ᔨᕆᒤᐊᐅᑉ ᐊᒡᓚᖏᑦ 26:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓱᖕᒪᑦ ᐅᖃᐅᓯᖃᕐᐱᑦ ᐊᑕᓂᐅᑉ ᐊᑎᖓᓂ ᓮᓗᐊᑎᑐᑦ ᑍᒤᑕᐅᓂᐊᕐᓂᕋᕐᓗᒋᑦ, ᐃᒡᓗᒐᓴᒡᔪᐊᓪᓗ ᐊᓯᕈᕐᑕᐅᓂᐊᕐᓂᕋᕋᕕᒋᑦ ᐃᓄᐃᕈᑎᓂᐊᕐᓂᕋᕐᓗᒋᓪᓗ?” ᐃᓄᓕᒫᓪᓗ ᔨᕆᒤᐊ ᐃᓗᒪᕚᑦ ᐊᑕᓂᐅᑉ ᐃᒡᓗᖓᓃᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 26:9 Iomraidhean Croise

ᑯᕉᓂᑲ ᐂᑉᐸᖏᑦ 25:16

ᓱᓕ ᐅᖃᓪᓚᒃᑎᓪᓗᒍ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐊᖓᔪᖅᑳᕐᔪᐊᒨᑦ ᐅᖃᐅᑦᔨᒋᐊᕐᑎᓐᖑᕐᑎᓚᐅᕐᐱᒌᑦ? ᓄᖅᑲᓕᕆ! ᓱᖕᒪᑦ ᑐᖁᑕᐅᔪᒃᓴᐅᕖᑦ?” ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓄᖅᑲᕐᐳᖅ, ᐅᖃᕐᓗᓂᓗ, “ᒫᓐᓇ ᖃᐅᔨᕗᖓ ᒎᑎᐅᑉ ᐊᓯᕈᕐᓂᐊᓕᕐᒪᑎᑦ, ᑍᒫᒃ ᐱᓇᓱᐊᕐᓃᑦ ᐱᓪᓗᒍ ᐅᖃᐅᓯᓐᓂᒃ ᓈᓚᓚᐅᖏᓐᓇᕕᑦ.”

ᐂᓮᐊᓯᐅᑉ ᐊᒡᓚᖏᑦ 29:21

ᓇᓪᓕᐊᑦ ᐅᖃᐅᓯᕐᒧᑦ ᐃᓄᖕᒥᒃ ᐸᓯᔭᒃᓴᓐᖑᕐᑎᑦᓯᔪᓐᓇᕐᐹ, ᐱᔭᐅᑦᔪᑎᒃᓴᖓᓂᒡᓗ ᐋᖅᑭᒃᓯᓗᓂ ᐃᑎᕐᑕᕐᕕᖕᒥ, ᐱᑦᔪᑎᒃᓴᖃᕋᓂᓗ ᐸᓯᔭᒃᓴᐅᑎᑦᓯᓗᓂ ᑕᒻᒪᓚᐅᖏᑦᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 32:3

ᔨᑎᑬᐊᐅᑉ ᔨᕆᒤᐊ ᑎᒍᔭᐅᓯᒪᑎᓕᓚᐅᕐᒪᒍ ᐅᖃᐅᑎᓪᓗᓂᐅᒃ, “ᓱᖕᒪᑦ ᓇᓚᐅᑦᑍᓇᓱᐊᖃᑦᑕᕐᐲᑦ? ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᐅᖃᕐᐳᖅ, ᐃᒡᓗᒐᓴᒡᔪᐊᖁᑎᓯ ᐱᔭᐅᑎᓐᓂᐊᕐᐸᒃᑲ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑎᒍᔪᒫᕐᐹᓪᓗ.

ᔨᕆᒤᐊᐅᑉ ᐊᒡᓚᖏᑦ 33:10

“ᐃᒫᒃ ᐊᑕᓂᖅ ᐅᖃᕐᐳᖅ: ᑕᕝᕙᓂ ᐅᖃᖃᑦᑕᕐᐳᓯ, ‘ᓄᓇᓖᑦ ᑖᒃᑯᐊ ᓄᓇᓕᕕᓂᑐᐃᓐᓇᐅᓕᕐᐳᑦ ᓱᓇᑕᖃᖏᑦᑐᑦ, ᐃᓄᖃᕋᑎᒃ ᐆᒪᔪᕐᑕᖃᕋᑎᒡᓗ,’ ᑍᒤᓚᐅᕋᓗᐊᕐᑎᓪᓗᒋᑦ ᔫᑕᒥᐅᓂᒃ ᔨᕉᓴᓕᒥᐅᓂᒡᓗ ᓱᓇᑕᖃᖏᑦᑐᓂ ᐃᓄᖃᕋᑎᒃ ᐆᒪᔪᖃᕋᑎᒡᓗ; ᑐᓴᕐᑕᐅᔪᓐᓇᕐᓯᔪᒫᕆᕗᑦ

