ᔨᕆᒤᐊᐅᑉ ᐊᒡᓚᖏᑦ 26:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᔫᑕᒥᐅᓪᓕ ᐊᖓᔪᖅᑳᕆᔭᖏᑦ ᑐᓴᕋᒥᒃ ᑕᒪᒃᑯᓂᖓ ᐊᖓᔪᖅᑳᕐᔪᐊᑉ ᐃᒡᓗᖓᓂᑦ ᐊᓂᕗᑦ ᑐᒃᓯᐊᕐᕕᒃᔪᐊᓕᐊᓕᕐᓗᑎᒃ ᑕᕝᕗᖓᓗ ᑎᑭᓐᓇᒥᒃ ᐃᖏᑉᐳᑦ ᐃᑎᕐᑕᕐᕕᖕᒧᑦ ᓄᑖᒥᒃ ᑍᔭᐅᔪᒧᑦ.

ᔨᕆᒤᐊᐅᑉ ᐊᒡᓚᖏᑦ 26:10 Iomraidhean Croise

ᐊᑕᓃᑦ ᐂᑉᐸᖏᑦ 15:35

ᑭᓯᐊᓂ ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᓐᖏᓔᑦ; ᐃᓄᐃᓪᓗ ᒎᑎᓐᖑᐊᓄᑦ ᑐᓂᕐᕈᓯᖃᑦᑕᓚᐅᕐᐳᑦ ᐴᔫᕐᑎᑦᓯᕙᒡᓗᑎᒡᓗ. ᔫᑕᒥᐅᓪᓕ ᐊᑕᓂᐅᑉ ᐃᒡᓗᖓᑕ ᐅᓐᓄᐊᓪᓗᐊᖓᑕ ᓇᓛᓃᑦᑐᖅ ᐃᑎᕐᑕᕐᕕᒃ ᓴᓇᔭᐅᑎᓚᐅᕐᐹ.

ᑯᕉᓂᑲ ᐂᑉᐸᖏᑦ 27:3

ᔫᑕᒻ ᐃᑎᕐᑕᕐᕕᖕᒥᒃ ᐳᕐᑐᓂᕐᓴᒥᒃ ᓴᓇᓚᐅᕐᐳᖅ ᐊᑕᓂᐅᑉ ᐃᒡᓗᖓᓂ, ᐊᕙᓗᕐᔪᐊᒥᒡᓗ ᐊᑯᓂ ᓴᓇᓚᐅᕐᐳᖅ ᐅᐱᐅᓕᒥᒃ ᐊᑎᓕᖕᒥᒃ.

ᔨᕆᒤᐊᐅᑉ ᐊᒡᓚᖏᑦ 20:2

ᑕᕝᕙ ᐸᓱᕼᐅᕆᐅᑉ ᔨᕆᒤᐊ ᐋᓐᓂᕐᓯᕐᑕᐅᑎᑉᐹ, ᐊᑦᓱᖏᕐᑕᐅᑎᓪᓗᒍᓗ ᐊᕐᓵᕐᑑᔭᓄᑦ, ᐃᑎᕐᑕᕐᕕᐅᑉ ᐱᓐᔭᒥᓂᒥᒃ ᑍᔭᐅᔫᑉ ᓴᓂᐊᓄᐊᕐᑕᐅᑎᑉᐹ ᖁᕝᕙᓯᖕᓂᕐᓴᒧᑦ ᐊᑕᓂᐅᑉ ᐃᒡᓗᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 26:21

ᐊᖓᔪᖅᑳᕐᔪᐊᑉ ᔨᕼᐅᐃᐊᑭᒻ ᐅᓇᑕᕐᑎᖁᑎᖏᑕ ᐊᖓᔪᖅᑳᖁᑎᖏᑕᓗ ᑕᒪᓐᓇ ᑐᓴᕋᒥᑦᔪᒃ ᔪᕅᐊᐅᑉ ᐅᖃᐅᓯᖏᑦ, ᐊᖓᔪᖅᑳᕐᔪᐊᑉ ᑐᖁᑕᐅᑎᓐᓇᓱᐊᓚᐅᕐᐹ, ᔪᕅᐊᓕ ᑐᖁᑕᐅᓇᓱᐊᕐᓂᕐᒥᓂᒃ ᑐᓴᕋᒥ ᑲᑉᐱᐊᓱᒡᓗᓂ ᕿᒫᓚᐅᕐᐳᖅ ᐄᑦᔨᑉᑎᒧᑦ.

