ᔨᕆᒤᐊᐅᑉ ᐊᒡᓚᖏᑦ 28:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᐃᓅᖃᑎᒌᒡᔪᐊᑦ ᐊᓄᓯᒪᐅᑎᓕᐅᕈᒪᕙᒃᑲ ᓴᕕᕋᔭᖕᒥᒃ ᐱᔨᑦᓯᖁᓪᓗᒋᑦ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᑖᑦᓱᒧᖓ ᐊᐅᓚᑕᐅᖁᓪᓗᒋᑦ ᐆᒪᔪᓪᓗᑦᑕᐅᖅ ᐊᒡᓛᑦ ᑖᑦᓱᒧᖓ ᐊᐅᓚᑕᐅᑎᑦᓱᒫᕐᐸᒃᑲ.”

ᔨᕆᒤᐊᐅᑉ ᐊᒡᓚᖏᑦ 28:14 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 15:12

ᐃᓄᒃ ᓱᕅᔪᓐᓇᕐᐹ? ᓴᕕᕋᔮᓗᖕᒥᒃ ᑲᓐᓄᔭᒥᒃ ᐃᓚᖃᕐᑐᒥᒃ? ᐅᓐᓄᐊᓪᓗᐊᑉ ᓇᓛᓂᒥᐅᓂᑦ ᐱᓯᒪᔪᒥᒃ?

ᔨᕆᒤᐊᐅᑉ ᐊᒡᓚᖏᑦ 27:4

ᐊᖓᔪᖅᑳᖏᓐᓄᑦ ᐅᖃᐅᓯᒃᓴᒡᒋᕐᑎᒃᑭᑦ ᐅᖃᐅᑎᓗᒋᓪᓗ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᑕᒪᓐᓇ ᐊᖓᔪᖅᑳᑦᓯᓐᓄᑦ ᐅᖃᐅᓯᕆᓯᐅᒃ.

ᔨᕆᒤᐊᐅᑉ ᐊᒡᓚᖏᑦ 27:8

“ᐃᓅᖃᑎᒌᒡᔪᐊᖑᔪᓪᓕ ᐊᐅᓚᑕᐅᓕᕈᒪᓂᐊᖏᑉᐸᑕ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑖᒃᑯᐊ ᓱᒋᐊᕐᑕᐅᑎᑦᓱᒫᕐᐸᒃᑲ ᐅᓇᑕᕐᓂᕐᒧᑦ, ᑳᖕᓇᕐᑐᕐᔪᐊᒧᑦ ᐋᓐᓂᐊᓇᕐᑐᓄᓪᓗ ᐊᓯᕈᕐᑕᐅᖏᓐᓂᓕᒫᖏᓐᓂ ᓂᐱᑯᓁᓴᐅᑉ ᐱᔪᓐᓇᕐᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 40:4

ᒫᓐᓇᓕ ᑕᑯᒋᑦ, ᐅᓪᓗᒥ ᕿᓚᕈᑦᔮᕈᒪᕙᒋᑦ ᐊᒡᒐᐅᑎᒃᑯᑦ ᐊᕐᓵᕐᑑᔭᓄᑦ ᐊᑦᓱᖏᐅᑎᒋᔭᕐᓂᑦ, ᐹᐱᓘᓂᒧᑦ ᐃᓚᐅᔪᒪᒍᕕᑦ ᒪᓕᒍᓐᓇᕐᐳᑎᑦ, ᑲᒪᒋᑦᓯᐊᕐᓂᐊᕐᐸᒋᑦ, ᒪᓕᒍᒪᖏᒃᑯᕕᓪᓕ ᒪᓕᒃᑍᓕᒋᑦ ᑕᑯᒋᑦ ᓄᓇᒋᔪᒪᔭᕐᓂ ᓄᓇᖃᕈᓐᓇᓕᕐᐳᑎᑦ ᐃᓱᒪᕐᓱᕐᓗᑎᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:14

ᐊᔪᕐᑐᓕᓂᒃᑲ ᑲᑎᑎᓪᓗᓂᒋᑦ ᓇᖕᒪᐅᑎᓐᖑᕐᑎᑉᐰᑦ, ᐊᒡᒐᖕᒥᓄᑦ ᓄᕕᕐᓴᕐᓗᓂᒋᑦ ᖁᖓᓯᓐᓄᑦ ᑲᐅᑎᑉᐰᑦ. ᐊᑕᓂᐅᑉ ᓄᑭᖏᕈᑎᑎᒻᒪᖓ ᐊᑭᕋᕐᑐᕐᑎᓐᓄᑦ ᐱᔭᐅᕗᖓ.