ᔨᕆᒤᐊᐅᑉ ᐊᒡᓚᖏᑦ 36:29

ᔨᕼᐅᐃᐊᑭᒻᓗ ᔫᑕᐅᑉ ᐊᖓᔪᖅᑳᕐᔪᐊᖓ ᐅᖃᐅᑎᓗᒍ, ᐃᒫᒃ ᐊᑕᓂᖅ ᐅᖃᕐᐳᖅ, ᐊᒡᓔᑦ ᐃᒧᑦᑕᕐᑐᑦ ᐃᑯᐊᓪᓚᓕᕋᕕᒋᑦ ᐅᖃᓚᐅᕋᕕᑦ, ‘ᖃᓄᐃᒻᒪᑦ ᑎᑎᕋᐅᓯᖃᕐᐱᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓄᓇᕗᑦ ᐊᓯᕈᕐᑕᐅᔪᒫᕐᓂᕋᕐᓗᒍ ᐃᓄᐃᕈᑦᔭᐅᓗᓂ ᐆᒪᔪᖃᕈᓐᓃᕈᒫᕐᓂᕋᕐᓗᒍ?’

ᔨᕆᒤᐊᐅᑉ ᐊᒡᓚᖏᑦ 9:11

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᕋ, ᐊᒪᕉᔮᕐᑐᓄᑦ ᑲᑦᔭᓄᑦ ᓯᑎᖃᕐᕕᒃᓴᓐᖑᕐᑎᓪᓗᒍ, ᔫᑕᐅᑉ ᓄᓇᓕᖁᑎᕕᓂᖏᑦ ᓯᖁᑦᑎᕐᓯᒪᔪᐃᓐᓇᓐᖑᕐᑎᑦᓱᒫᕐᐸᒃᑲ, ᓄᓇᖃᕐᕕᒃᓴᐅᔪᓐᓃᕐᓗᓂᓗ ᐃᓄᖕᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:13

ᑍᒤᑦᓱᓐᓁᓚᐅᕐᐳᕐᓕ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ, ᑐᓂᕐᕈᓯᕐᑎᑦᓯᔨᖁᑎᖏᓪᓗ ᒎᑎᒧᑦ ᐊᔪᕐᑐᓕᓚᐅᕐᒪᑕ ᑐᖁᑕᐅᑎᑦᑎᓯᒪᓂᕐᒥᖕᓄᑦ ᐸᓯᔭᒃᓴᐅᖏᑦᑐᓂᒃ.

ᐂᒨᓯᐅᑉ ᐊᒡᓚᖏᑦ 5:10

“ᐆᒥᓱᖕᒪᑕ ᐃᓂᕐᑎᕆᔪᒥᒃ, ᓇᕐᕈᓪᓗᑎᒡᓗ ᓱᓕᔪᒥᒃ ᐅᖃᐅᓯᓕᖕᒥᒃ ᐃᖅᑲᕐᑐᐃᕕᖕᒥ.

ᒤᑲᐅᑉ ᐊᒡᓚᖏᑦ 2:6

ᓇᓚᐅᑦᑍᔪᒧᑦ ᐅᖃᕐᐳᓯ, “ᑕᒪᒃᑯᓂᖓ ᐊᔪᕆᕐᑐᓐᖏᓚᐅᕐᑎᒍᑦ, ᑍᒤᒻᒪᑦ ᓇᓚᐅᑦᑍᓂᐊᕈᓐᓁᕐᐳᑦ ᐅᕙᑦᑎᓐᓄᑦ; ᓇᕐᕈᓇᕐᓯᑎᑕᐅᓂᐅᑉ ᓵᓚᒋᓂᐊᓐᖏᓛᑎᒍᑦ.”

ᒫᑎᐅᓯᐅᑉ ᐊᒡᓚᖏᑦ 21:23

ᔩᓱᓯ ᑐᒃᓯᐊᕐᕕᒡᔪᐊᕐᒧᑦ ᐃᑎᕐᒪᑦ, ᐊᔪᕆᕐᑐᐃᓕᕐᑎᓪᓗᒍ ᑕᕝᕙᓂ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᔫᑎᓪᓗ ᐊᖓᔪᖅᑳᖏᑦ ᔩᓱᓯᒧᐊᕐᐳᑦ ᐅᖃᕐᓗᑎᒃ, “ᓇᑭᑦ ᐱᔪᓐᓇᕐᓂᖃᕐᑎᑕᐅᓪᓗᑎᑦ ᑕᒪᒃᑯᓂᖓ ᐱᓇᓱᐊᖃᑦᑕᕐᐲᑦ, ᑭᓇᒧᑦ ᐱᓇᓱᐊᕈᓐᓇᕐᑎᑕᐅᒐᕕᑦ?”

