ᔨᕆᒤᐊᐅᑉ ᐊᒡᓚᖏᑦ 27:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐃᓅᖃᑎᒌᒡᔪᐊᓪᓗ ᐱᔨᑦᓯᕈᒫᕐᐹᑦ, ᐃᕐᓂᖏᓪᓗ ᐃᕐᖑᑕᖏᓪᓗᑦᑕᐅᖅ ᓇᖕᒥᓂᖅ ᐅᕐᕈᕕᒃᓴᖓ ᑎᑭᓚᐅᖅᑳᕐᑎᓐᓇᒍ, ᑭᖑᓂᖓᒍᓪᓗᑦᑕᐅᖅ ᐊᓯᒥᓄᑦ ᐊᐅᓚᑕᐅᓕᕈᒫᕆᕗᖅ ᐱᔪᓐᓇᕐᓂᖃᕐᓂᕐᓴᐅᔪᓄᑦ.

ᔨᕆᒤᐊᐅᑉ ᐊᒡᓚᖏᑦ 27:7 Iomraidhean Croise

ᐃᓐᖏᕈᑎᑦ 37:13

ᐊᑕᓂᐅᓪᓕ ᐃᔪᕆᕔᑦ ᐱᐅᖏᑦᑐᓕᔪᑦ, ᑕᑯᓐᓈᕋᒥ ᐅᓪᓗᒃᓴᖓᓂᒃ ᓇᓪᓕᐅᑎᔪᒫᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 13:1

ᐅᑯᐊ ᐅᖃᐅᓰᑦ ᐹᐱᓘᓂᒧᑦ ᑐᕌᖓᔪᑦ, ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᓚᐅᕐᑕᖏᑦ.

ᐂᓮᐊᓯᐅᑉ ᐊᒡᓚᖏᑦ 21:9

ᐊᓱᐃᓛᒃ, ᑕᑯᓕᓚᐅᕐᐸᒃᑲ ᓴᖅᑭᑦᑐᑦ ᕿᒻᒥᕐᔪᐊᒃᑰᕐᑐᑦ ᒪᕐᕉᓈᕐᑎᕐᑐᑦ ᓴᓂᓕᕇᒃᓗᑎᒃ!” ᐊᑕᓂᖅ ᑭᐅᓕᕐᐳᖅ, “ᐹᐱᓘᓂ ᓵᓚᐅᕗᖅ; ᒎᑎᓐᖑᐊᓕᒫᖏᓪᓗ ᐅᕐᕉᕋᕐᑎᑕᐅᓪᓗᑎᒃ ᒪᓂᖅᑲᒧᑦ ᓯᖁᑦᑎᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 27:22

ᐊᐅᓪᓚᕈᑦᔭᐅᔪᒫᕐᒪᑕ ᐹᐱᓘᓂᒧᑦ ᑍᑲᓃᖏᓐᓇᓕᕐᓗᑎᒡᓗ ᐂᔭᐅᑎᑦᓯᖄᕐᑎᓐᓇᖓ ᑖᒃᑯᓂᖓ, ᐊᑕᓂᖅ ᐅᖃᕐᐳᖅ, ᐃᓂᒋᔭᖏᓐᓄᑦ ᐅᑎᕐᑎᑦᓱᒫᕐᐸᒃᑲ ᑕᒪᐅᖓ.”

ᔨᕆᒤᐊᐅᑉ ᐊᒡᓚᖏᑦ 34:1

ᐊᑕᓂᐅᑉ ᐅᖃᐅᓯᖓ ᔨᕆᒤᐊᒧᑦ ᑎᑭᑉᐳᖅ, ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᖏᑦ ᐊᐅᓚᑕᖏᓐᓃᑦᑐᑦ ᐅᓇᑕᖃᑎᖃᒻᒪᕆᓕᕐᑎᓪᓗᒋᑦ ᔨᕉᓴᓕᒥᐅᓂᒃ ᓄᓇᓕᖕᓂᒡᓗ ᖃᓂᒋᔭᖏᓐᓃᑦᑐᓂᒃ:

ᔨᕆᒤᐊᐅᑉ ᐊᒡᓚᖏᑦ 44:30

ᐃᒫᒃ ᐊᑕᓂᖅ ᐅᖃᕐᐳᖅ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᕼᐅᐳᕋ, ᐱᔭᐅᑎᑦᓱᒫᕋᒃᑯ ᐊᑭᕋᖏᓐᓄᑦ ᑖᑦᓱᒥᖓ ᑐᖁᑦᓯᔪᒪᔪᓄᑦ, ᔨᑎᑬᐊᑐᑦᑕᐅᖅ ᔫᑕᒥᐅᑦ ᐊᖓᔪᖅᑳᕐᔪᐊᕆᓚᐅᕐᑕᖓᑐᑦ ᐱᔭᐅᓚᐅᕐᑐᑐᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑐᖁᑦᓯᔪᒪᓚᐅᕐᑐᒧᑦ ᑖᑦᓱᒥᖓ.”

ᔨᕆᒤᐊᐅᑉ ᐊᒡᓚᖏᑦ 46:13

ᐃᒫᒃ ᑕᕝᕙ ᐊᑕᓂᖅ ᔨᕆᒤᐊᒧᑦ ᐅᖃᕐᑎᒥᓄᑦ ᐅᖃᓚᐅᕐᐳᖅ ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᓇᑕᕆᐊᕐᓂᒃᓴᖓ ᐄᑦᔨᑉᑎᒧᑦ ᐱᓪᓗᒍ:

ᔨᕆᒤᐊᐅᑉ ᐊᒡᓚᖏᑦ 52:31

ᔫᑕᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕼᐅᐃᐊᑭᐅᑉ ᐊᐅᓪᓚᕈᑦᔭᐅᓯᒪᓂᖓᑕ 37ᖓᓐᓂ ᐃᕗᓪᒥᕈᑖᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐹᐱᓘᓂᒥ, ᔨᕼᐅᐃᐊᑭᓐ ᑎᒍᔭᐅᓯᒪᕕᖕᒥᑦ ᐊᓂᑎᓚᐅᕐᐹ ᑕᖅᑮᑦ 12ᖓᑦᑕ ᐅᓪᓗᖏᑦᑕ 25ᖓᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 30:24

ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᑕᓕᖏᑦ ᓴᓐᖏᒃᑎᑎᓐᓂᐊᕐᐹᒃᑲᒃ, ᓴᕕᒡᔪᐊᖁᑎᓐᓂᒡᓗ ᑎᒍᓯᑎᓐᓂᐊᕐᐸᕋ; ᐰᕉᓪᓕ ᑕᓕᖏᑦ ᓇᐱᔪᒫᕐᐹᒃᑲᒃ, ᐋᓐᓂᐊᓂᕐᒧᑦ ᓂᐹᔪᒫᕐᐳᖅ ᐃᑭᓕᕐᑕᐅᓯᒪᔪᑎᑐᑦ ᑖᑦᓱᒪ ᓵᖓᓂ.

ᑖᓂᐊᓕᐅᑉ ᐊᒡᓚᖏᑦ 2:37

ᐃᕝᕕᑦ ᐊᖓᔪᖅᑳᕐᔪᐊᖅ, ᐊᖓᔪᖅᑳᕐᔪᐊᖑᕗᑎᑦ ᐊᖓᔪᖅᑳᕐᔪᐊᓕᒫᓄᑦ, ᒎᑎᐅᑉ ᕿᓚᖕᒦᑦᑑᑉ ᑐᓂᓯᕕᒋᖕᒪᑎᑦ ᐊᖓᔪᖅᑲᐅᕕᖕᒥᒃ, ᐱᔪᓐᓇᕐᓂᕐᒥᒡᓗ ᐊᔪᖏᓐᓂᕐᒥᒡᓗ ᐅᐱᒋᔭᐅᓂᕐᒥᒡᓗ.

