ᔨᕆᒤᐊᐅᑉ ᐊᒡᓚᖏᑦ 29:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᕿᓂᕈᑦᓯᓐᖓ ᓇᓂᓂᐊᕐᐸᑦᓯᓐᖓ ᐃᓗᖏᕐᓱᕐᓗᓯ ᕿᓂᓕᕈᑦᓯᓐᖓ ᓇᓂᓂᐊᕐᐸᑦᓯᓐᖓ.

ᔨᕆᒤᐊᐅᑉ ᐊᒡᓚᖏᑦ 29:13 Iomraidhean Croise

ᐊᑕᓃᑦ ᓯᕗᓪᓖᑦ 2:4

ᐊᑕᓂᐅᑉ ᑕᕝᕙ ᑲᔪᓯᑎᓐᓂᐊᕐᐹ ᐅᖃᐅᓯᓂ ᐅᖃᐅᓯᕆᓚᐅᕐᑕᓂ ᐅᕙᓐᓄᑦ, ᐅᖃᓚᐅᕐᒪᑦ, ‘ᑭᖑᕚᑎᑦ ᐱᐅᓯᕐᒥᖕᓂᒃ ᑲᒪᑦᓯᐊᕐᐸᑕ, ᐅᕙᓐᓄᓪᓗ ᓱᖁᓯᔪᐃᑦᑐᒥᒃ ᐃᓅᓗᑎᒃ ᐆᒻᒪᑎᒥᖕᓄᑦ ᐃᓗᐃᑦᑐᒧᑦ ᑕᕐᓂᕐᒥᖕᓄᓪᓗ ᐃᓗᐃᑦᑐᒧᑦ, ᑕᕝᕙ ᐃᓕᖕᓂᒃ ᓇᓪᓕᐊᑦ ᑕᒪᐅᖎᓐᓈᕐᑎᑦᓯᓂᐊᓐᖏᓚᖅ ᑭᖑᕝᕕᐅᑎᓗᓂ ᐃᓴᕆᐊᓕᒥᐅᑦ ᐃᒃᓯᕙᐅᑕᕐᔪᐊᖓᓂ.’

ᐊᑕᓃᑦ ᐂᑉᐸᖏᑦ 23:3

ᐊᖓᔪᖅᑳᕐᔪᐊᕐᓗ ᓱᑲᕐᔪᐊᑉ ᓴᓂᐊᓂ ᓇᖏᕐᓗᓂ ᐊᑕᓂᐅᑉ ᓵᖓᓂ, ᐊᖏᖃᑎᒌᖕᓂᖅ ᓄᑕᐅᓯᓕᕐᐹ ᐊᑕᓂᖅ ᒪᓕᒡᑕᐅᖁᓪᓗᒍ ᐱᓂᐊᕐᑕᐅᖁᔭᖏᑦ ᐱᖁᔭᖏᓐᓂᒡᓗ ᓈᓚᑦᓯᐊᕐᑕᐅᖁᓪᓗᒋᑦ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒃᓯᒪᓂᐅᓪᓗ ᐱᐅᓯᐅᖁᔭᖏᑦ, ᐱᓂᐊᕈᑎᒋᓗᒋᑦ ᐃᓅᓯᖃᕈᒪᓪᓗᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᑦ, ᒪᓕᒡᓗᒋᑦ; ᐃᓄᓕᒫᑦᑕᐅᒃ ᐊᖏᖃᑕᐅᕗᑦ ᑍᒪᒃ ᐱᓂᐊᖃᑕᐅᔪᒪᓪᓗᑎᒃ.

