ᔨᕆᒤᐊᐅᑉ ᐊᒡᓚᖏᑦ 26:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᕝᕙ ᐊᖓᔪᖅᑳᑦ, ᐃᓄᐃᓪᓗ, ᑐᓂᕐᕈᓯᕐᑎᑦᓯᔨᓄᑦ ᓇᓚᐅᑦᑍᔪᓄᓪᓗ ᐅᖃᕐᐳᑦ, “ᐊᖑᑦ ᑖᓐᓇ ᑐᖁᑕᐅᔪᒃᓴᐅᓐᖏᓚᖅ ᐅᖃᐅᓯᖃᕐᒪᑦ ᐊᑕᓂᐅᑉ ᒎᑎᑦᑕ ᐊᑎᖓᓂ.”

ᔨᕆᒤᐊᐅᑉ ᐊᒡᓚᖏᑦ 26:16 Iomraidhean Croise

ᐃᔅᑕᐅᑉ ᐊᒡᓚᖏᑦ 4:14

ᒫᓐᓇᐅᔪᕐᓕ ᓂᓪᓕᐊᓂᐊᖏᒃᑯᕕᑦ, ᑕᕝᕙ ᔫᑎᑦ ᐊᓯᖕᓂᑦ ᐃᑲᔪᕐᑕᐅᓂᐊᕐᐳᑦ, ᐃᕝᕕᓪᓕ ᐊᑖᑕᒃᑯᑎᓪᓗ ᑐᖁᑕᐅᓛᕐᐳᓯ. ᖃᐅᔨᒪᓇᓐᖏᓚᖅ; ᐃᒻᒪᖄᓕ ᑕᒪᓐᓇ ᐱᓂᐊᕐᓂᐅᓕᕐᑐᖅ ᐱᑦᔪᑎᒋᓪᓗᒍ ᐊᖓᔪᖅᑳᕐᔪᐊᖃᕐᕕᖕᒦᓚᕿᕗᑎᑦ.”

ᐃᓐᖏᕈᑎᑦ 94:16

ᑭᓇ ᐅᕙᓐᓂᒃ ᑕᑉᐱᕐᓱᐃᓗᓂ ᐱᐅᖏᑦᑐᓂᒃ ᐊᑭᕋᕐᑐᕐᓂᐊᕐᐹ? ᑭᓇᓗ ᐅᕙᓐᓂᒃ ᐃᑲᔪᕐᓂᐊᕐᐸ ᐊᔪᕐᓂᕐᒥ ᐃᓅᔪᑦ ᐊᑭᕋᕐᑐᕐᓗᒋᑦ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:7

ᐃᓅᑉ ᐃᓕᖅᑯᓯᕐᒥᒍᑦ ᐊᑕᓂᖅ ᖁᕕᐊᓱᒃᑎᑉᐸᒍ, ᐊᑭᕋᖏᓐᓄᑦ ᐊᒡᓛᑦ ᐊᑕᓂᐅᑉ ᐱᑦᓯᐊᕐᑕᐅᑎᑦᓱᓐᓇᕐᐹ.

ᔨᕆᒤᐊᐅᑉ ᐊᒡᓚᖏᑦ 26:11

ᑐᓂᕐᕈᓯᕐᑎᑦᓯᔩᓪᓗ, ᓇᓚᐅᑦᑍᔪᓪᓗ, ᐊᖓᔪᖅᑳᓄᑦ ᐃᓄᖕᓄᓪᓗ ᐅᖃᕐᐳᑦ, “ᐅᓇ ᐊᖑᑦ ᑐᖁᑕᒃᓴᓐᖑᕐᑐᒃᓴᐅᕗᖅ, ᓄᓇᓕᖁᑎᕗᑦ ᐊᓯᕈᕐᑕᐅᓂᐊᕐᓂᕋᕐᓗᒋᑦ ᐅᖃᐅᓯᖃᕐᒪᑦ, ᓇᖕᒥᓂᕐᓗ ᐅᖃᐅᓯᕆᔭᖏᑦ ᑐᓴᕐᐸᓯ.”