ᒫᑎᐅᓯᐅᑉ ᐊᒡᓚᖏᑦ 27:20

ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖏᑦ ᔫᑎᓄᓪᓗ ᐊᖓᔪᖅᑲᐅᔪᑦ ᐃᓄᖕᓂᒃ ᐃᓱᒪᓕᐅᕆᕗᑦ ᐸᕋᐹᓯᒥᒃ ᕿᓄᖁᓪᓗᒋᑦ, ᔩᓱᓯ ᑐᖁᑕᐅᖁᓪᓗᒍ.

ᒫᑯᓯᐅᑉ ᐊᒡᓚᖏᑦ 15:11

ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᐃᓄᒐᓴᒡᔪᐊᓂᒃ ᐃᓱᒻᒥᕐᑐᐃᓚᐅᕐᐳᑦ ᐸᕋᐹᓯᒥᒃ ᐱᔪᒪᖔᖁᓪᓗᒋᑦ ᑖᓐᓇ ᐊᓂᑎᑕᐅᖔᖁᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 8:20

ᐅᖃᐅᓰᑦ ᔩᓱᓯᐅᑉ ᐅᖃᐅᓯᕆᕔᑦ ᑐᒃᓯᐊᕐᕕᒡᔪᐊᕐᒥ, ᑐᓂᕐᕈᑎᓂᒃ ᐴᖅᑬᕕᐅᑉ ᓴᓂᐊᓃᓪᓗᓂ; ᑎᒍᓯᔪᖃᓐᖏᓚᕐᓕ ᑖᑦᓱᒥᖓ, ᐱᔭᐅᕕᒃᓴᖓ ᓱᓕ ᓇᓪᓕᐅᑎᓯᒪᖏᒻᒪᑦ.

ᔪᐊᓇᓯᐅᑉ ᐊᒡᓚᖏᑦ 8:59

ᑕᕝᕙ ᐅᔭᖅᑲᓂᒃ ᑎᒍᓯᕗᑦ ᒥᓪᓗᕈᒪᓪᓗᒍ; ᔩᓱᓯᓕ ᐃᔨᕐᐳᖅ, ᐊᓂᓪᓗᓂᓗ ᑐᒃᓯᐊᕐᕕᒡᔪᐊᕐᒥᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:50

ᔫᑎᓪᓕ ᐅᐃᒪᔮᕐᑎᑦᓯᓕᕐᐳᑦ ᐊᕐᓇᓂᒃ ᐅᒃᐱᕐᑐᓂᒃ ᐱᓪᓚᕆᐅᑎᑕᐅᔪᓂᒃ, ᐊᖑᑎᓂᒡᓗ ᐊᐅᓚᑦᓯᔨᐅᔪᓂᒃ ᓄᓇᓕᖕᓂ, ᐊᑭᕋᕐᑐᕐᑕᐅᑎᑦᓯᓕᕐᓗᑎᒃ ᐸᐅᓗᓯᒥᒃ ᐸᕐᓇᐹᓯᒥᒡᓗ, ᐊᐅᓪᓚᕐᑎᓪᓗᒋᒡᓗ ᓄᓇᓕᖕᓂᑦ:

ᐋᐴᓯᑕᓖᑦ ᐱᓂᐊᕐᓂᖏᑦ 21:30

ᓄᓇᓕᖕᓂ ᑕᕝᕙᓂ ᐃᓄᓕᒫᑦ ᐅᐃᒪᔮᓕᕐᐳᑦ, ᐃᓄᐃᓪᓗ ᓇᑭᑐᐃᓐᓇᖅ ᐅᓪᓚᒃᓗᑎᒃ ᑲᑎᓕᕐᐳᑦ; ᐸᐅᓗᓯ ᑎᒍᓪᓗᒍ ᑐᒃᓯᐊᕐᕕᒡᔪᐊᕐᒥᑦ ᐊᓐᓂᓯᕚᑦ, ᑕᕝᕔᓐᓇᖅ ᑐᒃᓯᐊᕐᕕᒡᔪᐊᑉ ᒪᑐᖏᑦ ᒪᑐᔭᐅᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 22:22

