ᔨᕆᒤᐊᐅᑉ ᐊᒡᓚᖏᑦ 28:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐅᑎᕐᑎᓐᓂᐊᕆᕙᕋᓗ ᔨᑯᓁᐊ ᔨᕼᐅᐃᐊᑭᐅᑉ ᐃᕐᓂᖓ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ, ᐊᐅᓪᓚᕈᑦᔭᐅᓯᒪᖃᑕᐅᔪᓕᒫᓪᓗ ᐹᐱᓘᓂᒧᑦ ᐅᑎᕐᑎᒻᒥᓗᒋᑦ ᔫᑕᒧᑦ, ᐊᑕᓂᖅ ᐅᖃᕐᐳᖅ, ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑦᑕ ᐊᓄᓯᒪᐅᑎᖓ ᕿᔪᒃ ᓯᖁᒥᓐᓂᐊᕋᒃᑯ.”

ᔨᕆᒤᐊᐅᑉ ᐊᒡᓚᖏᑦ 28:4 Iomraidhean Croise

ᒨᓯᓯ ᓯᕗᓪᓖᑦ 27:40

ᓴᕕᒡᔪᐊᑦ ᐊᑐᕐᓗᒍ ᐃᓅᔪᒫᕐᐳᑎᑦ, ᓄᑬᓪᓗ ᐱᔨᑦᓯᕈᒫᕐᐹᑦ; ᑖᑦᓱᒪᓐᖓᓪᓕ ᕿᓚᕈᑦᔮᕈᕕᑦ; ᐊᒡᔭᕐᓯᑎᑕᐅᓃᑦ ᑖᑦᓱᒪᓐᖓᑦ ᓯᖁᒥᑦᓱᒫᕐᐳᖅ ᖁᖓᓯᕐᓂᑦ.”

ᐊᑕᓃᑦ ᐂᑉᐸᖏᑦ 24:14

ᓂᐱᑯᓁᓴᐅᑉ ᔨᕉᓴᓕᒥᐅᑦ ᐃᓄᓕᒫᖏᑦ ᑎᒍᓪᓗᒋᑦ ᐊᐅᓪᓚᕈᑎᕔᑦ, ᐊᖓᔪᖅᑳᕐᔪᐊᑉ ᕿᑐᕐᖓᓕᒫᖏᑦ, ᓯᕗᓕᕐᑎᖁᑎᖏᓪᓗ ᑲᑎᓪᓗᒋᑦ 10,000ᓚᐅᕐᐳᑦ ᑎᒍᔭᓕᒫᖏᑦ, ᓴᓇᔨᖁᑎᓕᒫᖏᓪᓗ ᓱᓇᑐᐃᓐᓇᕐᓂᒃ ᓴᕕᕋᔭᓕᕆᔩᓪᓗ ᐱᖃᑕᐅᑎᓪᓗᒋᑦ; ᑕᒪᒃᑯᐊ ᐊᔪᕐᓴᕐᑐᑦ ᑭᓯᐊᓂ ᐱᓐᖏᑕᑐᐊᕆᓪᓗᒋᑦ ᕿᒪᒃᑕᐅᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 9:4

ᐃᓄᐃᑦ ᐅᖁᒤᒃᓴᕐᑎᑕᐅᓂᕐᒧᑦ ᓇᖕᒪᐅᑕᖏᑦ ᓱᕋᒃᐸᑎᑦ, ᑐᐃᖏᓐᓄᓪᓗ ᐊᓇᐅᓕᐅᑎᒋᔭᐅᔪᑦ ᕿᔪᐃᑦ ᓯᖁᒥᑉᐸᑎᑦ. ᐊᑭᕋᖏᑕᓗ ᐊᓇᐅᑕᖏᑦ ᓇᑲᑎᕐᐸᑎᑦ, ᑍᑦᓱᒪᓂᑎᑐᑦ ᒥᑎᐊᓂᒥᐅᑦ ᓵᓚᒋᔭᐅᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 13:19

ᐃᒡᓗᒐᓴᒡᔪᐊᑦ ᓂᒋᑉᒦᑦᑐᑦ ᓇᒧᓐᖓᕐᕕᒃᓴᖃᕈᓐᓃᕐᒪᑕ, ᒪᑐᐃᕐᑕᐅᔪᓐᓇᕈᓐᓃᕐᓗᑎᒡᓗ; ᔫᑕᒥᐅᓕᒫᑦ ᐊᐅᓪᓚᕈᑦᔭᐅᕗᑦ ᐅᖓᓯᒃᑐᒧᑦ ᓄᓇᒋᓐᖏᑕᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 2:20