ᔨᕆᒤᐊᐅᑉ ᐊᒡᓚᖏᑦ 34:10

ᐊᖓᔪᖅᑳᓕᒫᑦ ᐃᓄᐃᓪᓗ ᐊᖏᖃᑎᒌᒍᑎᓕᐅᓚᐅᕐᐳᑦ ᑎᒍᓯᒪᓪᓗᒋᑦ ᓯᐊᓛᒥᖕᓂᒃ ᐊᖑᑎᓂᒃ ᐊᕐᓇᓂᒡᓗ ᐃᓱᒪᕐᓱᓕᕐᑎᑦᓯᖁᓪᓗᒋᑦ, ᓯᐊᓛᖑᒃᑲᓐᓂᖁᓇᒋᑦ, ᓈᓚᒡᓗᑎᒃ ᓯᐊᓛᑎᒃ ᓴᒃᑯᓚᐅᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 36:19

ᐊᖓᔪᖅᑳᖑᔪᓪᓗ ᐸᕉᒃᒧᑦ ᐅᖃᕐᐳᑦ, “ᔨᕆᒤᐊᓗ ᐃᔨᕆᐊᕐᑐᕆᐊᖃᕐᐳᓯᒃ, ᑭᓇᑐᐃᓐᓇᕐᒧᑦ ᖃᐅᔨᒪᔭᐅᖏᑦᑐᒧᑦ.”

ᔨᕆᒤᐊᐅᑉ ᐊᒡᓚᖏᑦ 36:25

ᐃᐅᓪᓇᓴᓂᐅᓪᓕ, ᑎᓔᐊᐅᓪᓗ ᒐᒧᕅᐊᓪᓗ ᐊᖓᔪᖅᑳᕐᔪᐊᖅ ᐅᖃᐅᑎᒐᓗᐊᕐᐹᑦ ᐊᒡᓚᖕᓂᒃ ᐃᒧᑦᑕᕐᑐᓂᒃ ᐃᑯᐊᓪᓔᖁᓇᒍ, ᓈᓚᓚᐅᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 37:15

ᔨᕆᒤᐊᓗ ᐊᑲᐅᒋᖏᒻᒪᕆᓕᕐᐹᑦ ᐋᓐᓂᕐᓯᕐᑕᐅᑎᓪᓗᒍᓗ ᑎᒍᔭᐅᓯᒪᕕᖕᒧᐊᕐᑕᐅᑎᑉᐹᑦ ᔫᓇᑕᓂᐅᑉ ᑎᑎᕋᕐᑎᐅᑉ ᐃᒡᓗᕈᓯᖓᓄᑦ, ᑖᓐᓇ ᐃᒡᓗᕈᓯᖅ ᑎᒍᔭᐅᓯᒪᕕᓐᖑᕐᑎᓯᒪᒐᒥᑦᔪᒃ.

ᒫᑎᐅᓯᐅᑉ ᐊᒡᓚᖏᑦ 27:54

ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᐅᓇᑕᕐᑐᒃᓮᓪᓗ ᑕᕝᕙᓃᖃᑦᑎᒋᔭᖏᑕ ᔩᓱᓯᒥᒃ ᖃᐅᔨᓴᕐᑐᑦ, ᓄᓇᐅᑉ ᓴᔪᒃᐱᓪᓚᖕᓂᖓ ᐊᓯᖏᓪᓗ ᑕᒪᒃᑯᐊ ᐱᓂᐊᕐᓂᕆᔭᐅᔪᑦ ᑕᑯᒐᒥᒋᑦ, ᐊᖏᔪᒥᒃ ᑲᒪᓕᕐᓗᑎᒃ ᐅᖃᕐᐳᑦ, “ᐅᓇ ᐃᓛᒃ ᒎᑎᐅᑉ ᓱᓕᔪᒥᒃ ᐃᕐᓂᕆᕚ!”