ᐃᓄᐃᑦ ᐸᐅᓗᓯᒥᒃ ᓈᓚᑦᓯᐊᕐᐳᑦ; ᐅᖃᐅᓯᕆᔭᖏᑦ ᑭᖑᓪᓕᕐᐹᑦ ᑎᑭᓪᓗᒋᑦ, ᓂᐱᖁᕐᑐᓪᓗᑎᒃ ᓂᓪᓕᐊᓚᐅᕐᐳᑦ, “ᑖᓐᓇ ᑐᖁᑕᐅᓕ, ᑍᒤᑦᑐᖅ ᐃᓅᔪᒃᓴᐅᖏᒻᒪᕆᒃᐳᖅ ᓄᓇᒥ.”

ᐋᐴᓯᑕᓖᑦ ᐱᓂᐊᕐᓂᖏᑦ 3:11

ᐊᖑᑦ ᐲᑦᑐᕉᓯᒥᒃ ᔪᐊᓇᓯᒥᒡᓗ ᑎᒍᒥᐊᕐᑎᓪᓗᒍ ᓱᓕ, ᐃᓄᐃᑦ ᑐᐊᕕᕐᓗᑎᒃ ᑖᒃᑯᓄᓐᖓᕐᐳᑦ ᑲᒪᒻᒪᕆᒡᓗᑎᒃ, ᑕᕝᕗᖓ ᓲᓗᒨᓂᐅᑉ ᑐᕐᓲᖓᓂᒃ ᑍᔭᐅᔪᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:12

ᑲᒪᓇᕐᑐᓕᓃᑦ ᓇᓗᓁᒃᑯᑍᓪᓗ ᐊᒥᓱᑦ ᐊᑐᕐᑕᐅᓚᐅᕐᐳᑦ ᐃᓄᖕᓂ ᐋᐴᓯᑕᓕᒃᑎᒍᑦ. ᐅᒃᐱᕐᑑᖃᑎᒌᑦ ᑲᑎᒪᖃᑦᑕᓚᐅᕐᐳᑦ ᓲᓗᒨᓂᐅᑉ ᑐᕐᓲᖓᓂᒃ ᑍᔭᐅᔪᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 5:28

ᐅᖃᕐᓗᓂ, “ᐊᒃᓱᕈᕐᓗᑕ ᐃᓕᑦᓯᓐᓂᒃ ᐃᓂᕐᑎᕆᓚᐅᕐᐳᒍᑦ ᐊᔪᕆᕐᑐᐃᖃᑦᑕᖁᓇᑕ ᑖᑦᓱᒪ ᐊᑎᖓᓂ, ᐃᓕᑦᓯᓕ ᔨᕉᓴᓕᒻᒥᐅᑦ ᑕᒪᕐᒥᐊᓗᒃ ᑐᓴᕐᑎᓕᕐᐸᓯ ᐊᔪᕆᕐᑐᐃᓂᑦᓯᓐᓄᑦ, ᐅᕙᑦᑎᓐᓂᒃ ᑍᑦᓱᒪ ᑐᖁᑕᐅᓂᖓᓄᑦ ᓵᑕᒃᓴᐅᓂᕅᖃᑦᑕᕐᓗᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 6:14

ᑐᓴᓚᐅᕐᐸᕗᑦ ᐅᖃᕐᑎᓪᓗᒍ, ᑖᓐᓇᒎᖅ ᔩᓱᓯ ᓈᓴᕇᑎᒥᐅᖅ ᐆᒥᖓ ᑐᒃᓯᐊᕐᕕᒡᔪᐊᕐᒥᒃ ᐊᓯᕈᐃᓂᐊᕐᒪᑦ, ᐃᓕᖅᑯᓯᕗᑦ ᐊᓯᑦᔨᕐᓗᓂᒋᑦ ᒨᓯᓯᒥᑦ ᐱᓯᒪᔭᕗᑦ.”

ᔮᓱᐊᑉ ᐊᒡᓚᖏᑦ 18:1

ᓄᓇ ᐅᓇᑕᕐᓂᒃᑯᑦ ᐱᑖᕆᒐᒥᑦᔪᒃ, ᐃᓴᕆᐊᓕᒥᐅᓕᒫᑦ ᑲᑎᕗᑦ ᓮᓗᐊᒥ, ᑕᕝᕙᓂᓗ ᑐᐱᖅ ᐊᑕᓂᐅᑉ ᓇᔪᕐᑕᖓ ᓇᑉᐸᕐᐹᑦ ᑲᑎᒪᕕᒃᓴᕆᓪᓗᒍ.