ᔨᕆᒤᐊᐅᑉ ᐊᒡᓚᖏᑦ 27:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐊᐅᓪᓚᕈᑦᔭᐅᔪᒫᕐᒪᑕ ᐹᐱᓘᓂᒧᑦ ᑍᑲᓃᖏᓐᓇᓕᕐᓗᑎᒡᓗ ᐂᔭᐅᑎᑦᓯᖄᕐᑎᓐᓇᖓ ᑖᒃᑯᓂᖓ, ᐊᑕᓂᖅ ᐅᖃᕐᐳᖅ, ᐃᓂᒋᔭᖏᓐᓄᑦ ᐅᑎᕐᑎᑦᓱᒫᕐᐸᒃᑲ ᑕᒪᐅᖓ.”

ᔨᕆᒤᐊᐅᑉ ᐊᒡᓚᖏᑦ 27:22 Iomraidhean Croise

ᐊᑕᓃᑦ ᐂᑉᐸᖏᑦ 25:13

ᑲᐅᓪᑎᐊᒥᐅᑦ ᓱᑳᓗᖕᓂᒃ ᑲᓐᓄᔭᓂᒃ ᐊᑕᓂᐅᑉ ᐃᒡᓗᖓᓃᑦᑐᓂᒃ, ᑬᓪᓗᐊᒐᓂᒡᓗ ᓯᖁᑦᑎᕆᕗᑦ, ᐃᒪᖃᐅᑎᕐᔪᐊᖅ ᑲᓐᓄᔭᖅ ᐱᖃᓯᐅᑎᓪᓗᒍ ᐊᑕᓂᐅᑉ ᐃᒡᓗᖓᓃᑦᑐᖅ, ᐊᓯᖏᓪᓗ ᑲᓐᓄᔧᑦ ᐹᐱᓘᓂᒧᑦ ᐊᐅᓪᓚᕈᑎᕔᑦ.

ᑯᕉᓂᑲ ᐂᑉᐸᖏᑦ 36:21

ᑕᕝᕙ ᐊᑕᓂᐅᑉ ᐅᖃᐅᓯᖏᑦ ᓇᓚᐅᑦᓯᓚᐅᕐᐳᑦ ᔨᕆᒤᐊᒃᑯᑦ ᐅᖃᐅᓯᕆᓚᐅᕐᑕᖏᑦ, “ᓄᓇ ᖁᕕᐊᓲᑎᖃᕈᒫᕐᐳᖅ ᓴᐸᑎᒥᒃ. ᓵᓚᐅᓯᒪᓂᓕᒫᒥᖕᓂ ᐅᓪᓗᓂᒃ ᓴᐸᑎᒥᒃ ᐊᑐᕈᒫᕐᐳᑦ, ᐊᕐᕌᒍᐃᑦ 70 ᓈᓗᒋᑦ.”

ᐄᓱᕋᐅᑉ ᐊᒡᓚᖏᑦ 1:11

ᑲᑎᓕᒫᕐᓗᑎᒃ 5,400ᖑᓚᐅᕐᐳᑦ ᒎᓗᐃᑦ ᓯᐅᓪᕕᕇᓪᓗ ᐴᒍᑍᑦ ᐊᓯᖏᓪᓗ ᓯᓯᐸᔮᑉ ᓇᒃᓴᓚᐅᕐᑕᖏᑦ ᐊᐅᓪᓚᓕᕋᒥᒃ ᐊᐅᓪᓚᕈᑦᔭᐅᕕᒋᓯᒪᔭᕕᓂᕐᒥᖕᓂᑦ ᐹᐱᓘᓂᒥᑦ ᔨᕉᓴᓕᒧᑦ.