ᑖᓂᐊᓕᐅᑉ ᐊᒡᓚᖏᑦ 2:38

ᐃᓕᖕᓄᑦ ᑐᓂᓯᓯᒪᖕᒪᑦ ᐃᓄᖕᓂᒃ ᐃᓅᔪᓂᒃ, ᐆᒪᔪᓂᒡᓗ ᓄᓇᒦᑦᑐᓂᒃ, ᑎᖕᒥᐊᓂᒡᓗ ᑎᖏᕙᒃᑐᓂᒃ, ᓇᓃᒃᑲᓗᐊᕐᐸᑕ ᐊᖓᔪᖅᑲᐅᕕᒋᕙᑎᑦ ᑕᒪᒃᑯᐊᓕᒫᑦ. ᐃᕝᕕᑦ ᑕᕝᕙ ᐃᓄᖑᐊᑉ ᓂᐊᖁᐊ ᒎᓗ.

ᕼᐆᓯᐊᑉ ᐊᒡᓚᖏᑦ 10:11

“ᐃᕗᕅᒥᓕ ᐱᔭᕆᐅᕐᓴᔭᐅᓯᒪᕗᖅ ᐃᒻᒧᒃᓯᐅᒐᕐᑐᑦ, ᖁᕕᐊᒋᔭᖃᕐᑐᑐᑦ ᑐᓪᓕᕋᕐᓂᕐᒥᒃ ᓂᐊᖂᔭᒃᓴᒥᒃ, ᖁᖓᓯᑦᓯᐊᖓ ᖁᖓᓯᕈᓯᓚᐅᕐᐸᕋ ᐅᓂᐊᕈᑎᒃᓴᖓᓂᒃ; ᐃᕗᕅᒥ ᐅᓂᐊᕐᑎᓐᓂᐊᕐᐸᕋ, ᔫᑕᓗ ᐱᕈᕐᓰᕕᒃᓴᓂᒃ ᐃᑎᕐᓴᓕᐅᕆᔪᒫᕐᐳᖅ, ᔧᑰᓪᓗ ᓄᓇ ᐊᑐᐃᓐᓇᕈᕐᑎᑦᓱᒫᕐᐹ.

ᒨᓯᓯ ᑕᓪᓕᒪᖏᑦ 28:48

ᑍᒤᒻᒪᑦ, ᐊᑭᕋᕐᑐᕐᑎᑦᓯᓐᓂᒃ ᐱᔨᑦᓯᕆᐊᖃᕈᒫᓕᕐᐳᓯ ᐊᑕᓂᐅᑉ ᑎᓕᓂᐊᕐᑕᖏᓐᓂᒃ ᐃᓕᑦᓯᓐᓄᑦ ᓵᓚᒋᔭᐅᖁᓪᓗᓯ, ᑳᒍᒫᕐᐳᓯ, ᐃᒥᕈᒡᓗᓯᓗ, ᐊᓐᓄᕌᖃᖏᓪᓗᓯᓗ ᓱᓇᓕᒫᓂᒡᓗ ᑭᓐᖒᒪᒃᓯᕐᓗᓯ; ᐊᑕᓂᐅᑉ ᐅᖁᒤᒃᓴᕐᑎᑦᓱᒫᕐᐹᓯ ᓂᑲᒋᖏᓪᓗᓂᓯ ᐋᓐᓂᕐᓇᕐᑐᓄᑦ ᓄᖑᑕᐅᓚᐅᖏᓐᓂᑦᓯᓐᓂ.

ᒨᓯᓯ ᑕᓪᓕᒪᖏᑦ 4:20

ᐃᓕᑦᓯᓕ ᑖᑦᓱᒪ ᐄᑦᔨᑉᑎᒥᑦ ᐱᐅᓕᓚᐅᕐᐹᓯ, ᑕᕝᕙᓐᖓᑦ ᐅᖅᑰᓯᓴᐅᑎᐊᓗᒃᑎᑐᑦ ᐃᑯᒪᔪᑎᑐᑦ ᑍᒤᑦᑐᒥᑦ. ᑕᕝᕙᓐᖓᑦ ᐊᓂᑎᓚᐅᕐᐹᓯ ᓇᖕᒥᓂᕆᓗᓂᓯ ᐃᓄᖁᑎᑖᕆᔪᒪᓪᓗᓂᓯ, ᓲᕐᓗ ᐅᓪᓗᒥ ᐃᓄᖁᑎᒋᔭᐅᒐᑦᓯ ᑖᑦᓱᒧᖓ.