ ᓇᓪᓕᐅᑦᑐᒥ ᐅᑎᕐᑎᑦᓱᒫᕐᐸᑦᓯ! ᑲᑎᕐᓱᐃᓕᕈᒪᓗ ᓂᕐᑐᕐᓇᕐᓯᑎᑦᓱᒫᕐᐸᑦᓯ ᖃᐅᔨᒪᔭᐅᑦᓯᐊᕐᓗᓯᓗ ᐃᓄᓕᒫᓄᑦ ᓄᓇᕐᔪᐊᒦᑦᑐᓄᑦ. ᑎᒍᔭᐅᓯᒪᔪᑦ ᐅᑎᕐᑎᑦᓱᒫᕐᐸᒃᑲ ᑕᑯᓐᓇᕐᑎᓪᓗᓯ,” ᐊᑕᓂᖅ ᐅᖃᕐᐳᖅ.

ᕉᒪᒥᐅᓄᑦ 10:20

ᑕᕝᕙ ᐂᓮᐊᓯ ᓯᕘᕋᓇᓂ ᐅᖃᓚᐅᕆᕗᖅ, “ᓇᓂᔭᐅᓯᒪᕗᖓ ᐅᕙᓐᓂᒃ ᕿᓂᖏᑦᑐᓄᑦ; ᐅᕙᓐᓂᒃ ᑕᑯᔭᐅᑎᑉᐳᖓ ᐅᕙᓐᓂᒃ ᐊᐱᖅᑯᑎᖃᖏᑦᑐᓄᑦ.”

ᒨᓯᓯ ᑕᓪᓕᒪᖏᑦ 30:1

“ᒫᓐᓇ ᐃᓱᒪᕐᓱᕐᓗᓯ ᓂᕈᐊᕐᕕᒃᓴᖃᕐᑎᑉᐸᑦᓯ ᓇᓪᓕᐊᓐᓂᑐᐃᓐᓇᖅ ᓮᒻᒪᕐᑎᑕᐅᓂᕐᒥᒃ ᓱᒋᐊᕐᑕᐅᓂᕐᒥᒡᓗ. ᑕᒪᒃᑯᐊᓕᒫᑦ ᐃᓕᑦᓯᓐᓄᑦ ᑎᑭᐅᑎᓯᒪᓕᕐᓂᖏᑕ ᑭᖑᓂᖓᒍᑦ, ᐃᓅᖃᑎᒌᒡᔪᐊᓂᓗ ᓄᓇᖃᓕᕐᑎᓪᓗᓯ ᐊᑕᓂᐅᑉ ᒎᑎᑦᓯ ᓇᒧᑐᐃᓐᓇᖅ ᓯᐊᒻᒪᕐᑎᓯᒪᖕᒪᓯ, ᐃᖅᑲᐅᒪᔪᒃᓴᐅᕗᓯ ᐱᕕᒃᓴᖃᑦᓯᐊᕐᑎᑦᓯᓚᐅᕐᓂᓐᓂᒃ ᓇᓪᓕᐊᓐᓂᑐᐃᓐᓇᖅ ᓂᕈᐊᕈᓐᓇᕐᓗᓯ.

ᒨᓯᓯ ᑕᓪᓕᒪᖏᑦ 30:3

ᑕᕝᕙ ᐊᑕᓂᐅᑉ ᒎᑎᑦᓯ ᓂᑲᒋᓕᕈᒫᕐᐹᓯ, ᑲᑎᕐᓱᓕᕈᒫᕐᐹᓯᓗ ᐅᑎᖁᓪᓗᓯ ᓄᓇᒋᔭᑦᓯᓐᓄᑦ ᐃᓅᖃᑎᒌᒡᔪᐊᓂᑦ ᓇᑭᑐᐃᓐᓇᖅ, ᐱᕙᓪᓕᐊᑎᓕᕐᒥᓗᓂᓯᓗ.

ᒨᓯᓯ ᑕᓪᓕᒪᖏᑦ 30:5

ᓯᕗᓕᕕᓂᑦᓯ ᓄᓇᒋᓚᐅᕐᓯᒪᔭᖓᓄᑦ ᐅᑎᕈᓐᓇᕐᓯᖁᓪᓗᓯ ᓄᓇᑖᕆᖕᒥᓗᒍᓗ. ᑕᕝᕙ ᐱᕙᓪᓕᐊᓂᕐᓴᒻᒪᕆᐅᓕᕈᒫᕐᐳᓯ ᐃᓄᒋᐊᖕᓂᕐᓴᐅᓕᕐᓗᓯᓗ ᓯᕗᓕᕆᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 4:7

“ᐃᓅᖃᑎᒌᒡᔪᐊᓂᒃ ᐊᓯᖏᓐᓂᒃ, ᐊᔪᖏᑦᑐᕐᔪᐊᖑᒐᓗᐊᕐᐸᑕ, ᒎᑎᖃᕐᑐᖃᓐᖏᓚᖅ ᑭᓐᖒᒪᓇᓕᕐᑎᓪᓗᒍ ᑍᒫᒃ ᖃᓂᑦᑑᔪᓐᓇᕐᑎᒋᔪᒥᒃ ᐊᑕᓂᐅᑉ ᒎᑎᑦᑕ ᐅᕙᑦᑎᓐᓄᑦ ᑍᒫᒃ ᑲᒪᑦᓯᐊᕐᓂᕆᔭᖓᑎᑐᑦ. ᑐᒃᓯᐊᕐᕕᒋᔭᕌᖓᑦᑎᒍᓗ ᐃᑲᔪᕐᑕᐅᔪᒪᓪᓗᑕ ᑭᐅᖃᑦᑕᕐᓂᕆᔭᖓᑎᑐᑦ ᑍᒤᑦᑐᒥᒃ.