ᑯᕉᓂᑲ ᓯᕗᓪᓖᑦ 22:19

ᐆᒻᒪᑎᓯ ᑕᕐᓂᓯᓗ ᐱᕕᒃᓴᖃᕐᑎᓯᒋᒃ ᕿᓂᕈᓐᓇᖁᓪᓗᓯ ᐊᑕᓂᕐᒥᒃ ᒎᑎᑦᓯᓐᓂᒃ. ᒪᑭᓪᓗᓯ ᓴᓇᓕᕆᑦᓯ ᐊᑕᓂᐅᑉ ᒎᑎᐅᑉ ᐃᑦᔪᕐᓁᑦᑐᕕᖁᑎᖓᓂᒃ, ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᑦᔪᕐᓁᑦᑐᖁᑎᖏᓪᓗ ᐃᑎᕐᑎᑕᐅᔪᓐᓇᕐᓯᖁᓪᓗᒋᑦ ᒎᑎᐅᑉ ᐃᒡᓗᖓᓄᑦ ᓴᓇᔭᐅᓯᒪᔪᒧᑦ ᐊᑕᓂᐅᑉ ᐊᑎᖓᓄᑦ.”

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᑯᕉᓂᑲ ᐂᑉᐸᖏᑦ 22:9

ᐊᕼᐊᔧᐊᒥᒡᓗ ᕿᓂᕐᑎᑦᓯᓕᕋᒥ, ᐃᔨᕐᓯᒪᑎᓪᓗᒍ ᓴᒥᐊᕆᐊᒥ ᓇᓂᔭᐅᕗᖅ, ᐂᑎᑉᐹᓗ ᔨᕼᐆᒧᑦ ᑕᕝᕙᓂᓗ ᑐᖁᑉᐹ. ᐃᓗᕕᕐᐹᓪᓗ, ᐅᖃᕐᓗᑎᒃ, “ᔨᕼᐆᓴᐸᐅᑉ ᐃᕐᖑᑕᕆᖕᒪᒍ, ᐊᑕᓂᕐᒥᒃ ᕿᓂᓚᐅᕐᑑᑉ ᐆᒻᒪᑎᒥᓄᑦ ᐊᑕᖏᕐᑐᒧᑦ.” ᐊᕼᐊᔧᐊᐅᓪᓗ ᐃᓚᖏᑦ ᐊᒥᐊᒃᑯᖃᕈᓐᓃᓚᐅᕐᐳᖅ ᐃᓇᖐᔪᓐᓇᕐᑐᒥᒃ ᐊᖓᔪᖅᑳᖑᓂᕐᒥᒃ ᐊᑕᓂᐅᕕᖓᓄᑦ.

ᑯᕉᓂᑲ ᐂᑉᐸᖏᑦ 31:21

ᐱᓇᓱᐊᕐᑕᓕᒫᒥᓂ ᐱᓇᓱᐊᕐᑎᓪᓗᒍ ᒎᑎᐅᑉ ᐃᒡᓗᖓᓂ ᐱᓇᓱᐊᕐᑕᐅᔭᕆᐊᓕᖕᓂᒃ ᐱᖁᔭᓂᓗ, ᒎᑎᒥᓂᒃ ᖃᐅᔨᒋᐊᑦᓯᐊᖃᑦᑕᓚᐅᕐᐳᖅ, ᐱᓇᓱᐊᓚᐅᕐᐳᕐᓗ ᐆᒻᒪᑎᒥᒍᑦ ᑐᓂᓯᒪᓪᓚᕆᒃᓗᓂ, ᑍᒤᒻᒪᑦ ᐱᕙᓪᓕᐊᓂᖃᑦᓯᐊᓚᐅᕐᐳᖅ.

ᐃᓐᖏᕈᑎᑦ 119:10

ᐆᒻᒪᒻᒧᑦ ᐃᓗᖏᕐᓱᕐᓗᖓ ᕿᓂᓚᐅᕐᐸᒋᑦ; ᑍᒤᒻᒪᑦ ᐱᖁᔭᕐᓂᒃ ᕿᒤᑎᑦᑍᓕᓐᖓ.

ᐃᓐᖏᕈᑎᑦ 119:145

ᐆᒻᒪᑎᒃᑯᑦ ᐃᓗᖏᕐᓱᑦᓯᐊᕐᓗᖓ ᓂᓪᓕᐊᕕᒋᕙᒋᑦ; ᐊᑕᓃᖅ, ᑭᐅᓚᐅᓐᖓ! ᐊᑐᕐᑕᐅᖁᔭᑎᑦ ᓈᓚᖕᓂᐊᕐᐸᒃᑲ.