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑍᑦᓱᒪᓂᐊᓘᓕᕐᐳᖅ ᓇᖕᒪᐅᑍᑦ ᓱᕋᓚᐅᕋᕕᐅᒃ, ᕿᓚᕈᑏᓪᓗ ᕿᒃᑐᕋᕐᓗᒍ ᐅᖃᕐᓗᑎᓪᓗ, ‘ᐱᔨᑦᓯᕐᓂᐊᕈᓐᓃᕐᐸᒋᑦ.’ ᑍᒤᓚᐅᕐᐳᕐᓗ ᑕᒪᓐᓇ ᐱᖑᐃᑦ ᖄᖏᓐᓂ, ᓇᐹᕐᑐᐃᓪᓗ ᐊᑖᓂ ᐊᓯᓐᓂᐊᖃᑦᑕᓚᐅᕐᐸᕐᒪ ᐊᖑᓐᓂᐊᕐᑎᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 22:10

ᕿᐊᑦᔪᑎᒋᑦᑍᓕᓯᐅᒃ ᑐᖁᖓᔪᖅ, ᕿᒃᓴᐅᑎᒋᓇᒍᓗ, ᕿᐊᑦᔪᑎᖃᖔᕐᑐᒃᓴᐅᕗᓯᓕ ᐊᐅᓪᓚᕈᑦᔭᐅᓯᒪᔪᓂᒃ, ᐅᑎᕐᓂᐊᕈᓐᓁᕐᒪᑕ ᓄᓇᑐᖃᕐᒥᖕᓂᒃ ᑕᑯᓂᐊᕈᓐᓁᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 22:24

ᐊᑕᓂᖅ ᐅᖃᕐᐳᖅ, “ᒎᑎᐅᓪᓗᖓ ᐆᒪᒐᒪ, ᑯᓂᐊ ᔨᕼᐅᐃᐊᑭᐅᑉ ᐃᕐᓂᖓ, ᔫᑕᒥ ᐊᖓᔪᖅᑳᕐᔪᐊᖑᔪᖅ, ᑕᓕᕐᐱᓐᓂ ᓇᒡᒍᐊᕐᒥᒋᒐᓗᐊᕈᒃᑭᑦ ᓱᓕ ᐲᕈᓐᓇᕐᐸᒋᑦ.

ᔨᕆᒤᐊᐅᑉ ᐊᒡᓚᖏᑦ 24:1

ᐊᖓᔪᖅᑳᕐᔪᐊᖅ ᔨᑯᓁᐊ ᔨᕼᐅᐃᐊᑭᐅᑉ ᐃᕐᓂᖓ ᔫᑕᒥᐅᓄᑦ ᐊᖓᔪᖅᑳᕐᔪᐊᖅ ᐊᖓᔪᖅᑳᖁᑎᖏᓪᓗ ᕿᔪᓕᕆᔨᖏᑦ ᓴᕕᕋᔭᓕᕆᔩᓪᓗ ᐊᐅᓪᓚᕈᑦᔭᐅᓯᒪᔪᐃᓐᓇᐅᓕᕐᑎᓪᓗᒋᑦ ᔨᕉᓴᓕᒥᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᐊᑕᓂᐅᑉ ᑕᑯᑎᓚᐅᕐᐹᖓ: ᑕᑯᒋᑦ, ᐃᕕᐅᔮᒃ ᒪᕐᕉᒃ ᐱᒋᓕᖕᓂᒃ ᐃᓗᓕᓖᒃ ᑐᒃᓯᐊᕐᕕᒡᔪᐊᑉ ᓯᕗᕌᓃᑦᑑᒃ.

ᔨᕆᒤᐊᐅᑉ ᐊᒡᓚᖏᑦ 24:5

“ᐃᒫᒃ ᐊᑕᓂᖅ ᐅᖃᕐᐳᖅ ᐃᓴᕆᐊᓕᒥᐅᑦ ᒎᑎᖓᑦ, ᐱᐅᔪᑦ ᑖᒃᑯᐊ ᐱᒋᓖᑦ ᐊᑦᔨᐅᕗᑦ ᔫᑕᒥᐅᓄᑦ ᐊᐅᓪᓚᕈᑦᔭᐅᓯᒪᔪᓄᑦ; ᔫᑎᐊᒥᑦ ᐊᐅᓪᓚᕈᑦᔭᐅᑎᓚᐅᕐᐸᒃᑲ ᑲᐅᓪᑎᐊᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 27:8

“ᐃᓅᖃᑎᒌᒡᔪᐊᖑᔪᓪᓕ ᐊᐅᓚᑕᐅᓕᕈᒪᓂᐊᖏᑉᐸᑕ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑖᒃᑯᐊ ᓱᒋᐊᕐᑕᐅᑎᑦᓱᒫᕐᐸᒃᑲ ᐅᓇᑕᕐᓂᕐᒧᑦ, ᑳᖕᓇᕐᑐᕐᔪᐊᒧᑦ ᐋᓐᓂᐊᓇᕐᑐᓄᓪᓗ ᐊᓯᕈᕐᑕᐅᖏᓐᓂᓕᒫᖏᓐᓂ ᓂᐱᑯᓁᓴᐅᑉ ᐱᔪᓐᓇᕐᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 28:10

ᕼᐊᓇᓁᐊᐅᓪᓗ ᔨᕆᒤᐊᐅᑉ ᐊᓄᓯᒪᐅᑎᖓ ᕿᔪᒃ ᖁᖓᓯᖓᓂᑦ ᐲᕐᓗᓂᐅᒃ ᓱᕋᒃᐹ.