ᑖᓂᐊᓕᐅᑉ ᐊᒡᓚᖏᑦ 4:22

“ᐃᕝᕕ ᐊᖓᔪᖅᑳᕐᔪᐊᖅ, ᑖᓐᓇᐅᕗᑎ ᓇᐹᕐᑐᖅ! ᐊᖏᔪᕈᕐᓯᒪᕗᑎᑦ ᓴᓐᖏᔫᓪᓗᑎᓪᓗ: ᐱᔪᓐᓇᕐᓃᑦ ᑎᑭᓯᒪᕗᖅ ᕿᓚᖕᒧᑦ, ᐊᖓᔪᖅᑲᐅᕖᓪᓗ ᑎᑭᓯᒪᕗᖅ ᓄᓇᕐᔪᐊᑉ ᐅᖓᓯᖕᓂᕐᐹᖏᓐᓄᑦ.

ᕼᐊᐸᑲᐅᑉ ᐊᒡᓚᖏᑦ 2:7

ᓂᕆᐅᓇᖏᑦᑐᒃᑯᑦ ᑕᕝᕙ ᐊᑭᓕᒃᓴᖃᕐᕕᒋᔭᑎᑦ ᒪᑭᑲᓪᓚᖕᓂᐊᓐᖏᓛᑦ? ᑐᐸᓕᕐᓂᐊᓐᖏᓛᑦ ᐃᓕᖕᓂᒃ ᓵᓚᖃᕐᓗᑎᒃ? ᑎᒡᓕᒐᕐᕕᐅᓕᕐᓗᑎᓪᓗ ᑖᒃᑯᓇᓐᖓᑦ.

ᕼᐊᐸᑲᐅᑉ ᐊᒡᓚᖏᑦ 2:8

ᐃᓅᖃᑎᒌᒡᔪᐊᑦ ᐅᓄᕐᑐᑦ ᐱᖁᑎᖏᓐᓂᒃ ᐊᕐᓵᓚᐅᕋᑦᓯᐅᒃ, ᒫᓐᓇᓕ ᐃᓄᐃᑦ ᐊᒥᐊᒃᑯᖏᓐᓂᑦ ᐱᖁᑎᑦᓯᓐᓂᑦ ᐱᐅᕋᕐᕕᐅᓂᐊᓕᕐᐳᓯ, ᑐᖁᕅᖃᑦᑕᓚᐅᕐᓂᑦᓯᓐᓄᑦ ᓄᓇᒥᓗ ᐃᒡᓗᒐᓴᒡᔪᐊᖏᓐᓂᒡᓗ ᑲᑉᐱᐊᓱᒃᑎᑦᓯᔨᐅᓚᐅᕐᓂᑦᓯᓐᓄᑦ, ᓄᓇᖃᕐᑐᓄᑦ ᑖᒃᑯᓇᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:8

ᑕᕝᕙ ᐂᖏᓕᐅᑉ ᐂᑉᐸᖓ ᑭᖑᓂᖓᒍᑦ ᓴᖅᑭᒃᑭᕗᖅ, ᐅᖃᕐᓗᓂᓗ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ, ᐃᓅᖃᑎᒌᒡᔪᐊᓕᒫᓂᒃ ᐃᒥᕐᑎᑦᓯᓯᒪᔪᖅ ᐅᐂᓂᒥᒃ ᓴᓐᖏᔪᒥᒃ ᐃᒃᓯᒎᕐᑎᑦᓯᔪᒥᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:19

ᐃᒡᓗᒐᓴᒡᔪᐊᓪᓗ ᐊᕕᒃᐳᑦ ᐱᖓᓲᓕᓪᓗᑎᒃ, ᐃᓅᖃᑎᒌᒡᔪᐊᓪᓗ ᐃᒡᓗᒐᓴᒡᔪᐊᖏᑦ ᓯᖁᑦᑎᕐᐳᑦ, ᒎᑎᐅᓪᓗ ᐃᖅᑲᐅᒪᕚ ᐹᐱᓘᓂ ᐊᖏᔪᕐᔪᐊᖅ, ᑕᕝᕙ ᐃᒤᕐᓯᑎᑉᐹ ᖃᓪᓗᑎᒥᒃ ᓂᓐᖓᖕᓂᕐᔪᐊᖓᓂᒃ ᐃᒪᓕᖕᒥᒃ.