ᐄᓱᕋᐅᑉ ᐊᒡᓚᖏᑦ 7:19

ᑖᒃᑯᐊ ᑐᓂᔭᒃᓴᕆᕙᑎᑦ ᒎᑎᒧᑦ ᔨᕉᓴᓕᒦᑦᑐᒧᑦ ᑐᒃᓯᐊᕐᕕᒡᔪᐊᒥ ᐱᓇᓱᐊᕈᑎᒃᓴᓕᒫᑦ ᑐᓂᔭᐅᓯᒪᔪᑦ ᐃᓕᖕᓄᑦ ᐊᑐᕐᑕᐅᖁᓪᓗᒋᑦ ᑐᒃᓯᐊᕐᕕᒡᔪᐊᒥ ᑐᒃᓯᐊᕐᑎᑦᓯᔪᖃᕐᑎᓪᓗᒍ.

ᐄᓱᕋᐅᑉ ᐊᒡᓚᖏᑦ 7:9

ᐅᓪᓘᑉ ᓯᕗᓪᓕᕐᐹᖓᓂ ᑕᖅᑭᐅᓪᓗ ᓯᕗᓪᓕᕐᐹᖓᓂ ᐹᐱᓘᓂᒥᑦ ᐊᐅᓪᓚᓚᐅᕐᐳᑦ, ᑕᖅᑮᑦ ᑕᓪᓕᒪᖓᑦᑕ ᐅᓪᓗᖏᑕ ᓯᕗᓪᓕᕐᐹᖓᓂ ᔨᕉᓴᓕᒧᑦ ᑎᑭᓚᐅᕐᐳᑦ, ᒎᑎᖓᑕ ᐃᑲᔪᑦᓯᐊᕐᓂᖓᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:30

ᓯᓚᑐᓂᖅ, ᐃᓕᓯᒪᓂᕐᓗ, ᐃᓱᒪᒃᓴᕐᓯᐅᕈᓐᓇᕐᓂᕐᓘᓐᓃᑦ, ᓵᓚᖃᓕᕈᓐᓇᓐᖏᓚᑦ ᐊᑕᓂᕐᒥᒃ.

ᔨᕆᒤᐊᐅᑉ ᐊᒡᓚᖏᑦ 20:5

ᐊᑭᕋᑦᓯᓐᓄᑦ ᐊᔪᕐᓴᖏᑦᔪᑎᓯ ᐱᑖᕆᔭᐅᔪᒫᕐᐳᑦ, ᓴᖅᑭᑎᑕᕕᓂᖏᓪᓗ ᑲᑎᕐᓱᐊᖏᓪᓗ ᐱᒃᑯᒥᓇᕐᑐᑦ ᔫᑕᒥᐅᑦ ᐊᖓᔪᖅᑳᕐᔪᐊᖏᑕ ᐱᕕᓂᖏᑦ, ᓇᒡᕚᕐᑖᕆᓗᓂᑦᔪᒃ ᐊᖏᕐᕋᐅᑎᔪᒫᕐᐰᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 27:21

“ᑍᒫᒃ ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐊᑕᓂᐅᑉ ᐃᒡᓗᖓᑕ ᐱᖁᑎᖏᑦ ᐊᒥᐊᒃᑰᔪᑦ ᐱᑦᔪᑎᒋᓪᓗᒋᑦ ᔫᑕᒥᐅᑦ ᔨᕉᓴᓕᒥᐅᓪᓗ ᐊᖓᔪᖅᑳᕐᔪᐊᖃᕐᕕᖓᓃᑦᑐᑦ;

ᔨᕆᒤᐊᐅᑉ ᐊᒡᓚᖏᑦ 27:7

ᐃᓅᖃᑎᒌᒡᔪᐊᓪᓗ ᐱᔨᑦᓯᕈᒫᕐᐹᑦ, ᐃᕐᓂᖏᓪᓗ ᐃᕐᖑᑕᖏᓪᓗᑦᑕᐅᖅ ᓇᖕᒥᓂᖅ ᐅᕐᕈᕕᒃᓴᖓ ᑎᑭᓚᐅᖅᑳᕐᑎᓐᓇᒍ, ᑭᖑᓂᖓᒍᓪᓗᑦᑕᐅᖅ ᐊᓯᒥᓄᑦ ᐊᐅᓚᑕᐅᓕᕈᒫᕆᕗᖅ ᐱᔪᓐᓇᕐᓂᖃᕐᓂᕐᓴᐅᔪᓄᑦ.