ᐃᓐᖏᕈᑎᑦ 119:2

ᑐᓱᓐᓇᕐᐳᑦ ᑖᑦᓱᒪ ᐅᓐᓂᕐᑑᑎᒋᔭᖏᓐᓂᒃ ᒪᓕᒃᑐᑦ, ᑖᑦᓱᒥᖓ ᕿᓂᕐᑐᑦ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᓐᖏᕈᑎᑦ 119:58

ᐱᕕᓕᒫᓐᓄᑦ ᐃᓕᖕᓄᑦ ᐃᓱᐊᕆᔭᐅᔪᒪᓪᓗᖓ ᕿᓄᕗᖓ, ᓂᑲᒋᓚᐅᓐᖓ ᐊᖏᕈᑎᒋᓯᒪᔧᑦ ᒪᓕᒡᓗᒍ.

ᐃᓐᖏᕈᑎᑦ 119:69

ᐱᐅᔪᕆᔪᑦ ᓱᓕᓇᑎᒃ ᐅᕙᓐᓂᒃ ᐅᖃᐅᓯᖃᕐᐳᑦ, ᐆᒻᒪᒻᒧᓪᓕ ᓱᓕᔪᒧᑦ ᐱᓂᐊᕐᑕᐅᖁᔭᑎᑦ ᓈᓚᖕᓂᐊᕐᐸᒃᑲ.

ᐃᓐᖏᕈᑎᑦ 145:18

ᐊᑕᓂᖅ ᖃᓂᑉᐳᖅ ᑕᒤᓐᓄᑦ ᓂᓪᓕᐊᕕᒋᔨᒥᓄᑦ, ᐃᓗᖏᕐᑐᕐᓗᑎᒃ ᓱᓕᔪᒥᒃ ᓂᓪᓕᐊᔪᓄᑦ ᑖᑦᓱᒧᖓ.

ᐃᓐᖏᕈᑎᑦ 32:6

ᑍᒤᒻᒪᑦ ᒎᑎᖃᕐᑐᓕᒫᑦ ᑐᒃᓯᐊᕐᕕᒋᓛᑎᑦ ᐱᕕᖃᕐᓂᖓᓂ ᓇᓂᔭᐅᔪᓐᓇᕐᓂᕐᓂ; ᓱᓕᑦᓯᐊᕐᐳᖅ, ᐃᒪᕐᔪᐃᑦ ᖄᒥᑦᓯᓕᕐᐸᑕ, ᑍᒤᓕᐅᕐᑐᖅ ᑎᑭᑕᐅᓂᐊᓐᖏᓚᖅ.

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 45:19

ᐃᔨᕋᕐᑐᕐᓗᖓ ᐅᖃᓚᐅᓐᖏᓚᖓ, ᓄᓇᐅᑉ ᑖᕐᓂᖓᓃᑦᑐᒥ; ᔧᑰᑉ ᑭᖑᕚᖏᑦ ᐅᖃᐅᑎᓚᐅᓐᖏᓚᒃᑲ, ‘ᕿᓂᕐᓯᓐᖓ ᑕᒪᐅᖎᓐᓇᖅ,’ ᐅᕙᖓ ᐊᑕᓂᖅ ᓇᓛᒎᕐᑐᒥᒃ ᐅᖃᐅᓯᖃᕐᐳᖓ, ᓈᒻᒪᓈᑦᓯᐊᕐᑐᓂᒡᓗ ᓇᓗᓁᕐᓯᓲᖑᓪᓗᖓ.”

ᐂᓮᐊᓯᐅᑉ ᐊᒡᓚᖏᑦ 65:10

ᓵᕋᓐ ᓄᓇᖓ ᓰᐱᓕᕆᕝᕕᐅᔪᒫᕐᐳᖅ, ᐂᑯᐊᓪᓗ ᓇᕐᓴᖓ ᐆᒪᔪᖁᑎᖏᓐᓄᑦ ᓄᖅᑲᖓᕕᐅᕙᒡᓗᓂ, ᐃᓄᖁᑎᓐᓄᑦ ᐅᕙᓐᓂᒃ ᕿᓂᓚᐅᕐᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 24:7