ᔨᕆᒤᐊᐅᑉ ᐊᒡᓚᖏᑦ 28:2

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᕿᒧᒍᑖ ᕿᔪᒃ ᓯᖁᒥᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 29:1

ᐅᑯᐊ ᑕᕝᕙ ᔨᕆᒤᐊᐅᑉ ᒎᑎᐅᑉ ᐅᖃᕐᑎᖓᑕ ᑎᑎᕋᖏᑦ ᔨᕉᓴᓕᒥᑦ ᐊᐅᓪᓚᕐᑎᑕᐅᓯᒪᔪᑦ ᐊᖓᔪᖅᑳᖏᑕ ᐊᒥᐊᒃᑯᖏᓐᓄᑦ, ᑐᓂᕐᕈᓯᕐᑎᑦᓯᔨᓄᓪᓗ, ᒎᑎᒧᓪᓗ ᐅᖃᕐᑎᒋᔭᐅᔪᓄᑦ, ᐃᓄᖕᓄᓪᓗ ᓂᐱᑯᓁᓴᒧᑦ ᐊᐅᓪᓚᕈᑦᔭᐅᓯᒪᔪᓄᑦ ᔨᕉᓴᓕᒥᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 29:2

ᑖᒃᑯᐊ ᑎᑎᕋᓚᐅᕐᐰᑦ ᐊᖓᔪᖅᑳᕐᔪᐊᖅ ᔨᑯᓁᐊ ᓄᓕᐊᖓᑕᓗ ᐊᓈᓇᖓ ᐊᖓᔪᖅᑳᖁᑎᖏᓪᓗ ᔫᑕᒥ ᔨᕉᓴᓕᒥᓗ ᓯᕗᓕᕐᑎᐅᔪᑦ, ᕿᔪᓕᕆᔩᑦ, ᓴᕕᕋᔭᓕᕆᔩᓪᓗ ᔨᕉᓴᓕᒥᑦ ᐊᐅᓪᓚᕈᑦᔭᐅᓯᒪᓕᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 30:8

ᐊᑕᓂᖅ ᐅᖃᕐᐳᖅ, ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᓄᓯᒪᑦᔪᑎᖏᑕ ᕿᔪᒃᑕᖏᑦ ᖁᖓᓯᖏᓐᓃᑦᑐᑦ ᓱᕋᒍᒫᕐᐸᒃᑲ, ᐊᑦᑐᖏᕐᓯᒪᑦᔪᑎᒋᔭᖏᓪᓗ ᐲᔭᕐᓗᒋᑦ, ᐊᔪᓕᕐᑎᑕᐅᓯᒪᒃᑲᓐᓂᖁᓇᒋᑦ ᐊᓯᖏᑕ ᐊᐅᓚᑦᓯᓂᖏᓐᓄᑦ.

ᒨᓯᓯ ᐱᖓᔪᖏᑦ 26:13

ᐅᕙᖓ ᐊᑕᓂᐅᒐᒪ ᒎᑎᓯ, ᐅᕙᖓ ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᒥᑦ ᐃᓖᔭᐅᓪᓗᓯ ᓯᐊᓛᖑᖁᔪᓐᓃᕐᓗᓯ ᐱᔪᓐᓇᕐᓂᖅ ᓯᖁᒥᓚᐅᕐᐸᕋ ᐃᓕᑦᓯᓐᓂᒃ ᐊᔪᓕᕐᑎᑦᓯᓯᒪᓚᐅᕐᑐᖅ ᒪᑭᑕᑦᓯᐊᕐᓗᓯ ᐱᓱᒍᓐᓇᖁᓪᓗᓯ.”

ᓇᕼᐅᒥᐅᑉ ᐊᒡᓚᖏᑦ 1:13

ᒫᓐᓇ ᐊᑭᕋᑦᓯ ᐃᓕᑦᓯᓐᓄᑦ ᐱᔪᓐᓇᕐᓂᖃᕐᓂᖓᑦ ᓄᖅᑲᕐᑎᓐᓂᐊᕐᐸᕋ ᐊᑦᓱᖏᐅᑏᓪᓗ ᐃᓕᑦᓯᓐᓂᒃ ᕿᒃᑐᕋᕐᓗᒋᑦ.”