ᔨᕆᒤᐊᐅᑉ ᐊᒡᓚᖏᑦ 29:10

ᐃᒫᒡᓕ ᐊᑕᓂᖅ ᐅᖃᕐᐳᖅ, ‘ᐊᕐᕌᒍᐃᑦ 70 ᐹᐱᓘᓂᒦᓐᓂᓯ ᓈᒻᒪᒃᓯᒃᐸᑕ ᑕᕝᕙ ᐅᐸᒍᒫᕐᐸᑦᓯ ᐊᖏᕐᓂᕆᓚᐅᕐᑕᕋᓗ ᐃᓕᑦᓯᓐᓄᑦ ᐊᑑᑎᑎᑦᓱᒫᕐᐸᕋ ᐅᑎᕐᑎᓪᓗᓯᓗ ᑕᒪᐅᖓ.

ᔨᕆᒤᐊᐅᑉ ᐊᒡᓚᖏᑦ 32:5

ᔨᑎᑬᐊᓗ ᐹᐱᓘᓂᒧᓐᖓᐅᑎᔪᒫᕐᐹ, ᑍᑲᓃᑦᓱᒫᕐᐳᕐᓗ ᐊᑕᓂᕐᒧᑦ ᐱᓇᓱᐊᕐᕕᐅᓚᐅᖏᓐᓂᕐᒥᓂ, ᐊᑕᓂᖅ ᐅᖃᕐᐳᖅ, ᑲᐅᓪᑎᐊᒥᐅᓂᒃ ᐅᓇᑕᕋᓱᒃᑲᓗᐊᕈᕕᑦ ᓵᓚᖃᕐᓂᐊᓐᖏᓚᑎᑦ.’”

ᔨᕆᒤᐊᐅᑉ ᐊᒡᓚᖏᑦ 34:2

“ᐃᒫᒃ ᐊᑕᓂᖅ ᐅᖃᕐᐳᖅ ᐃᓴᕆᐊᓕᒥᐅᑦ ᒎᑎᖓᑦ, ᔨᑎᑬᐊᒧᐊᕐᓗᑎᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐅᖃᐅᑎᒍᒃ, ‘ᐃᒫᒃ ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐃᒡᓗᒐᓴᒡᔪᐊᖁᑎᓯ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑐᓂᓂᐊᓕᕐᐸᒃᑲ, ᑖᑦᓱᒪᓗ ᐃᑯᐊᓪᓚᒍᒫᕐᐹ.

ᔨᕆᒤᐊᐅᑉ ᐊᒡᓚᖏᑦ 34:3

ᑖᑦᓱᒪᓐᖓᑦ ᐊᓐᓇᒡᕕᖃᕐᓂᐊᓐᖏᓚᑎᑦ, ᓵᓚᒋᔭᐅᓗᑎᑦ ᑎᒍᔭᐅᓂᐊᕐᐳᑎᑦ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᓇᖕᒥᓂᖅ ᑕᑯᔪᒫᕐᐸᑦ, ᐃᔨᒥᑦ ᐃᔨᒧᑦ ᐅᖃᖃᑎᒋᓗᒍᓗ ᑮᓇᕐᒥᑦ ᑮᓇᕐᒧᑦ; ᐹᐱᓘᓂᒧᐊᕈᑦᔭᐅᔪᒫᕋᕕᑦ.’