ᐆᒻᒪᑎᑖᕐᑎᑦᓱᒫᕐᐸᒃᑲ ᐅᕙᓐᓂᒃ ᖃᐅᔨᖁᓪᓗᒋᑦ ᐊᑕᓂᐅᓂᓐᓂᒃ; ᐃᓄᖁᑎᒋᔪᒫᕐᐸᒃᑲ ᒎᑎᒋᔭᐅᓗᖓᓗ ᑖᒃᑯᓄᖓ, ᐅᕙᓐᓄᑦ ᐅᑎᕈᒫᕐᒪᑕ ᐃᓘᓐᓈᒍᑦ ᐆᒻᒪᑎᒥᒍᑦ ᑐᓂᓯᒪᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 3:10

ᑍᒤᓕᐅᕋᓗᐊᕋᒥᒃ ᐊᓯᓐᓂᐊᕐᑎᐅᖃᑎᖓᑕ ᔫᑕᐅᑉ ᐅᑎᕐᕕᒋᓚᐅᓐᖏᓛᖓ ᓱᓕᑦᓯᐊᕐᓗᓂ, ᑭᓯᐊᓂᓕ ᐅᑎᓐᖑᐊᑐᐃᓐᓇᓚᐅᕐᐳᖅ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 50:4

ᑍᒃᑯᐊ ᐅᓪᓗᐃᑦ ᓇᓪᓕᐅᑎᒃᐸᑕ, ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ ᔫᑕᒥᐅᓪᓗ ᑲᑎᔪᒫᕐᐳᑦ, ᕿᐊᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ ᕿᓂᕈᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 5:15

“ᐃᓄᖁᑎᒃᑲ ᕿᒪᒃᓯᒪᓂᐊᕐᐸᒃᑲ ᐸᓯᔭᒃᓴᐅᓂᕐᒥᖕᓂᒃ ᖃᐅᔨᓚᐅᖏᓐᓂᖏᓐᓂ ᐅᕙᓐᓂᒡᓗ ᕿᓂᓕᓚᐅᖏᓐᓂᖏᓐᓂ, ᐃᒻᒪᖄᓕ ᐊᒃᓱᕈᓕᕈᑎᒃ ᐅᕙᓐᓂᒃ ᕿᓂᓕᕈᒫᕐᐳᑦ.”

ᔪᐃᓕᐅᑉ ᐊᒡᓚᖏᑦ 2:12

ᐊᑕᓂᖅ ᐅᖃᕐᐳᖅ, “ᒫᓐᓇ ᑍᒤᒻᒪᑦ, ᐃᓗᖏᕐᑐᕐᓗᓯ ᐅᕙᓐᓄᑦ ᐅᑎᓕᕆᑦᓯ, ᓂᕆᑦᑍᓕᓗᓯ, ᕿᐊᓗᓯ, ᕿᒃᓵᒡᓗᓯᓗ.”

ᒫᑎᐅᓯᐅᑉ ᐊᒡᓚᖏᑦ 7:7

“ᑐᒃᓯᐊᕆᑦᓯ, ᑐᓂᓯᕕᐅᒐᔭᕐᐳᓯ ᑕᕝᕙ; ᕿᓂᕆᑦᓯ, ᓇᓂᓯᒐᔭᕐᐳᓯ ᑕᕝᕙ; ᑎᒡᓗᒃᑐᕆᑦᓯ ᒪᑐᐃᕈᑦᔭᐅᒐᔭᕐᐳᓯ ᑕᕝᕙ.

ᐋᐴᓯᑕᓖᑦ ᐱᓂᐊᕐᓂᖏᑦ 8:36

ᐊᖅᑯᑎᒃᑯᑦ ᐃᖏᕐᕋᓪᓗᑎᒃ ᐃᒪᓕᖕᒧᑦ ᑎᑭᓐᓇᒥᒃ, ᐃᑎᐅᐱᐊᒥᐅᑕᖅ ᐅᖃᕐᐳᖅ, “ᑕᑯᒋᑦ, ᐃᒥᖅ ᑕᕝᕙ! ᓱᓇᒥᒃ ᐹᑉᑎᑕᐅᑦᑍᓕᑦᔪᑎᒃᓴᖃᕐᐳᖔ?” [