ᓘᑲᓯᐅᑉ ᐊᒡᓚᖏᑦ 23:41

ᐅᕙᒍᒃᓕ ᑍᒫᒃ ᐱᔭᐅᑦᔪᑎᒃᓴᖃᕋᓐᓄᒃ ᐱᓂᐊᕐᕕᐅᕗᒍᒃ ᐱᓂᐊᕐᓂᕆᓚᐅᕐᑕᕗᒃ ᒪᓕᒡᓗᒋᑦ; ᐅᓇᓕ ᐊᖑᑦ ᓈᒻᒪᖏᑦᑐᒥᒃ ᐱᓚᐅᓐᖏᓚᖅ.”

ᓘᑲᓯᐅᑉ ᐊᒡᓚᖏᑦ 23:47

ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᑕᑯᒐᒥ ᐱᓂᐊᕐᓂᐅᔪᒥᒃ, ᒎᑎ ᓂᕐᑐᓕᕐᐹ, ᐅᖃᕐᓗᓂ, “ᐃᓛᒃ ᐊᖑᑦ ᑖᓐᓇ ᓱᓕᓪᓗᓂ ᐸᓯᔭᐅᑦᔪᑎᒃᓴᖃᓚᐅᓐᖏᓚᖅ!”

ᐋᐴᓯᑕᓖᑦ ᐱᓂᐊᕐᓂᖏᑦ 23:29

ᖃᐅᔨᓚᐅᕐᐳᖓ ᔫᑎᑦ ᐱᖁᔭᖏᑦ ᐱᑦᔪᑎᒋᓪᓗᒋᑦ, ᐸᓯᔭᐅᑦᔪᑎᖃᓚᐅᕐᒪᑦ, ᐸᓯᔭᐅᑦᔪᑎᖓᓕ ᖃᐅᔨᓚᐅᕐᐸᕋ ᑐᖁᑕᐅᓂᕐᒧᑦ ᐱᑦᔪᑎᒃᓴᐅᖏᒻᒪᑦ ᑎᒍᔭᐅᓯᒪᓂᕐᒧᓪᓘᓐᓃᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 23:9

ᑖᒃᑯᐊ ᓂᐱᖅᑯᕐᑐᔪᐊᓘᓕᕐᐳᑦ ᐱᖁᔭᓂᒡᓗ ᐃᓕᓮᔩᑦ ᐹᕆᓯᓄᑦ ᐃᓚᒋᔭᐅᔪᑦ ᓇᖏᕐᓯᓪᓗᑎᒃ ᓵᓚᖃᕆᐊᓪᓚᕆᒡᓗᑎᒃ ᐅᖃᕐᐳᑦ, “ᐃᓅᑉ ᑖᑦᓱᒪ ᓈᒻᒪᖏᑦᔪᑎᖓᓂᒃ ᓇᓂᓯᓐᖏᓚᒍᑦ. ᐃᒻᒪᖄᓕ ᐂᖏᓕᒧᑦ ᐊᓂᕐᓂᕐᒧᓪᓘᓐᓃᑦ ᐅᖃᕐᕕᐅᓐᓂᕐᐳᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 25:25

ᑐᖁᑕᐅᑦᔪᑎᒃᓴᖓᓂᒃ ᐱᓂᐊᕐᓂᖓᓂᑦ ᓇᓂᓯᓚᐅᓐᖏᓚᖓ ᓇᖕᒥᓂᖅ ᐊᖓᔪᖅᑳᒻᒪᕆᖕᒧᑦ ᓰᓴᕆᒧᑦ ᐃᖅᑲᕐᑐᕐᑕᐅᔪᒪᖕᒪᑦ ᑍᑦᓱᒧᖓ ᐊᐅᓪᓚᕐᑎᓛᕈᒪᓕᕐᐸᕋ.