ᔨᕆᒤᐊᐅᑉ ᐊᒡᓚᖏᑦ 34:5

ᖃᓄᐃᖏᑦᓯᐊᕐᓗᑎᑦ ᑐᖁᔪᒫᕐᐳᑎᑦ. ᓯᕗᓕᓯ ᐃᑯᐊᓚᑦᓯᕙᓚᐅᕐᒪᑕ ᐃᓯᕐᓗᐊᕐᓂᑎᑦᓯᓪᓗᑎᒃ ᐃᓅᔪᓐᓃᕐᑐᖃᕌᖓᑦ ᐊᖓᔪᖅᑳᕐᔪᐊᖏᓐᓂᒃ, ᐅᐱᒍᓲᑎᖃᕐᓂᕐᒥᖕᓂᒃ ᓇᓗᓁᕐᓯᑦᔪᑎᒋᓗᒍ, ᑍᒪᒃᑕᐅᖅ ᐃᓕᖕᓂᒃ ᐅᐱᒍᓲᑎᖃᕐᓂᕐᒧᑦ ᐅᒡᒍᐊᕈᑎᖃᕐᓂᕐᒧᓪᓗ ᐃᑯᐊᓚᑦᓯᑦᔪᑕᐅᔪᒫᕆᕗᑎᑦ ᑎᐱᑦᓯᐊᕆᒃᑐᓂᒃ; ᐅᖃᕐᓗᑎᒃ, “ᐊᖓᔪᖅᑳᕆᔭᕗᑦ ᑐᖁᕗᖅ!”’ ᐅᕙᖓ ᑕᒪᑐᒥᖓ ᐅᖃᕐᐳᖓ, ᐊᑕᓂᖅ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 5:23

ᐃᓕᖕᓂᒃ ᐊᖏᔪᕈᕐᑎᓯᒪᒐᕕᑦ ᐊᑭᕋᕐᑐᓕᕐᓗᑎᓪᓗ ᕿᓚᖕᒥᐅᑦ ᐊᑕᓂᖓᓄᑦ; ᐃᒡᓗᖓᑕ ᐱᖁᑎᖏᓐᓂᒃ ᐃᒥᐅᑎᓂᒃ ᐃᓕᖕᓄᑦ ᕾᑕᐅᖁᔨᓚᐅᕋᕕᑦ, ᐊᖓᔪᖅᑳᖁᑎᑎᑦ ᓄᓕᐊᑎᓪᓗ ᐊᕐᓇᖁᑎᑎᓪᓗ ᐃᒥᖃᑎᒋᓪᓗᒋᑦ ᕔᓂᒥᒃ ᑖᒃᑯᐊ ᐊᑐᕐᓗᒋᑦ; ᓂᕐᑐᐃᓚᐅᕋᕕᓪᓗ ᒎᑎᖕᓂᒃ ᒎᓘᓂᒃ ᓯᐅᓪᕕᕆᓂᒡᓗ, ᑲᓐᓄᔭᓂᒡᓗ, ᓴᕕᕋᔭᖕᓂᒡᓗ, ᕿᔪᖕᓂᒡᓗ, ᐅᔭᕋᖕᓂᒡᓗ, ᑕᑯᔪᓐᓇᖏᑦᑐᓂᒃ ᑐᓵᔪᓐᓇᖏᑦᑐᓂᒡᓗ ᑐᑭᓯᐊᖏᑦᑐᓂᒃ, ᐅᐱᒋᓚᐅᖏᓐᓇᕕᐅᒃ ᒎᑎ ᐃᕝᕕᑦ ᐃᓅᓯᖓᓂᒃ ᑎᒍᒥᐊᕐᑐᖅ ᖃᓄᐃᓕᐅᕐᓂᓕᒫᓂᒃ.

ᑖᓂᐊᓕᐅᑉ ᐊᒡᓚᖏᑦ 9:2

ᐊᕐᕌᒍᑦ ᓯᕗᓪᓕᕐᐹᖓᓂ ᐊᖓᔪᖅᑳᕐᔪᐊᖑᑎᓪᓗᒍ, ᐅᕙᖓ, ᑖᓂᐊᓕ, ᑐᑭᓯᓚᐅᕐᐳᖓ ᒎᑎᐅᑉ ᐅᖃᐅᓯᖏᑦ ᒪᓕᒡᓗᒋᑦ, ᐊᑕᓂᖅ ᐅᖃᕐᓯᒪᖕᒪᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᔨᕆᒤᐊᒃᑯᑦ, ᔨᕉᓴᓕᐅᑉ ᓯᖁᒥᑕᐅᓯᒪᓂᖓ ᓯᕕᑐᑎᒋᔪᒫᕐᒪᑦ ᐊᕐᕌᒍᓂᒃ 70ᓂᒃ.