ᔨᕆᒤᐊᐅᑉ ᐊᒡᓚᖏᑦ 26:24

ᑭᓯᐊᓂᓕ ᐊᕼᐂᑲᒻ ᓴᕙᓂᐅᑉ ᐃᕐᓂᖓᑕ ᔨᕆᒤᐊ ᐃᑲᔪᕐᑐᕐᒪᒍ ᐃᓄᖕᓄᑦ ᑐᖁᑕᐅᓚᐅᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 34:10

ᐊᖓᔪᖅᑳᓕᒫᑦ ᐃᓄᐃᓪᓗ ᐊᖏᖃᑎᒌᒍᑎᓕᐅᓚᐅᕐᐳᑦ ᑎᒍᓯᒪᓪᓗᒋᑦ ᓯᐊᓛᒥᖕᓂᒃ ᐊᖑᑎᓂᒃ ᐊᕐᓇᓂᒡᓗ ᐃᓱᒪᕐᓱᓕᕐᑎᑦᓯᖁᓪᓗᒋᑦ, ᓯᐊᓛᖑᒃᑲᓐᓂᖁᓇᒋᑦ, ᓈᓚᒡᓗᑎᒃ ᓯᐊᓛᑎᒃ ᓴᒃᑯᓚᐅᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 34:19

ᓲᕐᓗᑦᑕᐅᖅ ᔨᕉᓴᓕᒥᐅᑦ ᔫᑕᒥᐅᓪᓗ ᓯᕗᓕᕐᑎᖏᑦ, ᑐᓂᕐᕈᓯᕐᑎᑦᓯᔨᖏᓪᓗ, ᐃᓄᐃᓪᓗ ᐃᒻᒧᒃᓯᐅᒐᐅᑉ ᓄᕐᕋᖓ ᒪᕐᕉᓕᓪᓗᒍ ᐊᕕᒃᑐᕋᒥᑦᔪᒃ ᐊᑯᓐᓂᖓᒍᑦ ᐱᓱᓚᐅᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 36:10

ᐃᓄᐃᓪᓗ ᑐᓵᑎᓪᓗᒋᑦ, ᐸᕉᒃ ᐅᖃᓕᒫᓚᐅᕐᐳᖅ ᐊᑕᓂᐅᑉ ᐃᒡᓗᖓᓂ ᐊᒡᓚᖕᓂᑦ ᐃᒧᑦᑕᕐᑐᓂᑦ ᔨᕆᒤᐊᐅᑉ ᐅᖃᐅᓯᕆᓚᐅᕐᑕᖏᓐᓂᒃ, ᔭᒪᕅᐊᐅᑉ ᐃᒡᓗᕈᓯᖃᕐᕕᒋᔭᖓᓂᑦ ᓴᕙᓂᐅᑉ ᐃᕐᓂᖓᑕ ᐃᖅᑲᕐᑐᐃᔨᐅᔫᑉ ᑎᑎᕋᕐᑎᖓ, ᐃᒡᓗᕈᓯᖓ ᐃᓂᖃᓚᐅᕐᒪᑦ ᑐᒃᓯᐊᕐᕕᒃᔪᐊᒥ ᐃᑎᕐᑕᕐᕕᖕᒥᒃ ᓄᑖᒥᒃ ᑍᔭᐅᔫᑉ ᖁᓛᓂ.

ᔨᕆᒤᐊᐅᑉ ᐊᒡᓚᖏᑦ 36:25

ᐃᐅᓪᓇᓴᓂᐅᓪᓕ, ᑎᓔᐊᐅᓪᓗ ᒐᒧᕅᐊᓪᓗ ᐊᖓᔪᖅᑳᕐᔪᐊᖅ ᐅᖃᐅᑎᒐᓗᐊᕐᐹᑦ ᐊᒡᓚᖕᓂᒃ ᐃᒧᑦᑕᕐᑐᓂᒃ ᐃᑯᐊᓪᓔᖁᓇᒍ, ᓈᓚᓚᐅᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 22:27

ᐊᖓᔪᖅᑳᖁᑎᖏᑦ ᐊᒪᕈᕐᑎᑐᑦ ᐆᒪᔪᕐᑕᒥᖕᓂᒃ ᐊᓕᒃᑐᐃᔪᑎᑐᑦ ᑍᒤᑉᐳᑦ, ᐃᓄᐊᖃᑦᑕᕐᐳᑦ, ᓈᒻᒪᓈᖏᑦᑐᒃᑯᑦ ᐊᒃᓗᐃᓕᓇᓱᐊᕐᐳᑦ ᑐᖁᑦᓯᕙᒃᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 22:6

ᑕᑯᒋᑦ, ᐃᓴᕆᐊᓕᓄᑦ ᐊᖓᔪᖅᑳᖑᔪᑦ, ᐱᔪᓐᓇᕐᓂᕐᒥᖕᓂᒃ ᐊᑐᓂᑦ ᐊᑐᕐᓗᑎᒃ, ᐃᓄᐊᖃᑦᑕᕐᓯᒪᕗᑦ.